Պանամայի Mossack Fonseca ֆիրման օգնել է ստեղծելու 240 000 կեղծ ընկերություն. WSJ
Պանամայի Mossack Fonseca իրավաբանական ֆիրման, որի աշխատանքի մասին ապրիլի 3-ին տեղեկատվություն հրապարակեց Լրագրողական հետաքննությունների միջազգային կոնսորցիումը (ICIJ), օգնել է ստեղծելու 240 հազար ֆիկտիվ «մեկօրյա ընկերություններ»: Այս մասին հայտնել է Wall Street Journal (WSJ) թերթը:
«Այդ ընկերությունը գաղտնի իրավաբանական ֆիրմայի համբավ ունի, որն, ինչպես պարզվել է, լավագույնն է նման գործարարության՝ կեղծ ֆիրմաների ցանցի ստեղծման բնագավառում: Mossack Fonseca-ի սեփական հաշվարկներով՝ նրան հաջողվել է շուրջ 240 հազար նման կառույցներ հիմնել ամբողջ աշխարհում»,- ասված է հոդվածում:
Ինչպես գրել է Wall Street Journal-ը, «Պանամական փաստաթղթերի» նկատմամբ աձագանքը բուն Պանամայում երկակի է: Մի կողմից, երկրի գլխավոր դատախազը խոստացել է հետաքննել Mossack Fonseca-ի աշխատանքը, մյուս կողմից՝ առաջատար իրավաբանները եւ բանկիրները դիմել են լատինամերիկյան պետության իշխանություններին՝ հայտարարելով, թե ներկայիս սկանդալը փորձ է «փչացնելու Պանամայի՝ որպես օֆշորային բանկային եւ ֆինանսական ծառայությունների կենտրոնի վարկը», հաղորդել է ՏԱՍՍ-ը:
