168. am-ի հետ զրույցում ՀՀ վարչապետ Հովիկ Աբրահամյանի խոսնակ Գոհար Պողոսյանն անդրադառնալով հրապարակումնեMրին՝ նշեց, որ այս պահի դրությամբ՝ ծրագրերում որևէ փոփոխություն չկա:
ՀՀ քննչական կոմիտեի Լոռու մարզային քննչական վարչությունում ավարտվել է երրորդ դասարանի աշակերտուհուն դպրոցում կողոպտելու փորձ կատարելու դեպքի առթիվ հարուցված քրեական գործի նախաքննությունը:
Եվրոպական դիվանագիտության ղեկավար Ֆեդերիկա Մոգերինին Հայաստանի արտգործնախարար Էլմար Մամեդյարովի և Ադրբեջանի արտգործնախարար Էլմար Մամեդյարովի հետ հեռախոսազրույցներում կոչ է արել անհապաղ նվազեցնել լարվածությունը Լեռնային Ղարաբաղում և խստորեն հետևել կրակի դադարեցման մասին պայմանավորվածությանը: Այս մասին ասվում է ԵՄ-ի արտաքին քաղաքական ծառայության կոմյունիկեում:
Ինչպես հայտնել են РБК-ին ՌԴ կառավարությունում իր երկու աղբյուրները, Մեդվեդևի ուղևորությունը Երևան չեղյալ է հայտարարվել, թեև նրա այցը նախապատրաստող խումբն արդեն Հայաստան էր ուղարկվել:
Քիչ առաջ Ազգային ժողովում մեկնարկեց պատգամավորների փակ խորհրդակցությունը` պաշտպանության փոխնախարար Դավիթ Տոնոյանի և ԱԳ փոխնախարար Շավարշ Քոչարյանի մասնակցությամբ: Լրագրողների հարցին` ի վերջո հրադադար կա՞, Դ.Տոնոյանը պատասխանեց, որ Արցախում հրադադարի ռեժիմ սահմանված չէ, կան պայմանավորվածություններ`հրադադարը պահպանելու վերաբերյալ:
«ժամը 12:00-ից հետո ևս շփման գծի որոշ հատվածներում հակառակորդը խախտում է հրադադարը, իհարկե ոչ այն ինտենսիվությամբ, ինչպես նախորդ օրերին: Պաշտպանական բանակը հավատարիմ է մնում կրակի դադարեցման պայմանավորվածությանը և պատասխան քայլեր չի ձեռնարկում»,- ասաց Հասրաթյանը: Նրա տեղեկացմամբ` հակառակորդը հրադադարը խախտում է ականանետերից, հրանոթներից և այլ զինատեսակներից:
Դավիթ Տոնոյանը նշել է, որ լայնամասշտաբ ռազմական ագրեսիայի խոսուն ապացույցը հայկական կողմում Ադրբեջանի զինված ուժերի բազմաթիվ զինծառայողների դիակների և խոցված տեխնիկայի առկայությունն է:
ԵԱՀԿ Մինսկի խմբի ռուս և ֆրանսիացի համանախագահներ Իգոր Պոպովը և Պիեր Անդրյուն տարածաշրջան կուղևորվեն ապրիլի 5-ից: ԵԱՀԿ մամուլի ծառայությունից տեղեկացնում են, որ Լեռնային Ղարաբաղ այցելելու մասին հարցը դեռևս ճշտվում է:
Ադրբեջանական կողմը կրակում է, բայց ոչ նախկին ինտենսիվությամբ: Այս մասին Panorama.am-ին հայտնեց ԼՂՀ Պաշտպանության բանակի մամուլի քարտուղար Սենոր Հասրաթյանը:
Դիվանագիտական դաշտում մենք պիտի հասնենք նրան, որ հեռու ու մոտ պետություններն ու միջազգային կառույցները՝ մեծից-փոքր, վերջ տան պարիտետային հայտարարություններին, ամոթ է, աշխարհը ծիծաղում է նրանց անիմաստ ու անհետևանք ջանքերի վրա։ Պիտի ի վերջո հասնենք կարեւոր պահանջի, այն է՝ հրադադարի խախտման հետաքննությունների միջազգային մեխանիզմի շուտափույթ ներդրմանը:
Նրա համոզմամբ՝ Արևմուտքի պասիվությունը կհանգեցնի նրան, որ ողջ Հարավային Կովկասը կհայտնվի կայսերապաշտական Ռուսաստանի ազդեցության տակ: Խոսելով պաշտոնական Թբիլիսիի առաջարկի մասին` բանակցություններ ծավալել Թբիլիսիում, Վասաձեն ասաց, որ այդ առաջարկը տեղին էր, քանի որ հակամարտության դադարեցմամբ ամենահետաքրքրված կողմը Վրաստանն է:
«Եթե ինչ-որ մեկը ցանկանա հիմա բանակցություններ վարել Նեյմարի հետ, ապա մենք նրան դա թույլ չենք տա: Նեյմարը կշարունակի խաղալ «Բարսելոնայում»»,- Բարտոմեուի խոսքերն է մեջբերում AS-ը:
Այսօր ԱԺ հայտարարությունների ժամին ՀՀԿ-ական պատգամավոր Տաճատ Վարդապետյանը նշեց, որ չի ուզում անդրադառնալ Ադրբեջանում քաղաքական ճգնաժամին, կոռուպցիայի հսկայածավալ իրողություններին, որ «պուճուր խանը» օֆշորային սկանդալների մեջ է Պանամայում:
Մարտակերտի բնակիչները նշում են, որ ըստ ամենայնի՝ զինադադարի ժամկետն ավարտվեց. նրանց տեղեկություններով՝ զինադադարը մինչ 17:00-ն էր տևելու։
Լեռնային Ղարաբաղի հակամարտության գոտում ստեղծված աննախադեպ դրության հետ կապված ՀՀ նախագահ Սերժ Սարգսյանի օրակարգում փոփոխություններ տեղի չեն ունեցել: Նա վաղը կմեկնի Գերմանիայի Դաշնություն: Այս մասին 168.am-ի հետ զրույցում ասաց ՀՀ նախագահի մամլո խոսնակ Վլադիմիր Հակոբյանը:
Վերջին օրերի զարգացումները ղարաբաղա-ադրբեջանական սահմանին եւս մեկ անգամ ապացուցեցին հանրահայտ ճշմարտությունը. անհնար է պարտության մատնել մի ազգի, որը չի ուզում պարտվել:
ԵԱՀԿ Մինսկի խումբը ներկայում Ավստրիայի մայրաքաղաք Վիեննայում սկսել է իր նիստը, որտեղ քննարկվում են Լեռնային Ղարաբաղում ստեղծված իրավիճակն ու լարվածության սրացումից դուրս գալու ուղիները:
«ԱԺ ամբիոնից հնչող դատապարտող հայտարարությունները ազդեցություն չեն ունենում ավտորիտար ռեժիմների ռազմական նկրտումների և միջազգային հանրութան վրա, որը Ադրբեջանի կողմից պատերազմական յուրաքանչյուր գործողությունից հետո իսկույն հավասարության նշան է դնում և կողմերին կոչ է անում դադարեցնել բախումները` զերծ մնալով արդարացի գնահատականներից»,- այս մասին այսօր ԱԺ հայտարարությունների ժամին ասաց «Ժառանգություն» խմբակցության պատգամավոր Զարուհի Փոստանջյանը:
Երևանի Սուրբ Հովհաննես եկեղեցում տեղի է ունենում զոհված զինծառայող Արմենակ Ուրֆանյանի հոգեհանգստի արարողությունը: Արարողությանը ներկա են թե զինծառայողի հարազատներն ու ընկերները, թե պաշտոնյաներ ու քաղաքացիներ:
Լեռնային Ղարաբաղում իրավիճակի սրացումը կարող է խոշոր հակամարտության հանգեցնել Կովկասում։
Մենք ԵԱՀԿ Մինսկի խմբի երկրներս (Ռուսաստանի Դաշնություն, ԱՄՆ, Ֆրանսիա, Բելառուս, Ֆինլանդիա, Գերմանիա, Իտալիա, Շվեդիա, Թուրքիա), ինչպես նաև ԵԱՀԿ-ում 2017թ. նախագահող երկիր Ավստրիան և 2015թ. նախագահող Սերբիան խստորեն դատապարտում են շփման գծում աննախադեպ բռնությունների բռնկումը: Ցավակցություններ ենք հայտնում բոլոր տուժած ընտանիքներին: Մենք կոչ ենք անում կողմերին անմիջապես դադարեցնել ուժի կիրառումը: Այս հակամարտությունը չունի ռազմական լուծում:
Նա նշեց, որ ԼՂ-ի մի խումբ քաղաքացիների անունից այս ամբիոնից փոխանցում է իրենց կսկիծի ու երախտիքի, սիրո խոսքերը` Սյունիքի, Տավուշի, Գեղարքունիքի, Վայոց ձորի, Արարատի, Արմավիրի, Շիրակի, Լոռիի, Կոտայքի, Արագածոտնի մարզերի և Երևանի հայրերին ու մայրերին, ուսուցիչներին ու մարզիչներին, որ նրանք այդպիսի քաղաքացիներ, զինվորներ ու մարտիկներ են դաստիարակել:
«Պատերազմը ցույց տվեց, որ այն նման չէր 25 տարի առաջվա պատերազմին, որտեղ կար 3 էլեմենտ` հրետանի, տանկ, հրաձգային զենք: Մենք ունեինք հրթիռակոծության պատերազմ: Մենք լավատեղյակ ենք Ադրբեջանի պաշարներից, որ նա կուտակել է սարսափելի քանակի ու ոչ մարդկային զինատեսակներ»,- այսօր ԱԺ հայտարարությունների ժամին ասաց պատգամավոր Հրանտ Բագրատյանը: «Դուք ուզում եք մի հատ էլ մեզ ջարդե՞ն, բա որ «պռառիվացա» լինեին: Հաջորդ գրոհին պետք է կերակրենք ստրոնցիումի ճաշով: Եվ մենք այս հնարավորությունն ունենք»:
Ինչպես հայտնում է ադրբեջանական APA գործակալությունը, Ադրբեջանի արտգործնախարար Էլմար Մամեդյարովը հեռախոսազրույց է ունեցել ԵՄ դիվանագիտության ղեկավար Ֆեդերիկա Մոգերինիի հետ:
«Սա պարտադրված պատերազմ է, մենք գիտենք, որ Ադրբեջանը, արդեն երկու տարի է, պարբերաբար խախտում է և փորձեր է կատարում ահի մթնոլորտ ստեղծել»:
Լեռնային Ղարաբաղը պատրաստ է Բաքվի հետ կառուցողական բանակցությունների ու գնալ ընդունելի փոխզիջումների, երբ պաշտոնապես ճանաչվի Ադրբեջանի կողմից: Ինչպես հայտնում է Interfax-ը, այս մասին հայտնում է Մոսկվայում ԼՂՀ-ի պաշտոնական ներկայացուցիչ Ալբերտ Անդրյանը:
Շարմազանովը հավելեց, որ բոլորն են տեսել, թե ինչպես էին 1930-ական թվականներին քաղաքակիրթ Եվրոպան, ինչո՞ւ չէ, նաև Խորհրդային միությունը, «սիլի-բիլի» անում Ադոլֆ Հիտլերի հետ, մինչև որ Հիտլերը չսկսեց Երկրորդ աշխարահամարտը։ «Հիմա կան պետություններ, ովքեր «սիլի-բիլի» են անում Թուրքիայի հետ, Ադրբեջանի հետ, և մենք տեսնում ենք, որ թե՛ Թուրքիան, թե՛ Ադրբեջանը լուրջ սպառնալիք են հանդիսանում մեր տարածաշրջանի համար»,-ասաց Շարմազանովը:
Հակամարտ զորքերի շփման գծում ապրիլի 5-ի առավոտյան ոչնչացված ադրբեջանական հերթական անօդաչու թռչող սարքը:
Ապրիլի 5-ին ՀՀ պաշտպանության նախարար Սեյրան Օհանյանն այցելել է ՊՆ Կենտրոնական կլինիկական զինվորական հոսպիտալ:
Գերմանիայի արտգործնախարար Ֆրանկ-Վալտեր Շտայնմայերը հայտարարել է, թե հավատում է, որ Ռուսաստանն ունակ է Լեռնային Ղարաբաղում կայունացնել իրավիճակը։ Այս մասին հայտնում է Reuters գործակալությունը։
