Հանրապետությունում 2013թ. ապրիլից մինչև 2014թ. նոյեմբեր «Սուրվանտա» դեղի կիրառման շնորհիվ փրկվել է վաղածին 135 երեխայի կյանք:
Այսօր տեղի ունեցավ իրավապաշտպան, Իրավունքի և ազատության կենտրոն հ/կ նախագահ Վարդան Հարությունյանի «Այլախոհությունը Խորհրդային Հայաստանում» գրքի շնորհանդեսը: 168.am-ի հետ զրույցում Վ. Հարությունյանը նշեց, որ գրքի նպատակն այն էր, որ մեր այսօրվա ընթերցողը, հատկապես՝ երիտասարդները, ծանոթանան իրենց ծնողների պատմությանը.
«Որպես Մինսկի խմբի համանախագահ երկիր, Ֆրանսիան, հումանիտար տեսանկյունից, ցանկանում է, որպեսզի Հայաստանին հանձնվեն կործանված ուղղաթիռի երեք օդաչուների աճյունները: Ֆրանսիան ամեն ինչ կանի այդ վերադարձը հնարավոր դարձնելու համար» :
«Անկեղծ ասած, «Ժառանգության» մասով մի փոքր դժվար է կողմնորոշվել, որովհետև ամեն մեկը մի բան է ասում: Տվյալ դեպքում, ես չեմ կարծում, որ այդ կարծիքը կիսում է Ռուբիկ Հակոբյանը՝ խմբակցության ղեկավարը, որովհետև գիտեմ նրա տրամադրությունները: Դ մի բանի մասին է խոսում, որ «Ժառանգության» կուսակցության ներսում ամեն ինչ նորմալ չէ ու ամեն ինչ չի քննարկվում հետո ներկայացվում, բայց կարծում եմ՝ դա ևս հաղթահարելի է: Ես կարծում եմ՝ պրոցեսն արդյունավետ առաջ տանելու և հասնելու ժողովրդի կողմից ցանկալի իշխանափոխությանը միայն մեկ ճանապարհ կա՝ համախմբում և համատեղում մեր բոլորի ջանքերն ու մարտավարական գործիքները: Ես կարծում եմ՝ մենք դրան կհասնենք»:
«Ես չեմ կարծում, որ Իլհամ Ալիևը հանձնարարական էր տվել այնտեղ պտտվող ուղղաթիռներից որևէ մեկը խոցել: Եվ երկրորդը, ես համարում եմ, որ պատահականություն է, որ մեր ուղղաթիռն այդքան մոտեցել է սահմանին: Երևի մերոնք էլ շեղվել են, ինչ-որ բան ճշգրիտ չեն որոշել և այլն»,- ասում է Աշոտ Մանուչարյանը:
Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում այսօր սկսվեց մայիսի 17-ին Վարդանանց փողոցում՝ Վերնիսաժի մոտ հնչած կրակոցների գործի քննությունը: Դատական նիստը սկսվեց ուշացումով. նախագահող դատավորն ասաց, որ դատական նիստը ուշացումով է սկսվում, քանի որ ամբաստանյալ Վալերիկ Հովհաննիսյանի համար շտապօգնություն է հրավիրվել:
Հայաստանում ոսկեգործության ոլորտի նոր գործարան կհիմնվի: Այս մասին այսօր ՀՀ էկոնոմիկայի նախարարությունում կազմակերպված ոսկեգործության, ադամանդագործության և ժամագործության ոլորտների խնդիրներին նվիրված քննարկման ժամանակ տեղեկացրեց նախարար Կարեն Ճշմարիտյանը:
Նյարդային համակարգի օգնությամբ ուղեղը վերահսկում է մեր օրգանիզմի մի շարք ֆունկցիաներ: Հատկապես, երբ հատում ենք 30-ի սահմանագիծը, ամեն օր մեր օրգանիզմում մեռնում է մոտ 1000 նեյրոն, ինչն աստիճանաբար հանգեցնում է ուղեղի դանդաղ մահվան. տուժում է մանավանդ մեր հիշողությունը:
«Քրեական օրենսգրքով արդեն իսկ սահմանված է արտահոսքի հետ կապված պատասխանատվություն կիբերհանցագործությունների դեպքում, եթե դա եղել է հաքերության հետևանքով: Ես փորձեցի գտնել՝ արդյոք հայտնի՞ է աղբյուրը, որից արտահոսք է եղել, եկա եզրահանգման, որ աղբյուրը հայտնի չէ: Հետևաբար՝ այնքան խառնաշփոթային իրավիճակ է, որ անգամ պարզ չի դառնում, թե որտեղից է եղել արտահոսքը, որպեսզի համապատասխան մարմինը պատասխանատվության ենթարկվի: Այս նախագիծը կօգնի ավելի մանրամասն կարգավորել, պարզ կդառնա, թե որ մարմինն ինչ տեղեկատվություն ունի»,- ասում է ՀՀ Մարդու իրավունքների պաշտպանի իրավական վերլուծության վարչության պետ Լուսինե Սարգսյանը:
Լուսանկարիչ Գերման Ավագյանը լուսանկարելուց առաջ աշխատում է խորասուզվել մարդկային ճակատագրերի ու իրադրության մեջ այնքան, որքան թույլ է տալիս իրավիճակն ու իր ներքին զգայական համակարգը: Երկար զրուցում է մարդու հետ, ընկերանում, հարցեր տալիս և, ամենակարևորը, լսում է: Լսածն ու վերապրածը դառնում են շրջանակված մի ակնթարթ, որի հետևում միշտ պատմություն է: Ի վերջո, լուսանկարչի պրոֆեսիոնալիզմը հենց պատմություն […]
Նոյեմբերի 22-ին մեկնարկում է ՀՀ ֆուտզալի 2014/2015 թթ. առաջնությունը: ՀՖՖ պաշտոնական կայքի հետ զրույցում ՀՖՖ ֆուտզալի և կանանց ֆուտբոլի բաժանմունքի պետ Էդուարդ Միքայելյանը խոսեց առաջնության անցկացման հետ կապված մանրամասների վերաբերյալ:
«Բաղդասարյանը և Զարիկյանցն ընդդեմ Հայաստանի» գործով դիմումատուները ՀՀ կառավարությունից պահանջել են 300.000 եվրո գումար, սակայն Եվրոդատարանը դիմումատուների հայցը բավարարել է՝ սահմանելով 44.000 եվրո փոխհատուցում:
Բորսայական նախորդ նստաշրջանի համեմատ դոլարը թանկացել է 0.53 %-ով կամ 2.5 դրամով։
2014 թվականի նոյեմբերի 13-ին Մարդու իրավունքների եվրոպական դատարանը վճիռ է կայացրել «Ղարիբյանը և մյուսներն ընդդեմ Հայաստանի» գործով: «Ղարիբյանը և այլոք ընդդեմ Հայաստանի» գործով դիմումատուները ՀՀ կառավարությունից պահանջել են մոտ 300.000 եվրո գումար: Եվրոդատարանը դիմումատուների հայցը բավարարել է՝ սահմանելով 52.000 եվրո փոխհատուցում: Կից տեղեկանքը՝ այստեղ:
Ֆիլմը պատմում է ԱՄՆ-ից Հայաստան վերադարձած պլաստիկ վիրաբույժ Արսենի մասին (Սոս Ջանիբեկյան), ով անկախ իր կամքից հայտնվում է իրեն «բռնել» փորձող երեք կերպարի ձեռքում: Ժիրայր Տարունցը (Հովհաննես Ազոյան) ընկած է նրա հետեւից, որպեսզի համոզի իր «ընկերոջ» համար անօրինական պլաստիկ վիրահատություն կատարել, լրագրողուհի Տաթեւը (Թամարա Պետրոսյան) Արսենին հետևում է՝ հոդված պատրաստելու նպատակով, իսկ ԱՄՆ գործակալ Ժասմինը (Սաթի Ջանիբեկյան) հասարակ աղջկա կերպարով վերահսկում է Արսենին, որպեսզի նա ոչ մի անօրինական քայլ չկատարի:
«Քաղաքացիական պայմանագրի» կառավարման խորհրդի անդամ Արայիկ Հարությունյանը նկատեց, որ մեր հասարակությունը բավականին տարբերվում է Ղազախստանի, Բելառուսի և Ռուսաստանի հասարակություններից. «Ես ուզում եմ՝ որքան հնարավոր է շուտ մենք մտնենք Մաքսային միություն, և մեր հասարակությունը հենց այդ տարբերությունները բավականին արագ տեսնի: Ինչ վերաբերում է Ոստիկանությանը, որոշակի վատթարացում եմ ես այս առումով կանխատեսում, որովհետև, եթե նախկինում, նույն Ասոցացման պայմանագրի հետ կապված, թեկուզ ձևական տեսակետից, Ոստիկանությունը, իրավապահ մարմինները որոշակի առումով իրենց սաստում էին, որովհետև գտնվում էին Եվրոպական ժողովրդավարական ինստիտուտների մանրադիտակի տակ և որոշակի գրանտներ էին ստանում, հիմա, այս առումով, ես կարծում եմ` վատթարացում միանշանակ լինելու է»:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 18.04.2014թ. կայացրած և օրինական ուժի մեջ մտած վճռի համաձայն, «Հին Էրիվան հոլդինգ» ՍՊԸ-ի սեփականատեր Մանվել Տեր-Առաքելյանը պարտավորեցվել է հերքել «Յունիբանկ» ՓԲԸ-ի գործունեության վերաբերյալ իր հարցազրույցում հրապարակված զրպարտչական տեղեկությունները: «Յունիբանկ» ՓԲԸ-ն դեռևս 2011թ.-ի հուլիսի 14-ին հայցադիմում էր ներկայացրել դատարան` պահանջելով պատասխանատվության ենթարկել Մանվել Տեր-Առաքելյանին` բանկի վերաբերյալ ստահոդ տեղեկություններ տարածելու և զրպարտության համար:
«Սահմանամերձ գյուղերի մասին օրենքը երկարարեց երեք ամիս, որովհետև ասում եմ՝ վեց խմբակցություններով դիմել ենք, գնանք համատեղ քննարկելու, մարդիկ չեկան: Բայց մենք համատեղ քննարկեցինք և հասանք արդյունքի: Նրանք չեն ուզում աշխատել, նրանք ուզում են աշխատեցնել և դրանով հեղինակություն վայելել: Սա է»,- ասաց Գ.Սահակյանը:
Այսօր խորհրդարանում ՀՀ ԱԺ նախագահ Գալուստ Սահակյանի և Կիպրոսի Հանրապետության Ներկայացուցիչների պալատի նախագահ Յանակիս Օմիրուի համատեղ մամուլի ասուլիսի ժամանակ պարոն Օմիրուն հրաժարվեց պատասխանել Կիպրոսի և ՀՀ նախկին վարչապետ Տիգրան Սարգսյանի անվան հետ կապված օֆշորային սկանդալի հետ կապված հարցին՝ նշելով, որ տեղյակ չէ և այդ իսկ պատճառով չի կարող պատասխանել: «Ձեր կարծիքով՝ բոլորը մեր ցավերո՞վ են տառապում: Արժանապատիվ հարցեր տվեք»,- կոչ արեց Գ.Սահակյանը:
«Քաղաքական մշակույթում, ցավոք սրտի, չի արմատավորվում այն գործելաոճը, որ համատեղ աշխատանքը չդիտարկվի քաղաքական դիրքորոշման հետ կապված հետընթաց: Որոշ քաղաքական ուժեր բարդույթավորված են և այդ բարդույթները թույլ չեն տալիս համատեղ աշխատել»,- այսօր լրագրողների հետ զրույցում ասաց ՀՀԿ խորհրդի անդամ, ԿԳՆ նախարար Արմեն Աշոտյանը:
«Մենք այսօր մեր ջանքերը ուղղել ենք դիվանագիտական ճանապարհով հարցը լուծելու համար, որովհետև կարծում ենք, որ մեր հարևանները կհասկանան, որ, ի վերջո, միջազգային մարդասիրական նորմերի կանոնների համաձայն՝ պետք է թույլատրվի թեկուզ ուղղաթիռի ընկած վայրի կամ եթե թեկուզ մարտական գործողությունների վայր էլ լինի, գործողություններից հետո այդ վայրի ուսումնասիրումը և այնտեղ մնացած աճյունների ուսումնասիրումը և տեղափոխումը: Այլ տարբերակները ուժի մեջ միշտ էլ կան, բայց առայժմ մեր ջանքերն ուղղված են դիվանագիտկական ճանապարհով հարցի լուծման»,- այսօր լրագրողների հետ զրույցում ասաց ՀՀ պաշտպանության նախարար Սեյրան Օհանյանը՝ անդրադառնալով ադրբեջանական կողմից հայկական Մի-24 ուղղաթիռի խոցմանը:
Որքանո՞վ ադեկվատ արձագանքեցին հայկական լրատվամիջոցները Լեռնային Ղարաբաղում ուղղաթիռի խոցման պատահարին: Այս հարցը «Մեդիա կենտրոնում» քննարկեցին փորձագետները: Մասնագետներն ասում են, որ այս անգամ լրատվամիջոցներն ավելի պրոֆեսիոնալ էին լուսաբանում պատահարը, թեև սենսացիոնիզմի, բուլվարային լրագրության դեպքեր կրկին եղել են:
Կառավարության նախագծերի այս տապալումն ընդունվեց ծափերով: «Երբեմն պետք է առիթ տամ, որ ծափեր էլ լինեն»,- փորձեց կատակել ԱԺ նախագահ Գալուստ Սահակյանը:
Այսօր առավոտյան ՀԱՕԿ-ի գլխավոր քարտուղար Հրաչյա Ռոստոմյանն ու վարչության պետ Վաղինակ Գալստյանը մեկնել են Թբիլիսի, որտեղից կուղեւորվեն Բաքու քննարկելու 2015 թվականին կայանալիք Եվրոպական խաղերին Հայաստանի մասնակցության հարցը:
«Նաիրիտ» գործարանի աշխատակիցների արդեն մոտ 2 տարվա կուտակված պարտքը վճարելու մասին ոչ մի նորություն չկա: Նորություն չկա նաև էներգետիկայի նախարարության խոստացած վերագործարկման մասին առաջարկությունների փաթեթից: Գործարանի մամուլի ծառայության ղեկավար Անուշ Հարությունյանը 168.am-ի հետ զրույցում հերքեց տարածված լուրերը, թե գործարանի ներկայիս ղեկավար Ռուբեն Սաղաթելյանը նախարարի անունից խոստացել է աշխատավարձի պարտքը մարել մինչև այս տարվա նոյեմբերի 20-ը:
«Մոսկվայի համար Հայաստանի և Ադրբեջանի միջև խնդիրը հակամարտություն է յուրայինների միջև»,- 168.am-ի հետ զրույցում այսպիսի ուշագրավ կարծիք հայտնեց Ռուսաստանի Գիտությունների ակադեմիայի Էկոնոմիկայի ինստիտուտի գիտաշխատող Ալեքսանդր Կարավաևը` խոսելով ղարաբաղյան հակամարտության գոտում հայտնի միջադեպից հետո ստեղծված իրավիճակի մասին:
«Եռյակը զբաղեցնում է ժողովրդին մինչև հաջորդ խորհրդարանական ընտրություններ: Իշխանության համար սա իդեալական վիճակ է. կա իշխանություն, և կա նրա դեմ պայքարի իմիտացիա անող եռյակ. և նրանք շահագրգռված են այս վիճակը ձգել մինչև հաջորդ խորհրդարանական և նախագահական ընտրություններ: Եվ իշխանությունների համար ցանկալի է, որ հերթական ընտրությունների ժամանակ իրենց դեմ հանդես գա այս մաշված և անորոշությունների մեջ խարխափող քաղաքական ուժերի դաշինքը»,- մեզ հետ զրույցում ասել է Անդրանիկ Քոչարյանը:
Համաշխարհային բանկը 75մլն ԱՄՆ դոլարին համարժեք բյուջետային վարկ կտրամադրի Հայաստանի Հանրապետությանը: Այդ նպատակով նոյեմբերի 19-ին ֆինանսների նախարար Գագիկ Խաչատրյանը և ՀԲ հայաստանյան գրասենյակի տնօրեն Լաուրա Բեյլին ստորագրել են «Հայաստանի Հանրապետության ու Վերակառուցման և զարգացման միջազգային բանկի միջև «Զարգացման քաղաքականության երկրորդ վարկ» վարկային համաձայնագիրը:
«Մեր ուսումնասիրությունները մեզ թույլ են տալիս բարձրաձայն և պաշտոնապես հայտարարել, որ վերջին 40 տարիների ընթացքում Գեղագիտության ազգային կենտրոնում ստեղծված դպրոցն այսօր հավասարը չունի աշխարհում, և մենք համոզվեցինք, որ դա ո՛չ ռեժիմից է, ո՛չ սոցիալական պայմաններից և ո՛չ էլ մութ ու ցուրտ տարիների հետևանք է, այլ պարզապես այս դպրոցի մանկավարժներն անսահման նվիրյալներ են»,- այսօր լրագրողների հետ հանդիպման ժամանակ ասաց Գեղագիտության ազգային կենտրոնի գլխավոր տնօրեն Լևոն Իգիթյանը:
Կոտայքի մարզի ընդհանուր իրավասության դատարանում շարունակվում է Վարդան Պետրոսյանի մասնկացությամբ տեղի ունեցած վթարի գործի քննությունը: Դատարանում տուժողների և տուժողների իրավահաջորդի ներկայացուցիչ Ռուբեն Բալոյանը խնդրեց Վարդան Պետրոսյանի պաշտպան Նիկոլայ Բաղդասարայանի ներկայացրած դեպքի վայրի զննության արձանագրությունն անթույլատրելի ապացույց ճանաչելու մասին միջնորդությունը մերժել՝ անհիմն լինելու պատճառաբանությամբ:
