Ռ-Էվոլուցիա

«Ռ-Էվոլյուցիա» հաղորդաշարի հյուրը Իշխան Զաքարյանն է

«Ռ-Էվոլյուցիա» հաղորդաշարի հյուրը Իշխան Զաքարյանն է

Խորհրդարանական ընտրությունների նախընտրական քարոզարշավի կեսն արդեն անցյալում է։ Մինչ այս պահը քարոզարշավի ընթացքը ցույց է տալիս, որ այն անցնում է բավական ակտիվ ոչ միայն՝ քարոզչության, այլ նաև՝ արձանագրվող միջադեպերի առումով։ Քարոզարշավի ամենաակտիվ մասնակիցներից մեկը «Ծառուկյան» դաշինքն է, որի նախընտրական շտաբի պետ, համամասնական ցուցակում երկրորդ համարը զբաղեցնող, ՀՀ Վերահսկիչ պալատի նախկին նախագահ Իշխան Զաքարյանի հետ «Արմենիա» հեռուստաընկերության «Ռ-Էվոլյուցիա» հաղորդաշարում զրուցել է Սաթիկ Սեյրանյանը։

«Ռ-Էվոլյուցիա» հաղորդաշարի հյուրը Էդմոն Մարուքյանն է

«Ռ-Էվոլյուցիա» հաղորդաշարի հյուրը Էդմոն Մարուքյանն է

Արդեն մեկ շաբաթ է՝ մեկնարկել է ապրիլի 2-ին կայանալիք խորհրդարանական ընտրությունների նախընտրական քարոզարշավը։ Ամեն օր, գրեթե ամեն ժամ մենք լսում ենք տասնյակ, հարյուրավոր նախընտրական խոստումներ, քննադատություն ու լավատեսության կոչեր։ Այս քարոզարշավը որոշակիորեն տարբերվում է նաև տեխնոլոգիաներով։ Կան քաղաքական ուժեր, որոնք ավանդական դահլիճային կամ հրապարակային հանդիպումների փոխարեն՝ շրջում են փողոցներով, բակերով՝ բաժանելով իրենց նախընտրական նյութերը։ Այդպիսի ուժերից է «Ելք» դաշինքը, որի համամասնական ցուցակը գլխավորող՝ «Լուսավոր Հայաստան» կուսակցության ղեկավար Էդմոն Մարուքյանի հետ է զրուցել Սաթիկ Սեյրանյանն «Արմենիա» հեռուստաընկերության «Ռ-Էվոլյուցիա» հաղորդաշարի շրջանակներում։

«Ռ-Էվոլյուցիա» հաղորդաշարի հյուրը Վիգեն Սարգսյանն է

«Ռ-Էվոլյուցիա» հաղորդաշարի հյուրը Վիգեն Սարգսյանն է

Ղարաբաղաադրբեջանական սահմանին կրկին իրադրությունը լարված է։ Անցած շաբաթ ադրբեջանական կողմը ձեռնարկեց ևս մեկ դիվերսիոն գործողություն, որը համարժեք պատասխանի արժանացավ Լեռնային Ղարաբաղի զինված ուժերի կողմից։ Իրադրությունն անհանգիստ է նաև հայ-ադրբեջանական սահմանին։ Այս պայմաններում Հայաստանը պատրաստվում է խորհրդարանական ընտրությունների։ Իսկ իշխող՝ Հանրապետական կուսակցության համամասնական ցուցակը գլխավորում է ՀՀ պաշտպանության նախարար Վիգեն Սարգսյանը, ում հետ Սաթիկ Սեյրանյանը զրուցել է «Արմենիա» հեռուստաընկերության «Ռ-Էվոլյուցիա» հաղորդաշարի շրջանակներում։

«Ռ-Էվոլյուցիա» հաղորդաշարի հյուրը Միհրան Պողոսյանն է

«Ռ-Էվոլյուցիա» հաղորդաշարի հյուրը Միհրան Պողոսյանն է

Առաջիկա խորհրդարանական ընտրություններում ամենաթեժ պայքարը սպասվում է տարածքային կամ ռեյտինգային ընտրակարգով առաջադրված թեկնածուների միջև։ Այս ընտրությունների առանձնահատկություններից մեկն այն է, որ իրար դեմ են մրցելու նաև կամ գուցե, առաջին հերթին, նույն քաղաքական ուժի կողմից առաջադրված թեկնածուները։ Իշխանությանը ներկայացվող քննադատություններից մեկն այն է, որ ռեյտինգային ընտրակարգով առաջադրվել են, այսպես կոչված, օդիոզ թեկնածուներ։ Նրանցից մեկն էլ համարվում է ՀՀ նախկին գլխավոր հարկադիր կատարող, արդարադատության գեներալ-մայոր Միհրան Պողոսյանը, նույն ինքը՝ օֆշորային հայտնի սկանդալային պատմության մեջ ներգրավված նախկին պաշտոնյան, ով ռեյտինգային ընտրակարգով առաջադրվել է թիվ 1 ընտրատարածքում։

«Ռ-Էվոլյուցիա» հաղորդաշարի հյուրը Լևոն Զուրաբյանն է

«Ռ-Էվոլյուցիա» հաղորդաշարի հյուրը Լևոն Զուրաբյանն է

Անցած շաբաթ կուսակցություններն ու կուսակցությունների դաշինքները հրապարակեցին իրենց համապետական և տարածքային ցուցակները, որոնցով մասնակցելու են ապրիլին կայանալիք խորհրդարանական ընտրություններին։ Այսպիսով, Հայաստանն ամբողջությամբ թևակոխում է նախընտրական փուլ։ Ի՞նչ զարգացումներ կլինեն առաջիկա ամիսներին, ինչպիսի՞ն կլինի ապագա խորհրդարանի պատկերը։ Այս և ներքաղաքական կյանքին վերաբերող այլ հարցերի շուրջ է Սաթիկ Սեյրանյանի զրույցն Ազգային ժողովի Հայ Ազգային կոնգրես խմբակցության ղեկավար, ՀԱԿ կուսակցության փոխնախագահ Լևոն Զուրաբյանի հետ, ով ՀԱԿ-ՀԺԿ դաշինքի համամասնական ցուցակում զբաղեցնում է երրորդ հորիզոնականը։

«Ռ-Էվոլյուցիա» հաղորդաշարի հյուրը Պարույր Հայրիկյանն է

«Ռ-Էվոլյուցիա» հաղորդաշարի հյուրը Պարույր Հայրիկյանն է

Օրերս Ազգային ինքնորոշում միավորում կուսակցության նախագահ Պարույր Հայրիկյանը հայտարարեց, որ հնարավոր է՝ դուրս գա պաշտպանության նախկին նախարար Սեյրան Օհանյանի շուրջ ձևավորվող դաշինքից, որին միանալու մասին հայտարարել էր ավելի վաղ։ Այսօր այդ և նախընտրական զարգացումներին առնչվող այլ հարցերի շուրջ կզրուցենք ԱԻՄ նախագահ Պարույր Հայրիկյանի հետ։

«Ռ-Էվոլյուցիա» հաղորդաշարի հյուրը Նիկոլ Փաշինյանն է

«Ռ-Էվոլյուցիա» հաղորդաշարի հյուրը Նիկոլ Փաշինյանն է

Խորհրդարանական ընտրություններին ընդառաջ՝ քաղաքական դաշտում զարգացումները շարունակվում են։ Չնայած կուսակցությունների կողմից օրենքով սահմանված կարգով առաջադրումների պաշտոնական ժամկետները մոտենում են, սակայն դեռևս պարզ չէ՝ ով, ում հետ, ինչ թեկնածուներով է ներկայանալու ընտրություններին։ Առայժմ իրենց համամասնական ցուցակները չեն հրապարակել՝ ինչպես իշխանական, այնպես էլ՝ ընդդիմադիր քաղաքական ուժերը։ Ինչն է այս անորոշության պատճառը, ում կամ ինչին են սպասում քաղաքական ուժերը։

«Ռ-Էվոլյուցիա» հաղորդաշարի հյուրը Մովսես Հակոբյանն է

«Ռ-Էվոլյուցիա» հաղորդաշարի հյուրը Մովսես Հակոբյանն է

Հայաստանն ու հայ ժողովուրդն օրեր առաջ նշեց Հայկական բանակի կազմավորման 25-րդ տարեդարձը։ Հաշվի առնելով զինված ուժերի դերակատարությունը Հայաստանի ու Լեռնային Ղարաբաղի կյանքում, բանակի կազմավորման օրը մեզ համար սովորական տոն չէ։ Հատկապես ապրիլյան քառօրյա պատերազմից հետո զինված ուժերի ինչպես՝ հաջողությունների, այնպես էլ՝ բանակում առկա խնդիրների վերաբերյալ հասարակության ուշադրությունը շատ ավելի սևեռուն դարձավ։ Այդ հարցերի շուրջ է Սաթիկ Սեյրանյանի զրույցը Հայաստանի Հանրապետության Զինված ուժերի գլխավոր շտաբի պետ, գեներալ-լեյտենանտ Մովսես Հակոբյանի հետ։

«Ռ-Էվոլյուցիա» հաղորդաշարի հյուրը Արմեն Մարտիրոսյանն է

«Ռ-Էվոլյուցիա» հաղորդաշարի հյուրը Արմեն Մարտիրոսյանն է

Խորհրդարանական ընտրություններին ընդառաջ՝ Հայաստանի քաղաքական դաշտում շարունակվում են ինտենսիվ գործընթացները։ Հին ու նոր կուսակցություններ, դաշինքներ ու դաշինքների դաշինքներ, նոր միավորումների ստեղծման մասին ամեն օր հայտնվող, հաստատվող կամ հերքվող տեղեկություններ։ Այս ամենին զուգահեռ՝ անցած շաբաթ հանգուցալուծվեց քաղաքական դաշտի հիմնական ինտրիգը՝ Գագիկ Ծառուկյանը հայտարարեց քաղաքականություն վերադառնալու մասին։ Ու հիմա կարծես հիմնականը դարձել է՝ Ծառուկյանի հե՞տ, թե՞ առանց նրա՝ հարցը, որի շուրջ խարխափում են քաղաքական գրեթե բոլոր ուժերը, այդ թվում՝ «Ժառանգություն» կուսակցությունը։

«Ռ-Էվոլյուցիա» հաղորդաշարի հյուրը Արթուր Բաղդասարյանն է

«Ռ-Էվոլյուցիա» հաղորդաշարի հյուրը Արթուր Բաղդասարյանն է

2017 թվականը նախընտրական տարի է։ Արդեն հայտնի է, որ խորհրդարանական ընտրությունները կայանալու են ապրիլի 2-ին։ Ամանորից առաջ, նաև այս օրերին քաղաքական դաշտում ակտիվ քննարկումներ, բանակցություններ են ընթանում նախընտրական դաշինքների ձևավորման շուրջ։ Միևնույն ժամանակ՝ կան քաղաքական ուժեր, որոնք ընտրություններին պատրաստվում են մասնակցել միայնակ, առանց դաշինքների։ Այդ կուսակցություններից է «Հայկական վերածնունդ» վերանվանված «Օրինաց Երկիր» կուսակցությունը, որի նախագահ Արթուր Բաղդասարյանի հետ է Սաթիկ Սեյրանյանը զրուցել «Ռ-Էվոլյուցիա» հաղորդաշարի շրջանակներում։

«Ռ-Էվոլյուցիա» հաղորդաշարի հյուրը Վարդան Պողոսյանն է

«Ռ-Էվոլյուցիա» հաղորդաշարի հյուրը Վարդան Պողոսյանն է

2017 թվականի խորհրդարանական ընտրություններին մնացել է մոտ երեք ամիս։ Եվ ամանորյա տոներից հետո Հայաստանը կթևակոխի նախընտրական շրջան։ Սակայն առաջիկա ընտրությունները տարբերվելու են Ազգային ժողովի նախորդ ընտրություններից. դրանք լինելու են միանգամայն այլ ընտրություններ՝ նոր Սահմանադրությամբ խորհրդարանական դարձած պետության Ազգային ժողովի ընտրություններ։ Դրանք, ըստ էության, լինելու են 2015 թվականի դեկտեմբերի 6-ին ընդունված նոր Սահմանադրության առաջին փորձաքարը։

«Ռ-Էվոլյուցիա» հաղորդաշարի հյուրը Արամ Սարգսյանն է

«Ռ-Էվոլյուցիա» հաղորդաշարի հյուրը Արամ Սարգսյանն է

Դեկտեմբերի 12-ին ազդարարվեց 2017 թվականի խորհրդարանական ընտրություններում առաջին դաշինքային ձևաչափով մասնակցության մասին. «Հանրապետություն», «Քաղաքացիական պայմանագիր» և «Լուսավոր Հայաստան» կուսակցությունները ստորագրեցին համատեղ քաղաքական գործունեության վերաբերյալ հուշագիր, որի համաձայն՝ ինչպես Ազգային ժողովի, այնպես էլ՝ Երևանի ավագանու ընտրություններում այս երեք ուժերը մասնակցելու են դաշինքով։ Հուշագրում նրանք նշել են նաև հաջող քաղաքական համագործակցության արդյունքում մեկ կուսակցություն ձևավորելու նպատակադրման մասին։ Ո՞րն է լինելու այս դաշինքի հիմնական ուղերձն ընտրություններում, ո՞ւմ դեմ է պայքարելու և ո՞ւմ հետ է համագործակցելու նոր միավորումը։ Սաթիկ Սեյրանյանի զրուցակիցն է «Հանրապետություն» կուսակցության նախագահ Արամ Սարգսյանը։

«Ռ-Էվոլյուցիա» հաղորդաշարի հյուրը Վարդան Հարությունյանն է

«Ռ-Էվոլյուցիա» հաղորդաշարի հյուրը  Վարդան Հարությունյանն է

Անցած շաբաթ կառավարությունը հավանության արժանացրեց փոփոխությունների մի փաթեթ, որը նախատեսում է, այսպես կոչված, հարկային համաներում՝ տարբեր կատեգորիաների անձանց ու կազմակերպությունների համար։ Իսկ Ազգային ժողովն անցած շաբաթ ընդունեց պետական բյուջեի մասին օրենքը, որը բոլոր կանխատեսումներով վատ ցուցանիշներ նախատեսող հաջորդ տարվա ընթացքում նախատեսում է հարկային եկամուտների ավելի բարձր մակադրակ։

«Ռ-Էվոլյուցիա» հաղորդաշարի հյուրն Արարատ Զուրաբյանն է

«Ռ-Էվոլյուցիա» հաղորդաշարի հյուրն Արարատ Զուրաբյանն է

2017 թվականի խորհրդարանական ընտրություններից առաջ քաղաքական դաշտում որոշակի խմորումներ են ընթանում։ Իշխանության դաշտում ամեն ինչ շատ ավելի պարզ է, քան ընդդիմության պարագայում։ Գրեթե ամեն օր նոր տեղեկություններ են հրապարակվում նոր դաշինքների շուրջ բանակցությունների մեկնարկի, տապալումների մասին։ Ընդդիմադիրներն իրենք գրեթե համակարծիք են մի հարցում՝ առանց միավորման լուրջ հաջողության չեն կարող հասնել, և, ինչպես նախկինում՝ ընդդիմության ձայները կփոշիանան։

«Ռ-Էվոլյուցիա» հաղորդաշարի հյուրը Վիգեն Սարգսյանն է

«Ռ-Էվոլյուցիա» հաղորդաշարի հյուրը Վիգեն Սարգսյանն է

Նոյեմբերի 26-ին կայացավ Հայաստանի Հանրապետական կուսակցության (ՀՀԿ) 16-րդ համագումարը, որը, հերթական լինելով, նաև նախընտրական էր։ Նախընտրական լինելով, նաև նախարարական էր, քանի որ համագումարից առաջ կուսակցությանն անդամագրվեցին նոր կառավարության գրեթե բոլոր նոր նախարարները։ Անգամ ու բոլորից առաջ՝ ՀՀ պաշտպանության նախարար Վիգեն Սարգսյանը։

«Ռ-Էվոլյուցիա» հաղորդաշարի հյուրը Վարդան Արամյանն է

«Ռ-Էվոլյուցիա» հաղորդաշարի հյուրը Վարդան Արամյանն է

Բյուջեի նկատմամբ անտարբեր են ոչ միայն պատգամավորները, այլև դրա հեղինակ կառավարությունը, որի ներկայացուցիչների մեծ մասը ևս չի մասնակցում այդ քննարկումներին։ Երևի նաև այն պատճառով, որ, ինչպես Ազգային ժողովում, այնպես էլ՝ կառավարությունում, գիտեն՝ անկախ քննարկումներից՝ բյուջեն ընդունվելու է այն տեսքով, ինչ տեսքով որոշվել է կառավարությունում և ավելի բարձր՝ քաղաքական մակարդակում։ Ինչ է տալու քաղաքացուն ու ինչ է տանելու նրանից 2017 թվականի պետական բյուջեն, որքանով է այն նպաստելու տնտեսության ծանր իրավիճակից դուրս գալու քայլերին, կամ հակառակը՝ դանդաղեցնելու դա։ Այս հարցերի շուրջ է Սաթիկ Սեյրանյանի զրույցը ՀՀ Ֆինանսների նախարար Վարդան Արամյանի հետ։

«Ռ-Էվոլյուցիա» հաղորդաշարի հյուրը Հրանտ Բագրատյանն է

«Ռ-Էվոլյուցիա» հաղորդաշարի հյուրը Հրանտ Բագրատյանն է

Անցած շաբաթ աշխարհը ցնցվեց ԱՄՆ-ի նախագահական ընտրությունների արդյունքների պատճառով: Շոկի մեջ հայտնվեցին ինչպես՝ շատ երկրների քաղաքական գործիչներ, այնպես էլ՝ ֆոնդային ու այլ բորսաներ: Թեև Հայաստանն ինտեգրված չէ ոչ բորսաներին, ոչ միջազգային քաղաքականությանը, այդուհանդերձ, զերծ չմնաց շոկից: Մերը, երևի, ավելի շատ մշակութային շոկ էր: Անկախ դրանից, ինչպես կազդեն համաշխարհային փոփոխությունները մեր տարածաշրջանի և Հայաստանի զարգացումների վրա, ինչ սպասել նոր կառավարությունից և նոր ընտրություններից: Այս հարցերի շուրջ է Սաթիկ Սեյրանյանի զրույցը ՀՀ նախկին վարչապետ, Ազգային ժողովի պատգամավոր Հրանտ Բագրատյանի հետ:

«Ռ-Էվոլյուցիա» հաղորդաշարի հյուրը Գևորգ Կոստանյանն է

«Ռ-Էվոլյուցիա» հաղորդաշարի հյուրը Գևորգ Կոստանյանն է

Դատական համակարգի վատ աշխատանքի համար վճարում են ոչ միայն առանձին գործերի կողմերը, այլ նաև ողջ հասարակությունը՝ պետական բյուջեից։ Մենք վճարում ենք և՛ դատավորների բարձր աշխատավարձերը, և՛ նրանց կայացրած անորակ վճիռների պատճառով պետությունից Եվրադատարանի կողմից գանձվող գումարները։ Որո՞նք են այս արատավոր շղթայի խորքային պատճառները, մինչև ե՞րբ է շարունակվելու դատական համակարգի այս գործելաոճը։ «Արմենիա» հեռուստաընկերության «Ռ-Էվոլյուցիա» հողորդաշարում Սաթիկ Սեյրանյանի զրուցակիցը Եվրադատարանում կառավարության լիազոր ներկայացուցիչ, ՀՀ նախկին գլխավոր դատախազ Գևորգ Կոստանյանն է:

«Ռ-Էվոլյուցիա» հաղորդաշարի հյուրը Նաիրա Զոհրաբյանն է

«Ռ-Էվոլյուցիա» հաղորդաշարի հյուրը Նաիրա Զոհրաբյանն է

Հայաստանում սկսվում է նախընտրական փուլ։ Նախորդ նախընտրական փուլերից մի քանի գործոններով տարբերվող նախընտրական փուլ։ Նոր կառավարությամբ ու տեղական ինքնակառավարման մարմինների նոր ընտրություններով ու արդյունքներով։ Ի՞նչ տեսք կունենա նոր Ազգային ժողովը, որն առաջին անգամ ձևավորվելու է՝ որպես խորհրդարանական կառավարման կարգ ունեցող երկրի օրենսդիր մարմին։ Որքանո՞վ խորհրդարանի այսօրվա պատկերը կպահպանվի, և ի՞նչ նոր ուժեր կարող են հայտնվել նոր Ազգային ժողովում։ Այս և քաղաքական կյանքին վերաբերող այլ հարցերի շուրջ այսօր կզրուցենք Ազգային ժողովի դե յուրե՝ երկրորդ, դե ֆակտո՝ փոքրացած ուժի՝ «Բարգավաճ Հայաստան» կուսակցության նախագահ Նաիրա Զոհրաբյանի հետ։

«Ռ-Էվոլյուցիա» հաղորդաշարի հյուրը Էդմոն Մարուքյանն է

«Ռ-Էվոլյուցիա» հաղորդաշարի հյուրը Էդմոն Մարուքյանն է

Հոկտեմբերի 2-ին կայացած տեղական ինքնակառավարման մարմինների ընտրություններում եղան բազմաթիվ անակնկալներ։ Նիկոլ Փաշինյանի ներկայացրած «Քաղաքացիական պայմանագիր» կուսակցությանը տրված ՝ անսպասալիորեն ցածր ձայներ Գյումրիում, Էդմոն Մարուքյանի գլխավորած «Լուսավոր Հայաստանին» քվեարկված անակնկալ մեծ թվով ձայներ Վանաձորում։

«Ռ-Էվոլյուցիա» հաղորդաշարի հյուրը Նիկոլ Փաշինյանն է

«Ռ-Էվոլյուցիա» հաղորդաշարի հյուրը Նիկոլ Փաշինյանն է

Հոկտեմբերի 2-ին հանրապետության մի շարք համայնքներում կայացան տեղական ինքնակառավարման մարմինների ընտրություններ, որոնք կարելի է համարել 2017 թվականի խորհրդարանական ընտրապայքարի նախավարժանք։ Վերջին ընտրություններին ակտիվ մասնակցում էին նաև ընդդիմադիր կուսակցություններ, որոնց մի մասն արձանագրեց բավական տպավորիչ արդյունքներ, ոմանք ստացան սպասվածից շատ ավելի քիչ ձայներ։ «Ռ-Էվոլյուցիա» հաղորդաշարում Սաթիկ Սեյրանյանի հյուրն ԱԺ պատգամավոր, «Քաղաքացիական պայմանագիր» կուսակցության վարչության անդամ Նիկոլ Փաշինյանն էր, ում ներկայացրած ուժը չհաղթեց ՏԻՄ ընտրություններում, և որին հաջորդեց կուսակցության վարչության լուծարումը։

«Ռ-Էվոլյուցիա» հաղորդաշարի հյուրը Սպարտակ Սեյրանյանն է

«Ռ-Էվոլյուցիա» հաղորդաշարի հյուրը Սպարտակ Սեյրանյանն է

Անցած շաբաթ գրեթե ամբողջությամբ ձևավորվեց նոր կառավարությունը։ Մասա՞մբ նոր, թե՞ բավականաչափ նոր՝ թերևս, կախված է մեծը փոքր տեսնելու չկամությունից կամ փոքրը մեծ տեսնելու կարողությունից։ Առաջիկայում նոր կառավարությունը կներկայացնի գործունեության ծրագիրն ու հաջորդ տարվա պետական բյուջեի նախագիծը։ Ի՞նչ փոփոխություններ կարող է բերել նոր կառավարությունը երկրին ու քաղաքացուն։ Որքանո՞վ են դրանք կանխորոշելու առաջիկա ընտրական գործընթացները։ Այս հարցերի շուրջ է Սաթիկ Սեյրանյանի զրույցը Հայ Հեղափոխական Դաշնակցություն կուսակցության Բյուրոյի անդամ, Կրթության և գիտության նախկին նախարար Սպարտակ Սեյրանյանի հետ։

«Ռ-Էվոլյուցիա» հաղորդաշարի հյուրը Կարեն Բեքարյանն է

«Ռ-Էվոլյուցիա» հաղորդաշարի հյուրը Կարեն Բեքարյանն է

Սեպտեմբերի 21-ին նշեցինք Անկախության 25-ամյակը։ Նշեցինք բավական տպավորիչ միջոցառումներով, որոնցից ամենագլխավորը Հանրապետության հրապարակում անցկացված զորահանդեսն էր՝ նոր ու ժամանակակից զինատեսակների ցուցադրմամբ։ Տոնին նախորդող ու հաջորդող օրերին փոփոխություններ տեղի ունեցան կառավարության կառուցվածքում և նախարարական կաբինետում։ Փոփոխվեցին նախարարությունների անվանումները, նախարարների մի մասը հրաժեշտ տվեց պաշտոնին, նշանակվեցին նորերը։ Գործընթացը դեռ շարունակվում է։ Այս և բազմաթիվ այլ զարգացումներով Հայաստանը մոտենում է խորհրդարանական ընտրություններին։

«Ռ-Էվոլյուցիա» հաղորդաշարի հյուրը Գագիկ Ջհանգիրյանն է

«Ռ-Էվոլյուցիա» հաղորդաշարի հյուրը Գագիկ Ջհանգիրյանն է

Քաղաքական աշունն այս տարի Հայաստանում մեկնարկեց բավական բուռն իրադարձություններով։ Անցած շաբաթ նշանակվեց նոր վարչապետ, ով առաջիկայում ձևավորելու է նոր կառավարություն։ Ազգային ժողովն ընտրեց կամ հաստատեց նոր Գլխավոր դատախազի։ Խորհրդարանական 5 խմբակցությունների միջև ստորագրվեց կոնսենսուսային փաստաթուղթ Նոր ընտրական օրենսգրքի շուրջ։ Մեկ շաբաթում կատարվեցին փոփոխություններ, որպիսիք այլ պայմաններում Հայաստանի ճահճացած ու լճացած պետական, քաղաքական կյանքում չեն կատարվում տարիներ շարունակ։ Երևի՝ որովհետև առջևում ընտրություններ են։

«Ռ-Էվոլյուցիա» հաղորդաշարի հյուրը Դավիթ Հարությունյանն է

«Ռ-Էվոլյուցիա» հաղորդաշարի հյուրը  Դավիթ Հարությունյանն է

Անցած շաբաթ հրաժարական ներկայացրեց Հովիկ Աբրահամյանի գլխավորած կառավարությունը։ Սահմանադրությամբ նախատեսված ժամկետներում կձավորվի նորը։ Արդեն հայտնի է, որ նոր վարչաապետի պաշտոնում նախագահ Սերժ Սարգսյանն առաջադրել է Երևանի նախկին քաղաքապետ, ռուսական «Գազպրոմ» բանկում բարձր պաշտոն զբաղեցնող Կարեն Կարապետյանի թեկնածությունը։ Ինչո՞ւ հենց հիմա, ինչո՞ւ հենց Կարեն Կարապետյանը, ի՞նչ ներքին ու արտաքին ուղերձներ են հղվում այս քայլով խորհրդարանական ընտրություններից առաջ։

«Ռ-Էվոլյուցիա» հաղորդաշարի հյուրը Լևոն Մնացականյանն է

«Ռ-Էվոլյուցիա» հաղորդաշարի հյուրը Լևոն Մնացականյանն է

Սեպտեմբերի 2-ին Լեռնային Ղարաբաղի Հանրապետությունը նշեց Անկախության 25-ամյակը։ Ղարաբաղի անկախությունն այն համազգային նպատակներից մեկն է, գուցե՝ ամենագլխավորը, որի համար արդեն քառորդ դար պայքարում, ապրում, ստեղծագործում, զրկանքներ ենք կրում ու, ցավոք, դեռևս նաև պարտադրված ենք լինում պատերազմել բոլորս։ Անկախության համար պայքարը, որ գեղեցիկ ձևակերպում է պատմության դասագրքերում կամ պաշտոնական ելույթներում, Լեռնային Ղարաբաղի քաղաքացիների ամենօրյա կյանքի անբաժանելի մասն է։ Եվ, բնականաբար ու օբյեկտիվորեն, այդ կյանքի ամենակարևոր կառույցը, համակարգը Լեռնային Ղարաբաղի Զինված ուժերն են, որոնց հավաքականությունը ոչ պատահականորեն կոչվում է Պաշտպանության բանակ։ Անկախության խորհրդի ու անկախության պաշտպանության գործնական խնդիրների մասին այսօր կզրուցենք Լեռնային Ղարաբաղի Պաշտպանության բանակի հրամանատար Լևոն Մնացականյանի հետ։

«Ռ-Էվոլյուցիա» հաղորդաշարի հյուրը Վարդան Այվազյանն է

«Ռ-Էվոլյուցիա» հաղորդաշարի հյուրը Վարդան Այվազյանն է

Ամառային արձակուրդի մեկնելուց առաջ Ազգային ժողովն ընդունեց Հարկային օրենսգիրքը, որի վերաբերյալ դժգոհություններ են հնչում գրեթե բոլոր շերտերի ներկայացուցիչների կողմից: Առաջին հերթին՝ մտահոգություններ են հայտնում գործարարները, փորձագետներն ահազանգում են, որ այդ օրենսգիրքը նպաստելու է տնտեսության ստվերային հատվածի մեծացմանը: Դժգոհություններ հայտնեցին անգամ Հարկային օրենսգրքին կողմ քվեարկած իշխող կուսակցության պատգամավորները, որոնց մեծ մասը զբաղվում է նաև գործարարությամբ: Կամ գործարար լինելով՝ նաև պատգամավոր է: Հարկային օրենսգրքի սոցիալ-տնտեսական ազդեցության, տնտեսության վիճակի, առաջիկա զարգացումների մասին է մեր զրույցն Ազգային ժողովի Տնտեսական հարցերի մշտական հանձնաժողովի նախագահ Վարդան Այվազյանի հետ:

«Ռ-Էվոլյուցիա» հաղորդաշարի հյուրը Տիգրան Հակոբյանն է

«Ռ-Էվոլյուցիա» հաղորդաշարի հյուրը Տիգրան Հակոբյանն է

Չնայած ամառային ոչ այնքան քաղաքական սեզոնին, Հայաստանում և Հայաստանի շուրջ բավական բուռն իրադարձություններ են ընթանում: Իշխանությունն ու ընդդիմությունը, իրենց իսկ խոսքերով՝ պատմական համաձայնության հասան Ընտրական օրենսգրքի շուրջ, Ազգային ժողովը վավերացրեց Ռուսաստանի հետ Հակաօդային պաշտպանության միասնական համակարգի ստեղծման մասին համաձայնագիրը, ակտիվ զարգացումներ են ընթանում ղարաբաղյան հակամարտության կարգավորման գործընթացում: Որքանո՞վ է հասարակությունը հաղորդակից այս գործընթացներին, ինչպե՞ս կարող են դրանք ազդել առաջիկա քաղաքական զարգացումների վրա:

«Ռ-Էվոլյուցիա» հաղորդաշարի հյուրը Ռուբեն Հակոբյանն է

«Ռ-Էվոլյուցիա» հաղորդաշարի հյուրը Ռուբեն Հակոբյանն է

Չնայած սովորաբար տարվա այս սեզոնը համարվում է քաղաքական արձակուրդի ժամանակահատված, այս տարի այդ ավանդույթը խախտվել է: Ակտիվ գործընթացներ են ծավալվում ինչպես՝ ներքաղաքական կյանքում, այնպես էլ՝ արտաքին քաղաքական ասպարեզում: Եվ եթե նախկինում նախընտրական զարգացումների ժամանակ սովորաբար արտաքին գործընթացները երկրորդական պլան էին մղվում, ապա այս անգամ կարծես հակառակն է՝ արտաքին քաղաքական դինամիկ գործընթացները ստվերել են առաջիկա ընտրությունները: Ինչպե՞ս է այս պայմաններում ընտրություններին պատրաստվում ընդդիմությունը, կամ ընդհանրապես պատրաստվո՞ւմ է արդյոք, որո՞նք կլինեն առաջիկա մեկ տարվա՝ խորհրդարանական ընտրություններին ուղեկցող հիմնական օրակարգային հարցերը:

«Ռ-Էվոլյուցիա» հաղորդաշարի հյուրը Նաիրա Զոհրաբյանն է

«Ռ-Էվոլյուցիա» հաղորդաշարի հյուրը Նաիրա Զոհրաբյանն է

Անցած շաբաթ այս գումարման Ազգային ժողովն ավարտեց իր վերջին գարնանային նստաշրջանը: Բոլորը պատրաստվում են հերթական` 2017 թվականի խորհրդարանական ընտրություններին: Մինչև այդ Հայաստանի բազմաթիվ մեծ ու փոքր համայնքներում տեղի են ունենալու տեղական ինքնակառավարման մարմինների ընտրություններ, որոնք, քաղաքական ուժերից շատերի կարծիքով, դառնալու են Ազգային ժողովի ընտրությունների նախերգանքը: Ինչպե՞ս է ընդդիմությունը պատրաստվում առաջիկա ընտրական գործընթացներին, ո՞ր ուժերն են լինելու այդ գործընթացների հիմնական դերակատարները:

«Ռ-Էվոլյուցիա» հաղորդաշարի հյուրը Արտաշես Գեղամյանն է

«Ռ-Էվոլյուցիա» հաղորդաշարի հյուրը Արտաշես Գեղամյանն է

Չնայած Հայաստանում ընդամենը մի քանի ամիս անց տեղի են ունենալու խորհրդարանական ընտրություններ, սակայն առաժմ քաղաքական օրակարգը հագեցած է առավելապես արտաքին քաղաքական զարգացումներով ու խնդիրներով: Անցած շաբաթ Գերմանիայի խորհրդարանն ընդունեց Հայոց ցեղասպանությունը ճանաչող բանաձև, առաջիկայում սպասվում է Հայաստանի ու Ադրբեջանի հերթական հանդիպումը, խոսվում է Հայաստան-Եվրամիություն բանակցություններում ի հայտ եկած ինչ-որ խնդիրների մասին, չեն դադարում հանրային քննարկումները հայ-ռուսական հարաբերությունների վերանայման վերաբերյալ:

«Ռ-Էվոլյուցիա» հաղորդաշարի հյուրը Նիկոլ Փաշինյանն է

«Ռ-Էվոլյուցիա» հաղորդաշարի հյուրը Նիկոլ Փաշինյանն է

Հայաստանի ներքաղաքական զարգացումներն աստիճանաբար թևակոխում են նախընտրական փուլ: Քաղաքական կուլիսներում արդեն խոսում են հնարավոր դաշինքների, ընտրություններին այս կամ այն ուժի այս կամ այն կերպ մասնակցության մասին: Մյուս կողմից՝ ղարաբաղյան ապրիլյան քառօրյա պատերազմն էականորեն ազդել է նաև ներքին գործընթացների վրա և շարունակում ու թերևս շարունակելու է լինել նաև ներքաղաքական օրակարգի առաջնային հարցերից մեկը: Ղարաբաղի խնդիրը, կարելի է ասել, ամենանուրբ հարցն է իշխանության և ընդդիմության միջև ներքաղաքական պայքարում:

«Ռ-Էվոլյուցիա» հաղորդաշարի հյուրը Լևոն Զուրաբյանն է

«Ռ-Էվոլյուցիա» հաղորդաշարի հյուրը Լևոն Զուրաբյանն է

Ապրիլյան քառօրյա պատերազմն էական փոփոխություններ մտցրեց Հայաստանի հանրային-քաղաքական հարաբերություններում: Մոտ մեկ ամիս քաղաքականությունը` որպես այդպիսին, ըստ էության դադարել էր Հայաստանում: Ղարաբաղաադրբեջանական սահմանին հաստատված առայժմ հարաբերական խաղաղությունը քաղաքական ուժերին հնարավորություն է տվել վերադառնալ գործունեության նախկին ռեժիմին: Խորհրդարանական ընտրություններին մնացել է մեկ տարուց պակաս ժամանակ: Ազգային ժողովը երկու ընթերցումներով արդեն ընդունել է նոր Ընտրական օրենսգիրքը, հաջորդ շաբաթ այն կընդունվի ամբողջությամբ:

«Ռ-Էվոլյուցիա» հաղորդաշարի հյուրը Ստեփան Սաֆարյանն է

«Ռ-Էվոլյուցիա» հաղորդաշարի հյուրը Ստեփան Սաֆարյանն է

«Արմենիա» հեռուստաընկերության «Ռ-Էվոլյուցիա» հողորդաշարում Սաթիկ Սեյրանյանի և Միջազգային և անվտանգության հարցերի հայկական ինստիտուտի ղեկավար, քաղաքագետ Ստեփան Սաֆարյանի զրույցի ամբողջական տեսանյութը:

«Կարծում եմ՝ Ադրբեջանի պաշտպանության բնագավառի մասնագետներն այդ աստիճանի ախմախ չեն, որ նորից պատերազմ սկսեն». Արթուր Աղաբեկյան

«Կարծում եմ՝ Ադրբեջանի պաշտպանության բնագավառի մասնագետներն այդ աստիճանի ախմախ չեն, որ նորից պատերազմ սկսեն». Արթուր Աղաբեկյան

«Ապրիլի 4-ին, երբ արդեն հակառակորդը հայտարարում էր, որ «Սմերչով» պետք է հարվածի Ստեփանակերտ քաղաքին, ես դուրս եկա քաղաք ու տեսա մեր ժողովրդի սառնասրտությունը»:

«Հակառակորդի վարքագիծը պայմանավորված էր մի շարք գործոններով». ԼՂՀ վարչապետ Արայիկ Հարությունյան

«Հակառակորդի վարքագիծը պայմանավորված էր մի շարք գործոններով». ԼՂՀ վարչապետ Արայիկ Հարությունյան

«Փոխզիջում ասելով՝ նախ հասկանում ենք, որ դիմացինը ընդունակ է լսելու, և ինքը ևս պատրաստ է փոխզիջման: Բայց ունենք հակառակորդ, որի՝ փոխզիջման պատրաստ լինելը չենք զգում»:

«Իհարկե, հնարավոր է նաև նավթահանքերին հարվածել, բայց այսօր մենք դրա անհրաժեշտությունը չենք տեսնում». ԼՂՀ ՊԲ նախարար, գեներալ-լեյտենանտ Լևոն Մնացականյան

«Իհարկե, հնարավոր է նաև նավթահանքերին հարվածել, բայց այսօր մենք դրա անհրաժեշտությունը չենք տեսնում». ԼՂՀ ՊԲ նախարար, գեներալ-լեյտենանտ Լևոն Մնացականյան

«Որևէ հաղթանակ միայն տեխնիկայի գործոնով չի կարող պայմանավորված լինել, կա նաև որակական առումով մարդկային գործոնը, որն ընդհանրապես չունեն»:

«Ռ-Էվոլյուցիա» հաղորդաշարի հյուրը Էդուարդ Շարմազանովն է

«Ռ-Էվոլյուցիա» հաղորդաշարի հյուրը Էդուարդ Շարմազանովն է

Ապրիլյան պատերազմից հետո բոլորը խոսում էին փոխվելու, ամեն ինչ վերագնահատելու, ավելի լավը դառնալու մասին: Նման հայտարարություններ անում էր անգամ իշխանությունը, որը Հայաստանում ամենաանփոփոխ սուբստանցիան է: Հիմա իշխանությունն ասում է, որ ցանկանում է փոխվել ներքնապես՝ վերացնելով սեփական արատները, որոնք արտահայտվեցին պատերազմական օրերին: Որքանո՞վ է հասարակությունը հավատում իշխանության անկեղծությանը, դժվար է ասել, որովհետև տարիներ շարունակ լսել է փոփոխությունների մասին հայտարարություններ, սակայն ապրել է չփոփոխվող կամ ավելի վատը դարձող իրականության մեջ: