«Ռ-Էվոլյուցիա» հաղորդաշարի հյուրը Արտեմ Ասատրյանն է
Խորհրդարանի համապատասխան հանձնաժողովներում ավարտվեցին 2018 թվականի պետական բյուջեի նախագծի քննարկումները, առաջիկայում Ազգային ժողովն արդեն լիագումար նիստում կքննարկի և կընդունի հաջորդ տարվա բյուջեն։ Իշխանությունն այն որակում է՝ որպես ապագա զարգացման համար հիմքեր ստեղծող բյուջե։
Երևի նաև այն պատճառով, որ տեսանելի ներկայի համար այն առանձնապես մեծ փոփոխություններ չի խոստանում։ Հաջորդ տարի ևս պետական բյուջեով աշխատավարձերի ու կենսաթոշակների բարձրացում չի նախատեսվում։ Այսինքն՝ սոցիալական վիճակը, գոնե պետական բյուջեի ազդեցության տեսանկյունից, մնալու է նույնը։ Պետության սոցիալական քաղաքականության, սոցիալական ապահովության ոլորտի խնդիրների մասին է Սաթիկ Սեյրանյանի զրույցը ՀՀ Աշխատանքի և սոցիալական հարցերի նախարար Արտեմ Ասատրյանի հետ «Արմենիա» հեռուստաընկերության «Ռ-Էվոլյուցիա» հաղորդաշարում։
