Խուճապ է. ընտրություններից առաջ անցել է տեռորի. Փաշինյանն ասում է՝ «Օրենքը ես եմ», ու ՎԵ՛ՐՋ. Լևոն Զուրաբյան
«Սա հիստերիկա է, ուրիշ բան չէ․ ընտրություններից առաջ Նիկոլ Փաշինյանը խուճապի մեջ է։ Իբր թե ուժի ցուցադրության այդ բոլոր ձևերը ցույց են տալիս իշխանության խուճապը։ Իրենք շատ լավ հասկանում են՝ ինչ արդյունքներով են մոտենում համապետական ընտրություններին, և 2026-ի ընտրություններին ժողովրդին ոչինչ չունեն ցույց տալու, բացի 10 ռազմական բախումից, որի ընթացքում կորցրել ենք Արցախը, հազարավոր զոհեր ենք ունեցել, կորցրել ենք ՀՀ սուվերեն տարածքները, Սյունիքի վրայով անխոչընդոտ ճանապարհ տալուց, զիջումներից, պետության թուլացումից ու կորուստներից՝ ստանալով միջազգային հանրության ծափահարությունները։
Հետևաբար՝ անցել են տեռորի։ Չի հերիքում արդեն անգամ Նիկոլ Փաշինյանի՝ մանիպուլյատիվ արվեստին անզուգական տիրապետելը։ Նպատակն այն է, որ ընտրություններից առաջ խոսող մարդ չլինի, բոլորի բերանը փակեն։ Այդ ամենը կատարվելու է հիբրիդային պատերազմի քողի տակ։ Օրինակ, քաղբանտարկյալ Սամվել Կարապետյանի ղեկավարած քաղաքական միավորին կարող են ԿԸՀ-ի միջոցով դուրս թողնել ընտրապայքարից»,- «Պրեսսինգ» հաղորդաշարում ասաղ Հայ ազգային կոնգրեսի (ՀԱԿ) փոխնախագահ Լևոն Զուրաբյանը՝ անդրադառնալով իշխանության կողմից գործի դրվող քաղաքական տեռորի ծավալներին:
Նրա խոսքով՝ Փաշինյանը վերջերս որդեգրել է «Օրենքը ես եմ» պահվածքը․ սա արդեն անթաքույց անձնիշխանության հաստատման փորձ է։
«Հայ Առաքելական եկեղեցին ոստիկանությանն օրինական փաստաթուղթ է ներկայացնում, որ Հովհաննավանքի սեփականատերն ինքն է, իսկ դու մասնակցում ես այդ նույն սեփականատիրոջ կողմից կարգալույծ արվածի կեղծիքին, չես կանգնում սեփականատիրոջ կողքին, այլ ներխուժում և կանգնում ես հանցանքը կատարածի կողքին, դու ո՞վ ես այդ դեպքում»,- ասաց Լևոն Զուրաբյանը:
Մանրամասները՝ տեսանյութում:
