Հասարակություն

Մարդու իրավունքների պաշտպանության ազգային ռազմավարության 22 կետ առնչվում է առողջապահության համակարգի հետ։

2018 թվականի հունվարի 1-ից ՀՀ քննչական կոմիտեում կներդրվի «Էլեկտրոնային նախաքննություն» ծրագիրը։

Այն, որ Գյումրու նախակրթարաններում ծնողական վարձավճարների մուծման դժվարություններ կան, նշված է նաև «Գյումրի համայնքի զարգացման ծրագրում»: Քաջատեղյակ լինելով խնդրին՝ Գյումրու քաղաքապետարանը պետք է միջոցներ ձեռնարկեր համայնքապատկան նախակրթարաններ հաճախող երեխաների ուսման վարձավճարները նվազեցնելու նպատակով գործուն մեխանիզմներ մշակելու համար:

ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը պատրաստ է նախարարությունում ընդունել «Աջ ղեկ» նախաձեռնության անդամներին, ովքեր դեկտեմբերի 22-ին նախատեսում են բողոքի ավտոերթ անցկացնել՝ կապված աջակողմյան ղեկային տեղաբաշխմամբ տրանսպորտային միջոցների ներմուծման արգելք նախատեսող նախագծի հետ:

ՀՀ կառավարության որոշմամբ Գիտությունների ազգային ակադեմիայի Հայոց ցեղասպանության թանգարան-ինստիտուտ պետական ոչ առևտրային կազմակերպությունը կվերակազմավորվի հիմնադրամի:

ՀՀ հատուկ քննչական ծառայության քննիչի վարույթին է հանձնվել ՀՀ քննչական կոմիտեում ավելի քան 6 ամիս քննված քրեական գործը, որի նյութերի ուսումնասիրությամբ պարզվել է, որ 05.06.2017թ.-ին` Երևանի Կոմիտասի անվան զբոսայգում տեղի ունեցած վիճաբանության ժամանակ, Թ. Խշոյանը սուր կտրող-ծակող գործիքով հարվածներ է հասցրել Մ. Եղիկյանին և ՀՀ ոստիկանության աշխատակից Է. Բերբերյանին` վերջիններիս պատճառելով ծանր մարմնական վնասվածքներ:

Այսօր Գյումրու քաղաքապետարանում տեղի ունեցած ավագանու նիստի ընթացքում քվեարկության դրվեցին մի շարք որոշման նախագծեր, որոնց թվում էին 2018 թվականի բյուջեն հաստատելու մասին, Շիրակի մարզի Գյումրի համայնքի Մուշ-2 թաղամասում գործող մանկական կենտրոնի ծախսերի փոխհատուցման համար «Մուշ զարգացման կենտրոն» հասարակական կազմակերպությանը դրամական միջոցներ հատկացնելու, Գյումրի համայնքի Լիսինյան փողոց N 10/2 հասցեում ինքնակամ կառուցված բնակելի շինությունները և դրանց […]

ՀՀ հատուկ քննչական ծառայության քննիչի վարույթին է հանձնվել ՀՀ քննչական կոմիտեում 26.11.2017թ.-ին ՀՀ քրեական օրենսգրքի 112-րդ հոդվածի 1-ին մասով և 113-րդ հոդվածի 2-րդ մասի 1-ին կետով հարուցված քրեական գործը:

Հայաստանի Հանրապետության և Վերակառուցման և զարգացման միջազգային բանկի միջև 2011թ. հունիսի 1-ին ստորագրված Վարկային համաձայնագրով նախատեսված` «Էլեկտրամատակարարման հուսալիություն» վարկային ծրագրի շրջանակում վերակառուցվում են «Լալվար» և «Նոյեմբերյան» 110 կՎ բարձրավոլտ էլեկտրահաղորդման օդային գծերը:

Հայկական հեռուստաընկերություններն ու հեռուստատեսային կոնտենտ արտադրողները պայքարում են տեսահենության դեմ։ Տեսահենության դեմ պայքարին միացած ավելի քան 1 տասնյակ ընկերություններն արդեն համատեղ հուշագիր են ստորագրել և այսօր կայացած հանդիպման ընթացքում քննարկել տեսահենության դեմ պայքարի գործում հետագա քայլերն ու արտադրողների շահերի պաշտպանությամբ զբաղվող կառույցի ստեղծման գաղափարը:

Սոցփաթեթի հատկացման պրակտիկայում ի հայտ եկած որոշ խնդիրների իրավական լուծումներն ապահովելու նպատակով կառավարությունն ընդունեց համապատասխան որոշում:

Հաջորդ տարվա համար Գյուղատնտեսության նախարարության համար գյուղացիներին աջակցության առաջնահերթ ուղղությունները կլինեն գյուղտեխնիկան, պարտքերի զիջումը և մթերման վարկերը։ Այս մասին այսօր կառավարության նիստից հետո հայտարարեց գյուղատնտեսության նախարար Իգնատի Առաքելյանը։

Դեկտեմբերի 20-ին, ժամը 13.20-ին, հիվանդանոցից ոստիկանության Մարտունու բաժնում հաղորդում է ստացվել, որ «սուր էկզոգեն թունավորում շմոլ գազով» ախտորոշմամբ իրենց մոտ են տեղափոխվել 1968 թ. ծնված Մարինե Հ.-ն, 1968 թ. ծնված Ռոզա Պ.-ն, 1974 թ. ծնված Լուսինե Ք.-ն, 1975 թ. ծնված Ռիփսիկ Փ.-ն, 1970 թ. ծնված Արմենուհի Ք.-ն, 1974 թ. ծնված Սեդա Բ.-ն և 1983 թ. ծնված Արևհատ Ա.-ն:

ՀՀ քննչական կոմիտեի ԶՔԳՎ հինգերորդ կայազորային քննչական բաժնում հարուցվել է քրեական գործ՝ մահվան պատճառ դարձած ավտովթարի դեպքի առթիվ։

Դեկտեմբերի 21-ին, ժամը 11:19-ին ահազանգ է ստացվել, որ Աշտարակ-Ապարան ավտոճանապարհին՝ «Տառերի պուրակ» կոչվող տարածքի մոտակայքում, տեղի է ունեցել ՃՏՊ. անհրաժեշտ է փրկարարների օգնությունը:

ՀՀ ԳՆ սննդամթերքի անվտանգության պետական ծառայության պետական վերահսկողության գործողությունների արդյունքում՝ Երևանի Ազատության 11/76 հասցեում գործող «Նոր Զովք» ՍՊԸ-ում հայտնաբերվել է թերի մակնշմամբ 76 տուփ (փաթեթավորված չրերի տեսականի, տնական հալվա, սառեցված հնդկահավ, կոնֆետների տեսականի), 40 կգ (եփած երշիկներ, ապուխտներ, պանիր Չանախ, քյուֆթա) սննդամթերք և 500 շիշ գազավորված ըմպելիք:

ՀՀ միջպետական և հանրապետական նշանակության բոլոր ավտոճանապարհները բաց են:

Դեկտեմբերի 21-ի ցերեկը, դեկտեմբերի 25-ի ցերեկը, 26-ին սպասվում է առանց տեղումների եղանակ, դեկտեմբերի 22-ի ցերեկը, դեկտեմբերի 23-24-ը, 25-ի գիշերը շրջանների զգալի մասում ժամանակ առ ժամանակ, դադարներով, սպասվում են տեղումներ և մառախուղ:

Հ. Պարոնյանի անվան երաժշտական կոմեդիայի պետական թատրոնում դեկտեմբերի 20-ին տեղի ունեցավ «Ձմեռային հրաշք» տոնական համերգը, որով ԱՄՆ դեսպանատունը եզրափակեց երկու երկրների գործընկերության ու բարեկամության 25-րդ հոբելյանական տարին:

 Հայաստանի ռուսական ռազմակայանի բժշկական ստորաբաժանումների զինծառայողները «Կամխուդ» զորափորձարանում ձեռնամուխ են եղել դաշտային պայմաններում երիտասարդ զինծառայողների անհատական ուսուցմանը:

Հայաստանի Հանրապետության աշխատանքի և սոցիալական հարցերի նախարարությունը ճանաչվեց որպես լիազորված մարմին՝ արտասահմանում աշխատող ՀՀ քաղաքացիների դրամական միջոցների՝ արտասահմանյան ֆոնդերի կուտակային կենսաթոշակային հաշիվներից ՀՀ կենսաթոշակային համակարգի հաշիվներին փոխանցման կարգի սահմանման համար: Այս մասին որոշումն ընդունվեց կառավարության նիստում:

Կառավարությունը հավանությունը տվեց «Վեոլիա Ջուր» փակ բաժնետիրական ընկերության կողմից խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման սակագների մեղմացման միջոցառումների մասին որոշման նախագծին:

Պոլսո հայոց պատրիարքական աթոռի միաբան Արամ արքեպիսկոպոս Աթեշյանն այսօր լրագրողների հետ հանդիպման ընթացքում ասաց, որ թուրքական իշխանությունների ցանկությամբ ինքը պատրիարքական ընդհանուր փոխանորդ է։

Հայաստանի ռուսական ռազմակայանի տանկային եւ մոտոհրաձգային ստորաբաժանումների զինծառայողները ձեռնամուխ են եղել «Տանկային երկամարտ» եւ «Սուվորովյան գրոհ» մրցույթների առաջին ընտրական փուլի նախապատրաստմանը: 

Հայաստանում եղանակային վատ պայմանների, մառախուղի պատճառով դեպի Երեւան եւ հակառակ ուղղություններով մի շարք չվերթներ են հետաձգվել:

Հայաստանում տեղակայված ռուսական ռազմակայանի ռադիացիոն, քիմիական, կենսաբանական (ՌՔԿ) զորքերի ստորաբաժանումների զինծառայողների անհատական ուսուցում է սկսվել բարձրլեռնային տեղանքի պայմաններում:

Այսօր կառավարության նիստում վարչապետ Կարեն Կարապետյանն անդրադարձավ Ամանորին ընդառաջ գերիշխող ապրանքային շուկաներում գների բարձրացմանն ու հանձնարարեց խստացնել վերահսկողությունը:

Ժամը 08։30-ից մինչև 09։00-ն ընկած ժամանակահատվածում Գեղարքունիքի մարզում Տորֆավան գյուղի բնակիչ՝ 42-ամյա Սամվել Կարճիկյանը Ծովագյուղ-Շորժա-Ծափաթաղ-Վարդենիս ավտոճանապարհի 56-րդ կմ հատվածում իր վարած ВАЗ 2107 մակնիշի 35 PD 197 համարանիշի ավտոմեքենայով դուրս է եկել ճանապարհի երթևեկելի գոտուց և մոտ 30 մետր մի քանի պտույտ շրջվելով՝ գլխիվայր հայտնվել է դաշտամիջյան հատվածում։

Այսօր կառավարության նիստում ՀՀ վարչապետ Կարեն Կարապետյանն անդրադարձավ ինքնակամ կառուցված ձկնաբուծական շինությունների խնդրին:

Տեսագրությունում երևացող անձին ճանաչողներին խնդրում ենք զանգահարել 1-02։