Կարլսրուեի վարչական դատարանի կողմից Արցախի հայերի իրավական կարգավիճակի վերաբերյալ ընդունվել է վերջնական վճիռ․ Խաչատուր Մխիթարյան
Փաստաբան, Հայ-գերմանական իրավաբանների միության վարչության անդամ Խաչատուր Մխիթարյանը ֆեյսբուքյան իր էջում գրում է․
«Սիրելի Արցախցիներ,
Կասելի վարչական դատարանի 2024 թ․ սեպտեմբերի 16-ի երկու նախադեպային վճիռներից հետո, ինչպես նաև Գելզենկիրխենի, Գիսենի, Մյունստերի, Մինդենի, Տրիերի, Համբուրգի, Վյուրցբուրգի և Շլեսվիգի վարչական դատարանների բազմաթիվ հրատապ որոշումներից (Eilbeschlüsse) հետո, այժմ ընդունվել է ևս մեկ վերջնական վճիռ (Urteil)՝ այս անգամ Կարլսրուեի վարչական դատարանի կողմից (19.09.2025)։
Այս վճիռը կրկին հաստատում և առավել ամրապնդում է Գերմանիայի վարչական դատարանների կողմից արդեն իսկ ձևավորված դատական նախադեպային պրակտիկան՝ Արցախի հայերի իրավական կարգավիճակի վերաբերյալ»։
