Կարեն Կարապետյանը նկատել է անհիմն թանկացումները. նա հանձնարարականներ տվեց
Այսօր կառավարության նիստում վարչապետ Կարեն Կարապետյանն անդրադարձավ Ամանորին ընդառաջ գերիշխող ապրանքային շուկաներում գների բարձրացմանն ու հանձնարարեց խստացնել վերահսկողությունը:
Ըստ նրա` ամանորյա տոների շրջանում մի քանի անգամ ավելանում է սպառումը, որը պարունակում է գների անհիմն բարձրացման ռիսկեր:
Կ.Կարապետյանը Տնտեսական մրցակցության պաշտպանության պետական հանձնաժողովի նախագահին հանձնարարեց խստացնել վերահսկողությունը գերիշխող ապրանքային շուկաներում գների բարձրացումներ թույլ չտալու համար, ամենօրյա մոնիտորինգ իրականացնել և խնդիրների դեպքում գործուն միջոցներ կիրառել:
