Իսրայելի բանակը հայտնել է, որ Գազայի հատվածում 9 ամիս շարունակվող պատերազմի ընթացքում ոչնչացվել է պաղեստինյան ՀԱՄԱՍ շարժման զինյալ թևի ղեկավարության կեսը, կազմակերպության մոտ 14 հազար մարտիկ սպանվել կամ գերի է ընկել։ Այդ մասին տեղեկացնում է «ՌԻԱ Նովոստի»-ն։
Հունաստանի իշխանությունները որոշ ձեռնարկություններին կարգադրել են այս շաբաթ իրենց աշխատակիցներին թույլ չտալ ցերեկային ժամերին դրսում ծանր աշխատանք կատարել, քանի որ երկրում կրկին մոլեգնում է խիստ շոգը, հայտնել է Reuters-ը։
Հունգարիայի արտաքին գործերի և արտաքին տնտեսական կապերի նախարար Պետեր Սիյարտոն ասել է, որ ակնկալում է հանդիպել ՌԴ ԱԳ նախարար Սերգեյ Լավրովի հետ ՄԱԿ-ի Անվտանգության խորհրդի նիստի շրջանակում, իսկ առավոտյան հեռախոսով զրուցել է Չինաստանի արտգործնախարար Վան Յիի հետ։ Այդ մասին տեղեկացնում է «ՌԻԱ Նովոստի»-ն։
Ադրբեջանական SOCAR նավթային պետական ընկերությունը հայտարարել է կլիմայական հիմնադրամի ստեղծման մասին՝ 500 միլիոն դոլարով: Ադրբեջանը սևից՝ նավթից ստացվող փողը դնում է «կանաչ» քարոզչության մեջ: Բաքուն շարունակում է COP29-ից առաջ իր նոր դիրքավորումը, այսպես ասած՝ կլիմայի փոփոխության դեմ պայքարի առաջամարտիկներից մեկի դիրքում: Ադրբեջանն առնվազն դրել է ռեգիոնալ առաջամարտիկի դիրքը վերցնելու խնդիր, որը, իհարկե, ունի մեկ նպատակ, և այդ նպատակի մասին գրել ու խոսել եմ բազմիցս:
Ըստ ԱՊԱ գործակալության՝ Համագումարի անցկացման գաղափարը պատկանում է քաղաքական կուսակցություններին և շարժումներին, որոնք պայքարում են Ֆրանսիայի անդրծովյան տարածքների անկախության համար։
ԱՄՆ-ը կոչ է անում իր դաշնակիցներին նախապատրաստվել տևական պատերազմների։
Ռուս փորձագետը ուշագրավ է համարում նաև այն, որ Ադրբեջանը չընդունեց Երևանի առաջարկը՝ համաձայնագիրը ստորագրել արդեն իսկ համաձայնեցված հարցերի շրջանակում։ «Այս մերժումը Բաքվի կողմից նշանակում էր, որ Բաքվի բոլոր պահանջները կատարված չեն, և Բաքուն այլ ակնկալիքներ ունի։ Չի բացառվում նաև այն, որ Ադրբեջանը չի ցանկանում համաձայնագիր ստորագրել ԱՄՆ միջնորդությամբ։ Հարցերն իսկապես շատ են, որոնք վերաբերում են թե ռեգիոնին, թե աշխարհաքաղաքականությանը, և թե կողմերի դիրքորոշումներին»,- ընդգծեց նա։
Ուկրաինայում լայնածավալ պատերազմի բռնկման, զորահավաքի և հալածանքների մեկնարկից ի վեր Ռուսաստանն անվերադարձ լքել է շուրջ 666 հազար մարդ։ Դրա մասին ասված է The Bell պարբերականի նախաձեռնած հետազոտության մեջ։
Նյու Յորքում հուլիսի 15-ին ՀՀ ԱԳ նախարար Արարատ Միրզոյանը ներկայացրել է ՄԱԿ կայուն զարգացման օրակարգի և նպատակների ու թիրախների իրականացման առաջընթացն ամփոփող ՀՀ երրորդ կամավոր ազգային զեկույցը։
Իսրայելի պաշտպանության բանակը (ԻՊԲ) Գազայի հատվածի մի քանի շրջաններում մարտեր է մղել պաղեստինյան ՀԱՄԱՍ արմատական շարժման գլխավորած զինյալների հետ, որի հետևանքով, ըստ պաղեստինյան առողջապահական իշխանությունների, զոհվել է առնվազն 50 մարդ։ Այս մասին հաղորդում է Reuters գործակալությունը։
Ուելսի առաջին նախարար Վոն Գեթինգը պաշտոնավարումը սկսելուց ընդամենը չորս ամիս անց հայտարարել է պաշտոնը թողնելու մասին։ Նրա պաշտոնաթողությունից առաջ 4 նախարար հրաժարական էր տվել՝ ի նշան բողոքի նրա կառավարմանը, և կոչ էր արել նրան անել նույնը։ Այս մասին հաղորդում է BBC-ն։
Հուլիսի 16-ին ՀՀ ԱԽ քարտուղար Արմեն Գրիգորյանը հանդիպել է ԱՄՆ Պետքարտուղարի քաղաքացիական անվտանգության, ժողովրդավարության և մարդու իրավունքների հարցերով տեղակալ Ուզրա Զեյայի հետ:
Ռուսաստանի վարչապետ Միխայիլ Միշուստինը Կովկասյան ներդրումային ֆորումում, մոտենալով համապատասխան տաղավարին, հայտնել է, որ Ռուսաստանը կշարունակի աջակցել Հարավային Օսիային։
Մալթացի քաղաքական գործիչ Ռոբերտա Մեցոլան վերընտրվել է Եվրախորհրդարանի (ԵՊ) նախագահ: Նա կպաշտոնավարի 2,5 տարի: Քվեարկությունը հեռարձակվել է խորհրդարանի կայքում։
Հնդկաստանի Ջամու և Քաշմիրի հյուսիսային դաշնային տարածքում գտնվող Դոդայի շրջանում ահաբեկիչների դեմ բախումների ժամանակ առնվազն չորս հնդիկ զինվոր է զոհվել, այդ թվում՝ մեկ սպա: The Wire պարբերականը հաղորդում է նաև մեկ ոստիկանի զոհվելու մասին։
Լեհաստանի հյուսիսային Գդանսկ քաղաքի նավահանգստի պահեստներում երրորդ օրն է՝ շարունակվում է պայքարը հրդեհի դեմ։ Այս մասին հաղորդում է RMF24 ռադիոկայանը։
ՌԴ նախագահ Վլադիմիր Պուտինը փորձարկել է «Վեստայի» VIP տարբերակը՝ Մ-11 մայրուղու վերջին՝ «Նևա» հատվածի բացմանը ժամանելով «Lada Aura» մեքենայով: Պուտինի ուղևորության կադրերը հրապարակվել են «Կրեմլ. Նորություններ»-ի տելեգրամյան ալիքում։
Եվրախորհրդարանի 63 անդամներից բաղկացած խումբը կոչ է արել Հունգարիային զրկել ձայնի իրավունքից ԵՄ խորհրդում, որտեղ այժմ 6 ամսով նախագահում է Բուդապեշտը։ Պատճառը Հունգարիայի վարչապետ Վիկտոր Օրբանի «խաղաղարար առաքելությամբ» այցերն են Ռուսաստան և Չինաստան։
ԱՄՆ Պետդեպարտամենտի խոսնակ Մեթյու Միլլերն արձագանքել է ԱՄՆ նախկին նախագահ Դոնալդ Թրամփի վրա հարձակման վերաբերյալ Վրաստանի վարչապետ Իրակլի Կոբախիձեի գնահատականին։ Միլլերն ասել է` քանի դեռ փաստերը չեն հաստատվել, նախընտրելի է զերծ մնալ շահարկումներից ու անպատասխանատու հայտարարություններից։ Այս մասին գրում է aliq.ge-ն։ Foreign Press USA-ի թղթակից Ալեքս Ռաուֆօղլուն Միլլերին ասել է, որ Կոբախիձեն Թրամփի վրա հարձակումը կապում […]
Հուլիսի 6-ին հայտնի դարձավ, որ Իրանի նախագահական արտահերթ ընտրություններում նախագահ է ընտրվել Մասուդ Փեզեշքիանը։ Դրանից հետո Թուրքիայի նախագահ Ռեջեփ Թայիբ Էրդողանը հայտարարեց, թե Իրանի նախագահական ընտրություններում հաղթած Մասուդ Փեզեշքիանն «իրականում թուրք է», Գերմանիայից վերադառնալիս, ինքնաթիռում լրագրողների հետ զրույցում ասել էր նա։
DW-ն գրում է, որ ներկայումս Հայաստանի էլեկտրաէներգիայի կարիքը կազմում է մոտ 1200 ՄՎտ, որը մոտավորապես հավասար չափաբաժիններով ապահովում են հիդրոէլեկտրակայանները, ՋԷԿ-երը և ատոմակայանը։ Աճում է նաև արևային կայանների թիվը, սակայն դրանց մասնաբաժինը Հայաստանում էլեկտրաէներգիայի արտադրության ընդհանուր ծավալում դեռևս աննշան է՝ 2023 թվականի առաջին կիսամյակի տվյալներով՝ 4%-ից մի փոքր ավելի։
Ռուսաստանի և Ուկրաինայի իշխանությունները հայտնել են մեկը մյուսի տարածքին հասցրած հարվածների մասին։
ՌԴ նախագահի մամուլի քարտուղար Դմիտրի Պեսկովը, մեկնաբանելով «Ազովի» (ՌԴ-ում արգելված ահաբեկչական կազմակերպություն) զինյալների կողմից ռուս զինծառայողի գնդակահարության մասին տեղեկությունը, հայտարարել է, որ ֆաշիստը ֆաշիստ է մնում։
Ուկրաինայի դեսպանը Հնդկաստանի արտգործնախարարություն է կանչվել Հնդկաստանի վարչապետ Նարենդրա Մոդիի ռուսաստանյան այցի մասին Վլադիմիր Զելենսկու հայտարարությունների պատճառով։ Այս մասին հայտնում է «Economic Times» թերթը՝ հղում անելով աղբյուրներին։
Իսրայելում ցուցարարներն արգելափակել են Թել Ավիվի գլխավոր տրանսպորտային մայրուղիներից մեկը՝ Այալոնի մայրուղին՝ պահանջելով շուտափույթ տուն վերադարձնել Գազայի հատվածում պահվող պատանդներին: Այս մասին հաղորդում է The Times of Israel պարբերականը։
ՆԱՏՕ-ն Վրաստանի կառավարությանը կոչ է արել արագացնել բարեփոխումները: Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Խավիեր Կոլոմինան Վրաստանի իշխանություններին կոչ է արել արագացնել բարեփոխումները դաշինքին միանալու համար։
ՌԴ ԱԳ նախարար Սերգեյ Լավրովը ժամանել է Նյու Յորք՝ մասնակցելու ՄԱԿ-ի միջոցառումներին, հայտնում է ՌԻԱ «Նովոստի»-ն։ Մասնավորապես, հուլիսի 16-17-ը նա նախագահելու է ՄԱԿ-ի Անվտանգության խորհրդի անդամ երկրների ԱԳ նախարարների մակարդակով բաց բանավեճերը:
ԱՄՆ Հետաքննությունների դաշնային բյուրոն՝ FBI-ը հրապարակել է նախկին նախագահ Դոնալդ Թրամփի դեմ մահափորձի մեջ կասկածվողի անունը։ Թրամփի թիմը վստահեցնում է՝ տեղի ունեցածից հետո Սպիտակ տան նախկին ղեկավարն իրեն լավ է զգում։
ԱՄՆ նախկին նախագահ Դոնալդ Թրամփն իր դեմ մահափորձից գրեթե 48 ժամ անց ներկայացել է Հանրապետականների ազգային համագումարին՝ բուռն ծափահարությունների արժանանալով։ Այս մասին հաղորդում է Reuters գործակալությունը։
Հուլիսի 15-ին Նյու Յորքում ՀՀ ԱԳ նախարար Արարատ Միրզոյանը մասնակցել է ՄԱԿ կայուն զարգացման բարձր մակարդակի քաղաքական ֆորումի նախարարական հատվածին։
