100 հազար տոննա նավթ տեղափոխող ռուսական լցանավը ժամանել է Կուբա
100 000 տոննա նավթ հումանիտար բեռ տեղափոխող ռուսական «Անատոլի Կոլոդկին» լցանավը ժամանել է Կուբա: Ինչպես տեղեկանում ենք «Ինտերֆաքս» գործակալությունից, այդ մասին հաղորդել է Ռուսաստանի Դաշնության տրանսպորտի նախարարությունը։
«Նավը ներկայում բեռնաթափման է սպասում Մատանսաս նավահանգստում», – ասվում է հաղորդագրության մեջ։
Կուբան ԱՄՆ-ի կողմից նավթային շրջափակման պատճառով հայտնվել է էներգետիկ ճգնաժամի առջև։ ԱՄՆ նախագահ Դոնալդ Թրամփն ավելի վաղ հայտարարել է, որ չի առարկում Կուբային նավթի հումանիտար մատակարարմանը, այդ թվում՝ Ռուսաստանից։
