Ռուբիոն չի կարողացել պատասխանել Մերձավոր Արևելքի կարգավորման վերաբերյալ հարցերին
ԱՄՆ պետքարտուղար Մարկո Ռուբիոն դժգոհություն է առաջացրել իր եվրոպացի գործընկերների շրջանում, երբ չի կարողացել պատասխանել Իրանի շուրջ ստեղծված իրավիճակի լուծման ուղիների վերաբերյալ հարցերին: Այս մասին հաղորդում է Financial Times թերթը։
«Անցյալ շաբաթ G7-ի արտաքին գործերի նախարարների հանդիպման ժամանակ ԱՄՆ պետքարտուղար Մարկո Ռուբիոն իր եվրոպացի գործընկերների ճնշման տակ է հայտնվել՝ ճգնաժամի կարգավորման կամ հրադադարի հնարավոր միջոցառումների վերաբերյալ մանրամասներ տրամադրելու նպատակով: Նրա կողմից հստակ պատասխանների բացակայությունը բացասաբար է ընկալվել»,- դիվանագետների խոսքերն է մեջբերում թերթը:
