Միջազգային

ԱՄՆ Կոնգրեսի ներկայացուցիչների պալատի հունվարի 9-ի ընդունած բանաձևի համաձայն՝ սահմանափակվել են ԱՄՆ նախագահ Դոնալդ Թրամփի ռազմական լիազորությունները և արգելվում է առանց օրենսդիրների թույլտվության ռազմական գործողություններ իրականցնել Իրանի դեմ։

Կորեայի Հանրապետությունում արձանագրվել է կորոնավիրուսի նոր տեսակի հարցուցած թոքաբորբով հիվանդանալու առաջին դեպքը:

Ավստրալիայում ավելի քան 1 միլիարդ կենդանի է ոչնչացել ընդգրկուն անտառային հրդեհների հետեւանքով:

«Հաստատվեց, որ Իրանն ու ԱՄՆ-ը չեն ցանկանում պատերազմ տարածաշրջանում»,- այս մասին 168.am-ի հետ զրույցում ասաց ռուս արևելագետ Վիկտոր Նադեին-Ռաևսկին՝ անդրադառնալով վերջին տասնօրյակի ընթացքում Իրան-ԱՄՆ հարաբերություններում ստեղծված սրացմանը:

 Համաշխարհային ռազմական ծախսերը 2019 թվականին գերազանցել են 1,8 տրլն դոլարը:

Իրանն ու ԱՄՆ-ն բավական խոհեմություն ցուցաբերեցին, լարված մթնոլորտն առժամանակ սառեցվեց: «Արմենպրես»-ի մամուլի սրահում հրավիրված ասուլիսում նշեց իրանագետ Գոհար Իսկանդարյանը՝ անդրադառնալով ԱՄՆ նախագահի հայտարարությանը:

«Միջազգային հանրությունը սպասում էր պատերազմի, նույնիսկ կանխատեսումներ կային, որ կարող են ուղիղ պատերազմական գործողություններ ծավալվել, պրոքսի հարթակներում ակտիվանալ պատերազմական գործողությունները, և այս տեսանկյունից նախագահ Թրամփի ելույթը լիցքաթափող էր: Կարելի է ասել՝ պատերազմի վտանգ չկա, կողմերն այս պահի դրությամբ բավարարվեցին փոխադարձ գործողություններով, բայց դրանով ամեն ինչ չի ավարտվում, և Մերձավոր Արևելքում լարվածությունը շարունակելու է աճել: Առկա գործընթացները միտված չեն կարգավորելու կամ խաղաղություն բերելու Մերձավոր Արելքին»,- ասաց նա:

Բելառուսի նախագահ Ալեքսանդր Լուկաշենկոն մտադիր է պնդել, որպեսզի Ռուսաստանից գազի մատակարարումներն իրականացվեն ներքին սակագներով:

ԱՄՆ նախագահ Դոնալդ Թրամփն առաջիկա օրերին իր դաշնակիցներին կոչ կանի դուրս գալ իրանական միջուկային համաձայնագրից:

Մեծ Բրիտանիայի Եղիսաբեթ Երկրորդ թագուհին խիստ հիասթափված է այն բանից, որ իր թոռը՝ արքայազն Հարրին, եւ նրա կինը՝ ամերիկացի դերասանուհի Մեգան Մարքլը, հայտարարել են թագավորական ընտանիքի ավագ անդամների լիազորությունները վայր դնելու եւ կա՛մ Միացյալ Թագավորությունում, կա՛մ Հյուսիսային Ամերիկայում ապրելու մտադրության մասին՝ դա նախօրոք չքննարկելով Բուքինգհեմյան պալատի հետ:

«Գեներալ Սոլեյմանիի նահատակությունն ինչ-որ առումով համախմբեց Իրանը: Իրաքի տարածքում ԱՄՆ ռազմաբազաների հրթիռակոծումը միանշանակորեն ողջունվեց իրանական հասարակության զանազան շերտերի կողմից: Որքան էլ պարադոքսալ թվա՝ որևէ անհանգստություն իրանական հասարակության ներսում չկա, իրանցիները պնդում են, որ իրենք պատրաստ են ցանկացած գործողության, որը, հնարավոր է՝ իրականացվի Իրանի հանդեպ»,- 168.am-ի հետ զրույցում ասաց ԵՊՀ իրանագիտության ամբիոնի վարիչ, իրանագետ Վարդան Ոսկանյանը:

Իսրայելը չի պատրաստվում հարվածներ հասցնել Իրանի ուղղությամբ ո՛չ իր տարածքից, ո՛չ էլ մեկ այլ երկրի: Այս մասին 168.am-ի հետ զրույցում ասաց իսրայելցի քաղաքագետ Ալեքսանդր Ցինկերը՝ պատասխանելով հարցին, թե որոշ փորձագետներ պնդում են, որ Ադրբեջանը տարածք է տրամադրում իսրայելական զինուժին` ծավալելու հետախուզական գործողություններ Իրանի նկատմամբ, ինչը հաստատվել է նաև իսրայելական լրատվամիջոցներում:

Անցած 24 ժամվա ընթացքում գրեթե 1,2 հազար սիրիացի փախստականներ են Սիրիա վերադարձել Լիբանանից ու Հորդանանից:

Լեռնային Ղարաբաղի հակամարտության կարգավորումը կարևոր տեղ կզբաղեցնի ԵԱՀԿ-ում Ալբանիայի նախագահության օրակարգում:

Իսրայելի պաշտպանության նախարարությունը հայտարարել է, որ «տեխնոլոգիական ճեղքման» է հասել հակահրթիռային պաշտպանության լազերային համակարգի մշակման բնագավառում։

Հունվարի 9-ին անհայտ սպիտակ փոշիով անանուն նամակներ են փոստով ուղարկել Բելգիայի վալլոնյան կառավարության մի քանի նախարարություններ:

Աբխազիայի նախագահի վարչակազմում պետական հեղաշրջման փորձ են որակել Սուխումում տեղի ունեցող իրադարձությունները, այդ թվում՝ ընդդիմության կողմնակիցների գրոհը պետական հիմնարկությունների վրա։

 Հռոմի Ֆրանցիսկոս պապն անհանգստացած է մերձավորարեւելյան տարածաշրջանում ստեղծված լարվածությունից, որն սպառնում է Իրաքի վերականգնման գործընթացին:

«ԱՄՆ-Իրան փոխհարաբերություններն այսուհետև բաժանվելու են երկու մասի՝ մինչև Ղասեմ Սոլեյմանիի սպանությունն ու ամերիկյան ռազմաբազաների հրթիռակոծումը և դրանից հետո». վստահեցնում է իրանագետ Արտյոմ Տոնոյանը, ապա հավելում, որ դա առանցքային է լինելու երկու երկրների համար: Հունվարի 3-ին Բաղդադի միջազգային օդանավակայանի մերձակայքում ԱՄՆ նախագահ Դոնալդ Թրամփի հրահանգով իրականացված հատուկ գործողության հետևանքով սպանվել է Իրանի Իսլամական հեղափոխության պահապանների կորպուսի (ԻՀՊԿ) «Ղոդս» հատուկ ստորաբաժանման ղեկավար, գեներալ-լեյտենանտ Ղասեմ Սոլեյմանին:

Իսլամական հեղափոխության պահապանների կորպուսի «Ղուդս» հատուկ ստորաբաժանման նոր հրամանատար Էսմայիլ Կաանին հայտարարել է, որ շարունակելու է գեներալ Ղասեմ Սոլեյմանիի ուղեգիծը:

Ուկրաինան տարեկան շուրջ 450 միլիոն դոլար չի ստանա «Թուրքական հոսքի» գործարկման պատճառով: Այդ մասին հունվարի 9-ին հայտարարել է «Ուկրաինայի գազափոխադրական համակարգի գործարկուի» գլխավոր տնօրեն Սերգեյ Մակոգոնը:

Ուկրաինայի ազգային անվտանգության եւ պաշտպանության խորհուրդը (ԱԱՊԽ), ի թիվս այլ վարկածների, ուսումնասիրում է ռուսական արտադրության «Տոռ» զենիթային հրթիռով հունվարի 8-ին Թեհրանի օդանավակայանից թռչելուց հետո ուկրաինական Boeing-ի խոցումը:

Սիրիայում թուրքական բանակի կրտսեր սպայական կոչումներով չորս զինծառայող է զոհվել պայթյունի հետեւանքով: Այդ մասին հունվարի 9-ին հայտնել է Թուրքիայի ազգային պաշտպանության նախարարությունը՝ Twitter-ում զետեղելով զոհվածների լուսանկարները:

Իրանի հյուսիս-արեւմուտքում առնվազն 19 մարդ է զոհվել ավտոբուսի վթարի հետեւանքով: Այդ մասին հունվարի 9-ին հայտնել է ISNA գործակալությունը։

Նիգերիայի հյուսիս-արեւելքի Մոնգունո քաղաքում առնվազն 20 զինվոր է զոհվել եւ շուրջ հազար խաղաղ բնակիչներ են զրկվել օթեւանից զինյալների հարձակման հետեւանքով:

Թեհրանում կործանված ուկրաինական Boeing-737 ինքնաթիռը բռնկել է դեռ մինչեւ գետնին բախվելը:

ՄԱԿ-ին առընթեր ԱՄՆ-ի մշտական ներկայացուցիչ Քելլի Քրաֆթը նամակ է ուղարկել Անվտանգության խորհրդին, որում գեներալ Ղասեմ Սոլեյմանիի սպանությունը բացատրել է ինքնապաշտպանության նպատակով: Այդ մասին հայտնել է Reuters գործակալությունը՝ վկայակոչելով փաստաթղթի տեքստը։

Իրանի իշխանությունները կանխամտածված ճշտել են հարվածները Իրաքում տեղակայված ԱՄՆ-ի օբյեկտներին, որպեսզի հնարավորինս քիչ ամերիկացի զինվորականներ տուժեն: Այդ մասին հայտնել է The Washington Post թերթը՝ վկայակոչելով ԱՄՆ-ի վարչակազմի բարձրաստիճան ներկայացուցչի:

Նորվեգիայի Հարալդ V թագավորը հունվարի 8-ին հոսպիտալացվել է:

ՄԱԿ-ի գլխավոր քարտուղար Անտոնիու Գուտերիշը ոգեշնչված է Իրանի եւ ԱՄՆ-ի միջեւ հակմարտության ապաէսկալացիայի նշաններով: