Այսօր ԱԺ-ում 2024 թվականի պետական բյուջեի նախագծի քննարկման ժամանակ Հայաստանի արտաքին գործերի նախարար Արարատ Միրզոյանը հայտարարեց, որ դեռևս 1990-ականներից ունենք Հայաստանի Հանրապետության տարածք, որն այժմ գտնվում է Ադրբեջանի հսկողության տակ, և կան թարմ օրինակներ։
«Լեռնային Ղարաբաղում տեղի ունեցած էթնիկ զտումները, հայ բնակչության բռնի տեղահանությունները, սա մեծ բարդություններ է առաջացնում։ Եվ ակնհայտորեն փորձ էր՝ շեղել մեզ, և օբյեկտիվորեն բարդություններ է առաջացնում մեր հիմնական օրակարգում, արտաքին քաղաքական խնդրում, այն է՝ ապահովել կայուն անվտանգային միջավայր Հայաստանի Հանրապետության շուրջ»,- ԱԺ հանձնաժողովների համատեղ նիստում 2024 թվականի պետական բյուջեի նախագածի քննարկման ժամանակ ասաց ԱԳ նախարար Արարատ Միրզոյանը՝ անդրադառնալով հայ-ադրբեջանական հարաբերությունների խնդրին։
«Ռազմական էսկալացիան միշտ էլ հավանական է եղել, նույնիսկ ավելի վատ կանխատեսումներ են եղել։ Եթե համացանցում հետևեք, կա մի խումբ, որը գրում է՝ Ադրբեջանը հարձակվելու է 10 օր հետո»։
168.am-ի հետ զրույցում ռազմական փորձագետ Հայկ Նահապետյանը պատասխանելով այս հարցերին, նկատեց՝ արևմտյան ցանկացած նման կարգի ինստիտուտ, որն իբր ունի գործառույթ ցեղասպանությունների կանխարգելման, իրականում քողարկում են արևմտյան պետությունների կողմից, որևէ երկրի ու ժողովրդի կողմից իրականացրած ցեղասպանությունը։ Այսինքն՝ ցեղասպանության ենթարկված ժողովուրդների, երկրների քողածածկույթն են։
ԱԺ փոխնախագահ Հակոբ Արշակյանը սահմանային իրավիճակի վերաբերյալ լրագրողների հարցերը լսելուց հետո նրանց խորհուրդ տվեց հետևել ՊՆ-ի պաշտոնական հաղորդագրություններին։
Կառավարության այսօրվա նիստում Նիկոլ Փաշինյանը հայտարարեց, որ վերջերս ներկայացրել են «խաղաղության խաչմերուկ» նախագիծը, որի ներկայացման շրջանակներում անձամբ տեղեկացրել է, որ նախատեսում են ՀՀ ԱԱԾ կազմում ստեղծել ստորաբաժանում, որի գործառույթներից մեկը կամ գործառույթը պետք է լինի Հայաստանով անցնող տարածաշրջանային և միջազգային կոմունիկացիաների, այն է՝ ճանապարհների, երկաթգծերի, գազամուղների, մալուխների և այդ կոմունիկացիաներով բեռների և մարդկանց անվտանգությունն ապահովելը։
Կառավարության այսօրվա նիստում Նիկոլ Փաշինյանը հայտարարեց, որ Արցախից բռնի տեղահանվածների մեծ հոսք կա, մարդիկ դիմում են ՀՀ քաղաքացիություն ստանալու համար։
Այսօր ԱԺ-ում լրագրողների հետ ճեպազրույցում Մարդու իրավունքների պաշտպան Անահիտ Մանասյանն անդրադարձավ նաև Բաքվի բանտերում գերու կարգավիճակով գտնվող Արցախի նախկին ռազմաքաղաքական ղեկավարներից, մասնավորապես, ՊԲ նախկին հրամանատար Լևոն Մնացականյանին, որի վերաբերյալ, մի քանի օր է՝ լուրեր են տարածվում, թե մահացել է: Մարդու իրավունքների պաշտպանն ասաց, թեև այդ հարցերը իր մանդատի շրջանակներում չեն, այդուհանդերձ իր լիազորությունների շրջանակներում խնդրով զբաղվում է։
Սեպտեմբերի 19-ին Արցախի պետական համալսարանում ընթանում էին ակտիվ պարապմունքներ։ Առաջին կուրսի ուսանողների համար մենք կազմակերպել էինք հանդիպում-քննարկում։ Երբ պայթեց առաջին ռումբը, առաջին կուրսեցիները գտնվում էին մեծ դահլիճում։ Հետո տագնապի ազդանշանով իջանք նկուղ, որից հետո արդեն դեպքերի հայտնի ընթացքով բոլորը բռնի տեղահանվեցին Արցախից։
Քննչական կոմիտեի նախագահ Արգիշտի Քյարամյանի խոսքով՝ ՔԿ-ի կողմից իրականացվող ուսումնասիրությունները բացառապես վերաբերում են Ադրբեջանի կողմից Արցախում էթնիկ զտման համատեքստում հարուցված քրեական գործին, քանի որ ՔԿ-ն Արցախում քննություն իրականացնելու իրավասություն չունի։
Ե՞րբ է Քննչական կոմիտեի կողմից վերջ դրվելու ընտրովի արդարադատությանը, քանի որ երբ ՔՊ-ական պատգամավորը քաղաքացու կարտոֆիլն է մի կողմ հրում, կամ քաղաքացուն մեկ այլ ՔՊ-ական պատգամավոր ասում, թե՝ «լեզուդ, ականջդ կկտրեմ», նրանց ոչինչ չեն անում, բայց երբ աղջիկը պայքարում է իր ազատության համար, նրան կալանավորում են։ Այս հարցադրումներն այսօր լրագրողներն ԱԺ բակում ուղղեցին ՔԿ նախագահ Արգիշտի Քյարամյանին։
Պետական վերահսկողության ծառայության պետ Ռոմանոս Պետրոսյանի խոսքով՝ նախորդ տարի հարուցված վարույթները եղել են 77-ը, մասնավորապես՝ 2022 թվականի գործունեության արդյունքներով։
Այսօր ԱԺ հանձնաժողովների համատեղ նիստում ընթացող 2024 թվականի բյուջեի նախագծի քննարկման ժամանակ պատգամավորներն Արդարադատության նախարար Գրիգոր Մինասյանից հետաքրքրվեցին, թե Գավառում նոր դատարանի շենք կառուցելու համար որքա՞ն գումար են հատկացրել, և քրեակատարողական հիմնակներում ընթացող բարեփոխումների արդյունքներից գո՞հ է։
Նիկոլ Փաշինյանի աշխատակազմի ղեկավարի տեղակալ Արմեն Խաչատրյանն այսօր ԱԺ-ում լրագրողների հետ զրույցում խոսեց նաև ամերիկացի ռեփեր Սնուփ Դոգի չկայացած համերգի մասին: Մանրամասնեց, թե այն կազմակերպությունը, որը ռեփերին բերելու էր Հայաստան, հստակ պայմանավորվածություն էր ունեցել նրա հետ, այսինքն՝ ջանք էր գործադրել, որից հետո արդեն դիմել էր Կառավարությանը՝ աջակցության խնդրանքով։
Էկոնոմիկայի նախարար Վահան Քերոբյանն այսօր ԱԺ-ում լրագրողների հետ զրույցում՝ խոսելով իր հայտարարած՝ Գյումրիում չոր նավահանգիստ կառուցելու մասին, ասաց, որ պատվիրել են և այժմ իրագործման ընթացքում է խորը տեխնիկատնտեսական վերլուծությունը, որն անում է հոլանդական ընկերությունը։
Էկոնոմիկայի նախարար Վահան Քերոբյանի խոսքով՝ Երասխում ամերիկյան ներդրումներով գործարանի պրոյեկտը շարունակվում է, իրագործման ընթացքում է։
Հայկական հուշարձանները ոչնչացնելու Ադրբեջանի քաղաքականությունը նոր չէ, այդ քաղաքականությունն ամենուր է՝ որտեղ Ադրբեջանի բանակը մտնում է։ Մենք 1994 թվականից ի վեր այդ ամենը տեսել ենք և՛ հյուսիսային Արցախում, և՛ Նախիջևանում, և 44-օրյա պատերազմից հետո Հադրութում, Քարվաճառում և այն բոլոր տարածքներում, որոնք անցան Ադրբեջանի հսկողության տակ։
Տարածքային կառավարման և ենթակառուցվածքների նախարար Գնել Սանոսյանի խոսքով՝ նախարարությունը չի տիրապետում, թե ինչ քարտեզներով պետք է Ադրբեջանի հետ տեղի ունենա սահմանազատում և սահմանագծում, նախարարությունը նման քարտեզներ չունի։
Տարածքային կառավարման և ենթակառուցվածքների նախարար Գնել Սանոսյանի խոսքով՝ Հյուսիս-Հարավ ճանապարհի հետ կապված դրականն այն է, որ մի շարք հատվածներ վերջապես մտան շինարարության փուլ։
Այսօր ԱԺ-ում լրագրողները Տարածքային կառավարման և ենթակառուցվածքների նախարար Գնել Սանոսյանից հետաքրքրվեցին, թե օրերս ի՞նչ քարտեզների մասին էր խոսում Նիկոլ Փաշինյանը, երբ հայտարարում էր, որ այդ քարտեզներով պետք է տեղի ունենա Ադրբեջանի հետ սահմանազատում և սահմանագծում։
Այսօր ԱԺ-ում լրագրողների հետ ճեպազրույցում, խոսելով Արցախի Հանրապետությանը գումարներ տրամադրելու մասին և պատասխանելով լրագրողների հարցին՝ արդյոք ՀՀ-ն սառեցրե՞լ է Արցախին գումարներ հատկացնելու գործընթացը, Ֆինանսների նախարար Վահե Հովհաննիսյանը պատասխանեց, որ Հայաստանի ֆինանսների նախարարությունը Լեռնային Ղարաբաղի բյուջեին հասանելիություն չունի։
Այսօր ԱԺ-ում լրագրողների հետ ճեպազրույցում Ֆինանսների նախարար Վահե Հովհաննիսյանը խոսելով Երևանի Մետրոպոլիտենի խնդիրների և ֆինանսավորման մասին՝ ասաց, որ 2024թ. Մետրոպոլիտենի վերազինման և ենթակառուցվածքների զարգացման համար գումար նախատեսված է, և եթե որոշվի, որ խնդիրների լուծումը հրատապ է, և այս տարի պետք է իրականացվեն, ապա կնայեն բյուջետային հնարավորությունները և հատկացումներ կանեն։
168.am-ի հետ զրույցում ազատամարտիկ Մարտին Եսայանն ասաց, որ ամիսներ տևած փնտրտուքից հետո, այդ երկու սենյակը հազիվ էին գտել, նախապես կինն ու աղջիկը գնացել էին բնակարանը տեսնելու, պայմանավորվել էին, որ վարձավճարը տալուց հետո պետք է տեղափոխվեին։
«Ո՞ւր է Արցախի իշխանությունն ընդհանրապես, ո՞ւր է Արցախը։ Արցախի իշխանությունը կարող է լինել միայն Արցախում։ Մեկ այլ երկրում չի կարող գործել այլ երկրի իշխանություն, այդ վտարանդի իշխանություն, կառավարություն, նման բան չի եղել, նման բան եղել է միայն նախորդ դարում։
Այսօր ԱԺ մշտական հանձնաժողովների համատեղ նիստում քննարկվեց 2024 թվականի պետական բյուջեի նախագիծը։ Առավոտյան Նիկոլ Փաշինյանն էր ԱԺ-ում ներկայացնելու նախագիծը, այնպես, ինչպես սովորաբար պետական բյուջեի նախագիծը ներկայացրել են մեր երկրի վարչապետները, սակայն այսօր առաջին անգամ Անկախ Հայաստանի պատմության մեջ քննարկմանը լրագրողների մուտքը հանձնաժողովների նիստերի սրահ արգելված էր:
Այսօր խորհրդարանում լրագրողները «Քաղաքացիական պայմանագիր» խմբակցության պատգամավոր Արմեն Խաչատրյանից հետաքրքրվեցին, թե Արցախի Հանրապետության նախագահ Սամվել Շահրամանյանն իր հարցազրույցում ասաց, որ ՀՀ իշխանությունը տեղյակ է եղել՝ ինչ հրամանագիր է ստորագրվելու սեպտեմբերի 20-ին, կարելի՞ է ենթադրել, որ որոշակի բանակցություններ եղել են։
ԱԺ-ում Կառավարության հետ վերջին հարցուպատասխանի ժամանակ Ներքին գործերի նախարար Վահե Ղազարյանը, երբ անդրադարձավ Արցախից բերված ապօրինի զենք և զինամթերքին և հորդորեց դրանք կամավոր հանձնել, իր խոսքի սկզբում նախ ասաց՝ Արցախի Հանրապետություն, այնուհետև շատ արագ «շտկեց»՝ ասելով Լեռնային Ղարաբաղ։
ԱԺ-ում 2024 թվականի պետական բյուջեի նախագծի քննարկման ժամանակ Գեղամ Մանուկյանը դիմելով Ներքին գործերի նախարար Վահե Ղազարյանին, ասաց, որ այսօր Հայաստանում կան տասնյակ, եթե ոչ՝ հարյուրավոր ոստիկաններ, որոնք, ցավոք, ենթարկվում են աշխատանքային թրաֆիկինգի։
Այսօր ԱԺ-ում 2024 թվականի պետական բյուջեի նախագծի քննարկման ժամանակ «Քաղաքացիական պայմանագիր» խմբակցության պատգամավոր Հայկ Սարգսյանը դիմելով ՆԳ նախարար Վահե Ղազարյանին՝ ասաց, որ աշխատում են օրենսդրական փոփոխությունների վրա, որպեսզի ոստիկանությանը տան լայն լիազորություններ և հասանելիություն մի շարք տեսախցիկների։
ԱԺ մշտական հանձնաժողովների համատեղ նիստում Ներքին գործերի նախարարության գլխավոր քարտուղար Արա Ֆիդանյանը ներկայացնելով 2024 թվականի պետական բյուջեն, ասաց, որ հոկտեմբերի 28-ին Արարատի, Վայոց ձորի, Սյունիքի մարզերում պարեկային ծառայությունների ստորաբաժանումների մեկնարկով ամբողջացվել է պարեկային ծառայության ներդրումը ողջ հանրապետության տարածքում՝ որպես ոստիկանության արտաքին ծառայության կազմակերպման նոր և ժամանակակից մոդել։
