«Ես կարող եմ միայն արձանագրել փաստ, որ այն, ինչ տեղի է ունենում, ՀՀ գործող իշխանությունների «վզով» է, իրենց մեղավորությունն է, նրանց պատճառով է այս ամենը տեղի ունենում, հետևաբար՝ պետք է խստագույնս պատժվեն։ Հիմա արդեն անիմաստ է կրկնել, որ առաջին հերթին պետք է հարցի լուծմամբ և երկրի կառավարմամբ զբաղվեն պրոֆեսիոնալ մարդիկ, այլ ոչ թե «քուչից» հավաքած ժեխը, որովհետև այդ մարդիկ ո՛չ գիտեն, ո՛չ կարողանում են և ո՛չ էլ ուզում են ինչ-որ բան անել։ Իշխանության պետք է գան ուժեր, որոնք գիտեն ու հնարավորություններ ունեն գոնե այս ամենը կանգնեցնել, որովհետև հին սահմանագիծն անհնարին է վերադարձնել մոտակա մի քանի տարին»,- եզրափակեց Արմինե Ադիբեկյանը։
«Վարդենիսից դուրս ես գալիս, դա Սոթքի հատվածն է, այսինքն՝ թշնամին մտել է մեր տուն, հատուկ պաշտպանության տարածք, զինված ուժերի պաշտպանության տարածք, և գերեվարել են զինվորների։ Եթե հիշում եք, մի քանի օր առաջ, երբ խոսվում էր հայ հովիվին ծեծելու մասին, Պաշտպանության նախարարն ԱԺ-ում խրոխտ հայտարարում էր, թե ի՞նչ է եղել, որ, կարևորը՝ վիրավորներ չկան, կարևորը՝ զոհեր ու գերիներ չկան, դրանից մի քանի օր հետո եղավ զոհ, գերիներ։ Րոպեներ առաջ տեղեկատվություն տարածվեց, որ Գեղարքունիքի սահմանային հատվածում կրակոցներ են հնչել, վիճակն այլևս անկառավարելի է»,- նշեց Նաիրա Զոհրաբյանը։
«Որքան էլ փորձենք ասենք՝ պետական սահման և այլն, իներցիայի ուժով ենք ասում, իներցիայի ուժով այդ սահմանները մերն են, մեր տարածքում են։ Հիմա ստացվում է, որ մեզ մեր տարածքում գերեվարել են։ Սա շատ վտանգավոր է, ու ես չգիտեմ՝ սրա նպատակը ո՞րն է, ու հետևանքներն ի՞նչ է լինելու։ Ակնկալում եմ, որ Պաշտպանության նախարարությունը պետք է պարզաբանումներ տա շատ մանրամասն, թե ինչ հանգամանքներում են գերեվարվել, և ինչո՞ւ մենք համապատասխան գործողություններ չենք իրականացնում»,- նշեց Թագուհի Թովմասյանը։
«Այս պահին լարված վիճակ է, աշխատանքներ են տարվում, որպեսզի կարողանան հետ բերել այդ տղաներին, չգիտեմ՝ որքանով կհաջողվի։ Մեծ մասշտաբի բանակցություններ ու գործողություններ է ձեռնարկվում»,- նշեց Հակոբ Ավետյանը։
Թե ստեղծված իրավիճակում որո՞նք պետք է լինի հայկական կողմի անելիքները, Կարեն Վրթանեսյանը պատաախնեց, որ 168.am-ն արդեն գրել է, որ «Պատիվ ունեմ» դաշինքը դիմել է, որպեսզի գնա սահման, սակայն նրան մերժել են։
Մեղրիի համայնքապետ Մխիթար Զաքարյանին ոչ միայն բերման ենթարկեցին, այլև որոշակի «ստուգումներից» հետո փակեցին նրա ընտանիքին պատկանող Մեղրիի մաքսակետի հարևանությամբ գործող մաքսային հսկողության գոտին՝ տերմինալը, որտեղ կատարվում է Մեղրիի և Քաջարանի վերաբերյալ բեռների մաքսազերծումը։
«Ռազմական դրություն կարող է մտցվել, Աստված մի արասցե, իրավիճակի կտրուկ սրման դեպքում։ Մենք հույս ունենք, որ իրավիճակը ոչ միայն կտրուկ չի սրվի, այլև կստանա այն լուծումը, որի մասին մենք խոսում ենք։ ՌԴ նախագահը, կարծեմ, նաև հրապարակային հայտարարել է և մեզ հետ, ինձ հետ աշխատանքային քննարկման ժամանակ ասել, որ ՌԴ դիրքորոշումը շարունակում է մնալ այն, որ ՀՀ սահմանը կարմիր գիծ է ՌԴ-ի համար»,- հավելեց Նիկոլ Փաշինյանը։
Մայիսի 12-ից հայ-ադրբեջանական սահմանի Գեղարքունիքի և Սյունիքի հատվածներում առաջ եկած թշնամին տարբեր սադրանքների է դիմում։ Մայիսի 26-ին թշնամին Վերին Շորժայի հատվածում կրակոցներ էր արձակել, որի հետևանքով մեկ հայ պայմանագրային զինծառայող էր զոհվել։ Դրանից հետո խոսակցություններ շրջանառվեցին, որ Սյունիքի մարզի Սիսիանի հատվածում նույնպես եղել են կրակոցներ։
Պաշտպանության նախարարի պաշտոնակատար Վաղարշակ Հարությունյանն այսօր կառավարության հետ հարցուպատասխանի ժամանակ ասաց, որ թշնամու կողմից արված հայտարարությունը, որ իբր հայկական կողմը գնդակոծել է իր դիրքերը, իրականությանը չի համապատասխանում, Պաշտպանության նախարարությունը այդ ամենը հերքող հայտարարություն է տարածել։
Առողջապահության նախարարի պաշտոնակատար Անահիտ Ավանեսյանն այսօր Կառավարության հետ հարցուպատասխանի ժամանակ ասաց, որ հունիսի 1-ից բաց տարածքում դիմակներ չեն կրելու, որոշակի փոփոխություններ կլինեն նաև փակ տարածքների հետ կապված։
Ըստ ԱԺ «Բարգավաճ Հայաստան» խմբակցության քարտուղար Արման Աբովյանի՝ իրենք լավ գիտեն, թե ովքեր են գեներացնում այն շինծու ու կեղծ տեղեկությունները, թե ԲՀԿ-ն ՔՊ-ի հետ հետընտրական կոալիցիա է կազմելու։
ԱԺ «Բարգավաճ Հայաստան» խմբակցության քարտուղար Արման Աբովյանի խոսքով՝ թուրք խուժանի Հայաստան ներխուժելու վերաբերյալ նախապես ասել էին, որ թշնամին ներխուժելու է, քանի որ իրագործում է որոշակի ծրագիր, որի հիմնական նպատակը ՀՀ մասնատումն է։
ԱԺ «Իմ քայլը» խմբակցության ղեկավար Լիլիթ Մակունցն այսօր խորհրդարանում լրագրողների հետ զրույցում ասաց, որ ռազմական դրություն հայտարարելու և ընտրությունները չեղարկելու հարց այս պահին չեն քննարկել։
ԱԺ «Իմ քայլը» խմբակցության ղեկավար Լիլիթ Մակունցն այսօր խորհրդարանում լրագրողների հետ զրույցում անդրադարձավ «Քաղաքացիական պայմանագիր» կուսակցության նախընտրական ցուցակում գործարարների ներառելու հարցին, ինչին ժամանակին ընդդիմադիր Նիկոլ Փաշինյանը միշտ դեմ է եղել և քննադատել է։
ԱԺ «Իմ քայլը» խմբակցության պատգամավոր, Արտաքին հարաբերությունների մշտական հանձնաժողովի նախագահ Ռուբեն Ռուբինյանի մեկնաբանությամբ՝ թեև իրենք, ինչպես նաև ընդիմադիր դաշտում շատերը, մեծ հաշվով, խնդիր չեն տեսնում դեմարկացիայի և դելիմիտացիայի հետ կապված, այդուամենայնիվ առկա պայմաններում նման բան չի կարող տեղի ունենալ։ Հետևաբար՝ փաստաթղթի կամ դեմարկացիայի և դելիմիտացիայի վերաբերյալ խոսակցություն կարող է տեղի ունենալ միայն այն ժամանակ, երբ ադրբեջանցի զինվորները վերադառնան իրենց ելման դիրքեր։
«Մենք ակնկալում ենք, որ մեր դաշնակիցները, որոնք մեզ հետ կապված են հստակ կարգավորված փոխպարտավորություններով, այդ թվում՝ ռազմական, այս գործընթացում մեզ կաջակցեն։ Առաջին հերթին մենք փորձում ենք հարցը կարգավորել դիվանագիտական ճանապարհով, սակայն սա չի նշանակում, որ դա տեղի չունենալու դեպքում չեն լինելու այլ լուծումներ, նաև ռազմական»,- խորհրդարանում լրագրողների հետ զրույցում ասաց ԱԺ «Իմ քայլը» խմբակցության պատգամավոր, Արտաքին հարաբերությունների մշտական հանձնաժողովի նախագահ Ռուբեն Ռուբինյանը՝ անդրադառնալով հայ-ադրբեջանական սահմանային իրավիճակին։
«Սա թուրքերի քաղաքականությունն է, մինչդեռ ինչ-որ հայ պատգամավորը, որը, ով գիտի, երևի իսկի Շամշադինում էլ չի եղել, նման հայտարարություն է անում՝ ասելով, թե դրանք ադրբեջանական տարածքներ են։ Չինարի գյուղից մինչև մարզկենտրոն 92 կիլոմետր է, սարեր ու ձորեր են, թշնամին միշտ վախեցել է հարձակվել Տավուշի վրա, քանի որ մշտապես ծանր հարված է ստացել, հիմա երևի ուզում են այս ճանապարհով զավթեն Տավուշը։ Պետք չէ այնպես անել, որ տավուշեցիները լքեն իրենց բնակավայրերը, այլ հակառակը՝ անեն քայլեր, որ մարդիկ այնտեղ ամրանան։ Նախկին մարզպետը մի բան է ասում, պատգամավորը՝ մեկ այլ բան, ականատեսները՝ բոլորովին այլ բան»,- հավելեց Լ. Միրզոյանը։
«Մենք էլ պետք է բոլոր մանրամասներին ծանոթանանք, այնպես չէ, որ տեղեկատվությունը մեր ձեռքում է, մենք որևէ տեղեկատվություն չունենք։ Ըստ մեր ունեցած տեղեկությունների՝ ամեն ինչ նորմալ է։ Մեզ բոլոր տեղերից ասում են՝ ամեն ինչ նորմալ է։ Կրակոցների հետ կապված՝ Պաշտպանության նախարարությունը հերքում տարածեց, դե իրենց հերքումն այսօրվա դրությամբ այդքան էլ հավատալու չի, բայց մենք մեր կապերով փորձել ենք ճշտել՝ ամեն ինչ նորմալ է»,- ասաց Անի Սիմոնյանը։
Պատգամավորը չի էլ հասկանում, թե ինչ է հայտարարում, չեմ ուզում որևէ մեկին, հատկապես իրեն անդրադառնալ անձնապես, չեմ էլ տեսնում դրա կարիքը, որովհետև այնտեղ արժեք չկա։ Առանց հասկանալու, եթե այսօր հայտարարություններ են անում, վաղը դրա պատասխանները պետք է տրվեն։ Վաղը դրանք ամբողջությամբ գործիք են լինելու բանակցությունների համար, եթե պետք է բանակցություն տեղի ունենա՝ ասելու են՝ նման հայտարարություն ձեր պատգամավորն է ասել, կամ ձեր վարչապետն ու խորհրդարանից ինչ-որ մեկը։
«Վերին Շորժայում, մեր համայնքում նման բան չի կատարվել, ես էլ եմ փորձում ճշտել՝ ինչու են այդպես գրել։ Այլ տարածքում է թշնամին կրակել, ոչ թե մեր տարածքում։ Եթե Պաշտպանության նախարարությունը նման բան է գրել, ուրեմն՝ չի հասկանում․ Վերին Շորժայում հիմա ես նստած եմ, նման դեպք չկա, այստեղ տարբեր համայնքներ կան։ Ես պաշտոնապես սա ձեզ ասեմ՝ չկա նման բան, հիմա փորձում եմ հասկանալ՝ որտեղ է»,- նշեց Ա. Երանոսյանը։
«Ստացվում է, որ թշնամին մտել է մեր տարածք ու մարդ է սպանում, ես արդեն չգիտեմ, թե մեր կողմից այդ ուղղությամբ ինչ է արվում, տեսանելի որևէ բան չկա։ Ես՝ որպես սահմանի բնակիչ, համայնքի ղեկավար, արդեն մեծ մտահոգություն ունեմ, եթե այս սպանության մասին լռենք, մեզ համար ամոթալի է, եթե չլռենք, արդեն չգիտեմ, ինչ հետևանքներ կլինի»,- եզրափակեց Հակոբ Ավետյանը։
«Մարդիկ, որոնք կուսակցական չեն, սակայն որևէ ոլորտում ունեն լավ գիտելիքներ, փորձ, որը կարող են ներդնել պետակաշինության գործում՝ կլինեն ցուցակում, բայց նրանք կարող են հայտնի դեմքեր չլինել։ Այս պահին կարող եմ ասել, որ գործարարներ չկան, որևէ բանակցություն չենք էլ ունեցել»,- խորհրդարանում լրագրողների հետ զրույցում ասաց Էդմոն Մարուքյանը։
«Ես չեմ կարող այդ հարցին պատասխանել, որովհետև չեմ ուսումնասիրել այդ ոլորտը, քարտեզագրումը, չգիտեմ՝ որտեղ կան անկլավներ։ Եթե կան անկլավներ, այդտեղ անհանգստանալու բան կա՞, մենք ինչ-որ ելակետային բան պետք է ունենանք, չէ՞, հասկանալու, թե որտեղից պետք է սկսենք։ Հիմա առաջարկ կա, վարչապետն ԱԺ ամբիոնից ասաց, որ գուցե ասենք՝ մեր սահմաները նրանք են, որոնք մենք հենց հիմա ունենք, այսինքն՝ դրանք բոլորը քննարկումներ են։ Որևէ մեկը գյուղեր հանձնելու մասին չի խոսում, դեռ գնում են քննարկումներ, թե որոնք են մեր ելակետային տարածքները, մենք որևէ բան չենք տալիս»,- շեշտեց նա։
Հարցին՝ հիմա Գագիկ Ծառուկյանը քաղաքական գործի՞չ է, թե՞ գործարար, Հրաչյա Հակոբյանը պատասխանեց, թե Ծառուկյանը մի քանի անգամ հայտարարել է, որ ունի բիզնեսներ, որը հանձնել է կառավարման։
«Այսօր ես առաջարկել եմ, որպեսզի ընտրություններին մասնակցող բոլոր ուժերը, հայտարարեն, որ իրենց ընտրվելու պարագայում հետ են կանչելու Հայաստանի ստորագրությունն այդ փաստաթղթի տակից։ Թե՛ Ռուսաստանը՝ որպես միջնորդ երկիր, թե՛ Ադրբեջանը՝ որպես հակամարտող կողմ, պետք է հասկանան, որ Նիկոլ Փաշինյանի հետ իրենց ձեռք բերված պայմանավորվածություններն այլևս չեն աշխատելու։ Նրանք պետք է պայմանավորվեն ոչ թե Փաշինյանի, այլ հայ ժողովրդի հետ, հիմա մենք պետք է ցույց տանք մեր հանրության, ժողովրդի դիրքորոշումը»,- ընդգծեց նա։
«Այս ամենը հաշվի առնելով՝ բոլորովին պատահական չէր, որ Իրանի տրանսպորտի նախարարն էլ շատ բարձր ակտիվություն է դրսևորում Պարսից ծոց-Սև ծով միջանցքի ուղղությամբ, և մենք ունենք դրական ազդակներ Վրաստանից։ Ուստի իրանցիները փորձ են կատարում իրենց ունեցած ողջ գործիքակազմի սահմաններում, թե՛ տապալելու այն ծրագրերը, որոնք չեն բխում Իրանի շահերից, չեն բխում նաև Հայաստանի շահերից, թե՛ իրագործելու այն ծրագրերը, որոնք բխում են իրանական շահերից և համընկնում են հայկական շահերի հետ»,- հավելեց իրանագետը։
ԱԺ «Իմ քայլը» խմբակցության պատգամավոր Վահե Ղալումյանի խոսքով՝ փաստաթղթում, որի մասին Նիկոլ Փաշինյանը խոսել է մայիսի 20-ի Կառավարության նիստի ժամանակ, չի հանդիպել այնպիսի կետի, որ Տավուշի ու Արարատի մարզի գյուղեր պետք է հանձնվեն թշնամուն։
«Տեղեկություններ էին շրջանառվում, թե իբր թշնամին Կարմիր Շուկայի ճանապարհն իրենց վերահսկողության տակ է վերցրել. նման բան չկա, նրանք առաջ չեն եկել, որևէ բան չեն գրավել։ Երբ թշնամին այդ ճանապարհով անցնում է, իրեն լկտի ձևով է պահում, տարբեր բաներ է անում՝ երաժշտության ձայնն են բարձրացնում, ինչ-որ ժեստեր են անում՝ փորձելով բնակիչներին վախեցնել ու վատ դրության մեջ դնել, նրանք բնակիչների հանգիստն են խանգարում»,- նշեց Արտակ Մկրտչյանը։
Ռազմական փորձագետ Կարեն Հովհաննիսյանի տեղեկություններով, թշնամին Գեղարքունիքի մարզի հատվածում որքան առաջ էր եկել մինչև մայիսի 17-ը, ներառյալ՝ 19-ը, շարունակում է մնալ նույն հատվածներում. իրավիճակի փոփոխություն այս առումով չկա։
Սյունիքի մարզի Խոզնավար գյուղում իրավիճակը նույնն է, որևէ փոփոխություն չկա, թշնամին շարունակում է մնալ առաջ եկած հատվածում։ Այս մասին 168.am-ին տեղեկացրեց Խոզնավարի գյուղապետ Վարո Գրիգորյանը։
