«Հայրենիք» կուսակցության ղեկավար, ԱԱԾ նախկին տնօրեն Արթուր Վանեցյանը վստահ է, որ հանրային ճնշման հետ՝ Նիկոլ Փաշինյանն այլ ելք չի ունենալու, քան հեռանալը. նա պետք է արագ հեռանա և դրանով ցույց տա, որ գոնե մի փոքր մտածում է երկրի մասին։
Նիկոլ Փաշինյանի հրաժարականի պահանջով մեկնարկած Արժանապատվության երթի ժամանակ կանադահայ գործարար Հրաչ Ջաբրայանը հայտարարեց, որ երթին միանում են նաև արժանապատիվ սփյուռքահայերը։
ՀՅԴ անդամ Արծվիկ Մինասյանն այսօր Նիկոլ Փաշինյանի հրաժարականի պահանջով մեկնարկած Արժանապատվության երթի ժամանակ կոչով դիմեց այն քաղաքացիներին, որոնք Արևմտյան Հայաստանից գաղթած սերունդների ժառանգորդներն են։
Վարչապետ Նիկոլ Փաշինյանն այսօր խորհրդարանում փակ հանդիպում ունեցավ «Իմ քայլը» խմբակցության պատգամավորների հետ։ Ըստ նախնական տվյալների, փակ հանդիպմանը Նիկոլ Փաշինյանը պետք է քննարկեր Ընտրական օրենսգրքի բարեփոխումներին առնչվող հարցեր:
Վարչապետ Նիկոլ Փաշինյանը խորհրդարանում «Իմ քայլը» խմբակցության պատգամավորների հետ մասնակցում է փակ հանդիպման: Ըստ նախնական տվյալների, քննարկվում են Ընտրական օրենսգրքի փոփոխությունները:
Ըստ նախնական տվյալների, վարչապետն իշխանական պատգամավորների հետ քննարկելու է Ընտրական օրենսգրքի վերաբերյալ բարեփոխումները: Փակ հանդիպմանը մասնակցում են Արդարադատության նախարար Ռուստամ Բադասյանը, Նիկոլ Փաշինյանի գլխավոր խորհրդական, ԿԳՄՍ նախկին նախարար Արայիկ Հարությունյանը:
«Երեկ ինձ Մալաթիա-Սեբաստիայի քննաչականի պետը զանգահարեց, ասաց, որ Արայիկի ծնողների հետ չեն կարողանում կապ հաստատել, ես զանգահարեցի Արայիկի մորը, լուրն ասացի՝ ուրախությանը չափ չկար, ասեց՝ Ստեփանյան ջան, մի հորթ մատաղ ունեմ անելու։ Ասել եմ՝ հորթը ծախեն, իրենց խնդիրները հոգան, կարևորը՝ երեխան վերադարձել է։ Այս պահին Արայիկը հիվանդանոցում է, պետք է բուժզննում անցնի»,- ասաց Արթուր Ստեփանյանը։
«Մեր տղաները պոստերում կանգնած են, մեզ մոտ ամեն ինչ նորմալ է։ Ըստ Ալիևի GPS-ի՝ գյուղի ներքև թաղը պետք է մնա իրենց, բայց դա ո՞նց կլինի, եթե տռասի տակ իրենք լինեն, տռասի գլխին էլ՝ հայերը։ Մեր պոստերը մոտավորապես թշնամուց 10-5 կմ առաջ դրած պահում ենք, որ չգան հասնեն գյուղ։ Եթե թշնամու ճանապարհն անցնում է Սյունիքով, ապա դա վտանգ է ոչ միայն մեր, այլև ամբողջ Հայաստանի համար։ Եթե նորից առևտրային քայլեր են անելու թշնամու հետ՝ աբսուրդ է, նման բան չի կարող լինել։ Եթե թշնամին Հայաստանի միջով իր ճանապարհն ունենա, գնա ու գա՝ վտանգավոր է, ու ամեն օր պետք է տեռորի սպասենք»,- նշեց Շուռնուխի համայնքապետը։
Նոյեմբերի 10-ին եռակողմ հայտարարությունը ստորագրելուց հետո, տարբեր համայնքի ղեկավարներ պահանջեցին Նիկոլ Փաշինյանի հրաժարականը՝ պնդելով, որ պարտված ղեկավարը չի կարող թշնամու հետ բանակցել, ներկայացնել կամ պաշտպանել Արցախի ու Հայաստանի շահերը։
Արցախի Հանրապետության նախագահի արտաքին հարաբերությունների հարցերով խորհրդական Դավիթ Բաբայանի խոսքով՝ դժբախտաբար, հայկական կողմը պետական մակարդակով չի ուսումնասիրել իր հակառակորդին։
«Մեդիապորտ» տելեգրամյան ալիքը գրել էր, որ Նիկոլ Փաշինյանն Ալիևի հետ պայմանավորվածության արդյունքում Ադրբեջանին է վերադարձրել սպանության, դիվերսիայի և լրտեսության մեղադրանքով ցմահ ազատազրկման դատապարտված Դիլհամ Ասկերովին ու 22 տարվա ազատազրման դատապարտված Շահբազ Գուլիևին: Ըստ նույն աղբյուրի, պայմանավորվածության համաձայն՝ Ադրբեջանը իր երկու քաղաքացիներին վերադարձնելու դիմաց Հայաստանին կվերադարձնի միայն մի քանի հայ գերիների։
«Եթե Ռուսաստանի ներկայությունը չլիներ, ապա լրիվ ուրիշ վիճակ կլիներ, նույնիսկ չխտացնելով գույները՝ կլիներ կատաստրոֆիկ վիճակ։ Ադրբեջանն իրենից չի ներկայացնում քաղաքական միավոր, այն դադարել է լինել քաղաքական միավոր թերևս 2012 թվականից, երբ Ալիևն ասաց՝ բոլորը ձեզ, բայց եկեք կամաց-կամաց գնանք դեպի վերամիավորում, ինչն Էրդողանը հաստատեց»,-խորհրդարանում լրագրողների հետ ճեպազրույցում ասաց Արման Աբովյանը։
ԱԺ «Բարգավաճ Հայաստան» խմբակցության քարտուղար Արման Աբովյանի խոսքով՝ իշխանության ներկայացուցիչները, որոնք օրակարգ են բերում Ադրբեջանի հետ երկխոսության գնալու հարցը, կա՛մ իրավիճակին չեն տիրապետում, կա՛մ միտումնավոր փորձում են տգիտություն սերմանել։
«Մենք գերիների իրական թիվը չունենք, որ հասկանանք՝ տարբերվո՞ւմ է, թե՞ չէ, որովհետև անհետ կորածի կարգավիճակն այնպիսի կարգավիճակ է, որ փաստ չկա՝ նա կենդանի է կամ գերի ընկած է, գուցե կենդանի է ու անտառում է, հետևաբար՝ դա շատ անորոշ կարգավիճակ է։ Դրա համար «Կարմիր խաչին» հրավիրել ենք այստեղ, խոսել ենք, ամեն ինչ պետք է անենք, և այստեղ ռուսական կողմի դերակատարումը շատ մեծ է»,- այսօր խորհրդարանում լրագրողների հետ զրույցում ասաց Էդմոն Մարուքյանը։
«Որքանով հասկանում եմ՝ Ռուսաստանն է կոչ արել, որ ԵԱՀԿ Մինսկի խումբը լինի, եթե չուզենային լիներ, իրենց ներկայացուցիչը չէր մասնակցի։ Հետևաբար՝ կարծում եմ՝ կարգավիճակի մեծ բեռը որևէ կողմ չի ուզում միանձնյա իր վրա վերցնի և այդ մասով խնդիրն առաջ տանի։ Սա է նաև այն փաստը, որ Մինսկի խումբը շարունակելու է գործել։ Ռուսաստանը չի ասում, որ այս խումբը պետք չէ, մենք Արցախում ենք, կբանակցենք, խաղաղապահներն էլ կանգնած են՝ չկա նման տեսակետ»,- խորհրդարանում լրագրողների հետ զրույցում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով Արցախի հարցի բանակցային ձևաչափին։
«Գորիսեցին ե՞րբ է զենքը ձեռքից վայր դրել, որ հիմա էլ նորից վերցնի, հենց հիմա գորիսեցիների հետ պոստերում ենք, հենց հիմա հեռախոսի բարձրախոսը կմիացնեմ, թող պոստում կանգնածներն ասեն՝ զենքը վա՞յր կդնեն, թե՞ ոչ։ Արտուշ ջան, կարծիքդ ասա»,- ասաց Առուշանյանը։
Դեկտեմբերի 10-ին Բաքվում տեղի ունեցած շքերթի ժամանակ աշխարհի քարտեզի վրա 1918թ. հայտնված Ադրբեջանի նախագահ Իլհամ Ալիևը հայտարարել է, թե իբր Զանգեզուրն ու Երևանն ադրբեջանական պատմական տարածքներ են։ Տասնամյակներ շարունակ Արցախի Հանրապետության տարածքների նկատմամբ ունեցած նկրտումներից հետո, այժմ Ադրբեջանի պետական քաղաքականության ռազմատենչ կուրսը փոխվել է դեպի միջազգայնորեն ճանաչված Հայաստանի Հանրապետության պետական սահմանները:
Թուրքագետը նաև ընդգծեց՝ որպես պատմաբան՝ չի կարող մոռանալ, որ 1920 թվականին Մուստաֆա Քեմալ Աթաթուրքն իր արտգործնախարարին հրաման էր տվել՝ Կարաբեքիր փաշային, որը մտել էր Երևան, որ Հայաստանը մեջտեղից պետք է վերացնի։ Թուրքիայի մոտ նույն մոտեցումը նաև այսօր է։
«Գյուղում մնացել էինք մի խումբ տղամարդիկ, իրենք էլ հիմա գնացել են տարբեր վայրեր իրենց ընտանիքներին տեսնելու համար, չարեքթարցիների մի մասը Ստեփանակերտում է, մի մասը՝ Աբովյանում, Գավառում, Չարենցավանում, Արտաշատում, ով որտեղ կարողացել՝ տեղավորվել է։ Մինչև նորմալ պայմաններ չստեղծենք, բնակիչները չեն կարող հետ գալ։ Եթե անվտանգությունից խոսենք, ապա ամբողջ Արցախում էլ անվտանգ չէ, բայց այստեղ մարդկանց տունն է, պետք է նրանք վերադառնան»,- նշեց համայնքապետը։
Արցախի Հանրապետության նախագահ Արայիկ Հարությունյանի և Արցախի ԱԺ նախկին պատգամավոր Ռուսլան Իսրայելյանի մասնակցությամբ ձայնագրության վերաբերյալ, որը երեկվանից շրջանառվում է համացանցում, դեռևս որևէ պաշտոնական մեկնաբանություն չի եղել։
«Մեդիապորտ» տելեգրամ ալիքում երեկվանից շրջանառվում է Արցախի Հանրապետության նախագահ Արայիկ Հարությունյանի և Արցախի նախկին պատգամավոր Ռուսլան Իսրայելյանի խոսակցության ձայնագրությունը, որտեղ Արցախի նախագահն ասում է, որ 10 օր է՝ Հայաստանից օգնություն է խնդրում գոնե Ստեփանակերտը պաշտպանելու համար, սակայն որևէ օգնություն չեն տրամադրել։
ԱԺ «Բարգավաճ Հայաստան» խմբակցության պատգամավոր Իվետա Տոնոյանի խոսքով՝ Ադրբեջանի նախագահի հայտարարությունները լսելով՝ կապված Սևանը, Երևանն ու Զանգեզուրը «սեփական հայրենիք» անվանելու հետ, անասելի ամոթ է զգացել։
ԱԺ «Բարգավաճ Հայաստան» խմբակցության պատգամավոր Իվետա Տոնոյանի խոսքով՝ դեռ վաղ է ասել՝ Նիկոլ Փաշինյանի հրաժարականի պահանջով իրենց փողոցային պայքարը արդյունք տվե՞լ է, թե՞ ոչ, քանի որ պայքարը դեռևս ընթացքի մեջ է։
ԱԺ «Լուսավոր Հայաստան» խմբակցության ղեկավար Էդմոն Մարուքյանի խոսքով՝ ընդդիմության կողմից Արցախի ճանաչման հարցի հետ կապված որևէ մեկնաբանություն չի կարող տալ, քանի որ հարցը պարունակում է պետական որոշակի գաղտնիք։
Նա նաև շեշտեց, որ այս պահին միայն ԼՀԿ-ն կարող է ազատ ու արդար ընտրություններ անցկացնել. «Բացի մեզանից, մենք ոչ մեկին չենք վստահում, որովհետև մենք գիտենք, թե մենք ինչ կարող ենք անել, չգիտեմ, ով ինչ կարող է անել։ Եթե, օրինակ, հիմա ինչ-որ մարդիկ մարդկանց սպառնում են, Կառավարությունը չի կարողանում այդ մարդկանց ձերբակալի կամ չի կարողանում գտնել, ես կարո՞ղ եմ հույս ունենալ, որ, եթե ընտրակաշառք են բաժանում, նրանց կգտնի»,- հավելեց Էդմոն Մարուքյանը։
«Ժողովրդի տարբեր հատվածներ կարող են միաժամանակ տարբեր բաներ պահանջել, դա ստուգելու միակ ձևն ընտրություններն են։ Ինձ համար արժեքավոր է ՀՀ յուրաքանչյուր քաղաքացու պահանջները, ակնկալիքները, հատկապես այն քաղաքացիների, որոնք այդ պահանջները ներկայացնում են հենց իրենցով, այլ ոչ թե տարբեր հանգամանքներով պայմանավորված»,- շեշտեց պատգամավորը։
«Ինձ համար սա է կարևոր, նաև այն, որ մարդիկ այնտեղից չկրճատվեն։ Առաջ եթե մտածում էինք բնապահպանական ինչ-ինչ խնդիրների մասին, հիմա մեզ համար օրհասական է սոցիալական և կենցաղային տարրական հարցերի լուծումը, որը տվյալ պարագայում լուծում է Սոթքի հանքավայրը։ Վարդենիսը և մի շարք բնակիչներ կախված են հենց այդ աշխատատեղից։ Խոսքը 984 աշխատակցի մասին է, որոնք բոլորն այդ տարածաշրջանից են, և եթե հանքն իր ամբողջ ծավալով չշարունակի իր աշխատանքը, կունենանք անխուսափելի կրճատումներ։ Ըստ էության խոսքը 6-7 հարյուր աշխատողի մասին է, եթե ոչ ավելին, եթե հանքն իր ամբողջ թափով չսկսի աշխատել, ապա կրճատումներ կլինեն»,- նշեց Թագուհի Թովմասյանը։
«Այս պահին էլ դեռ չեմ պատրաստվում դիմումը ներկայացնել, որովհետև կան քայլեր, ու ինձ պետք է ներսում լինել, հասկանալ, գործել։ Գոնե իմ դուրս գալով՝ որևէ բան չի փոխվելու, բացի հասարակության այն սպասումներից, որ բոլորը սպասում են, որ առաջինը ես դուրս գամ։ Ես ինքս երբեք չեմ եղել այն պատգամավորը, որը երբեք չի վախեցել իր կարծիքն ու մոտեցումն ասել՝ թեկուզ խմբակցության ներսում։ Կարծում եմ՝ այն մարդիկ պետք է այդ հարցի շուրջ մտածեն, ովքեր տարակուսել են և հաճախ շատ անարդար են մոտեցել հարցերին զուտ նրա պատճառով, որ կա խմբային մոտեցում, և ոչ թե՝ արժեհամակարգային մոտեցում»,- մեզ հետ զրույցում ասել էր Սոֆյա Հովսեփյանը։
ԱԺ «Իմ քայլը» խմբակցության պատգամավոր Հրաչյա Հակոբյանն այս օրերին չի ցանկանում լրագրողների հետ զրույցել և մեկնաբանություններ տալ երկրում ստեղծված իրավիճակի վերաբերյալ:
Երեկ Կառավարության հետ հարցուպատասխանի ժամանակ խորհրդարանում Նիկոլ Փաշինյանը կրկին հնչեցեց իր այն միտքը, որ Արցախի հարցի լուծման տարբերակն ընդունելի պետք է լինի հայ, արցախցի և ադրբեջանցի ժողովուրդների կողմից:
