ԱԺ-ում ստացել են հերթական պարգևավճարները
ԱԺ նախագահ Արարատ Միրզոյանի կարգադրությամբ, խորհրդարանում ստացել են հերթական պարգևավճարները։ Այս մասին 168.am-ը տեղեկացավ խորհրդարանի պաշտոնական կայքից։
«Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 22-րդ կետով և «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի 22-րդ հոդվածով՝ կարգադրում եմ.
Ազգային ժողովի աշխատակազմի պետական ծառայողներին և աշխատողներին խրախուսել միանվագ դրամական պարգևատրմամբ՝ համաձայն 1-ին և 2-րդ հավելվածների:
Ազգային ժողովի աշխատակազմի ղեկավար-գլխավոր քարտուղար Ա. ԱՎԵՏԻՍՅԱՆԻՆ՝ Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»,- նշված է կարգադրության մեջ:
Ի դեպ, Արցախի 44-օրյա պատերազմից հետո, ԱԺ աշխատակազմին պարգևավճարներ տալու վերաբերյալ պաշտոնական կայքում որևէ հաղորդագրություն չէին տեղադրում, դրանք անաղմուկ էին բաժանում։ Պատերազմից հետո սա առաջին դեպքն է, որ կայքում այդ կարգադրությունը տեղադրվում է։
