«Քաղաքացիական պայմանագիր» կուսակցության նախագահ, ԱԺ «Ելք» խմբակցության ղեկավար Նիկոլ Փաշինյանը քիչ առաջ իր ֆեյսբուքյան էջից ուղիղ հեռարձակմամբ տեղեկացրեց, որ իրենց շարժման մասին ապատեղեկատվություն են տարածում:
Ցուցարարները շարունակում են փակ պահել փողոցները։ Մաշտոցի պողոտան ամբողջությամբ փակ է, բոլոր խաչմերուկներին ցուցարարների խմբեր կան, որոնք թույլ չեն տալիս մեքենաներին անցնել։ Ցուցարարները ճանապարհ են տալիս միայն շտապօգնության մեքենաներին։
Վանաձորում կազմակերպված հանրահավաքի ժամանակ «Քաղաքացիական պայմանագիր» կուսակցության վարչության նախագահ Սասուն Միքայելյանն իր ելույթը սկսեց Գարեգին Նժդեհի հետևյալ խոսքերով. «Երբ ազգը դառնում է բանակ՝ նա երբեք ծնկի չի գա»։
Իջևանում կազմակերպված հանրահավաքի ժամանակ «Քաղաքացիական պայմանագիր» կուսակցության նախագահ Նիկոլ Փաշինյանը կոչով դիմեց խորհրդարանական բոլոր ուժերին, պատգամավորներին:
«Ոմանք հույս ունեին, որ ժողովուրդն այնքան կուրախանա Սերժ Սարգսյանի հրաժարականով, որ կմոռանա, թե ինչի համար է հավաքվել։ Սերժ Սարգսյանի հրաժարականն անհրաժեշտ, բայց ոչ բավարար պայման է՝ այս պրոցեսն ավարտին հասցնելու համար։ Ժողովրդի դե ֆակտո հաղթանակը դե յուրե պետք է արձանագրվի»:
ԱԺ «Ելք» խմբակցության պատգամավոր Սասուն Միքայելյանն այսօր Իջևանում կազմակերպված հանրահավաքի ժամանակ հայտարարեց, որ, թեև իր ելույթները միշտ կարճ են, բայց «դիպուկ են»։
«Թուրքերը հոգեբանական լուրջ խնդիրներ ունեն։ Նրանք լեգենդներ են հորինում, որովհետև շատ տխուր է իրականությունը․ առանց ՀՀ-ի մասնակցի մասնակցության՝ ԼՂՀ ինքնավար մարզը, որտեղ մոտ 100 հազար հայ կար, հաղթեց մոտ 5-6 մլն Ադրբեջանի Հանրապետությանը։ Ճիշտ է, ՀՀ-ն մի քանի ստորաբաժանում ուղարկել է այնտեղ, բայց այդ մի քանիսն իրոք մի քանիս էր»,- այսօր լրագրողների հետ հանդիպման ընթացքում այս մասին ասաց Առաջին հետախուզադիվերսիոն ջոկատի հրամանատար Վովա Վարդանովը։
Առաջին հետախուզադիվերսիոն ջոկատի հրամանատար Վովա Վարդանովն այսօր լրագրողների հետ հանդիպման ընթացքում հայտարարեց, որ կույր են այն մարդիկ, ովքեր չեն ուզում հասկանալ՝ ադրբեջանական զորքերի տեղաշարժ եղել է։
«Սերժ Սարգսյանը հենց սրանում էր սխալվել. նա ասում էր՝ Նիկոլի համար ո՞վ է հրապարակ դուրս գալու։ Բայց նա այդպես էլ չհասկացավ, որ, այո՛, Նիկոլի համար մարդիկ հրապարակ դուրս չեն գալիս, մարդիկ դուրս են գալիս իրենց իրավունքի, արժանապատվության, ընտանիքների համար»:
«Ես նույնիսկ չեմ ուզում ասել, որ մենք ամենևին էլ Ռուսաստանի թշնամին չենք, որովհետև դա պարզ է, բայց մենք առավել ևս՝ մեր սեփական երկրի թշնամին չենք, որ մեր երկիրը տանենք ոչ խելամիտ և արկածախնդիր ճանապարհով։ Ասել ենք և ասում ենք, որ մեր իշխանության գալուց հետո աշխարհաքաղաքական ռևերսներ չեն լինելու»,- Գյումրիի Վարդանանց հրապարակում հայտարարեց «Քաղաքացիական պայմանագիր» կուսակցության նախագահ Նիկոլ Փաշինյանը։
«Հայաստանի քաղաքացին և հայ ժողովուրդն այլևս երբեք չի պարտվելու, և հաղթանակը լինելու է մեր ժողովրդի մշտական ուղեկիցը։ Որևէ կասկած չկա, որ այս հզոր և ոգեղեն ժողովուրդը հաղթելու է Արցախյան հակամարտությունը, կոռուպցիային, աղքատությանը, տնտեսության բնագավառում է հզոր հաղթանակներ տանելու, դադարեցնելու է դեպի արտերկիր իր քայլարշավը և սկսելու է մի մեծ երթ՝ աշխարհի բոլոր անկյուններից՝ դեպի այս երջանիկ հայրենիքը»:
«Այսօր և այսուհետ էլ չկա Երևան, Գյումրի, Վանաձոր և այլն, կա ազատ հայ ժողովուրդ, որն այսօր Գյումրիում է»,- այսօր Գյումրու Վարդանանց հրապարակում կազմակերպված հանրահավաքի ժամանակ այս մասին ասաց դերասան Հայկ Մարությանը՝ նշելով, որ այս տարի պարզել է՝ նաև գյումրեցի է։
Գյումրիի Վարդանանց հրապարակում մեկնարկել է հանրահավաքը, որի ժամանակ ելույթ ունեցավ Հայաստան ժամանած սփյուռքահայ դերասանուհի Արսինե Խանջյանը։ Նա ասաց, որ եկել է Հայաստան, որպեսզի մարմնի վրա զգա այն գործը, որ արվել է:
«Այն, ինչ այս օրերին տեղի ունեցավ Հայաստանում, կմնա ոչ միայն Հայաստանի, այլև համաշխարհային պատմության և քաղաքագիտական մտքի մեջ։ Առաջիկայում բազմաթիվ համալսարանների քաղաքագիտության և համաշխարհային պատմության դասընթացներում այս զարգացումները հաստատ քննարկվելու են»:
Մխիթար Սեբաստացի կրթահամալիրի տնօրեն Աշոտ Բլեյանն այսօր լրագրողների հետ հանդիպման ընթացքում ասաց, որ խաղաղ ցույցների ավանդույթը Հայաստանում սկիզբ է դրվել 1988թ.։
Հայաստանի ներսում տեղի ունեցող զարգացումներն անհանգստացնում են նաև Ադրբեջանի նախագահ Իլհամ Ալիևին։ Այս օրերին նա հանդիպումներ է ունեցել Ռուսաստանի արտաքին հետախուզական ծառայության պետ Նարիշկինի և Թուրքիայի նախագահ Էրդողանի հետ։
ՀՀ ֆինանսների նախարարի պաշտոնակատար Վարդան Արամյանից այսօր լրագրողները հետաքրքրվեցին, թե նա կաշխատի՞ Նիկոլ Փաշինյանի թիմում, եթե վերջինս վարչապետ լինի:
«2017թ. գրանցել ենք 4.8 տոկոս պակասորդ ՀՆԱ-ի մեջ»,- այսօր կառավարությունում լրագրողների հետ զրույցում այս մասին ասաց ՀՀ ֆինանսների նախարարի ժամանակավոր պաշտոնակատար Վարդան Արամյանը։
«Այս իրավիճակը բոլորիս է մտահոգում։ Ես չեմ կարծում, որ ՀՀ-ում կա որևէ մեկը, որը մտահոգված չլինի այս իրավիճակով, և պետք է գտնվի այն ելքը, որն ամենալավագույնը կլինի մեր երկրի համար»,- այսօր կառավարության նիստից հետո լրագրողների հետ զրույցում այս մասին ասաց ֆինանսների նախարարի պաշտոնակատար Վարդան Արամյանը։
ՀՀ ֆինանսների նախարարի պաշտոնակատար Վարդան Արամյանն այսօր կառավարության փակ նիստից հետո լրագրողների հետ զրույցում ասաց, որ այսօր կառավարությունում հաստատվել է 2017թ. բյուջեի կատարողականը՝ իր բոլոր հավելվածներով, և մայիսի 1-ին այն կլինի ԱԺ-ում:
«Իմ խորին հարգանքը մեր հասարակության յուրաքանչյուր անդամի վերաբերյալ, բայց ՀՀ վարչապետի պաշտոնակատարը հայտարարություն արել է, ասել է, որ պայմանավորվածությունները վերածվել են ուլտիմատումների, այդ պատճառով էլ չեն կայացել: Ավելին, ես չեմ կարող հայտարարություն անել»:
Քաղաքական մեկնաբան Հակոբ Բադալյանն այսօր «Մեդիա կենտրոնում» կազմակերպված քննարկման ժամանակ ասաց, որ թավշյա հեղափոխության հիմնական պատճառը հասարակության դժգոհությունն էր ոչ միայն՝ սոցիալ-տնտեսական իրավիճակից, արդարության բացակայությունից, այլ նաև իշխանության վերաբերմունքից.
Քաղաքագետ Միքայել Զոլյանն այսօր «Մեդիա կենտրոնում» կազմակերպված քննարկման ժամանակ նկատեց՝ իշխանությունն այն է, երբ մարդիկ քեզ ենթարկվում են, և ըստ նրա՝ հարց է, թե արդյո՞ք այսօր Հայաստանում պետական կառույցները միանշանակ ենթարկվում են ՀՀԿ-ին:
«Հայաստանում կատարվեց թավշյա հեղափոխություն։ Իմ գնահատմամբ՝ հեղափոխությունը նոր միայն սկսվում է, այսինքն՝ Սերժ Սարգսյանի հրաժարականն առաջին քայլն էր, հիմա սկսվելու է հեղափոխության բուն գործընթացը տևական և բարդ է լինելու։ Տեղի է ունենում այն, որ Հայաստանում իշխանությունը փոխվեց»,-այսօր «Մեդիա կենտրոնում» կազմակերպված քննարկման ժամանակ այս մասին ասաց քաղաքական վերլուծաբան Արմեն Բաղդասարյանը։
«Քաղաքացիական պայմանագիր» կուսակցության նախագահ Նիկոլ Փաշինյանն այսօրվա հանրահավաքին ասաց, որ, եթե անգամ փորձ արվի ՀՀԿ-ական որևէ թեկնածուի առաջադրել վարչապետի պաշտոնի համար, ապա ժողովուրդը կշրջափակի ԱԺ շենքը, կառավարության շենքը, բոլոր կառավարական շենքերը:
«Լուրեր են տարածվել, թե Կարեն Կարապետյանը Մոսկվայի միջոցով իր հարցերը լուծել է, և դառնալու է ՀՀ վարչապետ։ Ես կոչ եմ անում նման սադրիչ տեղեկություններ չտարածել, որովհետև այսօր հանդիպում եմ ունեցել Մոսկվայի պաշտոնական ներկայացուցիչների հետ և ստացել հավաստիացումներ, որ Ռուսաստանը չի միջամտում Հայաստանի ներքին գործերին»,- այսօրվա հանրահավաքի ժամանակ հայտարարեց Նիկոլ Փաշինյանը։
ԱԺ «Ելք» խմբակցության պատգամավոր Արարատ Միրզոյանն այսօրվա հանրահավաքին ասաց, որ, երբ ձերբակալված էին, իրենց այցելել է վարչապետ Կարեն Կարապետյանը, և պայմանավորվել են, որ 2 ժամվա մեջ Սերժ Սարգսյանը պետք է հրաժարական տա, ինչը եղավ.
«Երբ 1988-ին ես ընդամենը 12 տարեկան էի, ես և եղբայրս փախչում էինք տնից, ծնողներին խաբում էինք, որ գնում ենք բակ խաղալու և գալիս էինք Ազատության հրապարակ»։
Երևանի ավագանու «Ելք» խմբակցության անդամ Արայիկ Հարությունյանն այսօրվա հանրահավաքի ժամանակ պատմեց, որ այսօր մի ծիծաղելի միջադեպ է տեղի ունեցել.
««Գրանդ հոլդինգ» ընկերության Վարդանյան եղբայրները՝ որպես տնօրեններ, միացել են շարժմանը»,- այսօրվա հանրահավաքին այս մասին հայտարարեց քաղաքագետ Արմեն Գրիգորյանը։