«Մանվել Գրիգորյանի արածներից հետո հարվածներ տեղացին ԵԿՄ-ի վրա, բայց կառույցը Մանվելը չէր։ Ես ԵԿՄ-ում չեմ, բայց ԵԿՄ-ում կան շատ անարատ, մաքուր կռվող տղերք, և պետք չէ հարվածներն ուղղել նրանց կողմը։ Դա դավաճանություն եմ համարում, որովհետև մեկ է՝ այս տղերքն են նորից սահման գնալու»:
Գնդապետն ուշադրություն է հրավիրում այն փաստի վրա, որ Ադրբեջանն արդեն թիրախավորել է Արենի գյուղը, Վարդենիսը. «Այսինքն՝ մեր սնող ճանապարհները, որոնք գնում են Արցախ։ Դա հենց վկայում է, որ պատրաստվում են մեծ պատերազմի։ Արենիի մոտ դիրքերի առաջխաղացման ժամանակ իրենց հաղորդումը հենց նրա մասին էր, որ թիրախի տակ են պահում Արենին, Եղեգնաձորն ու Արարատ քաղաքը»։
«Մենք ունենք կարծրատիպեր լրագրողի աշխատանքի վերաբերյալ, որոնք խոչընդոտում են լրագրողի աշխատանքի իրականացմանը։ Լիարժեք չի գործում լրագրողների աշխատանքը խոչընդոտելու համար պատասխանատվության սկզբունքը։ Դրա համար լրագրողների մոտ արդարացի ընկալում է ստեղծվում, որ իրենք պետության կողմից պաշտպանված չեն»,- այս մասին տարեկան զեկույցը ներկայացնելու ժամանակ հայտարարեց ՀՀ մարդու իրավունքների պաշտպան Արման Թաթոյանը։
«Այո, այդպես եղել է, ԵԿՄ-ն օգտագործվել է, բայց օգտագործվել է կառույցը, չեն օգտագործվել ԵԿՄ անդամները։ Վերջին ընտրություններին էլ է այդպես եղել։ Ես և իմ ընկերները, տղաների ստվար զանգված չեն հնազանդվել»։
Նախկին ԵԿՄ-ական, «Կոռնիձոր» ջոկատի հրամանատար Արա Խուդավերդյանն այսօր լրագրողների հետ հանդիպման ժամանակ բարձրաձայնեց ԵԿՄ-ում տեղի ունեցած մի շարք չարաշահումների մասին:
ՀՀ մարդու իրավունքների պաշտպան Արման Թաթոյանի կարծիքով՝ կոռուպցիայի դեմ պայքարն իսկապես արդյունավետ է։ Այսօր լրագրողների հետ հանդիպման ընթացքում նա հայտարարեց, որ մարդու իրավունքների պաշտպանը նույնպես ունի կոռուպցիայի կանխարգելման պայքարի ոլորտում որոշակի լրազորություններ, քանի որ կոռուպցիան մարդու իրավունքներին ուղղված ամենաառաջին մարտահրավերներից է։
ՀՀ մարդու իրավունքների պաշտպան Արման Թաթոյանն այսօր լրագրողների հետ հանդիպման ընթացքում հայտարարեց, որ, երբ Մանվել Գրիգորյանի փաստաբանը հայտարարել էր, թե իր պաշտպանյալը խոշտանգման է ենթարկվում, ինքն անձամբ հանձնարարել է կապվել փաստաբանի հետ և փորձել հասկանալ, թե ինչում է կոնկրետ խնդիրը։
«Ադրբեջանի որդեգրած ռազմավարությունն է՝ կրակոցներ սահմանին, ժամանակ առ ժամանակ՝ սրացումներ, դիվերսիոն գործողություններ, ճնշումներ գործադրելու փորձեր՝ բանակցային գործընթացում, և այլն։ Սա ռազմավարություն է և շարունակվելու է»,- այսօրվա մամուլի ասուլիսի ժամանակ այս մասին հայտարարեց քաղաքագետ Ալեքսանդր Իսկանդարյանը։
Քաղաքագետ Ալեքսանդր Իսկանդարյանն իրատեսական չի համարում, որ ՀՀ երրորդ նախագահ Սերժ Սարգսյանը կարող է դառնալ ղարաբաղյան հարցով հատուկ բանագնաց։ Նման հայտարարություն արել է ՀՀ վարչապետի արտաքին հարցերով խորհրդական Արսեն Խառատյանը։
«Իսկ ի՞նչ եք առաջարկում, որ Վոլոդինն ասեր Բաքվում։ Առաջին հերթին՝ Վոլոդինն ու Ռուսաստանը տարբեր են։ Հայաստանում շատ մեծ ուշադրություն են դարձնում նրա վրա, թե ինչ են ասում տարբեր մարդիկ տարբեր վայրերում»:
«Տարօրինակ կլիներ, եթե Հայաստանում տեղի չունենային ձերբակալություններ, աղմկահարույց դեպքեր։ Այդպիսի բաներ տեղի են ունենում բոլոր նմանատիպ իշխանափոխություններից հետո, որոնք ընդունված են անվանել թավշյա, վարդերի կամ այլ հեղափոխություններ»:
Արմավիր մարզի Այգեկ գյուղի բնակիչները 168.am-ի հետ զրույցում իրենց բողոքը հայտնեցին իրենց և հարակից մի քանի գյուղերը սպասարկող 205 համարի երթուղուց։ Երթուղին միակն է, որով այդ համայնքների բնակիչները կարող են հասնել Երևան, բայց բնակիչների պնդմամբ՝ այն նորմալ չի աշխատում, մեքենաները հին են, անսարք։
«Թուրքիայի աշխարհաքաղաքականությունը ներկայում կենտրոնացած է Մերձավոր Արևելքում և Սիրիայում, այստեղ է Թուրքիան խնդիրներ լուծում։ Տեսանելի ապագայում Թուրքիան դժվար թե ակտիվություն ցուցաբերի Հարավային Կովկասում»։
«Նախիջևանը Թուրքիայի համար ունի առանձնահատուկ նշանակություն։ Սա կարևոր է Հարավային Կովկասում Թուրքիայի դիրքերն ուժեղացնելու առումով»,- այսօր լրագրողների հետ հանդիպմանն այս մասին ասաց ՀՀ ԳԱԱ Արևելագիտության ինստիտուտի տնօրեն Ռուբեն Սաֆրաստյանը։
«Մոտակա տարիներին Թուրքիայում կտեսնենք էլ ավելի միանձնյա ղեկավարություն։ Էրդողանը ստացավ այն, ինչ ցանկանում էր. ստացավ ժողովրդի մանդատը՝ իր հայտարարած վերափոխումներն իրականացնելու համար, իսկ դրանց արդյունքում, ինչպես ինքն է բազմիցս հայտարարել, պետք է ի հայտ գա նոր Թուրքիան, որը մոտակա 5 տարիների ընթացքում պետք է փորձի դարձնել իրականություն»:
PicsArt-ի գլխավոր տնօրեն Հովհաննես Ավոյանի համար հաջողությունն այն է, երբ մարդ զբաղվում է իր սիրած գործով։ «Ես աշխատում եմ մի թիմի հետ, որի հետ ուզում եմ աշխատել, և ստեղծում եմ մի պրոդուկտ, որը, վստահ եմ, ինչ-որ բան փոխելու է այս աշխարհում»։
«Մարդ չպետք է աշխատի աշխատավարձի համար։ Ես ռոմանտիկ չեմ և չեմ համարում, որ, եթե սոված ես, պետք է աստղերի լույսից սնվես, կամ եթե շատ սոված ես՝ արեգակի լույսից»։
«Մի քանի տարի առաջ հոլանդական շատ լուրջ ընկերություն փորձեց Հայաստանում 168 մլն եվրոյի ներդրում կատարել. ծրագրում և՛ ձեթի գործարանը կար, և՛ շաքարի գործարանը։ Մեր օլիգարխներից որոշների դուրը չեկավ, օգտագործեցին անձնական կապերը, ձախողեցին ծրագիրը, և հոլանդացիները հեռացան»:
ԱՄՆ-ի Գլենդել քաղաքի քաղաքապետ Զարեհ Սինանյանն այսօր լրագրողների հետ հանդիպման ընթացքում հայտարարեց, որ Մաշտոցի պուրակի հետ կապված կոնֆլիկտ է ունեցել Երևանի քաղաքապետ Տարոն Մարգարյանի հետ։
«Հայաստանում բնակարանը գտնվում է Երևանի Արամի փողոցի վրա, և մոտ երկու-երեք շաբաթ առաջ մեր կանաչ գազոնները դիմացի ռեստորանը սկսեց գրավել։ Ժողովուրդը ոտքի կանգնեց, իրավիճակը սառեցվեց, և երկու շաբաթ հետո ավելի ագրեսիվ ձևով սկսեցին աշխատանքները։ Այսինքն՝ կանաչ տարածքի հաշվին ռեստորանն ընդլայնելու էին»,- այսօր լրագրողների հետ հանդիպման ընթացքում այս մասին ասաց ԱՄՆ-ի Գլենդել քաղաքի քաղաքապետ Զարեհ Սինանյանը։
ԱՄՆ-ի Գլենդել քաղաքի քաղաքապետ Զարեհ Սինանյանն այսօրվա ասուլիսի ժամանակ ասաց, որ կան մարդիկ, ովքեր ոչ միայն պատրաստ են վերադառնալ Հայաստան, այլև բռնել են ներգաղթի ճանապարհը՝ Հայաստանում տեղի ունեցած «թավշյա հեղափոխությունից» հետո։
«Եթե գյուղացին այսօր խնդիր ունի, ուրեմն պետք է լուծվի։ Մենք պետությո՞ւն ենք, թե՞ դատարկագլուխների ինչ-որ մի շայկա է, որը հարցի լուծումը չի կարողանում տալ: Ընդհանրապես գյուղատնտեսությունը պետք է մեկ անգամ կարգի բերենք, և վերջ»։
ՀՀ-ում ԱՄԷ արտակարգ և լիազոր դեսպան Ջասիմ Մուհամմադ Ալ Կասիմիից այսօրվա ասուլիսի ժամանակ 168.am-ը հետաքրքրվեց, թե ինչ դիրքորոշում ունեն Արցախի հարցի կարգավորման վերաբերյալ՝ հաշվի առնելով այն փաստը, որ ադրբեջանական կողմն այս ուղղությամբ ակտիվ աշխատանք է տանում արաբական երկրների հետ։
ՀՀ-ում ԱՄԷ արտակարգ և լիազոր դեսպան Ջասիմ Մուհամմադ Ալ Կասիմին գերազանց է գնահատում Հայաստանի և ԱՄԷ-ի հարաբերությունները՝ դրանք համարելով զարգացած։
«Կարծում եմ, որ մեզ մոտ շատ բարի տրամադրություններով ենք առաջ գնում, բայց հետո տեսնում ենք, որ մեզանում լինում են մանվելներ, տարբեր մարդիկ, հետո ասում ենք՝ էս ո՞նց եղավ»,- 168.am-ի հետ զրույցում այս մասին ասաց Ագրարագյուղացիական միավորման նախագահ Հրաչ Բերբերյանը։
Քաղաքագետ Էդգար Վարդանյանի կարծիքով՝ ԵԿՄ-ի նման կառույցները կամ պետք է դադարեն գոյություն ունենալ, կամ ռադիկալ կերպով պետք է վերաֆորմատավորվեն, որովհետև, ըստ նրա՝ պետությանը մրցակից որևէ կառույց ժողովրդավարական երկրում չպետք է լինի:
Կրթության ոլորտի փորձագետ Սերոբ Խաչատրյանը վերջին տասը տարիներին որոշակի պասիվություն է նկատում է կրթական քաղաքականության մեջ։
Իրավապաշտպան Վարդան Հարությունյանը նորմալ է համարում, որ ազատամարտիկները ստեղծել են իրենց հասարակական կառույցը, բայց մինչև այն պահը, երբ այդ կառույցը սկսում է քաղաքականանալ և սպասարկել գործող իշխանություններին:
Մանվել Գրիգորյանը ոչ հաճելի կերպար է, դա միշտ եմ ասել, բայց իրեն չեզոքացնելու համար՝ այնպես չստացվի, որ երկրի համար անհրաժեշտ կառույց, որը հիվանդ է, չար սխեմա է ղեկավարում, կազմալուծվի։
Հայաստանի Հելսինկյան կոմիտեի նախագահ Ավետիք Իշխանյանն այսօր լրագրողների հետ հանդիպման ժամանակ ներկայացրեց Հայաստանում ստեղծված ամենաթողության մթնոլորտի ակունքները և որոշ դրվագներ պատմեց գեներալ Մանվել Գրիգորյանի արարքների մասին։
