«Տարոն Մարգարյանի հրաժարականի պահանջը հնչեցրել ենք, և կարծում եմ, որ մեր հնչեցրած պահանջը ևս ուշացած էր, և Տարոն Մարգարյանի հրաժարականն առօրեական էր ամսի 23-ից, երբ Սերժ Սարգսյանը հրաժարական տվեց»,- այսօր Երևանի քաղաքապետարանի դիմաց լրագրողների հետ զրույցում այս մասին ասաց Երևանի ավագանու «Ելք» խմբակցության անդամ Դավիթ Խաժակյանը։
Երևանի Արգիշտի փողոցը փակած ցուցարարներից մեկը կանգնեց ընթացող մեքենայի դիմաց։ Մենքենան չէր արգելակում, ցուցարարն էլ ճանապարհ չէր տալիս։ «Ընկեր, ինչի՞ ես քշում մարդու վրա, ո՞նց կարաս մարդու վրա քշես»,- բղավեց կին ցուցարարներից մեկը։
Ինչպես արդեն տեղեկացրել ենք` ցուցարարները երկկողմանի փակել են Արգիշտի փողոցը։ Մոսկվայի տան դիմաց ՃՈ մեքենայից իջավ մի ավտոտեսուչ` խնդրելով ճանապարհ տալ, որպեսզի հասնի Խանջյան փողոց, որտեղ, նրա խոսքով` վթար է տեղի ունեցել։ Սակայն ցուցարարները հրաժարվեցին։
Երևանի քաղաքապետ Տարոն Մարգարյանի հրաժարականը պահանջող մի խումբ ցուցարարների քիչ առաջ երկկողմանի փակեցին Արգիշտի փողոցը։ Թե որքան են պատրաստվում փակ պահել այն՝ նրանք դեռ չգիտեն, միայն նշում են, որ առայժմ չեն պատրաստվում ճանապարհ տալ մեքենաներին։
Քաղաքապետարանի դիմաց բողոքի ակցիա իրականացնող ցուցարարներն այս պահին փակել են Արգիշտի փողոցից Հաղթանակի կամուրջ տանող հատվածը։ Նրանք պահանջում են Տարոն Մարգարյանի հրաժարականը։
Երևանի քաղաքապետարանի դիմաց ցուցարարները պահանջում են Երևանի քաղաքապետ Տարոն Մարգարյանի հրաժարականը։ Ցուցարարները կազմել են Տարոն Մարգարյանի հրաժարականի տեքստը, որտեղ զետեղվել են հանրային հնչեղություն ստացած դեպքերը։
«Հայ դիրքապահները սահմանային ռեժիմը խախտելու պահին կարողացել են վնասազերծել 6 հոգուց բաղկացած Բանգլադեշի քաղաքացիների խումբ։ Համապատասխան աշխատանք կատարելու համար նրանց փոխանցել են ԱԱԾ-ին»,- այսօրվա ասուլիսի ժամանակ այս մասին հայտարարեց ՀՀ պաշտպանության նախարարի պաշտոնակատար Վիգեն Սարգսյանը։
ՀՀ պաշտպանության նախարարի պաշտոնակատար Վիգեն Սարգսյանն այսօրվա ասուլիսին անդրադարձավ զինվորական համազգեստով զինվորականների մասնակցությանն ապրիլի 23-ին կազմակերպված երթին։
ՀՀ պաշտպանության նախարարի պաշտոնակատար Վիգեն Սարգսյանը վստահ է՝ Նիկոլ Փաշինյանն ազնիվ մղումներով փորձելու է անել իր ուժերի առավելագույնի չափով երկիրը դեպի բարեկեցություն տանելու քայլեր։
«Ես հրաժարականի մասին երբեք չեմ խոսել ո՛չ հասարակության, ո՛չ Նիկոլ Փաշինյանի հետ, ես խոսել եմ այն մասին, որ նոր ձևավորված թիմը, իմ պատկերացմամբ, չի կարող ապահովել արդյունավետ առաջընթաց՝ մի շարք պատճառներով»:
«ՌԴ-ն ՀՀ-ի ռազմավարական դաշնակիցն է, մենք երկար ճանապարհ ենք միասին անցել, ունենք կայացած ինստիտուտներ։ Մենք բազմիցս խոսել ենք ռուսական գործոնի մասին այս պրոցեսներում, մեզ մեղադրել են Ռուսաստանով վախեցնելու մեջ, որն անհեթեթություն է, որևէ մեկը ոչ մեկին չէր պատրաստվում ոչ մեկով վախեցնել»։
«Շատ անպատասխանատու էր հրապարակից եղած արձագանքը սահմանային իրավիճակի վերաբերյալ մեր հայտարարությանը»,- այսօր լրագրողների հետ հանդիպման ժամանակ ասաց պաշտպանության նախարարի պաշտոնակատար Վիգեն Սարգսյանը։
«Ես տեղի ունեցածը հեղափոխություն չեմ համարում, որովհետև հեղափոխությունը պետաիրավական համակարգի փոփոխություն է, իսկ մեզ մոտ տեղի է ունեցել իշխանափոխություն»,- այսօր լրագրողների հետ հանդիպման ընթացքում այս մասին ասաց ՀՀ պաշտպանության նախարարի պաշտոնակատար Վիգեն Սարգսյանը՝ ընդգծելով, որ խորհրդարանական մի ֆրակցիայի ներկայացուցիչը վարչապետի պաշտոնում փոխարինել է մեկ այլ ֆրակցիայի ներկայացուցչի։
«Մենք պատրաստում ենք 10 ժամանոց բրիֆինգ նոր նախարարի և իր թիմի համար»,- այսօր լրագրողների հետ հանդիպման ընթացքում այս մասին ասաց ՀՀ պաշտպանության նախարարի պաշտոնակատար Վիգեն Սարգսյանը։
ՀՀ պաշտպանության նախարարի պաշտոնակատար Վիգեն Սարգսյանից այսօր լրագրողները հետաքրքրվեցին, թե ո՞ւմ է տեսնում իրեն փոխարինող, շրջանառվում է Դավիթ Տոնոյանի անունը, ի՞նչ կարծիք ունի այդ մասին։
ՀՀ պաշտպանության նախարարի պաշտոնակատար Վիգեն Սարգսյանն անթույլատրելի է համարում պաշտպանության նախարարի հրաժարականը, քանի դեռ նշանակված չէ նոր նախարար։
Քաղաքագետ Լևոն Շիրինյանը ՀՀ նորընտիր վարչապետ Նիկոլ Փաշինյանից ակնկալում է Հայաստանի վերածնունդ։ 168.am-ի հետ զրույցում նա ասաց, որ, եթե ՀՀԿ-ն դիմադրի կառավարության ծրագրի քննարկման ժամանակ, ապա պետք է սահմանադրական նորմերից օգտվել և արգելել ՀՀԿ-ի գործունեությունը:
«Ես առաջիկա կես ժամվա ընթացքում պաշտոնապես կստանձնեմ ՀՀ վարչապետւի պարտականությունները, որից հետո կլսեմ զեկույց՝ զինված ուժերի և ազգային անվտանգության մարմինների ներկայացուցիչներից՝ ՀՀ անվտանգային միջավայրի մասին, և կանցնեմ իմ պարտականությունների կատարմանը»:
«Հաղթանակն այն չէ, որ ես ընտրվել եմ ՀՀ վարչապետ, այլ այն է, որ դուք եք որոշել, թե ով լինի ՀՀ վարչապետ։ Կապ չունի, թե ով կլինի ՀՀ վարչապետ, այսօր և սրանից հետո միայն մի սուբյեկտ իրավունք ունի որոշելու, թե ով լինի իշխանության մեջ և այդ սուբյեկտը ՀՀ քաղաքացին է»,- Հանրապետության հրապարակում այս մասին հայտարարեց ՀՀ նորընտիր վարչապետ Նիկոլ Փաշինյանը։
ՀՀ նորընտիր վարչապետ Նիկոլ Փաշինյանը ժամանեց Հանրապետության հրապարակ։ Երևանի փոխոստիկանապետ Վալերի Օսիպյանը մոտեցավ, շնորհավորեց Փաշինյանին, նրանք գրկախառնվեցին։
«Մեր դիրքորոշման մեջ բովանդակային առումով փոփոխություն չի կարող լինել։ Ավելին, մենք այսօր ոչ միայն սատարում ենք Նիկոլ Փաշինյանի թեկնածությունը, այլև առաջադրել ենք նրան վարչապետի պաշտոնում»,- այսօր խորհրդարանում այս մասին ասաց ԱԺ ՀՅԴ խմբակցության ղեկավար Արմեն Ռուստամյանը՝ նկատելով, որ Փաշինյանի ընտրությունը կարող էր մեկ շաբաթ առաջ լինել։
ԱԺ «Ելք» խմբակցության ղեկավար, ՀՀ վարչապետի թեկնածու Նիկոլ Փաշինյանը քվեարկությունից առաջ իր եզրափակիչ ելույթում նշեց, որ չի ուզում բանավիճել, թե արդյոք ՀՀ-ում կա՞ ատելության մթնոլորտ, քարոզ, թե՞ ոչ.
«Աշխարհը զարմացավ Հայաստանի պահվածքով, կեցվածքով, բայց կարելի էր հատուկ նշել՝ զարմացավ իշխանության պահվածքով, իրավապահ մարմինների կեցվածքով՝ չմիջամտելով, չճնշելով խաղաղ ցույցները, նույնիսկ պահպանելով նրանց տարբեր վտանգներից և տարբեր սադրանքներից»:
ԱԺ «Ելք» խմբակցության պատգամավոր Արամ Սարգսյանն այսօր խորհրդարանում դիմելով ՀՀԿ-ին՝ ասաց, որ սիրո և համերաշխության հեղափոխությունը կարող է լինել նաև իրենցը. «Դրա համար պետք է պատասխանել ուղղակի մի քանի հարցի, որոնք ժողովուրդն է տալիս։ Անսխալական մարդ, քաղաքական ուժ գոյություն չունի»։
«Ես տպավորված եմ գրագետ, օրինապաշտ գործողություններով։ Ժողովրդի նման մեծ հոսք կառավարելը լրջագույն արվեստ է»,- այսօր լրագրողների հետ հանդիպման ընթացքում անդրադառնալով «թավշյա հեղափոխությանը»՝ այս մասին ասաց տնտեսագետ Թաթուլ Մանասերյանը՝ ընդգծելով, որ երկրորդ, ոչ պակաս դժվար փուլը սկսվելու է մայիսի 9-ից։
«Եթե անգամ հաշվի առնենք այնպիսի նյուանսներ, որ պետական պահպանության ծառայության կողմից Նիկոլ Փաշինյանին տրվել են անվտանգության աշխատակիցներ, հասկանալի է, որ վաղը Փաշինյանը լինելու է վարչապետ»,- այսօր լրագրողների հետ հանդիպման ընթացքում այս մասին ասաց քաղտեխնոլոգ Կարեն Քոչարյանը։
«Բոլորն ապրում էին վախերով. այդ վախերի հաղթահարումը տեղի է ունեցել, և հուսանք, որ այդ նույն «դուխով» կկարողանանք ապագայի մարտահրավերները հաղթահարել։ Հենց դա էլ կլինի գլխավոր փոփոխությունը»,- այսօր լրագրողների հետ հանդիպման ընթացքում այս մասին ասաց «Մարդկային զարգացման միջազգային կենտրոնի» նախագահ, ՀՀ նախագահի խորհրդական Թևան Պողոսյանը։
«Նրանք, ովքեր անօրինական ձևով, գողությամբ հարստություն էին ձևավորել, չեմ կարծում՝ համաձայնեն, որ այդ ամբողջն իրենց ձեռքից գնա։ Զգոնությունը կորցնել չի կարելի, պետք է պատրաստ լինել ցանկացած զարգացման»:
«Մարդիկ, ովքեր օֆշորներում գումարներ ունեն, պարզապես պետք է շահավետ պայմաններով պարտատոմսեր գնեն, իսկ մեր պարտատոմսերի եկամտաբերությունը գրավիչ է»։
«Կարեն Կարապետյանի կառավարությանը չի հաջողվել լուծել սոցիալական բլոկի խնդիրները. աղքատությունը, որը պարփակվել է արատավոր շրջանակի մեջ, որից դուրս գալու ելքերը տնտեսական միջոցներով հնարավոր չէ իրականացնել»:
