«Քաղաքացիական պայմանագիր» կուսակցության վարչության նախագահ, ԱԺ «Ելք» խմբակցության պատգամավոր Սասուն Միքայելյանն այսօրվա հանրահավաքի ժամանակ ասաց. «Այս իրողությունը կայացավ Նիկոլ Փաշինյանի գլխավորությամբ։ Եվ սա մեր համախմբվածությամբ պետք է տանի օրորոցային խաղաղության․ ոչ մի ոստիկան, ոչ մի ինչ-որ ծառայության աշխատակից իրավունք չունի բռնանալ ժողովրդի ազատության վրա։ Սա 30 վերածնունդ է, սա նոր շունչ, նոր պուլս պետք է տա մեր ապագա սերնդին»։
Երևանի ավագանու «Ելք» խմբակցության անդամ Զառա Բաթոյանը այսօրվա հանրահավաքի ժամանակ ներողություն խնդրեց Ռոբերտ Աբաջյանի պապիկի անունից ներկայացած և ելույթ ունեցած անձնավորության քայլի համար։
Հանրապետության հրապարակում կազմակերպված հանրահավաքի ժամանակ ելույթ ունեցան այսօր պաշտոնաթող եղած ոստիկանության ծառայողները, ովքեր ասացին, որ ժողովրդի կողքին են։
Հանրապետության հրապարակում մեկնարկել է հանրահավաքը։ Քաղաքագետ Արմեն Գրիգորյանն ասաց, որ պետք է հնարավորինս կազմակերպված լինել. «Իշխանությունն այլևս իրավիճակին չի տիրապետում, խուճապի մեջ է»։
Քիչ առաջ Նիկոլ Փաշինյանը հավաքի մասնակիցներին տեղեկացրեց, որ 2 ժամով հեռանում է, քանի որ մի քանի կարևոր հանդիպումներ ունի:
Տիգրան Մեծ պողոտայում քայլերթի ժամանակ «Քաղաքացիական պայմանագիր» կուսակցության նախագահ Նիկոլ Փաշինյանն ասաց, որ իրենց է միացել ոստիկանության կապիտան Գարիկ Թովմասյանը:
Այս պահին փակ են մայրաքաղաքի մի շարք փողոցներ, մասնավորապես՝ Սայաթ-Նովա-Խանջյան խաչմերուկը, Սայաթ-Նովա-Թումանյան խաչմերուկը, Աբովյան-Սայաթ Նովա խաչմերուկը, Կոմիտաս-Գյուլբենկյան խաչմերուկը, Հրաչյա Քոչար, Վաղարշյան փողոցները, Բաղրամյան պողոտայի մի հատվածը, Հերացի փողոցի մի հատվածը, Մաշտոցի պողոտան, Տերյան-Իսահակյան խաչմերուկը և այլն։ Խանջյան-Սայաթ-Նովա խաչմերուկում ցուցարարները բարձր երաժշտություն էին միացրել և պարում էին։
«Գուցե նրան, ում Նիկոլ Փաշինյանը չի սիրում, հակառակ կողմը սիրում է։ Հիմա մենք ինչի՞ն ենք ուզում գնալ. դիկտատուրայի՞ն ենք ուզում գնանք, ուզում ենք թելադրանքի՞ն գնալ։ Ընտրություն անենք, տեսնենք՝ ում է ուզում մեր ժողովուրդը»:
«Երեկ երեկոյան մենք այդ տեղեկությունն ունեցանք, որ ելույթ ունեցողը Ռոբերտ Աբաջյանի պապիկը չի եղել. ինչ-որ արվել է, սրիկայություն է, եթե դա Ռոբերտ Աբաջյանի պապիկը չէ և նրա անունից ելույթի հնարավորություն խնդրեց։ Հանրությունը գնահատական կտա այդ մարդու գործողություններին»,- 168.am-ի հետ զրույցում այս մասին ասաց Երևանի ավագանու «Ելք» խմբակցության անդամ Արայիկ Հարությունյանը:
Ծիծեռնակաբերդի հուշահամալիրում ՀՀ-ում ԱՄՆ դեսպան Ռիչարդ Միլսից լրագրողները հետաքրքրվեցին՝ Հայաստանում քաղաքական իրավիճակի փոփոխություն եղավ, վարչապետը, ի վերջո, ժողովրդի ճնշման արդյունքում՝ հրաժարական ներկայացրեց, ի՞նչ տեսակետ ունի դեսպանն այս մասին։
«Մենք իրավունք չունենք այս օրն ինչ-որ ձևով փոխարինել ինչ-որ ուրիշ հարցերի շուրջ ինչ-որ բաներ անելով»,- այսօր Ծիծեռնակաբերդի հուշահամալիրում այս մասին ասաց գործարար Ռուբեն Վարդանյանը։
ՀՀ արտակարգ իրավիճակների նախարարի պաշտոնակատար Դավիթ Տոնոյանն այսօր Ծիծեռնակաբերդի հուշահամալիրում լրագրողների հետ զրույցում ասաց, որ քաղաքական թիմի անդամ է եղել, որովհետև նշանակվել է նախարար։
Ծիծեռնակաբերդի հուշահամալիրում լրագրողները ՀՀ առողջապահության նախարարի պաշտոնակատար Լևոն Ալթունյանից հետաքրքրվեցին՝ իր համար սպասելի՞ էր Սերժ Սարգսյանի հրաժարականը։
«Սահմանադրական դատարանի համար նշանակություն չունի՝ երկրում ինչ քաղաքական իշխանություն է»,- Ծիծեռնակաբերդի հուշահամալիրում լրագրողների հետ զրույցում այս մասին ասաց ՍԴ նախագահ Հրայր Թովմասյանը։
«Սերժ Սարգսյանին ստիպեցին հրաժարական տալ. ժողովուրդը վերջապես ցույց տվեց, որ ինքն արժանապատիվ և հարգանքի արժանի ժողովուրդ է և չի կարող անընդհատ ստորանալ»,- 168.am-ի հետ զրույցում այս մասին ասաց քաղաքագիտության դոկտոր Հայկ Մարտիրոսյանը։
Հանրապետության հրապարակում կազմակերպված հանրահավաքի ժամանակ «Քաղաքացիական պայմանագիր» կուսակցության նախագահ, ԱԺ «Ելք» խմբակցության պատգամավոր Նիկոլ Փաշինյանը հայտարարեց, որ Հայաստանում երկար տարիներ հաստատված է եղել ատելության, վրեժխնդրության, վենդետայի մթնոլորտ:
«Ես հույս ունեմ, որ ՀՀԿ վերնախավը միանշանակ և անվերապահորեն կճանաչի ժողովրդական թավշյա, ոչ բռնի հեղափոխության հաղթանակը, և այս փաստի արձանագրումը որքան շուտ տեղի ունենա, այնքան ավելի լավ ՀՀ-ի և ԼՂՀ-ի համար»։
«Սիրելի ժողովուրդ, երբ ես վառեցի ազատության ջահը ԱԺ-ում, ես երազում էի այսօրվա մասին։ Ես երազում էի, որ ձեր առաջ վառեմ ու ասեմ՝ կեցցեք դուք, որ վառ պահեցիք ազատության ջահը»,- Հանրապետության հրապարակում իր ելույթում այս մասին ասաց ԱԺ «Ելք» խմբակցության պատգամավոր Արարատ Միրզոյանը։
«Իրազեկ քաղաքացիների միավորում» հ/կ նախագահ Դանիել Իոաննիսյանը Հանրապետության հրապարակում կազմակերպված հանրահավաքի ժամանակ շնորհակալություն հայտնեց այս օրերին ակտիվ աշխատող փաստաբաններին, իրավաբաններին, իրավապաշտպաններին, որոնք զբաղվում էին բերման ենթարկվածների և ձերբակալվածների գործերով։
Հանրապետության հրապարակում մեկնարկել է Նիկոլ Փաշինյանի աջակիցների հանրահավաքը։ «Քաղաքացիական պայմանագիր» կուսակցության անդամ Արայիկ Հարությունյանն ասաց…
Երեկ Մոսկվայում բողոքի ակցիա իրականացրած հայերը պայմանավորվել են հավաքվել Կաշիրսկի մայրուղում և իրենց մեքենաներով գալիս են Հայաստան։ 168.am-ի տեղեկություններով՝ այսօր առավոտյան ժամը 7։00-ին նրանք մոտ 150 մեքենայով շարժվել են Հայաստան։
Հանրապետության հրապարակում ժողովուրդը ցնծության մեջ է։ Բոլորը տոնում են Սերժ Սարգսյանի հրաժարականը։ Այնտեղ էր նաև դերասան Սարգիս Գրիգորյանը։ 168.am-ի հետ զրույցում դերասանը շնորհակալություն հայտնեց Սերժ Սարգսյանին՝ ճիշտ որոշում կայացնելու համար։
«Վերջին 24 ժամվա մեջ ես եղել եմ կատարյալ մեկուսացման մեջ։ Հիմա ինձ հնարավորություն տվեք 2 ժամ մեկուսանալ, գործընկերներիս հետ հասկանամ կալանքի տակ գտնվողների ազատման հարցը, իսկ ժամը 18։30-ին այստեղ կանցկացվի հաղթական հանրահավաք»,-Հանրապետության հրապարակում հայտարարեց Նիկոլ Փաշինյանը։
Գեղարքունիքի մարզում ցուցարարները փակել են Գագարին-Սևան ճանապարհը և թույլ չեն տալիս, որ զբոսաշրջիկների ավտոբուսներն այդ ճանապարհով առաջ ընթանան։
«Երեկ դեսպանների հետ էլ էի խոսում, ասում էին՝ ո՞ր մի երկրում նախագահին կասեն՝ դու արի այստեղ՝ հանդիպելու, և նա կգնար, կամ վարչապետին։ Չեմ կարծում, թե նման երկիր կա։ Բայց հանրապետության նախագահն այցելեց Հանրապետության հրապարակ՝ հանդիպելու Նիկոլ Փաշինյանի հետ, որը ցանկանում էր բոլորի դիմաց հանդիպել, հասկանում եք՝ ինչ պատճառներով, և որի ընթացքում պայմանավորվածություն եղավ, որ իհարկե, պետք է արձագանքել այն կոչերին, որ պետք է գնալ երկխոսության»:
«Բացի ցույցերի մասնակիցներից, կան նաև այլ քաղաքացիներ, պետք է նրանց իրավունքներն էլ հարգվեն։ Սահմանափակել տեղաշարժը՝ մնացած բոլորի, որոնք չեն մասնակցում այդ ցույցերին, չեմ կարծում, թե որևէ երկրում թույլատրելի է»,- այսօր լրագրողների հետ հանդիպմանը հայտարարեց ՀՀ ԱԳ նախարար Էդվարդ Նալբանդյանը։
«Քաղաքացիական պայմանագիր» կուսակցության նախագահ Նիկոլ Փաշինյանի պահման վայրը հայտնի է, լրագրողների հետ հանդիպմանը հայտարարեց ՀՀ արդարադատության նախարար Դավիթ Հարությունյանը:
«ՀՀ-ն խաղաղ, առանց զենքի հավաքների ազատության իրավունքը ճանաչում է, և հետամուտ է լինելու այդ իրավունքի կատարմանը։ Միաժամանակ, պետք է նշեմ, որ ինչպես և ցանկացած այլ երկրում, հավաքները կարգավորվում են օրենսդրությամբ և նախատեսում են գործընթացներ՝ հավաքները օրինական անցկացնելու հետ կապված։ Այդ գործընթացները վերջին օրերին չեն պահպանվել»:
«Այս օրերին խոչընդոտվել է տարբեր գերատեսչությունների, այդ թվում՝ ԱԳՆ-ի աշխատանքը։ ԱԳՆ-ն ժամանակ առ ժամանակ շրջափակման մեջ էր։ Մենք բազմաթիվ բողոքներ են ստացել հավատարմագրված դեսպանների կողմից, որ սահմանափակվել է իրենց ազատ տեղաշարժի հնարավորությունը:
ՀՀ ԱԳ նախարար Էդվարդ Նալբանդյանը լրագրողների հետ զրույցում անդրադարձավ վերջին օրերին Հայաստանում տեղի ունեցող իրադարձություններին։