«ՀԱՊԿ գլխավոր քարտուղարի նշանակման հարցով նեղ ֆորմատով քննարկումներ են տեղի ունեցել». Դավիթ Տոնոյան
«ՀԱՊԿ գլխավոր քարտուղարի նշանակման հարցով նեղ ֆորմատով քննարկումներ են տեղի ունեցել»,-այսօր լրագրողների հետ հանդիպմանն այս մասին ասաց ՀՀ պաշտպանության նախարարի պաշտոնակատար Դավիթ Տոնոյանը։
«Բոլորիս խորհուրդ եմ տալիս սպասել դեկտեմբերի 6-ին: Քննարկումներ են եղել նեղ ֆորմատով, որոնց մասին տեղեկությունները հասանելի չեն: Այդ նեղ ֆորմատով որոշում է կայացվել գլխավոր քարտուղարի հարցին անդրադառնալ, այն քննարկել դեկտեմբերի 6-ին»,- ասաց նախարարի պաշտոնակատարը։
Նա հավելեց, որ ՀԱՊԿ հայտարարությունների վրա որևէ կերպ չի ազդում՝ գլխավոր քարտուղարը կլինի Հայաստանի, թե այլ երկրի ներկայացուցիչ:
