Հայաստանի սարքաշինության երբեմնի առաջատարներից «Ավտոմատիկա» ձեռնարկությունը, որ մինչ այժմ պետական էր, կմասնավորեցվի: Ձեռնարկության 80% բաժնետոմսերը ներկայումս գտնվում են ՀՀ պաշտպանության նախարարության ենթակայության տակ
«Բավականին բարդ իրավիճակ է ՀՀ-ում ընդհանուր տնտեսության առումով, ու դա պետք է անդրադառնա նաև բանկային համակարգի վրա: Իհարկե, չի կարող չանդրադառնալ: Բանկիրներն էլ մարդիկ են և, իրենց ռիսկերը հաշվի առնելով, փորձում են այնքան բարձր տոկոսներով տրամադրել վարկերը, որ փոխհատուցվի որոշակի վարկերի ոչ վերադարձելիությունը»:
2015 թվականի համար ՀՀ առողջապահության նախարարության կողմից շաքարային դիաբետով տառապող հիվանդների դեղապահովումն իրականացնելու նպատակով պլանավորվել և ըստ ճշտված գնումների պլանի նախատեսվել է 9.5 մլն դեղահաբ, սակայն իրական պահանջը կազմում է 12 մլն դեղահաբ:
Հայաստանն այս տարի դիրքերը զիջել է տնտեսական ազատության ցուցանիշով: Սա է փաստում այսօր Ամերիկյան հեղինակավոր «Հերիթեյջ ֆաունդեյշըն» (The Heritage Foundation) կազմակերպության հրապարակած «Տնտեսական ազատության ինդեքս 2015» հետազոտությունը:
«Ադրբեջանն անում է այն, ինչ անում է, իսկ Հայաստանը տալիս է համարժեք պատասխաններ: Զոհեր, իհարկե, լինում են: Այդ ամենը վերջացնելու միակ ճանապարհը պատերազմի արդյունքը ամրագրելն է քաղաքագիտական, դիվանագիտական ուղիով, ամրագրել վերջնականորեն և Ադրբեջանի հետ ստորագրել հաշտության պայմանագիր»,- այսօր ասուլիսի ժամանակ հայտարարեց 1991-1992 թթ. ՀՀ պաշտպանության պետական կոմիտեի նախագահ Վահան Շիրխանյանը՝ պատասխաելով 168.am-ի հարցին, թե մինչև ե՞րբ կարող է շարունակվել այս վիճակը, որ Ադրբեջանը բացահայտ պատերազմ չի սկսում, բայց ամենօրյա հարձակումներով կորուստներ է պատճառում հայկական կողմին:
«Կա մի կանոն՝ պատմությունը կրկնվում է և մենք պետք է աշխատենք այդ կրկնությանը պատրաստ լինենք: Պատերազմն անավարտ է, ադրբեջանցիները չեն կարող չանել այն, ինչ անում են, նախ՝ իրենք իրենց առաջ խնդիր ունեն Ղարաբաղը ետ վերցնելու և երկրորդ՝ իրենց պարտադրում են արտաքին ուժերը, որից առաջինը Թուրքիան է: Հիմա մեծ վտանգներ են գալիս Թուրքիայից՝ կապված ամբողջ աշխարհում Ցեղասպանության 100 տարին նշելու հետ: Եթե աշխարհն ընդունի, Թուրքիան ծանր խնդիրներ կունենա: Այդ երկիրը գիտի, որ մեզնից հայրենիք է գողացել, ունեցվածք է գողացել և դրա հիման վրա է ստեղծել պետությունը: Եթե աշխարհի ուժեղներն ընդունեն, նրա համար ծանր կլինի»,- ասաց Շիրխանյանը:
«Այդպես անմիջական չասենք, թե ոնց կազդի, որովհետև միշտ էլ այդ լարվածությունը եղել է, ամռանն էլ է եղել, բայց ամեն դեպքում այն չի կարող դրական ազդել»,- 168.am-ի հետ զրույցում ասաց ԲՀԿ-ական պատգամավոր, ԱԺ տնտեսական հարցերի մշտական հանձնաժողովի փոխնախագահ Միքայել Մելքումյանը
«Պետք է վերագնահատվի իրավիճակը, հավաքվեն մարդիկ, որոնք ոչ թե մտածում են, որ միակն են և միակ ճշմարտությունն իրենք են տարածում, ինչպես նախորդ վարչապետն էր, այլ հրաժարվեն այն քաղաքականությունից, որ մինչև հիմա վարել ենք` դրամի զսպման, փոխարժեքի պահպանման, չ նստել ու մտածել, թե ինչ կարելի է անել: Դա շատ բարդ է, այսինքն` միանշանակ լուծումներ չկան, մի քանի սցենարներ պետք է գծվեն ու ամեն մի սցենարի քննարկման ժամանակ պետք է հաշվարկել, թե դա ինչպիսի հետչանքներ կունենա: Այժմ մենք նորից անում ենք այն նույն սխալները, որ արել ենք 2008-2009 թթ. ճգնաժամի ժամանակ»,- 168.am-ին ասաց ԿԲ խորհրդի նախկին անդամ, «Կոնվերս բանկի» հիմնադիրներից Սմբատ Նասիբյանը՝ խոսելով բանկերի խոշորացման մասին:
Հայաստանում սպառվող գազի հետ կապված խնդիրների վերաբերյալ գազամատակարարման համակարգի գործունեությունն ուսումնասիրող ԱԺ ժամանակավոր հանձնաժողովն իր բացահայտումները կներկայացնի Ազգային ժողովի 7-րդ նստաշրջանի մեկնարկի սկզբում:
Գագիկ Մակարյանի խոսքով՝ Ռուսաստանի գրեթե բոլոր քայլերը դրական չեն Հայաստանի համար, Ուկրաինայի հետ պատերազմը ՌԴ-ն սկսեց, ՀՀ-ն կապ չուներ, բայց ներքաշվեց դրանում, հայերը կորցրեցին իրենց աշխատանքն ու բիզնեսը Ուկրաինայում, որի հետ նաև առևտուրն է բավականին նվազել:
Հայաստանում գոնե մի ցուցանիշ կայուն աճում է, և, հաշվի առնելով, որ դրան առնչություն չունեն վիճակագրական ծառայության «վարպետները», ովքեր ամեն ինչ անում են իշխանությանը հաճոյանալու համար, այն իրապես արտացոլում է մեր իրականությունը: Դառը իրականությունը:
Հարցին՝ արդյոք ներդրումների աշխուժացում կլինի՞ շրջանառության հարկի սպասվող նոր փոփոխությունից, որով տարեկան 50 մլրդ դրամի ապրանք արտահանող տնտեսվարողների շահութահարկ նվազեցվելու է 10 անգամ՝ ներկայիս 20 %-ի փոխարեն սահմանելով 2 %, ասոցիացիայի նախագահը պատասխանեց, որ նման մարդ չի ճանաչում, որը կօգտվի դրանից. «Նույնիսկ հորիզոնում չեմ տեսնում, որ կգա ու կօգտվի: Արտաքին ներդրողները՝ միայն այդ գործոնը հաշվի առնելով, չեն գա ու ներդրումներ չեն անի: Օրինակ, դրանից օրեր առաջ ՎԶԵԲ-ը ՀՀ-ում տնտեսական 0% աճ կանխատեսեց, դրա մասին չեն խոսում»:
Բանկային համակարգում առաջիկա փոփոխությունների արդյունքում, ըստ մասնագետների, սպասվում է վարկային տոկոսադրույքների բարձրացում: Ի՞նչ է սպասվում բիզնեսին առանց այն էլ թանկ վարկերի էլ ավելի թանկացման արդյունքում:
Հայաստանից անօրինական ֆինանսական արտահոսքերը տարեցտարի մեծանում են: Այս մասին է վկայում Global Financial Integrity (GFI) կազմակերպության հերթական տարեկան զեկույցը՝ «Զարգացող երկրներից ոչ օրինական ֆինանսական հոսքեր 2003-2012»: Ըստ այդմ՝ Հայաստանն «առաջընթաց» է արձանագրել և նախորդ տարվա 71-րդ հորիզոնականից (144 երկրների շարքում) 2012-ին բարձրացել է 69-րդ «պատվավոր» տեղը (145 երկրների շարքում): GFI-ի հաշվարկներով` 2012-ին Հայաստանից դուրս է բերվել 1 մլրդ 230 մլն դոլար՝ նախորդ տարվա համեմատ 63 մլն դոլարով ավելի:
Այսօր Բաղրամյան 26-ում` ՀՀ նախագահական նստավայրի դիմաց, նաիրիտցիները շարունակեցին իրենց ամենօրյա բողոքի ակցիաները: 168.am-ի հետ զրույցում «Նաիրիտ» գործարանի աշխատակից Իշխան Գասպարյանը, ով փետրվարի 6-ից կրճատման ծանուցումը ստացել է և ստորագրել է թերթիկը, նշեց, որ իրենք 18 ամսվա աշխատավարձի պարտքն են պահանջում: Նրա խոսքով՝ օրինական ճանապարհներով ամեն տեղ դիմել են, մինչ օրս պաշտոնական պատասխան չեն ստացել.
«Իշխանությունների ու հետաքննության հանդեպ անվստահության պայմաններում ժողովուրդն ինքն է սկսում սեփական վարկածներ ստեղծել, բայց արդեն դավադրության տեսությունների տեսքով, որն ամեն ինչ դիտարկում է մեկ հարցի ներքո՝ ո՞ւմ է դա ձեռնտու»,- ասում է Արթուր Մարտիրոսյանը:
Քաջարանում հեպատիտ C-ով վարակված հիվանդները ՀՀ առողջապահության նախարարության ուշադրության կենտրոնում են: Ինչպես այսօր կառավարության նիստից հետո լրագրողների հետ ճեպազրույցում հայտարարեց առողջապահության նախարար Արմեն Մուրադյանը, հիվանդների բուժումը կազմակերպվելու է ամենաբարձր մակարդակով:
Լրագրողները ՀՀ առողջապահության նախարար Արմեն Մուրադյանից հետաքրքրվեցին, թե ինչո՞ւ էր առանձնահատուկ վերաբերմունքի արժանացել ռուս հաղորդավար Անդրեյ Մալախովը՝ 6-ամսյա Սերյոժա Ավետիսյանին հիվանդանոցում այցելության ժամանակ:
Բացառապես արտահանմամբ զբաղվող և տարեկան 50 մլրդ դրամի ապրանք արտահանող տնտեսվարողների շահութահարկը առաջարկվում է նվազեցնել 10 անգամ՝ ներկայիս 20 տոկոսի փոխարեն սահմանելով 2 տոկոս:
Հայաստանի սովորական սպառողների համար շաքարավազի շուկայում ոչ մի փոփոխություն չի լինելու: Ինչպես այսօր կառավարության նիստից հետո լրագրողների հետ ճեպազրույցում ասաց ՀՀ էկոնոմիկայի նախարար Կարեն Ճշմարիտյանը, առանձին ոչ մի բացառություն չկա, ԵՏՄ-ի անդամակցության պայմաններում Հայաստանի երկու արտարդողներ՝ «Պեպսի կոլա» և «Կոկա կոլա» ընկերությունները կշարունակեն նախկինի նման աշխատել: Այսինքն, նրանց կթույլատրվի սպիտակ շաքարի ներմուծումը երրորդ երկրներից 10 % ներմուծման մաքսատուրքի վճարման պայմանով՝ 1 տարվա ընթացքում 4 հազար տոննայից ոչ ավելի ծավալով:
Այս պահին Հայաստանում չկա 50 մլրդ դրամի ապրանք արտահանող որևէ կազմակերպություն, որը կկարողանա օգտվել «Շահութահարկի մասին» օրենքում նախատեսվող փոփոխություններից և 20%-ի փոխարեն վճարի 2 % շահութահարկ: Այս մասին այսօր կառավարության նիստից հետո լրագրողների հետ ճեպազրույցում հայտարարեց ՀՀ ֆինանսների փոխնախարար Վախթանգ Միրումյանը:
Այսօր կառավարության նիստից հետո ՀՀ էկոնոմոկիայի նախարար Կարեն Ճշմարիտյանը ամեն կերպ խուսանավեց հստակ մեկնաբանել Վերակառուցման և զարգացման եվրոպական բանկի կանխատեսումը, ըստ որի` այս տարի Հայաստանի տնտեսական աճը 0% կլինի:
«Սա այն ճգնաժամային իրավիճակներից է, երբ իշխանությունների գործողությունների արդյունքում կարող է ողբերգության շուրջ կա´մ համաժողովրդական միասնություն ու դրանից դուրս գալու եղանակներ առաջանալ, կա´մ առավել մեծ օտարացում ու մասնատում»,- 168.am-ին ասաց վերլուծաբան, բանակցային գործի մասնագետ բոստոնաբնակ Արթուր Մարտիրոսյանը:
Մեր զրուցակիցն է FOREX Club-ի երևանյան մասնաճյուղի վերլուծաբան-խորհրդատու Իրինա Սիմոնյանը:
«Ցանկացած հանցագործի այդ սահմանապահը պետք է արգելանքի տակ վերցնի ու հանձնի ՀՀ իշխանություններին: Դա չի արվել: Ինչո՞ւ չի արվել: Այդ հարցերը պետք է տրվեն պետական պաշտոնական մակարդակով, ու պետք է պահանջատեր լինել: Մինչ օրս չենք տեսել մեր պաշտոնյաների կողմից որևիցե պաշտոնական պահանջ»:
Այսօր «Նաիրիտ» գործարանի աշխատակիցները հերթական բողոքի ակցիա են իրականացրել Բաղրամյան 26-ում՝ ՀՀ նախագահի նստավայրի առջև: Նրանց պահանջը նույնն է՝ վճարել աշխատավարձերը: 168.am-ի հետ զրույցում գործարանի լրատվական բաժնի ղեկավար Անուշ Հարությունյանը հայտնեց, որ զրուցել են ՀՀ նախագահի աշխատակազմի քաղաքացիների ընդունելության և նամակների բաժնի պետ Աիդա Ասատրյանի հետ, ներկայացել իրենց պահանջները, և Ա.Ասատրյանն ասել է, որ համապատասխան մարդկանց կներկայացնի խնդիրը:
«Այս պահին ասում են, որ մեր դաշնակիցն են, բայց մի օր կարող է փոխվել: 100 տարի առաջ բոլշևիկներն են Քեմալին ոսկին տվել, որ նա զինվել է: Բացեք, նայեք Էրդողանի և Պուտինի մամուլի ասուլիսը, նման մերձեցումը մեզ համար շատ վտանգավոր է, մենք իրավունք չունենք` չգնահատենք ու զգայուն չլինենք»:
«Կարծում եմ, որ հստակ ի սկզբանե մեր ժողովրդի հետ պետք էր խոսել, ի սկզբանե պետք էր ասել այն քայլերը, ինչը պատրաստվում ենք անել: Բնականաբար, ոչ ոք չէր կարող ասել, թե ինչի կարող են հասնել իրենց քայլերով, բայց դա հստակ պետք է արվեր, ոչ թե ՌԴ Սահմանադրությունից անընդհատ մեջբերումներ բերել: Ես անընդհատ ուզում էի մեր Սահմանադրությունից, անկեղծ ասած, լսել, չէի լսում»,- այսօր լրագրողների հետ հայտարարեց ԲՀԿ-ական պատգամավոր Ստեփան Մարգարյանը՝ խոսելով Գյումրիի դեպքերի վերաբերյալ:
«Ես համարում եմ, որ այսօր իրականում Հայաստանում իշխանություն չկա, որովհետև եթե ունենայինք իշխանություն, նրանց վերաբերմունքը համարժեք կլիներ Գյումրիում տեղի ունեցած ողբերգության չափերին: Իշխանությունն իրեն ադեկվատ չպահեց, իշխանությունը չգիտակցեց: Տվյալ դեպքում խոսքը վերաբերում է Սերժ Սարգսյանին, որ ինքը երկիր է ներկայացնում, ինքը ազգ է ներկայացնում և պետք է կարողանա պաշտպանել ազգի արժանապատվությունը»:
Հարցին, թե որքանո՞վ են ադեկվատ իշխանության քայլերը, Տ.Ուրիխանյանը նշեց, որ արժանապատիվ չէ խոսել որևէ այլ ձևաչափի և երանգավորումների մասին:
