Սոցիալական նպաստների համար նախատեսվում է 13 մլրդ 958.5 մլն դրամի չափով ծախս, որն այս տարվա համեմատ պակաս է 150 մլն դրամով` պայմանավորված նպաստ ստացողների թվաքանակի և նպաստի միջին ամսական չափի փոփոխությամբ:
«Ես չասեցի, պարոն հանձնաժողովի նախագահ, մարզպետարանը չի մրսելու,- առարկեց Ռ.Գրիգորյանն ու շարունակեց,- Էդ դեպքում Ազգային ժողովին կդիմենք, ԱԺ-ն մեզ կօգնի: Գիտենք, որ Դուք` որպես տարածքային կառավարման և տեղական ինքնակառավարման հարցերի մշտական հանձնաժողովի նախագահ, շատ ուշադիր եք մարզերի նկատմամբ, անձամբ Ձեզ կդիմեմ, Դուք կօգնեք»:
«2017թ. մենք ունենք ուղղակի համայնքային ֆինանսավորման ծրագրեր: Տարածքային զարգացման ռազմավարությունում ֆիքսված է մի գաղափարախոսություն, որը կոչվում է տարածքային ֆինանսական կառույց: Դա պետական բյուջեի որոշակի հատված է, որն իր մեջ ներառում է բոլոր գերատեսչութոների բյուջետային որոշակի մաս, որն ուղղվելու է համայնքներոմ այս կամ այն գործառույթն իրականանցնելուն»:
ՀՀ ֆինանսների փոխնախարար-գլխավոր գանձապետ Ատոմ Ջանջուղազյանի կարծիքով` ֆինանսների նախարարի հնչեցրած թվերը կասկած չեն կարող հարուցել: Նա հավաստեց, որ ՀՀ-ն այսօր ամենաբարձր ստանդարտի երկիր է համարվում, բայց եթե Հ.Բագրատյանն ունի այլ ստանդարտ, որ կարելի է կիրառել, այն կարելի է դարձնել միջազգային և առաջնորդվել դրանով:
Այսօր ԱԺ Տարածքային կառավարման և տեղական ինքնակառավարման հարցերի ու Ֆինանսավարկային և բյուջետային հարցերի մշտական հանձնաժողովների համատեղ նիստում 2017 թ. բյուջեի նախագծի քննարկումների ժամանակ ՀՀ ֆինանսների փոխնախարար-գլխավոր գանձապետ Ատոմ Ջանջուղազյանը ներկայացրեց համայնքային բյուջեներին հատկացումները:
Դատական ակտերի հարկադիր կատարման (ԴԱՀԿ) ծառայության արտաբյուջեն կազմում է 1 մլրդ դրամ: Այս մասին այսօր ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ հայտնեց ՀՀ արդարադատության փոխնախարար Արթուր Հովհաննիսյանը:
Հարցին` նորմա՞լ է, որ ՀՔԾ-ն տեղեկություն է հրապարակում ՊՊԾ գնդի գրավման ժամանակ ոստիկանների մահվան մեջ մեղավոր անձանց բացահայտելու մասին, սակայն անուններ չի հրապարակում, Վ. Հովհաննիսյանը պատասխանեց, որ հրապարակման նյութի շրջանակները որոշում է կոնկրետ քննիչը, և, եթե վարույթն իրականացնող քննիչը որոշել է, որ այս ծավալի տեղեկություն պետք է տրամադրի, դա բխում է օրենքի պահանջից:
Երևանում յուրաքանչյուր քաղաքացիական դատավորի բաժին է ընկնում միջինում 1425 գործ, քրեականը` 80: Այս մասին այսօր ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ հայտարարեց Դատական դեպարտամենտի ղեկավար Կարեն Փոլադյանը:
Այսօր ԱԺ պետաիրավական և ֆինանսավարկային ու բյուջետային հարցերի մշտական հանձնաժողովների համատեղ նիստում 2017 թ. բյուջեի նախագծի քննարկումների ժամանակ պատգամավոր Թևան Պողոսյանը Վերահսկիչ պալատի աշխատակազմի ղեկավար Արտավազդ Ներսիսյանից հետաքրքրվեց, թե ՎՊ-ն կարողանալո՞ւ է 2017 թվականից բյուջեն 100% աուդիտ անել, որը պայմանավորված է սահմանադրական փոփոխությունների արդյունքում Վերահսկիչ պալատը վերածվելու է Հաշվեքննիչ պալատի:
«Հույժ գաղտնի է, փակ է: Համապատասխան հոդվածում մի քիչ ավելացում կա, այսինքն` ունենալու ենք նոր ռազմական միջոցներ, նոր գործիքներ, որ պահանջվում են»,- ասաց Ա.Հակոբյանը:
«Մենք սկզբունքորեն համաձայն չենք այն կարծիքին, որ Հայաստանում իբր թե չափից ավելի ոստիկանական ուժեր կան»,- ասաց փոխոստիկանապետը` նշելով, որ Ոստիկանության ծախսերը կազմել են ՀՆԱ-ի 1.28%-ը:
Հայաստանում այս պահի դրությամբ տեղադրված են թվով 179 լուսանկարահանող արագաչափ սարքեր, որոնցից 91-ը Երևանում են և վերահսկում են թվով 123 խաչմերուկներ: Այս մասին այսօր ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ հայտարարեց ՀՀ փոխոստիկանապետ Վարդան Եղիազարյանը:
Ըստ նրա` ԽՍՀՄ ժամանակաշրջանում ՀՀ-ում եղել է 11 ռադիոլոկացիոն կայան, և այժմ պետք է ավելացնել: «Այս ամենը գտնվում է ՀՀ նախագահի ուշադրության կենտրոնում, և նա հարց է բարձրացրել ՌԴ նախագահի մոտ, շուտով մեզ 2-ը կնվիրեն»,- ասաց նա:
Այսօր ԱԺ Պաշտպանության, ազգային անվտանգության և Ներքին գործերի ու Ֆինանսավարկային և բյուջետային հարցերի մշտական հանձնաժողովների համատեղ նիստում 2017թ. բյուջեի նախագծի քննարկումների ժամանակ ՀՀ ֆինանսների փոխնախարար-գլխավոր գանձապետ Ատոմ Ջանջուղազյանը ներկայացրեց, որ հասարակական կարգի, անվտանգության, փրկարար ծառայության և կալանավայրերի պահպանության համակարգերի ծախսերի ֆինանսավորմանը 2017թ. պետական բյուջեից նախատեսվում է ուղղել 81 մլրդ 278.9 մլն դրամ:
Ն.Երիցյանը հայտարարեց, թե ԿԲ-ն կառավարման առումով կարող է օրինակ հանդիսանալ այլ կառույցների համար: Ըստ նրա` իրենց մասնագետները, մասնավոր հատվածին համարժեք, նույն խորությամբ վերլուծություններ են իրականացնում, այն դեպքում, երբ նման կանխատեսումները մի քանի հազար դոլար արժեն. «Մեր ձեռք բերած գրականությունը բավականին թանկ է: Դրանից չօգտվել նշանակում է՝ դառնալ հետամնաց: Բավականին զսպված են մեր ծախերը, եթե համադրենք մեզ նման երկրների ԿԲ-ների հետ: Բանկային համակարգի և ԿԲ միջին աշխատավարձի անջրպետը գնալով մեծանում է, բայց մենք զերծ ենք մնացել այս տարի աշխատավարձը զգալի բարձրացնելուց»:
Այսօր ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ ՀԱԿ խմբակցության քարտուղար Արամ Մանուկյանը հարցադրում արեց, թե ինչպե՞ս է, որ կառավարության ծրագրում կար դրույթ` աղետի գոտու շինարարության ավարտ մինչև 2017 թվականի վերջ, բայց հաջորդ տարվա բյուջեում այդ նպատակով գումար չի նախատեսվում:
«Ժառանգություն» խմբակցության պատգամավոր Թևան Պողոսյանն այսօր ԱԺ մշտական հանձնաժողովների նիստում 2017թ. բյուջեի նախագծի քննարկումների ժամանակ տարակուսանք հայտնեց և խնդրեց բացատրել, թե ինչո՞ւ է կառավարությունը կանխատեսում, թե նախընտրական շրջանում տնտեսությունը պասիվանալու է, եթե տպարանները ծանրաբեռնված աշխատելու են, գովազդային վահանակները զբաղեցվելու են, և այլն:
Ըստ նրա` Աստված չանի, որ այս բյուջեն կատարվի, իսկ եթե կատարվի էլ՝ նորից աղետ է, ոչ մի դրական տեղաշարժ չի լինելու:
ԱՎԾ պետը ներկայացրեց մի շարք ցուցանիշներ և հիշեցրեց «Եվրանեսթի» նիստից հետո Հրանտ Բագրատյանի հայտարարությունը, որ Եվրոպական կողմի ընդարձակ զեկույցում առկա թվերը 6 անգամ տարբերվում են հայկական թվերից:
Այսօր ԱԺ մշտական հանձնաժողովներում 2017թ. բյուջեի նախագծի քննարկումների ժամանակ պատգամավոր Հրանտ Բագրատյանն Ազգային վիճակագրական ծառայության պետ Ստեփան Մնացականյանին մեղադրեց «սուտ խոսելու մոնոպոլիան» սեփականացնելու մեջ:
«Մենք վստահեցնում ենք, որ կանենք ամեն ինչ՝ նախանշված ցուցանիշներն ապահովելու համար»,- այսօր ԱԺ մշտական հանձնաժողովներում 2017թ. բյուջեի նախագծի քննարկումների ժամանակ հայտարարեց ՀՀ վարչապետ Կարեն Կարապետյանը` նշելով, որ հաջորդ տարվա համար կառավարությունը նպատակադրել է ՀՆԱ-ի շուրջ 3.2% աճ:
«Եթե իրականում դու ճիշտ չես գնահատում քո տնտեսության հնարավորությունները, վարչարարական գործիքները, եթե իրականությունից դուրս հարկային եկամուտներ ես նախատեսում, ապա կարող ես շեղումներ ունենալ»:
«Եթե այդ ծրագիրը հաջողի, կնշանակի, որ դա, կարելի է ասել, մեր տարածաշրջանի համար պատմական նշանակության ձեռքբերում է, որը կճեղքի Հայաստանի էներգատրանսպորտային շրջափակումը»:
«Եթե մի քիչ շատ իջեցվի, հնարավոր է՝ մյուսների համար էլ իջնի: Արդարությունն իրականում չի խախտվում, որովհետև անապահովներն առաջնահերթ են: Բացի դա, նաև արտադրական գործընթացի վրա` գյուղատնտեսական արտադրություն, ջերմոցներ, գյուղատնտեսական հումք վերամշակող ձեռնարկությունների համար նույնպես իջեցում է սպասվում»:
Նախկին վարչապետ Հովիկ Աբրահամյանը մի հետաքրքիր նախաձեռնությամբ էր հանդես եկել` ստեղծելով Հայաստանի վարչապետների ակումբ: Այդ ակումբի անդամները՝ գործող ու նախկին վարչապետները, հաճախակի չէին հավաքվում, միայն 2 անգամ նախկին վարչապետները հասցրեցին Հովիկ Աբրահամյանին աջակցել իրենց քննարկումներով:
ԱԺ պատգամավոր, «Եղեգիս-1» ՓՀԷԿ-ի սեփականատեր Հակոբ Հակոբյանը 168.am-ի հետ զրույցում տեսակետ հայտնեց, որ ոլորտը կարգավորելու համար անհրաժեշտ է ջրի պոտենցիալը ճիշտ օգտագործել` հիդրոէներգետիկ արտադրությամբ երկրի էներգետիկ անկախությունն ապահովելու համար:
Ըստ Ա. Գրիգորյանի՝ Ռոբերտ Նազարյանն «օդի մեջ ինչ-որ բան է խոսել» և օրենքի խախտում է արել, քանի որ նա իրավունք չունի նման բաներ ասելու. «Նախ՝ ի՞նչ գիտի Ռոբերտ Նազարյանը՝ գազի սակագինն էժանանալո՞ւ է, թե՞ ոչ։ Երկրորդ՝ եթե գազի գինն էժանացավ սահմանին, այստեղ սպառողների մոտ գազի գին կիջնի՞, կամ ինչ-որ բան կլինի՞»։
«Եթե նոր կառավարության անդամները ցանկանան, կարող են անդամակցել: Առայժմ դիմում չենք ստացել»,- այսօր ԱԺ բրիֆինգների ժամանակ հայտարարեց ՀՀԿ խմբակցության ղեկավար Վահրամ Բաղդասարյանը` մեկնաբանելով վարչապետ Կարեն Կարապետյանի և կառավարության նոր անդամների` ՀՀԿ-ին անդամակցելու մասին հարցը:
Վ.Բաղդասարյանը հրաժարվեց պատասխանել 168.am-ի հարցին, որ, եթե Ծառուկյանը վերադառնա և, ինչպես ասվում է, ավելի մեծ կոնսոլիդացիա իրականացնի, արդյոք նորից արյունահեղության վտանգ չի՞ առաջանա. «Եթե-ներով հարցի չեմ պատասխանում»:
«Գագիկ Ծառուկյանը հիմա էլ քաղաքականության մեջ է, ԱԺ պատգամավոր է»,- ասաց նա` հավելելով, որ վերջին 1-2 տարվա ընթացքում տարբեր քաղաքական ուժեր ձևավորվեցին և հայտ ներկայացրեցին մրցկացելու և պայքարելու, սակայն, ինչքան էլ փորձում են ամբիցիոզ և կարող ներկայանալ, ՏԻՄ ընտրություններից հետո պատկերն այլ է:
