«Բարգավաճ Հայաստան» խմբակցությունում դեռ քննարկում տեղի չի ունեցել Սահմանադրություն փոփոխություն անելու համար ապրիլի 5-ին նշանակված հանրաքվեում «այո»-ի կամ «ոչ»-ի ճամբարում լինելու մասին: Այս մասին 168.am–ի հետ զրույցում ասաց ԱԺ «Բարգավաճ Հայաստան» խմբակցության պատգամավոր Սերգեյ Բագրատյանը:
Չնայած 7-րդ գումարման խորհրդարանի 3-րդ նստաշրջանը շատ բուռն էր ու անգամ ուղեկցվել էր էթիկայի նորմերի խախտմամբ, նստաշրջանի ընթացքում էթիկայի ժամանակավոր հանձնաժողով չի ձևավորվել: Անգամ «ԱԺ մոնիտորինգ» ծրագրի ներկայացուցիչներն են պնդում՝ էթիկայի հանձնաժողով ունենալու անհրաժեշտության մասին խոսելու առիթներ բազմիցս են եղել:
«Կա տպավորություն, որ խորհրդարանական մեծամասնությունն ու կառավարությունը ներքին բաժանմամբ որոշում են կայացրել չսահմանափակել օրենսդրի նախաձեռնողականությունը և մեծ ազատություն տալ դրան, ու ինչ-որ ներքին համաձայնությամբ խրախուսվում է խորհրդարանի ակտիվությունը»,- ասաց «ԱԺ մոնիտորինգ» ծրագրի ղեկավար Լուսինե Վասիլյանը:
Փաստաբան Տիգրան Սարգսյանը այսօր պետական համակարգում անընդհատ առաջացող խնդիրների հիմքը տեսնում է 2015 թվականի Սահմանադրական փոփոխություններով ստեղծված Սահմանադրության՝ «արհեստական ստեղծված փաստաթղթի» հիմքում: Ըստ նրա՝ այն նպատակ չի ունեցել բարելավել պետական կառավարման համակարգը, այլ պարզապես ցանկացել է նախկին քաղաքական ռեժիմի համար գոյության շարունակականություն ապահովել:
Ազգային ժողովի նախագահ Արարատ Միրզոյանը Սահմանադրական փոփոխությունների վերաբերյալ նախագիծը հանրաքվեի դնելու վերաբերյալ ԱԺ ընդունած որոշումն այսօր ուղարկել է ՀՀ նախագահի աշխատակազմ։ Նախագահ Արմեն Սարգսյանը երեք օր ժամանակ ունի այն վավերացնելու համար։
ԱԺ «Իմ քայլը» խմբակցության պատգամավորների ներկայացրած Սահմանադրության մեջ փոփոխություն իրականացնելու նախագիծը քննարկման դնելու, փետրվարի 6-ին նախագիծը հաստատող՝ հանրաքվե անցկացնելու մասին որոշումն ընդունելու շուրջ իրավաբանները, փաստաբանները պարբերաբար ահազանգում են գործընթացի հակասահմանադրականության մասին:
ԵՊՀ Սահմանադրական իրավունքի ամբիոնի վարիչ, սահմանադրագետ Վարդան Այվազյանի կարծիքով՝ Հայաստանում ստեղծվել է շատ խորը սահմանադրական ճգնաժամ, որն իր հերթին՝ հանգեցրել է քաղաքական ճգնաժամի: Ճգնաժամի պատճառը, ըստ սահմանադրագետի՝ նախկինում գործող Սահմանադրության «նենգափոխումն» է, իսկ այսօրվա գործող իշխանության ներկայացուցիչների մոտ Այվազյանը նկատում է սեփական գործառնական առաքելության չգիտակցում և պետականության վերաբերյալ գիտելիքների պակաս, ինչի արդյունքում ճգնաժամն էլ ավելի է խորանում:
Եթե ՀՀ նախագահ Արմեն Սարգսյանը ստորագրի Սահմանադրությունում փոփոխություն կատարելու ԱԺ «Իմ քայլը» խմբակցության 37 պատգամավորի ներկայացրած նախագիծը, որով նախատեսվում է դադարեցնել ՍԴ 7 դատավորի, ներառյալ՝ Հրայր Թովմասյանի լիազորությունները, ապա առաջիկայում Հայաստանում սպասվում է հանրաքվե: Հանրաքվեն կկայանա, եթե մասնակցի ՀՀ ավելի քան 600 հազար ընտրելու իրավունք ունեցող քաղաքացի: Եթե հանրաքվեն կայանա, ու արդյունքը լինի իշխանությունների ակնկալած […]
Եթե ՀՀ նախագահ Արմեն Սարգսյանն առաջիկա ժամերին ստորագրի ԱԺ «Իմ քայլը» խմբակցության 37 պատգամավորի ստորագրությամբ ներկայացված «ՀՀ Սահմանադրությունում փոփոխության» նախագիծը հանրաքվեի դնելու ԱԺ որոշումը, ապա մոտ 2 ամսից ՀՀ քաղաքացիները պետք է գնան ընտրատեղամասեր՝ ստորագրելու ՍԴ 7 դատավորի լրազորությունները վաղաժամկետ դադարեցնելու օգտին կամ դրա դեմ:
«Ես դեռ վաղուց 2018 թվականի ապրիլ-մայիսյան դեպքերը գնահատել եմ սահմանադրական կարգի տապալում: Դա եղել է բռնի իշխանազավթում և դա առաջինը կատարվել է գործադիր իշխանության նկատմամբ: Հետո դեկտեմբերին դա կատարվեց օրենսդիր իշխանության նկատմամբ»,- ասաց «Ազգային անվտանգություն» կուսակցության նախագահ Գառնիկ Իսագուլյանը՝ հավելելով, որ երեկ էլ Ազգային ժողովում Նիկոլ Փաշինյանը «իր ոհմակով լկտի սահմանադրական կարգը տապալելու համար հարձակում գործեց Սահմանադրական դատարանի վրա»:
Բոլոր ժամանակներում, վստահեցնում եմ, որ Սահմանադրական դատարանը եղել է մեր պետության կայացման հիմքում, իր որոշումներով, իր գործունեությամբ նպաստել է երկրում ժողովրդավարության և իրավական պետության կայացմանը, նպաստել է իրավական անվտանգությանը, և վստահեցնում եմ՝ նպաստել է կամ ամեն ինչ արել է երկիրը ցնցումներից, բախումներից զերծ պահելու համար:
Անվտանգության խորհրդի քարտուղար Արմեն Գրիգորյանը Կառավարության նիստից հետո լրագրողների հետ զրույցում անդրադարձել է նաև երեկ ԱԱԾ նախկին տնօրեն Արթուր Վանեցյանի՝ տպագիր մամուլի գլխավոր խմբագիրների հետ հանդիպման ժամանակ Վանեցյանի հնչեցրած հայտարարություններին:
Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանը՝ Ոստիկանության «6-րդ վարչություն» բերման ենթարկվելուց, այնտեղ մի քանի ժամ մնալուց ու դուրս գալուց հետո լրագրողների հետ զրույցում ասել էր, որ ամոթ չէ ոստիկանի կողմից ասֆալտին պառկելը, ու հավելել էր.
ԱԺ «Իմ քայլը» խմբակցության 37 պատգամավոր իրենց ներկայացրած «ՀՀ Սահմանադրության փոփոխություն» նախագծով ցանկանում են փոփոխել Սահմանադրության 213-րդ անցումային դրույցը, սահմանելով, որ մինչև Սահմանադրության 7-րդ գլխի ուժի մեջ մտնելը նշանակված սահմանադրական դատարանի նախագահի և անդամների պաշտոնավարումը պետք է դադարեցվի:
Վերաքննիչ քրեական դատարանը՝ դատավոր Սերգեյ Մարաբյանի նախագահույթամբ, մերժեց Ֆինանսների նախկին նախարար, ՊԵԿ նախկին նախագահ Գագիկ Խաչատրյանի կալանքը երկարացնելու դեմ փաստաբանների բողոքը: Սա նշանակում է, որ Գագիկ Խաչատրյանը կշարունակի մնալ կալանավորված:
Վերաքննիչ քրեական դատարանի դատավոր Արմեն Դանիելյանը բավարարեց դատախազության կողմից ՀՀ երկրորդ նախագահ Ռոբերտ Քոչարյանի պաշտպաններին «Մարտի 1-ի» մայր գործով ամբողջական նյութերի տրամադրման Առաջին ատյանի դատարանի որոշման դեմ բերված բողոքը: Սա նշանակում է, որ Ռոբերտ Քոչարյանի փաստաբաններին «Մարտի 1-ի» գործի ամբողջական նյութերը չեն տրամադրվի:
Մի քանի ժամ առաջ հայտնի դարձավ, որ ԱԺ «Իմ քայլը» խմբակցության 37 պատգամավոր ներկայացրել է ՀՀ Սահմանադրությունում փոփոխություն կատարելու մասին օրենքի նախագիծ, որով առաջարկում են փոփոխության ենթարկել Սահմանադրության 213-րդ անցումային դրույթը, արդյունքում սահմանելով՝ «մինչև Սահմանադրության 7-րդ գլխի ուժի մեջ մտնելը նշանակված Սահմանադրական դատարանի նախագահի ու անդամների պաշտոնավարումը դադարում է»:
«Այս քայլերով մենք կանգնելու ենք երկիր ունենալ-չունենալու հարցի առաջ». Կարեն Բեքարյան
«Ոսկանապատ» վերլուծական կենտրոնի ղեկավար Հրանտ Մելիք-Շահնազարյանի խոսքով՝ 2020 թվականի քաղաքական օրակարգի հիմնական հարցն Արցախյան ընտրություններն են: «Արցախը՝ մեծ փոփոխությունների նախաշեմին: Արտաքին և ներքին անվտանգություն» անվամբ քննարկման ընթացքում Հրանտ Մելիք-Շահնազարյանը վստահեցրեց՝ Արցախում շատ կարևոր տարի է լինելու՝ թե՛ ներքաղաքական, թե՛ արտաքին զարգացումների առումով:
Պաշտպանի խոսքով՝ առաջադրված մեղադրանքն իր տարրերով խաթարում է ՀՀ-ում քրեական արդարադատության ոլորտում իրավական որոշակիությունը: Պաշտպանը նման եզրահանգման է եկել՝ հիմք ընդունելով այն, որ մեղադրանքի հիմքում դրված փաստական տվյալները, իրենց գնահատմամբ, ներկայացվում են՝ ի հեճուկս միևնույն դեպքերի առնչությամբ հակառակ փաստերը հաստատող օրինական ուժի մեջ մտած դատական ակտերի:
«Ես համոզված եմ, որ տվյալ իրավիճակում այլ որոշում, քան միջնորդությունը բավարարելը, նախատեսված չէ». Արամ Օրբելյանը՝ Ռոբերտ Քոչարյանի գործը կարճելու մասին
Երևան քաղաքի Շենգավիթ վարչական շրջանի ընդհանուր իրավասության դատարանում դատավոր Աննա Դանիբեկյանը Ռոբերտ Քոչարյանի և մյուսների գործով դատական նիստը սկսեց նախորդ դատական նիստում Ռոբերտ Քոչարյանի և Արմեն Գևորգյանի փաստաբանների բացակայության և բացակա փաստաբանների նկատմամբ խմբակային դատական սանկցիա կիրառելու հարցերը քննելով:
«Սերը հավիտենական արժեք է: Եթե հավատքն ու հույսը մարդուն պետք է միայն երկրային կյանքի ընթացքում, ապա սերը մեզ անհրաժեշտ է անգամ հավիտենական կյանքում»,- խոսելով կյանքում սիրո կարևորության մասին՝ ասաց ԱՀԹ տեղեկատվական բաժնի հոգևոր համակարգող Տեր Եսայի քահանա Արթենյանը:
ՀՀ արդարադատության նախարարությունը շրջանառության մեջ է դրել Հակակոռուպցիոն կոմիտեի ստեղծելու մասին օրենքի նախագիծ, որով նախատեսվում է ստեղծել կոռուպցիոն գործեր քննող մասնագիտացված մարմին, որը կիրականացնի ուսումնասիրություններ, օժտված կլինի կոռուպցիոն հանցագործությունների բացահատման համար անհրաժեշտ գործիքակազմով:
Հայտնի տնտեսագետ Դարոն Աճեմօղլուն օրեր առաջ կոչ էր արել ՀՀ իշխանություններին կոռուպցիայի դեմ պայքարը չվերածել քաղաքական մրցակիցներին հետապնդելու միջոցի: «Եթե որևէ ազդեցիկ առաջնորդ կամ խմբակցություն վերահսկում է պետական մարմինները և հետապնդում իր հակառակոդներին, ապա դա թուլացնում է այդ մարմինները»,- նշել է Աճեմօղլուն:
Երեկ Եվրոպայի խորհրդի խորհրդարանական վեհաժողովի մոնիտորինգային հանձնաժողովի Հայաստանի մասով համազեկուցողներ Անդրեյ Շիրցելն ու Կիմմո Կիլժունեն իրենց հայտարարությամբ իրենց մտահոգությունն էին հայտնել «Հայաստանի վարչապետի գրասենյակի և Սահմանադրական դատարանի նախագահության միջև առկա բարձր աստիճանի լարվածությամբ» և հորդորել էին իշխանության բոլոր ճյուղերին գործել իրավունքի գերակայության սկզբունքին համահունչ և հարգել այն, ինչպես նաև՝ անմեղության կանխավարկածը, իրենց գործողություններում և խոսքերում:
Երևան քաղաքի Շենգավիթ վարչական շրջանի ընդհանուր իրավասության դատարանում դատավոր Աննա Դանիբեկյանի նախագահությամբ տեղի ունեցավ ՀՀ երրորդ նախագահ Սերժ Սարգսյանի եղբորորդու՝ Հայկ Սարգսյանի գործով հերթական դատական նիստը:
Ինչպես ավելի վաղ տեղեկացրել էինք, հայտնի տնտեսագետ Դարոն Աճեմօղլուն «Ամերիկայի Ձայն»-ի հետ զրույցում կոչ էր արել ՀՀ իշխանություններին կոռուպցիայի դեմ պայքարը չվերածել քաղաքական մրցակիցներին հետապնդելու միջոցի: Տնտեսագետը վստահ է, որ հակակոռուպցիոն քաղաքականության այն ձևը, որը նա կոչում է «սիծինպինյան», բացասաբար է ազդում պետական կառավարման համակարգի ու կոռուպցիայի դեմ պայքարի վրա: «Եթե որևէ ազդեցիկ առաջնորդ կամ […]
Երեկ՝ հունվարի 30-ին, ԱԺ «Իմ քայլը» խմբակցության պատգամավոր Վահագն Հովակիմյանը իր ֆեյսբուքյան էջում «Հանրային հաշվետվություն» վերտառությամբ գրառում էր կատարել, որում ներկայացրել էր Ազգային ժողովի կանոնակարգ, Սահմանադրական դատարանի մասին ու Հանրաքվեի մասին սահմանադրական օրենքներում փոփոխություններ և լրացումներ կատարելու մասին իր հեղինակած օրենսդրական փաթեթը։
ՀՅԴ Հայաստանի Գերագույն մարմնի դատական հայցը ԱԺ անկախ պատգամավոր Արման Բաբաջանյանի դեմ կազմվել է մի քանի հիմքերի վրա: ԳՄ անդամ Արծվիկ Մինասյանի խոսքով՝ իրենք նախ հիմք են ընդունել այն, որ նման հայտարարություն անում է ԱԺ պատգամավորը, ով պարտավոր է իր քաղաքական ընդդիմախոսների նկատմամբ հարգալից վերաբերմունք ցուցաբերել, ապա այն փաստը, որ ԱԺ անկախ պատգամավորը հանդիսանում է լրատվամիջոցի ղեկավար: Եվ այն, որ նման հայտարարություն Արման Բաբաջանյանը հնչեցնում է ԱԺ ամբիոնից:
