Քիչ առաջ Կենտրոնի ոստիկանության բաժնից ազատ են արձակվել «Ո՛չ թալանին» նախաձեռնության անդամ Վաղինակ Շուշանյանը և «Ազատ Դեմոկրատներ» կուսակցության երիտթևի նախագահ Նարեկ Այվազյանը: Այս մասին 168.am-ին հայտնեց «Ո՛չ թալանին» նախաձեռնության համակրգող խմբի անդամ Ռիմա Սարգսյանը:
Վ. Օսիպյանը և Հ. Պողոսյանը մի քանի անգամ կրկնեցին, որ իրենք բռնություն չեն գործադրելու ու հորդորեցին ցուցարարներին չտրվել սադրանքներին: Ցուցարարներն էլ իրենց հերթին էին հորդորում ոստիկաններին չսադրել մարդկանց: Ոստիկանները նախ ապամոնտաժեցին աղբամաններից կազմված բարիկադները, այնուհետև մոտեցան ցուցարարների կազմած պատնեշին: Ցուցարարներն էլ նստեցին փողոցի մեջտեղում, սակայն ոստիկանները նրանց բռնի ուժով բերման ենթարկեցին:
ՀՀ փոխոստիկանապետ Հունան Պողոսյանը լրագրողների հետ զրույցում դժգոհություն հայտնեց լրատվամիջոցների ներկայացուցիչներից՝ ասելով, թե լրագրողները իրենց «բարձունքում չէին», որովհետև իրենք հորդորում էին նրանց մայթերից աշխատել, չխանգարել իրենց աշխատանքը, բացել պողոտայի երթևեկելի մասը, սակայն լրագրողներն այդպես էլ չհետևեցին իրենց կոչերին:
Բաղրամյան պողոտայում ցուցարարների հետ զրույցում ՀՀ փոխոստիկանապետ Վալերի Օսիպյանը հայտարարեց, որ ոստիկանությունը չի պատրաստվում ուժ գործադրել: Նա նաև ուշադրություն հրավիրեց այն հանգամանքի վրա, որ ոստիկանների մոտ նույնիսկ մահակներ չկան:
«Ոչ թալանին» նախաձեռնության անդամ Մաքսիմ Սարգսյանը քիչ առաջ եկավ Բաղրամյան պողոտա: 168.am-ի հետ զրույցում՝ նա ասաց, որ ամեն ինչ անելու են, որպեսզի Բաղրամյան պողոտան չբացվի: Խոսելով ոստիկանության հայտարարությունների մասին, թե իրենք բռնություն չեն գործադրելու ցուցարարների նկատմամբ, Մաքսիմ Սարգսյանն ասաց, որ նախկինում էլ են եղել նման հայտարարություններ, սակայն ջրցան մեքենաներով ցրեցին ցուցարարներին:
«Երբ ժողովուրդը կհասկանա խնդիրը, երբ մարդիկ կհասկանան լուծման ճանապարհը, ու քրեական գործ հարուցելու պահանջը դնեն, կհասնեն հաջողության։ Ուրիշ ի՞նչ պահանջ դնեն, ուրիշ պահանջ չկա։ Պահանջը միայն դա է, որի մեջ լուծման ձևը տրված է»,- ասում է Մանվել Սարգսյանը։
«Ես ամեն երեկո լինում եմ Բաղրամյան պողոտայի վրա, իրոք, չգիտեմ՝ իրենք ինչ են պատրաստվում առաջարկել ժողովրդին ժամը 21:00-ին, բայց այսօր կլինեմ Բաղրամյանում»,- 168.am-ի հետ զրույցում խոսելով Բաղրամյան պողոտայում այսօր նախատեսվող հավաքի մասին՝ նման տեսակետ հայտնեց «Իրազեկ քաղաքացիների միավորում» հ/կ-ի համակարգող Դանիել Իոաննիսյանը:
Ինչպես հայտնի է, հունիսի 23-ին Բաղրամյան պողոտայի վրա Ոստիկանության կողմից էլեկտրաէներգիայի սակագնի բարձրացման դեմ նստացույցի մասնակիցների նկատմամբ ուժի կիրառումից տուժած 16 քաղաքացի շտապ հայց էին ներկայացրել Մարդու իրավունքների եվրոպական դատարան (ՄԻԵԴ)։
Մենք ողջունում ենք մեր քաղաքացիների քայլը, նրանք մեզ համար էլ են դա անում, իմ և իմ ընտանիքի համար էլ են դա անում: Մենք առաջին օրն էլ ենք ասել, որ ոստիկանությունը շնորհակալ է իրենցից, այո, մենք հաղթանակ ունենք, բա, հաղթանակ չէ՞ այն, որ օգոսոտսի 1-ից մենք ավել չենք վճարելու, բայց ամեն ինչ թող անեն իրավական դաշտում»:
Քիչ առաջ Բաղրամյան պողոտայում նոր նախաձեռնող խմբի անդամ Դավիթ Սանասարյանը հայտարարեց, որ այսօր իրենք սկսելու են շարժման վճռական փուլը: Նա տեղեկացրեց այսօր ժամը 21:00-ից հայտարարվելու է շարժման համակարգող խմբի որոշումը, որը ներկայացնելու են ժողովրդին ու ժողովրդի կարծիքը լսելուց հետո անցնելու են վճռական քայլերի:
«Այն, որ իշխանություններն օգտվել են, որ Ռուսաստանը մի քիչ հետ կանգնեց, դա փաստ է, բայց դա չի նշանակում, որ այս մարդիկ ուզել են իրենց համար նման վիճակ ստեղծեն: Սիմվոլիկ կարելի է ասել, որ Վովա Գասպարյանն ամեն օր աղոթում է, որ այս ամեն ինչը ինքն իրեն վերանա, բայց ես չեմ կարծում, որ էլեկտրաէներգիայի սակագնի հարցը այն հարցն է, որտեղ մարդիկ կարող են փոշմանել ու ասել՝ «լավ, ինչ ուզում են, թող անեն»: Նման բան չի կարող լինել»:
«Շարժման նախաձեռնողներին մեղադրելու հարցում մարդիկ ազնիվ չեն, շարժման նախաձեռնողներն ամենաառաջին օրից ասել են, որ իրենք շարժումը պատկերացնում են քաղաքացիական հարթության վրա, հետևաբար՝ եթե որևէ մեկը հիմա իրենց մեղադրում է, թե ինչու իրենք չեն համաձայնում քաղաքականի, անարդար և անազնիվ են»:
«Այստեղ բավական նուրբ խաղ է գնում երկրի ղեկավարության կողմից, ու իշխանությունները կարող են փորձել օգուտ քաղել այս շարժումից արտաքին հարաբերություններում»,- այսօր լրագրողների հետ հանդիպման ժամանակ նման տեսակետ հայտնեց արտակարգ և լիազոր դեսպան Արման Նավասարդյանը: Նրա խոսքով՝ Բաղրամյան պողոտայում սկսված ցույցերի առաջին օրերին՝ մի կողմից՝ Մոսկվային մեսիջներ ուղարկվեցին, որ մայդան է սկսվում մեզ մոտ, մյուս կողմից՝ Արևմուտքին մեսիջներ ուղարկվեցին, որ ռուսական էքսպանսիան ուժեղացրել է իր գործունեությունն այստեղ. «Սա շատ վտանգավոր ծուղակ է: Պետք է կարողանալ լավ խաղալ»:
Ա. Նավասարդյանը կարծում է՝ այն, ինչ կատարվեց Հայաստանում, սրա փայլուն օրինակն է. «Մեր իշխանությունները պետք է հասկանան, որ երտասարդական շարժման հետ հաշվի չնստել, նշանակում է՝ հայտնվել պատմության լուսանցքում: Հայաստանը, չգիտեմ՝ կարողանո՞ւմ է սա ըմբռնել, թե՞ ոչ»
Մեր դիտարկմանը` կարծիք կա, որ կուսակցական ակտիվիստների ներգրավումն այդ համակարգող խմբի մեջ շարժումը դարձնում է քաղաքական, ինչը կարող է բացասաբար ազդել շարժման հետագա ընթացքի վրա, Ա. Սեդրակյանը չհամաձայնեց` ասելով, որ դա թյուրըմբռնում է. «Մենք բոլորս ՀՀ քաղաքացիներ ենք, և դա առաջին և որոշիչ խնդիրն է պետականության անվտանգության հարցերի մեջ, որովհետև, երբ օրհասական խնդիր է լինում ինչ-որ տեղ, ոչ ոք չի հարցնում` ով որտեղից է, բոլորը միասին գնում են կռվելու, սա յուրատեսակ մարտադաշտ է, որը վերաբերում է ռազմական անվտանգությանը, որովհետև վառելիքի անհրաժեշտ սպառման գնի, ինչպես նաև հացի սպառման գնի հետ կապված յուրաքանչյուր հարց, դա արդեն անվտանգության հարց է»:
Բաղրամյան պողոտայում սկսված շարժման մարելու պատճառն այն էր, որ քաղաքական պահանջներ չդրվեցին, քաղաքական ուժերի ներկայությունն առանձնապես չկար այնտեղ: 168.am-ի հետ զրույցում այս մասին ասաց «Քաղաքական և միջազգային հարաբերությունների հայկական կենտրոնի» տնօրեն, քաղաքական վերլուծաբան Աղասի Ենոքյանը: Նրա խոսքով՝ այս շարժման մեջ չկար այնպիսի խումբ, որը կկարողանար լիարժեք մինչև վերջ այն տանել:
«Դուք երբևիցե ինձ տեսե՞լ եք բեմի վրա, ես մասնակցել եմ այդ ցույցին՝ որպես շարքային ցուցարար, որևէ մեկը երբեք հարկադրված չի եղել իմ կարծիքն ընդունել՝ ի կատարում, և այլն, կարո՞ղ եք մատնանշել որևէ քաղաքական գործչի, որը բեմի վրա է եղել»,- արձագանքելով 168.am-ի դիտարկմանը՝ շատերը Ձեզ և մի շարք այլ քաղաքական գործիչների են մեղադրում, որ միջամտեցիք Բաղրամյանում ծավալվող շարժման ընթացքին, ուղղորդեցիք մարդկանց ու քաղաքականացրեցիք շարժումը, և հիմա շարժումը կարծես մարել է, Բաղրամյանում մարդկանց թիվը զգալիորեն քչացել է, նման տեսակետ հայտնեց քաղաքական գործիչ Անդրիաս Ղուկասյանը:
Մեր հարցին՝ բայց արդյոք մարդկանց այդքան մեծ թիվը մտածելու տեղիք չէ՞ր տալիս իշխանություններին, Ա. Ղուկասյանն այսպես պատասխանեց. «Դուք կարծում եք, որ իշխանությունները մարդկանց մեծ թվից կարող են էմոցիոնալ ապրումներ ունենա՞լ: Եթե մտածելու տեղիք տար, պետք է տեսնեինք ողջամիտ գործողություններ, տեսնում ենք, որ ողջամիտ գործողությունները բացակայում են: Այս ցույցը դադարեցնելու միակ եղանակն է՝ բավարարել ցուցարարների պահանջը»:
«Ցուցարարների կողմից առաջ քաշված պահանջը՝ չեղարկել ՀԾԿՀ-ի որոշումը, իրավաչափ է, իսկ Սերժ Սարգսյանի առաջարկը իրավաչափ չէ, ու եթե նկատել եք՝ առ այսօր այն բանավոր խոսքը, որը ներկայացրել է Ս. Սարգսյանը, չի դարձել իրավական ակտ, համապատասխան հրամանագիր արձակված չէ, քանի որ չի էլ կարող արձակվի»,- այսօր լրագրողների հետ հանդիպման ժամանակ նման տեսակետ հայտնեց Անդրիաս Ղուկասյանը:
«Վլադիմիր Գասպարյանն էլ մարդ է, ինքը տարբեր դրսևորումներ է ունեցել այս ընթացքում»,- արձագանքելով լրագրողի հարցին՝ ինչպե՞ս եք գնահատում այս օրերի ընթացքում ՀՀ ոստիկանապետ Վլադիմիր Գասպարյանի պահվածքը, ասաց ԱԻՄ առաջնորդ Պարույր Հայրիկյանը:
Մեր այն հարցին էլ, թե չե՞ք կարծում, որ հենց այդ նախաձեռնող խմբի ոչ քաղաքական ուժ լինելու շնորհիվ էր, որ այդքան մարդ էր հավաքվել Բաղրամյան պողոտայում, Պ. Հայրիկյանը չհամաձայնեց՝ ասելով. «Ոչ, ռուսական իմպերիաիզմի շնորհիվ էր, որ այդքան մարդ էր հավաքվել: Եթե ռուսական իմպերիալիզմը ժամանակին Հայաստանի ցանցերին տիրեց, սնանկացրեց, վերջում քաղաքացիներին սպառանալով, որ կարող են հովհարային անջատումներ ունենալ՝ ստիպեց մարդկանց ոտքի կանգնել: Այդ մարդիկ տրամադրված էին ոտքի կանգնել, այնպես որ, որևէ բացառիկ դրսևորում, ինչ-որ անհայտ մարդիկ առանձնակի դերակատարում չեն ունեցել»:
«Բռնություն առաջին անգամ կիրառել է առաջին նախագահը, հետո՝ երկրորդ նախագահը, նրանց հետ է եղել նաև Սերժ Սարգսյանը, բայց հիմա մենք տեսնում ենք, որ նա բոլորովին այլ որակով է իրեն դրսևորում, եթե չհաշվենք առաջին օրվա կատարվածը: Դրանից հետո մենք տեսնում ենք, որ նույնիսկ արևմտյան պետությունների համեմատ բացառիկ հանդուրժողականություն է ցուցաբերվում»:
Նոր նախաձեռնող խմբի մեջ ներգրավված են նաև կուսակցական ակտիվիստներ: Նախքան այս նոր նախաձեռնող խմբի ձևավորումը՝ արդեն իսկ մտավախություն կար, որ քաղաքացիական շարժումը վերածվում է քաղաքական շարժման, քանի որ տարբեր քաղաքական ուժեր փորձում են իրենց ձեռքը վերցնել քաղաքացիական այս շարժումն ու փոխել շարժման ուղղությունը: Այժմ արդեն կուսակացական ակտիվիստների ներգրավվումը այս շարժման համակարգող խմբի մեջ՝ ակնհայտորեն միտում ունի շարժման ուղղությունը և պահանջները փոխելու:
Այսօր տեղի ունեցած ասուլիսի ժամանակ լրագրողներից մեկը ԱԺ «Ժառանգություն» խմբակցության պատագամավոր Զարուհի Փոստանջյանից հետաքրքրվեց՝ ի՞նչն է պատճառը, որ Սյունիքի մարզպետ Սուրիկ Խաչատրյանի որդու գործը, կարծես թե, մոռացվեց: Ի պատասխան՝ պատգամավորն ասաց, թե չի կարծում, որ մոռացվել է, քանի որ գործը շարունակվում է, դատական նիստեր են տեղի ունենում ՀՀ-ի տարբեր դատարաններում:
«Ինքը չի հասկանում, որ գտնվում է պետական ծառայության մեջ»,- խոսելով երեկ՝ Բաղրամյան պողոտայում ՀՀ ոստիկանապետ Վլադիմիր Գասպարյանի պահվածքի մասին՝ նման տեսակետ հայտնեց ԱԺ «Ժառանգություն» խմբակցության պատգամավոր Զարուհի Փոստանջյանը:
Մեր դիտարկմանը՝ բայց մարդկանց թիվը զգալիորեն կրճատվել է Բաղրամյան պողոտայում, Զ. Փոստանջյանն այսպես արձագանքեց. «Ես բոլոր խմբերի հետ նախորդ օրերին փորձել եմ խոսել, շփվել: Այստեղ շատի և քչի խնդիրը չէ, կարևորն այն է, որ օրակարգ ես ձևակերպում և այդ օրակարգը պարտադրում ես, իսկ հիմա Բաղրամյան պողոտան այս պահի դրությամբ շարունակում է պահել օրակարգը: Դա է շատ կարևոր, որ հարցին լուծում չի տրվել, բայց շարունակվում է օրակարգում մնալ»:
ԱԺ «Ժառանգություն» խմբակցության պատգամավոր Զարուհի Փոստանջյանը չի կարծում, որ Վալերի Պերմյակովի գործը Հայաստանին հանձնելը բավարար է. նա գտնում է, որ պետք հենց Վ. Պերմյակովին հանձնել հայկական կողմին:
Ակտիվիստներից մեկի դիտարկմանը՝ այլ ուժեր չկան, «Ո՛չ թալանինը» մեզ հետ է, Վ. Օսիպյանն այսպես պատասխանեց. «Մենք՝ ոստիկաններս ցանկություն չունենք այստեղ անօրինական հավաքվածներիդ հետ լինենք որևէ կոնտակտի մեջ: Եթե դուք իմ հորդորները չընդունեք, ես դա կընդունեմ որպես սադրանք, որպեսզի արհեստական բախում ստեղծեք»:
«Այդ հարցը քննարկում ենք, նախագահը, ով պատրաստակամություն է հայտնել մեզ հետ հանդիպել ու չհամաձայնվեց ուղղիղ եթերի ներքո հանդիպել մեզ հետ, այսօր եթե ինքը նորից շարունակելու է ուղղակի ակտիվիստներին հրավիրել հանդիպման, մենք հանդիպելու ոչինչ չունենք, մենք մեր պահանջը հստակ դրել ենք՝ պետք է չեղարկել ու գտնել լուծումներ: Ես պարտավոր չեմ գտնել թալանի աղբյուրը, պարտավորությունը դրված է նրանց վրա»,- հայտարարեց Սոֆյա Հովսեփյանը:
Նախաձեռնող խմբի անդամ Մաքսիմ Սարգսյանը նշեց, որ որոշ մարդիկ փորձեցին այս ամեն ինչը սխալ ուղղությամբ տանել, փորձեցին այս վիճակն օգտագործել՝ ժողովրդին բաժանելու համար. «Մենք դեռ կբացահայտենք՝ ովքեր են պառակտում, ովքեր էին ողջ գիշեր սխալ խոսքեր տանում այնտեղից՝ այստեղ, այստեղից՝ այնտեղ, բայց բարեբախտաբար, թե՛ Օպերայում, թե՛ Բաղրամյանում գիտակից մարդիկ էին: Այն մարդիկ, ովքեր միտք ունեին պառակտելու, իրենց մոտ չստացվեց: Պառակտում չի եղել»:
