Վաղինակ Շուշանյանին և Նարեկ Այվազյանին ազատ են արձակել
Քիչ առաջ Կենտրոնի ոստիկանության բաժնից ազատ են արձակվել «Ո՛չ թալանին» նախաձեռնության անդամ Վաղինակ Շուշանյանը և «Ազատ Դեմոկրատներ» կուսակցության երիտթևի նախագահ Նարեկ Այվազյանը: Այս մասին 168.am-ին հայտնեց «Ո՛չ թալանին» նախաձեռնության համակրգող խմբի անդամ Ռիմա Սարգսյանը:
Նա նշեց, որ խոսել է Վաղինակի հետ, սակայն վերջինս չի խոսել որևէ արտառող դեպքի մասին իրեն բերման ենթարկելու ժամանակ:
Նա նաև նշեց, որ ինքը տեղյակ չէ այսօրվա հավաքի մասին, որը նախատեսվում է իրականցվել ժամը 19:00-ին Ազատության հրապարակում, բայց ասաց, որ կազմակերպիչներն իրենք չեն, քանի որ իրենք դեռ զբաղված են բերման ենթարկվածներին ազատ արձակելու գործընթացքով:
