Զարուհի Փոստանջյանը՝ Վլադիմիր Գասպարյանի մասին. «Այո՛, ծառա է, որովհետև մենք նրանց վարձել ենք»
«Ինքը չի հասկանում, որ գտնվում է պետական ծառայության մեջ»,- խոսելով երեկ՝ Բաղրամյան պողոտայում ՀՀ ոստիկանապետ Վլադիմիր Գասպարյանի պահվածքի մասին՝ նման տեսակետ հայտնեց ԱԺ «Ժառանգություն» խմբակցության պատգամավոր Զարուհի Փոստանջյանը:
Անդրադառնալով ՀՀ ոստիկանապետի այն հայտարարությանը, որ իրենք «ծառա չեն, այլ ծառայող են», Զ. Փոստանջյանն ասաց, որ պետական պաշտոնայն պետք է գիտակցի, որ ինքը չի զբաղվում մասնավոր ձեռնարկատիրական գործունեությամբ, իր բոլոր հայտարարություննեը պետք է լինեն բավականին զսպված. «Նաև քաջ գիտակցությամբ, որ նա ծառայող է և ծառայում է, այո, ծառա է, որովհետև մենք՝ ՀՀ քաղաքացիներս, իրեն վարձել ենք, որպեսզի նա մեզ համար ծառայություն մատուցի, ուղղակի դա իրենց մոտ դա խախտված է»:
