Սերբիայում մի քանի օր է հորդառատ անձրևներ են, որի հետևանքով գետերի ջրերը դուրս են եկել հունից ու վնաս հասցրել 22 շրջանի:
«Սահմանադրական դատարանի ներքոստորագրյալ դատավորներս խիստ մտահոգված ենք Սահմանադրական դատարանին առնչվող վերջին իրադարձությունների կապակցությամբ, որոնց վերաբերյալ դիրքորոշումներ են արտահայտել հայաստանյան և միջազգային կառույցները։ Հորդորում ենք հանրային իշխանության բոլոր մարմիններին իրենց գործողություններում և որոշումներում առաջնորդվել միայն և բացառապես Սահմանադրությամբ։
Իրավապահ մարմինները Մոսկվայի հյուսիս-արևելքում գտնվող Ալտուֆևյան մայրուղում իրականացրել են կրիմինալ հեղինակությունների ձերբակալման գործողություն. մոտ 30 մարդ արդեն ձերբակալված է:
Օրերս ջավախքցի մի շարք դիմորդներ, որոնք պատրաստվում են բարձրագույն կրթություն ստանալ երևանյան բուհերում, նամակով դիմել էին Կրթության, գիտության, մշակույթի և սպորտի նախարար Արայիկ Հարությունյանին, որպեսզի իրենց հնարավորություն տրվի մասնակցելու ընդունելության միասնական քննություններին:
Հունիսի 24-ին Երևանի ավագանու նիստում «Իմ քայլը» խմբակցության անդամ Գայանե Մելքոմ-Մելքոմյանը ՀԷՑ-ի ենթակայանին տարածք հատկացնելու մասին նախագծի քննարկման ժամանակ հարց բարձրացրեց, որ կոմունալ ծառայություններ մատուցող ընկերությունները, այդ թվում՝ ՀԷՑ-ը, Վեոլիա ջուրը, նորոգումների ժամանակ փողոցներում, բակերում հետագծեր են փորում, բայց անվտանգության պատնեշներ և լուսավորություն պատշաճ չեն դնում, չեն պահվում ժամկետները:
Այսօր ավագանու նիստի ընթացքում «Լույս» խմբակցության ղեկավար Դավիթ Խաժակյանը պատմեց, որ իր ծառայողական մեքենայի վարորդին կանչել են 6-րդ վարչություն հարցաքննության: Նրա խոսքով՝ դրա համար հիմք են հանդիսացել Ոստիկանության կողմից արված նկարները, որտեղ Խաժակյանն ինքն է վարում իր ծառայողական մեքենան:
Հունիսի 23-ին 2-րդ զորամիավորման հատուկ նշանակության ստորաբաժանման զինծառայողներն անցկացրել են արգելագոտիների հաղթահարման պարապմունք:
«Սահմանադրական փոփոխությունները կրում են ինստիտուցիոնալ բնույթ, դրանք պայմանավորված չեն ո՛չ անձերով, ո՛չ Սահմանադրական դատարանում քննվող գործերով: Ռոբերտ Քոչարյանի գործով ՍԴ անդամ Ֆելիքս Թոխյանը կազմել էր հատուկ կարծիք և դա դիտարկում էր՝ որպես դիրքորոշման արտահայտում: Այս փոփոխություններով, ըստ էության, դադարեցվում է Ֆելիքս Թոխյանի, Հրանտ Նազարյանի և Ալվինա Գյուլումյանի լիազորությունները»,- այսօր լրագրողների հետ ճեպազրույցում ասաց «Իմ քայլը» խմբակցության պատգամավոր Վլադիմիր Վարդանյանը՝ անդրադառնալով հարցին, թե ի՞նչ մտավախություններ ունեն հուլիսի 7-ին ՍԴ-ում քննվող Ռոբերտ Քոչարյանի գործի հետ կապված, և սահմանադրական փոփոխությունները որքանո՞վ են առնչվում այդ գործի հետ:
Սիրիական բանակի հրամանատարը հայտարարություն է տարածել՝ Իսրայելի զինված ուժերի կողմից Համայի գավառի երկու քաղաքներում սիրիական դիրքերը գրոհելու մասին:
«Իմ քայլը» խմբակցության պատգամավոր Գայանե Աբրահամյանը, որի ինքնազգոցողությունը վատացել էր ԱԺ հունիսի 24-ի արտահերթ նիստում, արդեն լավ է:
Արմեն Սարգսյանը այս երկրի հանդեպ հարազատություն չի զգում։ Սա իրենը չէ։ Չունի ոչ մի կապող բան։ Երկրի նախագահ, որը իր երկու տղաներին փախցրել է բանակից, իսկ ինքը մինչ օրս պարզ չէ՝ ունեցե՞լ է ՀՀ քաղաքացիության բավարար ժամկետ, թե՞ ոչ, այստեղ իրեն զգում է որպես պայմանագրային աշխատող։ Պայմանագրային նախագահ։
ԱԺ «Իմ քայլը» խմբակցության պատգամավոր Վիկտոր Ենգիբարյանն այսօր ֆեյսբուքյան իր էջում գրել էր, որ կորոնավիրուսի թեստ է հանձնել, և արդյունքը դրական է: Պատգամավորը նաև տեղեկացրել էր, որ որևէ գանգատ չունի և այս պահին մեկուսացվել է տանը:
Երևանի ավագանու «Լույս» խմբակցության անդամ Թեհմինա Վարդանյանը լիովին համաձայն է իր խմբակցության ղեկավար Դավիթ Խաժակյանի տեսակետի հետ, որ ընդդիմադիր քաղաքական գործիչների նկատմամբ տեղի է ունենում քաղաքական հետապնդում: Խաժակյանն այս մասին հայտնել էր այսօր ավագանու նիստի ժամանակ և ներկայացրել, որ ինքը երկու քրեական գործով ներգրավվել է՝ որպես վկա:
Ռուսաստանում վերջին մեկ օրում վարակվածների թիվն ավելացել է 7 հազար 176-ով՝ ընդհանուրը դառնալով 606 հազար 881:
Խորհրդարանը քննարկում է կառավարության կողմից ներկայացված օրենքի նախագիծ, որով առաջարկվում է գյուղական բնակավայրում բնակվող ծնողին մինչև երեխայի 2 տարին լրանալը խնամքի նպաստը նշանակել և վճարել անկախ նրանից՝ ծնողը վարձու աշխատող է, թե չի աշխատում, իսկ եթե ծնողը նաև վարձու աշխատող է, ապա նպաստը կրկնապատկել:
Լուսավոր Հայաստան կուսակցության նախագահն այսօր հայտարարել է, որ չեն միանալու իշխանության նախաձեռնած Սահմանադրական փոփոխությունների սահմանադրականության հարցով ՍԴ դիմելու ԲՀԿ-ի ստորագրահավաքին, թեեւ նշել էր, որ առանց ՍԴ եզրակացության Սահմանադրության մեջ փոփոխություններ կատարելը հակասահմանադրական է։
Հունիսի 24-ին, ժամը 11։18-ին Ճգնաժամային կառավարման ազգային կենտրոն տեղեկություն է ստացվել, որ հրդեհ է բռնկվել Գայ գյուղի Երևանյան փողոցում գտնվող բենզալցակայանում:
Օդի ջերմաստիճանը հունիսի 24-ի ցերեկը կբարձրանա 2-3, 27-ի ցերեկը կնվազի 3-5 աստիճանով:
Բուլղարիայի կառավարությունը մինչև հուլիսի 15-ը երկարաձգել է արտակարգ դրության ռեժիմի ժամկետը կորոնավիրուսի տարածման պատճառով:
«Շանթ» հեռուստաընկերության «Հեռանկար» հաղորդաշարին տված հարցազրույցում Բարձրագույն դատական խորհրդի նախագահ Ռուբեն Վարդազարյանը քննչական մարմինների և դատախազության հասցեին իրեն թույլ է տվել արտահայտություններ, որոնք, անհարիր և անհամատեղելի լինելով իր պաշտոնեական կարգավիճակին և Բարձրագույն դատական խորհրդի առաքելությանը, դուրս են տարրական էթիկական նորմերի և պատշաճության սահմաններից և վիրավորում են ամբողջական համակարգերի և դրանց ներկայացուցիչների մասնագիտական ինքնասիրությունն ու արժանապատվությունը:
Այսօր քննչական կոմիտեն տարածել է հաղորդագրություն, որը «Հայկական ժամանակի» կայքը կապել է Արամ Վարդանյանի հետ։
Լիլիթ Մակունցի ճեպազրույցը՝ ՈՒՂԻՂ
Արցախի Հանրապետության նախագահ Արայիկ Հարությունյանը հունիսի 24-ին Շուշի քաղաքում մասնակցել է «Մարտական խաչ» 2-րդ աստիճանի շքանշանակիր ազատամարտիկ Սերգեյ Ամիյանի հիշատակը հավերժացնող կիսանդրու բացման հանդիսավոր արարողությանը:
Գույքահարկի փոփոխություններով առաջարկվող հարկման բազաները բարձր չեն, անշարժ գույքի շուկայական գները շարունակում են բարձր մնալ՝ գնահատված բազաների համեմատությամբ:
Արմեն Աշոտյանը ֆեյսբուքյան իր էջում գրում է․ «Տարիներ առաջ երկուսին էլ լավ ճանաչող մեկն ինձ համոզում էր, որ Էդմոնը Նիկոլից վտանգավոր է։
ՀՀ Ազգային ժողովի հունիսի 22-ի նիստում իշխող «Իմ քայլը» խմբակցությունը՝ վարչապետ Նիկոլ Փաշինյանի առերևույթ քաղաքական ցուցումով և ղեկավարությամբ, կատարել է ՀՀ քր. օրենսգրքի 300 հոդվածով նախատեսված արարք՝ տիրացել է ՀՀ Սահմանադրական դատարանի ՀՀ Սահմանադրության մեջ փոփոխություն կատարելու մասով եզրակացություն ներկայացնելու սահմանադրական լիազորությանը։
ԱԺ արտահերթ նիստում այսօր քննարկվում է նաև «Հայաստանի Հանրապետության հարկային օրենսգրքում փոփոխություններ և լրացումներ կատարելու մասին», որով բարձրացվում է գույքահարկի չափը:
Արայիկ Հարությունյանի ճեպազրույցը՝ ՈւՂԻՂ
Կրկին ու կրկին կոչ ենք անում՝ գիտակցել խնդրի լրջությունը, ❗️️հստակորեն պահպանել սահմանված կանոնները, ❗️չվտանգել մեր, մեր հարազատների, մտերիմների առողջությունը եւ կյանքը, ❗️չկազմակերպել ու չմասնակցել զանգվածային միջոցառումների, ❗️խստորեն պահպանել անհատական պաշտպանության միջոցների կրման եւ անձնական հիգիենայի կանոնները։
«Քանի որ մեզ մոտ անկանոն վիճակ է, և ով ինչից ուզի՝ կխոսի, ես էլ որոշեցի այսօր հեքիաթ կարդամ». այսօր՝ հունիսի 24-ի Երևանի ավագանու նիստում, «Լույս» խմբակցության անդամ Անի Խաժակյանն այսպես արձագանքեց, երբ «Լույս» խմբակցության անդամին քաղաքապետն ընդհատեց, քանի որ այդ պահին հարց ու պատասխանի ժամանակը չէր, իսկ «Իմ քայլը» խմբակցության անդամին թույլ տվեց ելույթ ունենալ հարցի հետ չառնչվող թեմայով:
