Ֆրանսիայի իշխանությունները վառելիքի թանկացումից տուժածներին աջակցության նոր միջոցառումներ են խոստացել
Ֆրանսիայի կառավարությունը երեքշաբթի օրը կներկայացնի վառելիքի գնաճից տուժած քաղաքացիների աջակցության նոր ծրագիրը, հայտնում է «Le Figaro»-ն։
Ըստ պարբերականի՝ բյուջետային սահմանափակ հնարավորությունների և պահպանվող միջազգային սահմանափակումների ֆոնին իշխանությունները մտադիր են վերանայել գործող մեխանիզմները և ազդել մատակարարումների ծավալների վրա։
Տնտեսական դաշինքի նախարարները մամուլի ասուլիսում կներկայացնեն տնային տնտեսությունների, բիզնեսի և խոցելի ոլորտների աջակցության քայլերը։
«Գործադիր իշխանությունն ակտիվացնում է վառելիքի թանկացումներով պայմանավորված սոցիալական դժգոհությունը հանդարտացնելու համար գործադրված ջանքերը, քանի որ այն դարձել է նախագահական քարոզարշավի առանցքային թեմաներից մեկը»,- գրում է թերթը։
Երկուշաբթի Ֆրանսիայում դիզելային վառելիքի միջին գինը պահպանվել է 2,41 եվրոյի մակարդակում։ «SP98» բենզինի մեկ լիտրն արժեր 2,28, իսկ «SP95»-ը՝ 2,22 եվրո։
Նախօրեին նախագահ Էմանուել Մակրոնը դիմել էր Եվրոպական հանձնաժողովի նախագահ Ուրսուլա ֆոն դեր Լայենին՝ խնդրելով մեղմել վառելիքային կարգավորումները՝ գների նվազման հասնելու համար։
