Դեկտեմբեր 2016

«Եթե այս կամ այն ձևով խորհրդարան գալուց հետո պատգամավորը գտնում է, որ իր վեհ գաղափարները չեն համընկնում խմբակցության գաղափարներին, ու դուրս է գալիս, արդյոք նա պե՞տք է շարունակի օգտվել խմբակցության լիազորություններից, աջուձախ հարցազրույցներ տա՝ վարկաբեկելով տվյալ խմբակցությանը, այն դեպքում, երբ խմբակցության և կուսակցության ռեսուրսների հաշվին եկել է խորհրդարան»,- դիմելով հիմնական զեկուցող, ՀՀԿ -ական պատգամավոր Հովհաննես Սահակյանին՝ հարցրեց Ն. Զոհրաբյանը։

ՀՀ վարչապետ Կարեն Կարապետյանն այսօր ՀՀ բնապահպանության նախարար Արծվիկ Մինասյանին հանձնարարեց 10-օրյա ժամկետում ներկայացնել առաջարկություններ բնապահպանության բնագավառում թույլտվությունների և լիցենզիաների մեկ միասնական համակարգի և մեկ պատուհանի սկզբունքով տրամադրման կազմակերպման վերաբերյալ:

Մի օրվա ընթացքում կուտակումներից դուրս է բերվել 154 տրանսպորտային միջոց 441 ուղևոր, որից 46 երեխա և 1 հղի կին, փրկարարները օգնել են նաև 2 հիվանդի Ամասիայից տեղափոխել Գյումրի «Բժշկական կենտրոն»:

Նախագահ Սերժ Սարգսյանն այսօր հրամանագիր է ստորագրել Ռոլանդ Շառոյանին Հեռուստատեսության և ռադիոյի ազգային հանձնաժողովի անդամ նշանակելու մասին (վեց տարի ժամկետով)՝ հիմք ընդունելով «Հեռուստատեսության և ռադիոյի մասին» Հայաստանի Հանրապետության օրենքի 38-րդ հոդվածի 5-րդ մասը:

Հ. Սահակյանը նախ նշեց, որ իր կարծիքով՝ ինքը Թ. Պողոսյանին որևէ անգամ առիթ չի տվել, որ նա կասկածի՝ ինքն իր կատարած աշխատանքը հարգո՞ւմ է, թե՞ ոչ. «Որպես պատգամավոր, որպես Պետաիրավական հանձնաժողովի նախագահ, որպես Էթիկայի հարցերով հանձնաժողովի նախկին նախագահ՝ մշտապես նշել և դատապարտել եմ նման դրսևորումները։ Դա պատգամավորի վարքագիծն է, պետք է Էթիկայի հանձնաժողովը վերաբերմունք հայտնի»։

Թուրքիայի զինված ուժերը Սիրիայի հյուսիսում ոչնչացրել են ԴԱԻՇ-ի 20 ահաբեկչի և 59 օբյեկտ, այդ թվում՝ ահաբեկիչների շտաբները, հայտնում է «Անադոլու» գործակալությունը՝ վկայակոչելով Թուրքիայի ԶՈւ գլխավոր շտաբի հաղորդագրությանը։

Պալմիրան գրաված ԴԱԻՇ-ի ջիհադիստները սպառնալիք են ներկայացնում ԱՄՆ-ի գլխավորած կոալիցիայի զինվորականների համար, հայտարարել է ԱՄՆ-ի բանակի գեներալ-լեյտենանտ Սթիվեն Տաունսենդը, որը ղեկավարում է ԴԱԻՇ-ի դեմ միջազգային կոալիցիան։

«Նեզավիսիմայա գազետա» պարբերականը գրում է, որ Ադրբեջանի նախագահ Իլհամ Ալիևը հանձնարարել է կառավարության տնտեսական բլոկի անդամներին 15 օրվա ընթացքում նախապատրաստել երկրի ֆինանսական կայունության վերականգնմանը ուղղված միջոցառումների ծրագիր։

ԱՄՆ-ը ևս 10 տարով երկարաձգեց Իրանի դեմ պատժամիջոցները, հայտնում է Associated Press (AP) գործակալությունը։ Նշվում է, որ փաստաթուղթն ուժի մեջ է մտնում դեկտեմբերի 15-ի կեսգիշերին։

«Վերջին ժամանակահատվածում Կրթության պետական տեսչության կողմից հանրապետության տարածքի հանրակրթական հաստատություններում իրականացվել են ուսումնասիրություններ, որոնց արդյունքում բացահայտվել են բազմաթիվ խախտումներ և թերություններ»:

«Եթե այնտեղ ինչ-որ մեկը քվեարել է մյուսի փոխարեն, ասեք՝ ով է քվեարկել, դրանց որպես կարգազանց էթիկայի հանձնաժողովում լսել տանք։ Ես նայել եմ, տեսել եմ, որ, իրոք, տեղում մարդ չկա, ու քվեարկությունը հանել ենք, հիմա դուք ասում եք՝ ով է քվեարկել, նրան էթիկայի հանձնաժողովի կտանք»։

ՀՀ կառավարության նիստի ընթացքում վարչապետ Կարեն Կարապետյանը հանձնարարականներ տվեց Առողջապահության, Էներգետիկ ենթակառուցվածքների և բնական պաշարների, Գյուղատնտեսության, Տրանսպորտի, կապի և տեղեկատվական տեխնոլոգիաների, Տարածքային կառավարման և զարգացման նախարարներին և մարզպետներին:

«Արարատ տրանս» ընկերության բեռնատարները, որոնցից մեկը Հայաստան պետք է տեղափոխեր մոտ 10 տոննա բանան, մոտ երկու շաբաթ է Լարսի անցակետի ռուսական հատվածում կայանված են։ Այս մասին մեզ հետ զրույցում ասաց ընկերության տնօրեն Ռաֆայել Մանուկյանը։

Սկսվել է ավտոմեքենաների պարտադիր ապահովագրության շրջանը։ Գրեթե բոլոր վարորդները, որոնց մեքենաների ապահովագրության ժամկետն ավարտվել է կամ մոտ է ավարտին, այս օրերին զանգեր են ստանում տարբեր ԱՊՊԱ գործակալներից, որոնք առաջարկում են զեղչերով, գայթակղիչ պայմաններով հենց իրենց մոտ ապահովագրել ավտոմեքենան։ Բանն այն է, որ յուրաքանչյուր գործարքից ԱՊՊԱ գործակալները բոնուսներ են ստանում, և նրանց վարձատրությունը կախված է կատարած գործարքների քանակից։

ՀՀ վարչապետ Կարեն Կարապետյանն այսօր կառավարության նիստի ընթացքում հանձնարարական տվեց, որն առնչվում է նախարարությունների կողմից առաջարկված կառավարության տարեկան միջոցառումների ծրագրի կետերին և գերակա խնդիրներին:

Պատգամավորներից մեկը տեղից բացականչեց՝ «փաստորեն գործ տվող կաշխատես», որին Թ. Պողոսյանն այսպես արձագանքեց. «Եթե հանուն իմ ազգի, ազնվության ու օրենքի կարելի է գործ տվող համարվել, թող տենց էլ լինի։ Պատկերը հետ վերադարձնենք, նոր քվեարկենք»։

Այսօր Ազգային ժողովում առաջին ընթերցմամբ ընդունվեց «Կուսակցությունների մասին» օրենքի նախագծի երկրորդ փուլում ավելացված Վարչական իրավախախտումների վերաբերյալ Հայաստանի Հանրապետության օրենսգրքում փոփոխություն և լրացում կատարելու մասին օրենքի նախագիծը կողմ՝ 82, դեմ՝ 4, ձեռնպահ՝ 4 ձայների հարաբերակցությամբ։

«Առանց համապատասխան վերլուծության, այլ շահագրգիռ կառույցների հետ քննարկման և մշակման, միայն խնդրի վերբերյալ գերատեսչության ընդհանուր տեսական վերաբերմունք պարունակող գրությունները չեն ընդունվելու, վերադարձվելու են կատարման՝ հսկողությունից չհանվելով»:

ՀՀ կառավարության այսօրվա որոշմամբ Էդգար Գևորգյանը նշանակվեց Հայաստանի Հանրապետության ֆինանսների նախարարության աշխատակազմի ղեկավար: Որոշման նախագիծը գործադիրի նիստի ընթացքում ներկայացրեց ՀՀ ֆինանսների նախարար Վարդան Արամյանը՝ նշելով, որ Էդգար Գևորգյանը բավական մեծ փորձ ունի:

ՄԱԿ-ի Անվտանգության խորհրդի նիստում, ի պատիվ գլխավոր քարտուղարի պաշտոնից հեռացող Պան Գի Մունի, անդամները շնորհակալություն են հայտնել վերջինիս խաղաղության և անվտանգության պահպանման ուղղութամբ կատարած աշխատանքի համար։

Հայաստանի Հանրապետության պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին և կից ներկայացված օրենքների նախագծերի փաթեթը երրորդ ընթերցմամբ և ամբողջությամբ ընդունվեց ձայների՝ կողմ՝ 84, դեմ՝ 4, ձեռնպահ՝ 1 հարաբերակցությամբ։

Սիրիայում սկսվել է արևելյան Հալեպից զինյալներին դուրս բերելու գործընթացը։ Այս մասին հայտնում է Reuters-ը՝ վկայակոչելով սիրիական կառավարությունում իր աղբյուրին։

Ադրբեջանում նավթի հավաքման կետում 150 մետր երկարությամբ էստակադի՝ Կասպից ծովը փլուզվելու հետևանքով անհետ կորել է 10 աշխատակից, հայտնում է ադրբեջանական պետական նավթային SOCAR ընկերությունը։

ԱՄՆ Պետդեպը խոստովանել է, որ Հալեպը գրեթե ամբողջությամբ անցել է Սիրիայի իշխանությունների վերահսկողության ներքո, հայտարարել է ԱՄՆ Պետդեպարտամենտի պաշտոնական ներկայացուցիչ Ջոն Քիրբին։

ՀՀ կառավարության անդամներն այսօր հերթական նիստից առաջ մեկ րոպե լռությամբ հարգեցին ՀՀ արտակարգ իրավիճակների նախարար Արմեն Երիցյանի հիշատակը:

Վրաստանի ենթակառուցվածքների նախարարության ճանապարհային դեպարտամենտից ՀՀ տրանսպորտի, կապի և տեղեկատվական տեխնոլոգիաների նախարարությանը տեղեկացնում են, որ դեկտեմբերի 15-ին՝ ժամը 09:30-ի դրությամբ, Ստեփանծմինդա – Լարս ավտոճանապարհը փակ է տրանսպորտային բոլոր միջոցների համար:

Արդեն մոտ 2 շաբաթ է` ձյան առատ տեղումների և բքի պատճառով ճանապարհահատվածը որոշակի սահմանափակումներով բաց էր միայն մարդատար և մինչև 30 նստատեղ ունեցող ավտոմեքենաների համար: Բեռնատարները 10 օրից ավելի է` սահմանակետում սպասում են եղանակային պայմանների բարելավմանը: Նախարարը զրուցել է վարորդների հետ, հետաքրքրվել, թե ինչպիսի աջակցության կարիք ունեն:

Դեկտեմբերի 15-ին, ժամը 02.38-ին ահազանգ է ստացվել, որ Երևանի Նուբարաշենի խճուղու թիվ 1 շենքի բնակարաններից մեկում ջրի խողովակը վնասվել է, ինչի հետևանքով բնակարանը ջրալցվում է. ջրամատակարարումը դադարեցնելու համար անհրաժեշտ է փրկարարների օգնությունը:

Ստամբուլում Իրանի հյուպատոսության մոտ բողոքի ակցիա է անցկացվել Սիրիայի Հալեպ քաղաքում տիրող իրավիճակի պատճառով։ Բողոքի ակցիային մասնակցել է մի քանի հարյուր մարդ, հայտնում է Associated Press գործակալությունը։

Երեկ Նկարիչների միության շենքում գտնվող հյուրանոցում հայտնաբերվել է Ռոբերտ Հարությունյանի դին`գլխի շրջանում հրազենային վիրավորումով: Վերջինս ՀՀ ազգային անվտանգության ծառայության տնօրենի նախկին տեղակալ Ռոմիկ Հարությունյանի եղբայրն է: