ԴԱԻՇ-ի զինյալները Պալմիրայում հավանաբար տիրացել են ՀՕՊ միջոցների. ԱՄՆ
Պալմիրան գրաված ԴԱԻՇ-ի ջիհադիստները սպառնալիք են ներկայացնում ԱՄՆ-ի գլխավորած կոալիցիայի զինվորականների համար, հայտարարել է ԱՄՆ-ի բանակի գեներալ-լեյտենանտ Սթիվեն Տաունսենդը, որը ղեկավարում է ԴԱԻՇ-ի դեմ միջազգային կոալիցիան։
Նրա խոսքով՝ ԴԱԻՇ-ի զինյալները Պալմիրան գրավելիս ենթադրաբար տիրացել են նաև զրահատեխնիկայի և հակաօդային պաշտպանության միջոցների։
Ամերիկացի զինվորականները դեռ ամբողջությամբ վստահ չեն, որ այդ տեխնիկան իրականում հայտնվել է ԴԱԻՇ-ի ձեռքում, սակայն կա տեղեկություն, որը մատնանշում է այդ ենթադրությունների ճշմարտացիությունը, ընդգծել է գեներալը։
