«Երբեմն ստացվում են գրեթե ոչինչ չասող, անդեմ պատասխան-գրություններ». Կարեն Կարապետյանը հանձնարարական տվեց
Գործադիր մարմնի նիստից առաջ վարչապետ Կարեն Կարապետյանը մի շարք հանձնարարականներ տվեց: Վարչապետը նշեց, որ հասարակության կողմից կառավարության, վարչապետի առջև բարձրացված կոնկրետ խնդիրների դեպքում դրանք հաճախ վերահասցեագրվում են համապատասխան մարմինների, սակայն երբեմն այդ մարմիններից ստացվում են առանց բարձրացված խնդրի վերլուծության և առանց գործուն քայլեր պարունակող միջոցառումների, գրեթե ոչինչ չասող, անդեմ պատասխան-գրություններ, հատկապես եթե դրանք վերաբերվում են տվյալ գերատեսչության ոլորտում նոր ծրագրերի կամ բյուջետային ծախսերի ավելացմանը:
«Առանց համապատասխան վերլուծության, այլ շահագրգիռ կառույցների հետ քննարկման և մշակման, միայն խնդրի վերբերյալ գերատեսչության ընդհանուր տեսական վերաբերմունք պարունակող գրությունները չեն ընդունվելու, վերադարձվելու են կատարման՝ հսկողությունից չհանվելով: Լուծման համար անհրաժեշտ է առարկայական միջոցառումների իրականացում: Այդ առումով հանձնարարում եմ կառավարության աշխատակազմի ղեկվար-նախարարին՝ հետևել հանձնարականների կատարման որակին՝ հաշվի առնելով նշվածը»,- ասաց Կարեն Կարապետյանը:
