Պան Գի Մունը իր հրաժեշտի ելույթում կոչ է արել վերջ դնել «Սիրիայի մղձավանջին»
ՄԱԿ-ի Անվտանգության խորհրդի նիստում, ի պատիվ գլխավոր քարտուղարի պաշտոնից հեռացող Պան Գի Մունի, անդամները շնորհակալություն են հայտնել վերջինիս խաղաղության և անվտանգության պահպանման ուղղութամբ կատարած աշխատանքի համար։ Ի պատասխան՝ Պան Գի Մունը բարձր Է գնահատել գործընկերների գործունեությունը և կոչ է արել վերջ դնել Սիրիայի հակամարտությանը, հաղորդում է Interfax-ը։
«Ես լքում եմ իմ պաշտոնը հսկայական ցավի զգացումով՝ կապված Սիրիայում չդադարող մղձավանջի հետ։ Ես դարձյալ խնդրում եմ ձեզ միավորվելով կատարել ձեր հավաքական պարտավորությունը՝պաշտպանել Սիրիայի քաղաքացիական բնակչությանը»,- հայտարարել է նա։
Պան Գի Մունն ընդգծել է, որ «խորհրդի ուժը դրա միասնության մեջ է»։
2016 թվականի վերջին վերջինս կհեռանա իր պաշտոնից։ Նրան կփոխարինի Պորտուգալիայի նախկին վարչապետ Անտոնիու Գուտյերեշը։a
