ՀՀ պաշտպանության նախարար Վիգեն Սարգսյանը նոյեմբերի 18-ին ընդունել է ՆԱՏՕ-ի գլխավոր քարտուղարի՝ նորահայտ մարտահրավերների հարցերով փոխտեղակալ Ջեյմի Շեային։
ՀՅԴ խմբակցության ղեկավար Արմեն Ռուստամյանը վստահ է՝ մի գաղափարի շուրջ համախմբվելը եկել է դեռ նախորդ դարի սկզբներից: Ինչպես այսօր ԱԺ ճեպազրույցների ժամանակ նշեց Ա. Ռուստամյանը, անդրադառնալով 1991 թվականին իրականացված «մեկ գրամ ոսկի» օպերացիային, որին նմանեցվում են 1000 դրամ պարտադիր վճարները, մեր մեծերից Միքայել Վարանդյանի աշխատության մեջ վերլուծվում է հայ իրականությունը՝ թշնամիներով շրջապատված, և առաջ է քաշվում համաժողովրդական բանակ հասկացությունը, որ ցանկացած հայ պետք է պատրաստ լինի ծառայելու՝ թե՛ շինարարը, թե՛ զինվորը, այնպես, ինչպես ապրիլյան պատերազմն էր:
Այսօր ԱԺ ճեպազրույցների սկզբում ՀԱԿ խմբակցության քարտուղար Արամ Մանուկյանն անկեղծացավ՝ նշելով, որ միջավայրը ռաբիսոտ է, այդ թվում՝ ԱԺ-ի, պետք է ինքնամաքրվել, և այդ նպատակով ինքը լսում է «Փինք Ֆլոյդ»:
1000 դրամ պարտադիր վճարները կամավոր դարձնելու մասին առաջարկ է ներկայացվել, և հարցը ենթակա է քննարկման օրինագծի առաջինից երկրորդ ընթերցման ընթացքում: Այս մասին այսօր ԱԺ ճեպազրույցների ժամանակ հայտարարեց ՀՀԿ խմբակցության ղեկավար Վահրամ Բաղդասարյանը:
«Ուրախ եմ, որ այսօր Եվրոպական ներդրումային բանկն առնվազն մեկ տասնյակից ավելի ծրագրեր է իրականացնում մեր տնտեսության տարբեր ոլորտներում, եւ համոզված եմ, որ բանկը մեզ համար դարձել է որակի եւ գերազանցության չափանիշ: 2 տարի առաջ սկսվեց ՓՄՁ-ների վարկավորման ծրագիրը, որին մասնակցում են մեր բանկերի եւ վարկային կազմակերպությունների մեծ մասը: Նման ծրագիրը հայկական իրականության մեջ շատ լուրջ հաջողություն է»,- ասաց նա:
Վերջին 72 ժամում Սիրիայի ռազմաօդային ուժերի և ՌԴ ռազմատիեզերական ուժերի հասցրած ավիահարվածների հետևանքով Հալեպի՝ ապստամբների վերահսկողության տակ գտնվող շրջաններում սպանվել է 106 և վիրավորվել 190 մարդ, հայտնում է Anadolu գործակալությունը։
Կոնգրեսական Մայք Պոմպեոն ընդունել է ԱՄՆ նորընտիր նախագահ Դոնալդ Թրամփի՝ ԿՀՎ տնօրեն դառնալու առաջարկը, հայտնում է Reuters-ը։
«Հաղորդակցման միջոցները գնալով զարգանում են, և այսօր արդեն այնպիսի ոլորտները, ինչպիսիք են բանկային համակարգը, տրանսպորտային կապը, ևս ենթարկվում են ինովացիայի։ Հայաստանը փակ երկիր է՝ հաշվի առնելով հարևանների հետ հարաբերությունները, և այդ պարագայում հատկապես կարևոր է ինֆորմացիոն տեխնոլոգիաների զարգացմամբ մեծ առաջընթաց գրանցելը»,- նշեց Ալեքսանդր Եսայանը։
Lenta-ն հաղորդում է, որ Սիրիայում սպանվել է Ռյազանի օդադեսանտային զորքերի ուսումնարանի շրջանավարտ Սերգեյ Պեչալնովը։
«Մեր հիմնական խնդիրն այն է, որ երկրի տնտեսությունը չի աճում»,- այսօր Ազգային ժողովի արտահերթ նիստում 2017 թվականի պետական բյուջեի նախագծի քննարկման ժամանակ հայտարարեց ՀՀ նախկին վարչապետ, պատգամավոր Հրանտ Բագրատյանը։
Ուկրաինան կարող է Վրաստանի նախկին վարչապետ Միխայիլ Սահակաշվիլիին արտահանձնել, գրում է «Ուկրաինսկայա պրավդան»՝ վկայակոչելով Ուկրաինայի նախագահ Պյոտր Պորոշենկոյին մոտ կանգնած աղբյուրներին։
«Երեխաների տրամադրությունը բարձր է: Բայց երբ հասանք այստեղ, երեխաները բրոնխիտ ունեցան. բոլոր թիմերն ունեն բրոնխիտ, բոլորն իրարից վարակվել են: Սկզբում մղձավանջ էր, բայց հիմա լավանում են, և արդեն վաղը կկարողանանք նորմալ երգել: Վաղը գնահատականի օրն է. ժյուրին վաղն է գնահատում, մյուս օրն էլ եզրափակիչ համերգն է, բայց ամենակարևորը վաղվա գնահատականներն են»,-168.am-ի հետ զրույցում ասաց Նիկը:
«Կարծում ենք՝ տնտեսական աճի 3.2 տոկոսը խիստ իրատեսական է։ Պետք է դնենք իրատեսական ծրագիր, որպեսզի կարողանանք հետագայում թիրախավորել ավելի բարձր տնտեսական աճ։ Մեր կառավարությունը քաջություն է ունեցել նույնիսկ ընտրությունների դիմաց ներկայացնելու ոչ թե պոպուլյար բյուջե, այլ իրատեսական բյուջե, ոչ թե բյուջե, որը կարող է մեկ տարի հետո ավելի խորը խնդիրներ առաջացնել, այլ բյուջե, որը հենքեր է ստեղծելու, որ մեկ տարի հետո մենք ավելի վստահաբար շարժվենք առաջ։ Խնդրում եմ այս նախագծին կողմ քվեարկեք»,- հայտարարեց նախարարը։
Կաշառք վերցնելու մեջ մեղադրվող ՌԴ տնտեսական զարգացման նախկին նախարար Ալեքսեյ Ուլյուկաևի պաշտպանությունը բողոքարկել է նրա նկատմամբ սահմանված տնային կալանքը, հայտնել է Ուլյուկաևի փաստաբան Տիմոֆեյ Գրիդնևը։
ՌԴ կառավարության ղեկավար Դմիտրի Մեդվեդևը դեռ չգիտի, թե երբ չեղյալ կհայտարարվեն Ռուսաստանի դեմ տնտեսական պատժամիջոցները, հայտնում է RIA Novosti-ն։
Օրերս ամերիկյան CBS հեռուստաընկերությունը և Chicago Tribune օրաթերթը անդրադարձ են կատարել հայկական պարարվեստին՝ մասնավորապես, ներկայացնելով պարուսույց-բալետմեյստեր Հրաչյա Կոստանյանի գործունեությունը, որն աշխատում է Իլինոյս նահանգի Վիլինգ քաղաքի Բալետի և արվեստի ակադեմիայում:
Ազգային ժողովի թվով 32 պատգամավորների ստորագրությամբ երեկ բողոք է ներկայացվել Սահմանադրական դատարան՝ ընդդեմ Գյումրիում ՏԻՄ ընտրությունների արդյունքների: Այս մասին այսօր ԱԺ ճեպազրույցների ժամանակ հայտնեց ԱԺ ՕԵԿ խմբակցության պատգամավոր Հովհաննես Մարգարյանը:
Լիտվայի իշխանությունները մտավախություն են հայտնել, որ ՌԴ նախագահ Վլադիմիր Պուտինը կարող է փորձել ստուգել ՆԱՏՕ-ի ամրությունը՝ չսպասելով ԱՄՆ նորընտիր նախագահ Դոնալդ Թրամփի պաշտոնն ստանձնելուն։
«Խոսվեց ուռճացված պետական ապարատի մասին։ Երբ խոսում են ուռճացված պետական ապարատի մասին՝ կարող են խոսել այս կամ այն պատմական կտրվածքով։ Կարող եմ նշել, որ արդեն իսկ սեպտեմբերից հետո կառավարությունը կրճատել է 4 ծրագրի իրագործման գրասենյակ և մի քանի ՊՈԱԿ, նույն՝ այսօրվա կառավարության որոշմամբ վերջին ԾԻԳ-ը, որ քաղաքաշինության նախարարությունում էր, կրճատվեց։ Նմանատիպ գործընթացը այժմ համարվում է կառավարության առաջնահերթություններից։ Առայսօր կրճատվել է 791 ծառայողական մեքենա, ինչը ևս փոքր թիվ չէ»,- նշեց Վ. Գաբրիելյանը։
ՀՀ պաշտպանության ժամանակ զինծառայողների կյանքին կամ առողջությանը պատճառված վնասների հատուցման մասին օրենքը չի հետապնդում արդար նպատակ: Այսօր ԱԺ ճեպազրույցների ժամանակ նման տեսակետ հայտնեց «Ժառանգություն» խմբակցության պատգամավոր Զարուհի Փոստանջյանը:
«Աշտարակ կաթ» ընկերությունը դադարեցրել է իր գործունեությունը:ՀՀ գյուղատնտեսության նախարարության հասարակայնության հետ կապերի բաժնից տեղեկացնում են, որ ՀՀ գյուղատնտեսության նախարարի տեղակալ Ռոբերտ Մակարյանն ընդունել է կաթնամթերք արտադրող ընկերությունների ներկայացուցիչներին` «Աշտարակ կաթ» ընկերության գործունեության դադարեցման պատճառով առաջացա ծ խնդիրները քննարկելու նպատակով:
Պակիստանի մայրաքաղաքից 50 կմ հեռավորության վրա տեղի է ունեցել ԴԱԻՇ-ի առաջնորդներից մեկի ոչնչացման գործողությունը։
Թուրքիայի վարչապետ Բինալի Յըլդըրըմը հաստատել է Անկարայի վճռականությունը՝ դուրս մղել սիրիացի քրդերի PYD-ի զինյալներին Եփրատ գետի արևելյան ափը։
Չինաստանի Շենչժեն քաղաքի (Գուանդունի նահանգ, Հարավային Չինաստան) IT-ցուցահանդեսում արձանագրվել է մարդու նկատմամփ ռոբոտի վնասարարության առաջին դեպքը: Ինչպես հաղորդում է «Սինա» լրատվական պորտալը, ինտերնետ-օգտատերերն արդեն այդ իրադարձությունը կոչել են «մեքենաների ապա ստամբության նախերգանք»:
Հայաստանի Հանրապետության կառավարության պահուստային ֆոնդից կառավարությանն առընթեր Պետական եկամուտների կոմիտեին հատկացվել է 233 միլիոն 365 հազար դրամ` սիրիահայերի ավտոմեքենաների մաքսազերծման հարցը լուծելու համար:
Ապօրինի հարստացման քրեականացումը հետադարձ ուժ ունենալու դեպքում կքանդի ներկայիս քաղաքական համակարգը: 168.am-ի հետ զրույցում նման տեսակետ հայտնեց ՀԱԿ խմբակցության քարտուղար Արամ Մանուկյանը:
«Ապօրինի հարստացման քրեականացումը հույս ունենք և ներկայացրել ենք այդ տրամաբանությամբ, որպեսզի դառնա արդյունավետ պայքարի մեխանիզմ: Հրապարակային է լինելու գույքը, որի ավելացումը, եթե չունի բացատրություն, ապա սեփականատերը պետք է ենթարկվի որոշակի պատժամիջոցների, որոնք հստակորեն նշված են»:
ՆԱՏՕ-ի գլխավոր քարտուղար Յենս Ստոլտենբերգը նոյեմբերի 20-ին այց կկատարի Ստամբուլ, հայտնում է RIA Novosti-ն։
«Ապօրինի հարստացման քրեականացման հետադարձ ուժի խնդիրը որևէ պարագայում քաղաքական իշխանության կամքի դրսևորում չէ: Դա բացառվում է: Միջազգային իրավունքի սկզբունք է դա, որ եթե որևէ արարք քրեականացնում ես որևէ պահի, հետադարձ ուժ չի կարող ունենալ»,- այսօր ԱԺ-ում լրագրողների հետ զրույցում հայտարարեց ՀՀ արդարադատության նախարար Արփինե Հովհաննիսյանը՝ մեկնաբանելով Քրեական օրենսգրքում փոփոխությունները, որ այսօր արժանացել են կառավարության հավանությանը:
Վրաստանի նախագահ Գեորգի Մարգվելաշվիլին հանդես է եկել նախաձեռնությամբ՝ մշակել ազգային անվտանգության միասնական ռազմավարություն։ Վերջինս այդ մասին հայտարարել է՝ հանդես գալով նոր գումարման խորհրդարանում, հայտնում է «Գրուզիա օնլայնը»։
