1000 դրամները հնարավոր է՝ դառնան կամավոր
1000 դրամ պարտադիր վճարները կամավոր դարձնելու մասին առաջարկ է ներկայացվել, և հարցը ենթակա է քննարկման օրինագծի առաջինից երկրորդ ընթերցման ընթացքում: Այս մասին այսօր ԱԺ ճեպազրույցների ժամանակ հայտարարեց ՀՀԿ խմբակցության ղեկավար Վահրամ Բաղդասարյանը:
«Պարտադիր սկզբունքը կարող է լինել քննարկման առարկա: Իրոք, ստիպողաբար ոչինչ չի կարող անել: Նման առաջարկ անողները երևի ուզում են արդարացնել դեմ քվեարկելը: Զարմանալի էր, որ նմանատիպ առաջարկի ժամանակ կարող ենք ունենալ դեմ: Պետք չէ արդարանալ, մեր հանրությունը ներողամիտ է, կների»,- ասաց Վ. Բաղդասարյանը՝ հավելելով, թե Աստված չանի, որ կարիք ունենանք:
ՀՀԿ խմբակցության ղեկավարը չբացառեց, որ եթե քաղաքացիները գրավոր հրաժարվեն, այլևս պարտադիր չի լինի 1000 դրամի վճարումը:
