Պակիստանում ոչնչացվել է ԴԱԻՇ-ի առաջնորդներից մեկը

Պակիստանի մայրաքաղաքից 50 կմ հեռավորության վրա տեղի է ունեցել ԴԱԻՇ-ի առաջնորդներից մեկի ոչնչացման գործողությունը։

»Սինհուա» գործակալության հաղորդմամբ՝ Մերրի քաղաքի տներից մեկի մոտ իրավապահները մի քանի զինյալի են հայտնաբերել։ Ոստիկանության հակաահաբեկչական բաժնի երկու աշխատակից վիրավորվել է հրաձգության հետևանքով, 2 գրոհայինի հաջողվել է թաքնվել։

Տանը խուզարկության ընթացքում հայտնաբերվել են մահապարտի գոտիներ և ինքնաշեն պայթուցիկ սարքերի պատրաստման բաղադրիչներ։

Ոստիկանությունը պարզել է, որ զինյալները պատրաստվել են հարձակվել Իսլամաբադում գտնվող ԶԼՄ-ների շենքերի վրա։