Այսքանից հետո ինչպե՞ս կարելի է համոզված լինել, որ մի գեղեցիկ օր էլ չի պարզվի, որ նման մսխումների սխեմա տեղի է ունեցել նաև Ավինյանի ու ՔՊ-ականների կողմից ղեկավարվող Երևանի քաղաքապետարանում։ Գուցե «Աջափնյակ» մետրոյի կայարանն էլ ԱՆԻՖ-ի պես հերթական մի փուչիկն է, որը հանրությանը ներկայացվել է գրավիչ լուսանկարներով, բայց իրականում կիրառվելու է բյուջեի գումարները սեփական գրպանը դնելու նպատակով։ Փաշինյանի՝ «արդար Հայաստանի մոդել» կառուցելու խոստումները վերացական գաղափարներ են, որոնց վկայությունն իր իսկ կուսակցականների գործունեությունն է։
«Կոռուպցիան նաև Երևանի քաղաքապետարանից է դուրս գալիս։ Ես ամեն օր խոսում եմ բյուջեից անհետացող միլիոնավոր դրամների մասին, սակայն իրավապահ համակարգը որևէ քրգործ չի հարուցում, կամ՝ ինձնով զբաղվում։ Բոլոր ախպերներին փայ են հանում այդ կոռուպցիայից»,- ասաց Մանուկյանը՝ հատուկ ուշադրություն հրավիրելով նաև այն հանգամանքի վրա, որ Տիգրան Ավինյանը նաև երևանցիների վճարած հարկերից 50 միլիոն դրամ է հատկացրել Գյումրի քաղաքին՝ այնտեղ թափառող շների ստերջացման համար։
Հայաստանում կոռուպցիայի դեմ պայքարն այնքան է անլրջացել, որ արդեն վերածվել է զավեշտի, և տրագիկոմիկ երանգներ է ստանում հատկապես ընտրություններից առաջ: Երևի այդ պատճառով է «մեծարգո վարչապետը» ընտրություններին ընդառաջ արխիվից հանել նախորդ ընտրություններում կիրառված տեխնոլոգիական հնարքների սխեմաներն ու մեխանիզմները, որոնց մեջ ահագին տեղ էին զբաղեցրել նախորդ իշխանության ներկայացուցիչների կոռուպցիոն դրսևորումների բացահայտումների, թալանի վերադարձի խոստումներն ու առասպելները և լիքը նման նախընտրական հետաքրքիր ու գրավիչ բաներ: Այդ ժամանակ «մեծարգոն», «բանտիկով չագուչը» ձեռքին, իրեն դիրքավորել էր՝ որպես կոռուպցիայի դեմ պայքարի մեծ ու անփոխարինելի մասնագետ:
Նախկինների թալանից են խոսում՝ իրենց թալանը չեն տեսնում։ Եթե թալան չկա, ինչպե՞ս է, որ սուրճի փող չունեցող երիտհեղափոխականներն իշխանության գալուց կարճ ժամանակ հետո, բոլորը մեկ մարդուն նման՝ հարստացան, թանկարժեք բնակարաններ, ավտոմեքենաներ ձեռք բերեցին, փոխեցին իրենց կենսակերպը, վայելքների մեջ են։
ԱՆԻՖ-ի «Ձեռնարկատեր+պետություն» հիմնադրամը 2023 թվականին 1,5 մլրդ դրամի ներդրում է արել «Սի Էֆ Դաբլյու» ՓԲԸ-ում։ Այդ ընկերության բաժնետերերը ԱՄՆ Դելավեր նահանգի օֆշորում գրանցված ընկերություններ են։ Իսկ «Սի Էֆ Դաբլյու» ՓԲԸ-ի տնօրեն Կարինե Անդրեասյանը Տիգրան Ավինյանի կնոջ՝ Մարիամ Պահլավունու ընկերուհին է։ Ընկերությունը պետության կողմից ներդրումը ստացել է հիմնադրվելուց 8 օր հետո։ Ներկայում «Սի Էֆ Դաբլյու» ՓԲԸ-ում աշխատում է մեկ հոգի՝ ընկերության տնօրենը, գրում է «Հետք»-ը։
Երևանի քաղաքապետարանը հերթական պայմանագիրն է կնքել իր ենթակայության տակ գործող «Ձևավորում և սպասարկում» ՀՈԱԿ-ի հետ։
Երևանի քաղաքապետարանն աուդիտ կիրականացնի․ Երևան քաղաքի 2024 թվականի բյուջեի կատարման հաշվետվությունների հաշվեքննության ծառայությունների մատուցման համար մատակարար է ընտրվել «Թրասթ Աուդիտ» ՓԲԸ-ն։ Մատուցող ընկերության հետ, ըստ պետգնումների էլեկտրոնային համակարգի, հրատապ մեկ անձ ընթացակարգով իրականացված գնման պայմանագրի գինը 36 միլիոն դրամ է։
Իսկ հրաժարական պահանջելու տեղ մենք շատ ունենք։ Սա առաջին նմանատիպ դեպքը չէ, երբ նշված անձանց գործողությունների կամ անգործության պատճառով երևանցիները կանգնում են խնդիրների առաջ։ Հիշենք անցած տարվա անձրևների հետևանքները, հիշենք տրանսպորտի չարեփոխումները։
Փետրվարի 7-ին ավարտվեցին Համահայկական ձմեռային երկրորդ խաղերը։ Նախօրեին Երևանի քաղաքապետարանի էջն ավետեց. «Համահայկական ձմեռային 2-րդ խաղերի հոկեյի մրցաշարում Երևանի «Առյուծներ» ակումբը երկրորդ հորիզոնականում էր: Սառցե մարտերում լավագույն արդյունք գրանցելու համար երևանյան թիմը մեծ ջանքեր է գործադրում»։
2025թ․ Երևան քաղաքը կունենա նոր արձան «Կատարսիս» անունով։ Արձանի հեղինակը քանդակագործ Արմենուհի Հովսեփյանն է։ Նախորդ տարեվերջին «Արմենուհի Հովսեփյան ԱՁ»-ի և Երևանի քաղաքապետարանի միջև արձանի ձեռքբերման մեկ անձից գնման եղանակով կնքված պայմանագրի գինը 12 միլիոն 850.000 դրամ է։
Մեկ շաբաթից ավելի է՝ հանրությունը բոյկոտում է հանրային տրանսպորտի ուղեվարձի բարձրացման դեմ. քաղաքացիները երթևեկելիս վճարում են ոչ թե 150, այլ 100 դրամ։
«Պրեսսինգ» հաղորդաշարում Սաթիկ Սեյրանյանի հյուրը քաղբանտարկյալ, Վանաձորի ընտրված քաղաքապետ Մամիկոն Ասլանյանն է։
ՀՀԿ ԵԿ ղեկավար Հենրիխ Դանիելյանն այն կարծիքին է, որ Հայաստանի իշխանություններն իրենց փրկությունը Հայաստանի սահմաններից դուրս են փնտրում, քանի որ հայկական օրակարգ չեն սպասարկում և հայկականի հետ որևէ կապ չունեն:
Մինչ Երևանում շարունակում են բոյկոտել ավագանու հերթական որոշումը` ըստ որի, Երևանի հանրային տրանսպորտի օգտվողները 1 ուղևորության համար փետրվարի 1-ից կվճարեն 150 դրամ, իշխանությունը, ասում են` կոնտր-ակցիա է իրականացնում։
Տրանսպորտի ուղեվարձի հետ կապված քաղաքային իշխանության մտքի «փայլատակումներն» ավելի շատ նոր հարցեր են առաջացնում, քան լուծում են թանկացումների հետ կապված խնդիրները։ Դրանք մեկ անգամ ևս վկայում են, որ առաջարկվող փաթեթների տակ բացարձակ հիմնավորումներ չկան։ Օդից վերցված գներ են դրել ուղեվարձերի հիմքում ու իրավիճակից կախված՝ իրենց քիմքին հարմար փոփոխություններ են կատարում։
Երեկ պետք է տեղի ունենար Երևանի ավագանու արտահերթ նիստը, որի օրակարգային գլխավոր հարցը տրանսպորտի ու կարմիր գծերի սակագների թանկացումը չեղարկելն էր: Նիստը, իհարկե, չկայացավ՝ քվորում չապահովվելու պատճառով:
Զարմանալի չէ, որ Տիգրան Ավինյանը կարող է իրեն թույլ տալ գրեթե 20 հազար դոլար վճարել քաղաքային բյուջեից՝ բիզնես դասով Միացյալ Նահանգներ մեկնելու համար։ Այնպես էլ մի չքմեղանում է, թե ինքը տեղյակ չի եղել, որ այդքան են վճարել իր տոմսի համար։ Ու երբ իմացել է, մի փոքր նույնիսկ զարմացել է։ Զարմացել է, բայց ոչինչ չի արել։ Միայն այն բանից հետո, երբ աղմուկ բարձրացավ՝ որոշեց «անձնազոհություն» անել ու սեփական գրպանից վերադարձնել այդ գումարը։
Երևանի քաղաքապետարանը կարմիր գծերի, տրանսպորտի բարեփոխումների անվան տակ՝ տոմսերի գների թանկացման որոշումները գլուխ բերելուց հետո որոշել է համերգային ծրագրով ճանապարհել տարին։ Այս նպատակով նախօրեին մեկ անձ ընթացակարգով մշակութային միջոցառումների ծառայություններ են գնվել «Նեմրա բենդ» ՍՊԸ-ից․ պայմանագրի գինը՝ 2 միլիոն դրամ։
Շուրջ մեկ ամիս առաջ՝ նոյեմբերի 27-ին, 168.am-ն իր ընթերցողներին ու հպարտ ժողջանին տեղեկացրեց, որ Երևանի ՔՊ-ական քաղաքապետ Տիգրան Ավինյանի գլխավորած պաշտոնական պատվիրակության՝ նոյեմբերի 23-30-ն Ամերիկայի Միացյալ Նահանգների Լոս Անջելես քաղաք մեկնելու համար միայն ինքնաթիռի տոմսեր ձեռք բերելու համար ծախսվել է 12 միլիոն 465.000 դրամ, որից 8-ը՝ էկոնոմ դասի, մեկը՝ բիզնես: Ինչպես կարելի է հասկանալ, բիզնես դասի տոմս ձեռք է բերվել թավշյա քաղաքապետ, կոռուպցիայի ու ցոփ ու շվայտ կյանքի հետ 0 առնչություն ունեցող Տիգրան Ավինյանի համար:
Քաջարի հեղափոխական Տիգրան Ավինյանը, իր քաղաքական թիմի ղեկավար Նիկոլ Փաշինյանի հանգույն, տարբեր ոլորտներում հեղափոխական տենդոտ գործունեությունը տապալելուց հետո, անցավ մայրաքաղաք Երևանին։
«Կառավարիչ, ղեկավար չունենք, ամբողջ խնդիրը սա է։ Տիգրան Ավինյանը տրանսպորտով երթևեկելով ու մարդկանց հետ խոսելով՝ նրանց չի կարող համոզել։ Ժողովրդի մեծ մասն այսօր չի հասկանում, թե ինչ է կատարվում։ Բայց Ավինյանի համար ավելի վատ վիճակ է լինելու, ինքը չի պատկերացնում դեռ։
Հաջորդը Դիլիջանի համայնքապետի հարցն է: Նա սեփական եղբորը շուկայականից էժան և արագացված, հրատապ կերպով տարածք է տալիս, և դրանից հետո Կոռուպցիայի կանխարգելման հանձնաժողովն ասում է, որ պետք է վճարի 300.000 դրամ տուգանք, և դրանով ամբողջ խնդիրն ավարտվում է»,- մանրամասնել է Աննա Գրիգորյանը և անցել Երևանի փոխքաղաքապետ ՔՊ-ական Արմեն Փամբուխչյանին: Նրա հայրը, որն արդեն թոշակառու է, ձեռք է բերել 40 հա հողատարածք՝ կառուցելու ինտենսիվ այգի:
«Երևանի ավտոբուս» ՓԲԸ-ին անհրաժեշտ են «Դ» կարգի վարորդական իրավունք ունեցող վարորդներ՝ շարժակազմերը համալրելու համար․ այս հայտարարությունն առավոտյան տարածել է Երևանի քաղաքապետարանը։
Արդարադատության նախարար Սրբուհի Գալյանն արդեն կողմնորոշվում է իր կադրային քաղաքականության հարցում, կամ ավելի ճիշտ՝ նրան թերևս օգնում են կողմնորոշվել:
«Եթե Երևանում բնակվող ՀՀ քաղաքացին առավոտ լսել է, օրինակ, կառավարության նիստը, հասկացել է, որ իր գույքահարկը թանկանալու է, հասկացել է, որ այսուհետ տրանսպորտի տոմս առնելու համար պետք է նույնականացում անի՝ անձնագրի հետ նկարվի, մի հատ մասնավոր ընկերության իր բոլոր տվյալները տա, և երեք անգամ տրանսպորտի գինը թանկանա, մի խոսքով՝ դեպրեսիայից ուզում է դուրս գալ՝ քաղաքում զբոսնի, ու հանկարծ այդ օրն էլ անձրև է եկել, այս մարդն ի՞նչ պատկերի է ականատես լինում. դուրս է գալիս, մի հատ ջրհեղեղի մեջ է ընկնում, չի հասկանում՝ ոնց շրջանցի այդ ջրափոսերով լցված տարածքները»:
Իհարկե, սա Հակոբ Արշակյանի սեփական մեկնաբանությունն է, քանի որ քննադատությունները, որոնք մշտապես հնչում են հանրային շրջանակների կողմից՝ ուղղված են օրեցօր աճող պարտքային ու վարկային բեռին ու դրա ոչ արդյունավետ օգտագործմանը։
Տոնասեր քաղաքային իշխանություններն արդեն սկսել են Ամանորի նախապատրաստությունը։ Երևանի քաղաքապետարանը սկսել է վարչական շրջաններում ամանորյա մշակութային միջոցառումների կազմակերպման համար պայմանագրեր կնքել․ հերթականն Աջափնյակ վարչական շրջանում միջոցառման շրջանակում ծառայությունների մատուցման պայմանագիրն է։ Գնման ընթացակարգը ոչ մրցակցային՝ մեկ անձից եղանակով է։
«Ահավոր վիճակ է, ես չեմ իմանում՝ այս խճճվածությունն ինչի՞ են ստեղծել․ ես 100 դրամի համար այսօր աշխատանքից ուշացել եմ, փողը փող չի՞։ Իրենք երկիրը կերել են, ծախել են, եթե շոֆերը 100 դրամ վերցնի՝ ո՞նց կլինի»,- զայրույթով հավելեց թոշակառու մի կին։
Երևանի քաղաքապետարանն արդեն սկսել է հոգալ ամանորյա ծախսերը․ թեև Ամանորին 2 ամիս ու ավելի կա, բայց քաղաքային գերատեսչությունն անցել է գործի ու էլեկտրոնային աճուրդ ընթացակարգով ընտրել Երևան քաղաքի Նուբարաշեն վարչական շրջանում ամանորյա միջոցառումների կազմակերպման ծառայությունները կազմակերպող մատակարարին։
Նոյեմբերի 1-ից հանրային տրանսպորտից օգտվողները պետք է պարտադիր իրենց մոտ ունենան 100 դրամանոց մետաղադրամ կամ սմարտֆոնում QR կոդ, որպեսզի վճարումն իրականացնեն։ Այսօր Երևանի քաղաքապետարանի գործակարգավարական նիստի ժամանակ Տիգրան Ավինյանը https://168.am/2024/10/21/2113665.html մատնանշեց հանրային տրանսպորտից օգտվելու և վճարելու այս երկու եղանակը։
