Բացենք Երևանի ավագանու 2018 թվականի ընտրություններին ՔՊ-ի նախընտրական ծրագիրը։ Է՛լ մետրոյի Աջափնյակ կայարան, է՛լ ճոպանուղի դեպի Նոր Նորք, է՛լ աղբավերամշակման գործարան, է՛լ քաղաքային նոր զբոսայգի, ո՞ր մեկն ասես։
Նիկոլ Փաշինյանի՝ հուլիսի 25-ին տեղի ունեցած մամուլի ասուլիսից հետո վիրավորանքների և ոտնձգությունների արշավը լրագրողների, հատկապես՝ Aravot.am-ի լրագրող Հռիփսիմե Ջեբեջյանի և NewDay.am լրատվական կայքի խմբագիր Անի Գևորգյանի նկատմամբ ներկայումս պրոյեկտվել է Երևանի ավագանու առաջիկա ընտրությունները լուսաբանող Անի Գևորգյանի վրա: Ասուլիսից հետո լրագրողի հասցեին համացանցում և էլեկտրոնային նամակներով տարածվող սպառնալիքները, ծանր վիրավորանքները, հայհոյանքները և ֆիզիկական հաշվեհարդարի կոչերը […]
Այսօր վերջապես Նիկոլ Փաշինյանը միացավ Տիգրան Ավինյանի քարոզարշավին: Մի առիթով նա «սպառնացել էր» դա անել և արեց: Ճիշտ է, դա ներկայացվեց՝ որպես «Էրեբունի վարչական շրջանում ծանոթացել է թիվ 6 հիմնական դպրոցի հիմնանորոգման աշխատանքներին» և «Նուբարաշեն վարչական շրջանում ծանոթացել է Հոգեկան առողջության պահպանման ազգային կենտրոնի վերակառուցման աշխատանքներին», սակայն Նիկոլ Փաշինյանի կողքից ձիգ կեցվածքով քայլող Տիգրան Ավինյանի ներկայությունն առավել քան խոսուն էր:
Այսօր Շենգավիթ համայնքում Երևանի ավագանում նախընտրական քարոզարշավին «Քաղաքացիական պայմանագիր» հարազատ կուսակցության թեկնածու Տիգրան Ավինյանին օգնելու համար նրան էր միացել ՀՀ Ազգային ժողովի (ԱԺ) նախագահ Ալեն Սիմոնյանը:
Երևանի առաջին ատյանի ընդհանուր իրավասության քաղաքացիական դատարանի Արաբկիրի նստավայրում այսօր շարունակվում է «Տիգրան Ավինյանն ընդդեմ Դավիթ Սարգսյանի և «168 ժամի»» քաղաքացիական գործով նախնական դատական նիստը:
Երևանի ավագանու նախընտրական քարոզարշավը գնալով թափ է հավաքում։ Չնայած քաղաքապետի ՔՊ-ական թեկնածուն, ի դեմս փաստացի «քաղաքապետ» Տիգրան Ավինյանի, այն շատ վաղուց էր սկսել՝ պետական ու վարչական ամբողջ ռեսուրսը ծառայեցնելով դրան։ Այսօր էլ շարունակում է նույնը անել։ Գտնվելով արձակուրդում՝ այս ու այն կողմ հանձնարարականներ է իջեցնում, համատարած խոստումներ է շռայլում։ Նախկին խոստումները մոռացել են, նորերից են […]
Իշխանության սոցիալական հենարանը կազմում են այն շերտերը, որոնք հայրենիք, ինքնություն, Արցախ, արժանապատվություն և այլ ոչ ստամոքսային մատերիաներին վերաբերվում են ալենսիմոնյանաբար: Այդ խավերի տրամադրությունները, հաշտվողականությունն ու անտարբերությունը բոլոր հնարավոր միջոցներով գովազդվում է իշխանության քարոզչամիջոցների, այդ թվում՝ հանրային լրատվամիջոցների կողմից, և ստեղծվում է կեղծ տպավորություն, թե մեր հասարակությունն ամբողջությամբ բաղկացած է Նիկոլ Փաշինյանի ջանին մեռնող ու Ավինյանի ցավը տանող գոյացություններից:
Մեզ հասած տեղեկությունների համաձայն՝ Աշոտ Առուշանյանի՝ աշխատանքից ազատման պատճառը եղել է այն, որ վերջինս չի կիսել ՔՊ-ի կողմից ներկայումս վարվող քաղաքականությունը և հեռացել է՝ բավականին ծանր մեղադրանքներ հնչեցնելով երբեմնի թիմակիցների հասցեին:
«GALLUP International Association»-ի Հայաստանում լիիրավ անդամ Էմ Փի ՋԻ ՍՊԸ տնօրեն Արամ Նավասարդյանն այսօր լրագրողների հետ զրույցի ընթացքում ներկայացրեց Երևանի ավագանու ընտրությունների վերաբերյալ վերջին հարցումների արդյունքները:
Քննչական կոմիտեի (ՔԿ) նախագահ Արգիշտի Քյարամյանի համար իսկապես կարելի է ցավ ապրել: Երիտասարդ պաշտոնյայի ծառայամտությունը ցավալիորեն նորանոր բարձունքներ է նվաճում: Հասկանալի է, իհարկե, որ չլիներ 2018թ. բաղձալի հեղաշրջումն ու Նիկոլ Փաշինյանին հնազանդության երդում տալու ճակատագրական դիպվածը, Արգիշտի Քյարամյանը միգուցե այդպես էլ չէր հայտնվի իր բաղձալի աթոռին, բայց ամեն դեպքում ամեն ինչ պետք է սահման ունենա: ՔԿ նախագահի դեպքում կարծես թե չունի, այլապես վերջինս կգիտակցեր իր պաշտոնի կարևորությունն ու իր դիրքը և, օրինակ, մարդ չէր խոշտանգի ու Ազգային անվտանգության ծառայության (ԱԱԾ) տեսադաշտում չէր հայտնվի:
Փորձենք հիշել՝ Տիգրան Ավինյանի երդման տեքստի զիլ խոստումներից այդ ո՞ր մեկն է իրագործվել։ «Բարեխղճորեն կատարել ժողովրդի առջև ունեցած պարտականությունները»․ իրականում՝ համավարակի պարետ լինելով և կատարյալ ամենաթողություն ստեղծելով՝ մոտ 9000 մարդու խլված կյանք։ «Պահպանել Սահմանադրությունն ու օրենքները»․ իրականում՝ կոպտորեն ոտնահարել ոչ միայն դրանք, այլև անգամ Անկախության հռչակագիրը։
«Մայր Հայաստան» դաշինքի առաջնորդ Անդրանիկ Թևանյանը Մալաթիա-Սեբաստիա վարչական շրջանում բնակիչների հետ հանդիպման ընթացքում նկատեց, որ Նիկոլ Փաշինյանի «Քաղաքացիական պայմանագիր» կուսակցության այդ տարածքի գրասենյակի առջև թմրամիջոցների օգտագործման հետքեր կան։ Նա մոտեցավ ոստիկաններին ու հայտնեց իր մտահոգությունը։
Տիգրան Ավինյանն ինքնամոռաց քարոզարշավ է անում Երևանի բակերում: Ամեն ինչ՝ ըստ պլանի՝ նույն դեմքերը, «մեռնեմ բոյիդ», «ցավդ տանեմ», «գոհ ենք», «ապրեք» ոճի սիրո ցույցերը, բնակիչ ներկայացող կանայք, որոնց ոչ ոք տվյալ տարածքում չի ճանաչում. անցել ենք, գիտենք:
Խնդիրը կարգախոսի պարզամտությունն ու պարզունակությունը չէ, ոչ էլ այն, որ քաղաքապետի աշխատանքը դրանով հավասարեցվում է մոտավորապես կաֆելագործի կամ ավելի հին մասնագիտության տեր չմերժողների՝ ցանկացած պատվեր կատարելու պատրաստակամությանը, որը կարող էր արտահայտվել նաև «Փողին մուննաթ» գռեհկաբանությամբ:
«Ամեն դեպքում, պետք է հաշվի առնենք, որ Երևանի ընտրություններն իրենց բնույթով չեն կարող լինել զուտ համայնքային ընտրություններ, որովհետև Երևանը ՀՀ քաղաքական ուղեղն ու սիրտն է, քաղաքական թրենդներն այստեղ են ձևավորվում, և ես կարծում եմ՝ այստեղ հաջողության կարող են հասնել այն քաղաքական մասնակիցները, որոնք կներկայանան քաղաքական և քաղաքային ծրագրերի հիբրիդով»,- նշեց Վիգեն Հակոբյանը:
Երևանի ավագանու առաջիկա ընտրությունը Երևանի կառավարման ղեկը ստանձնելու քվեարկություն չէ, այն հանրաքվե է Արցախի հայկականության հարցով, որի ելքը պիտի լինի դավաճանախմբին նախ առնվազն Երևանի կառավարումից մեկուսացնելը։ ՔՊ-ի և Տիգրան Ավինյանի հաջողությունն այս ընտրություններում նշանակելու է մեկ բան՝ ավարտին հասցնել Արցախի հանձնումը և անցնել արդեն Սյունիքի ու մյուս մարզերի հանձնմանը։
«Այս պահին ունեմ չմասնակցելու որոշում, եթե ֆորսմաժորային իրավիճակ չլինի այս մի քանի օրերին, ամենայն հավանականությամբ, որքան էլ դա ինձ համար ցավալի է, ես երևի թե չեմ մասնակցի այս ընտրություններին: Իմ դիրքորոշումը պայմանավորված է նրանով, որ առնվազն մաքուր չեմ համարում քաղաքական դաշտը: Երկրորդ՝ ավագանու մանդատն ամենևին այն չէ, ինչին ես ձգտում եմ, որովհետև ես շուրջ 7 տարի աշխատել եմ այդ դահլիճում, տվել եմ իմ առավելագույնը, չեմ ասում, որ սպառել եմ ինձ, բայց այնուամենայնիվ, այս պահին որոշում ունեմ չմասնակցելու»։
Այսօր՝ հուլիսի վերջին, արդեն չափազանց դժվար է կանխատեսել՝ ի՞նչ իրավիճակ կլինի Արցախում մեկ ամիս անց, Աստված մի արասցե՝ արցախահայերից քանի՞սը կարող է մահացած լինել սովամահությունից այդ ժամանակ։ Եվ այս պայմաններում ազդարարել մեկշաբաթյա պարի փառատոնի մասին՝ համապատասխան ուրախ ներկայացումներով, բանկետներով ու ֆուրշետներով, երևի վերջում էլ՝ հրավառությամբ, մեղմ ասած, վիրավորանք ու անարգանք է 120 հազար մեր հայրենակիցների նկատմամբ։
«Պրեսսինգ» հաղորդաշարում Սաթիկ Սեյրանյանի հյուրը քաղաքագետ Աղասի Ենոքյանն է։
«Պրեսսինգ» հաղորդաշարում Սաթիկ Սեյրանյանի հյուրը քաղաքական գիտությունների թեկնածու, դոցենտ, ԵՊՀ Եվրոպական ուսումնասիրությունների կենտրոնի տնօրեն Վլադիմիր Մարտիրոսյանն է։
Հրավիրված ասուլիսում լրագրողի հարցադրմանն ի պատասխան՝ Նիկոլ Փաշինյանը ներկայացրեց, թե ինչ քայլեր է ձեռնարկում Հայաստանը՝ Արցախում առկա հումանիտար ճգնաժամը մեղմելու համար։
Ճշտենք՝ ոչ թե դարձավ կամ առավել ևս՝ ընտրվեց, այլ նախկին փոխնախարարն ուղղակի նշանակվեց այդ պաշտոնին։ Թվում է, թե Մատենադարանը պետական կառավարման մարմին չէ, ինչպես Ազգային ժողովը, կառավարությունը, դատաիրավական համակարգը, որոնք անվերապահորեն պետք է քեզ ենթարկվեն, ինչպես մտածում է Հայաստանի վարչապետ կոչեցյալը։ Բայց ոչ, նա չի պատկերացնում, որ Հայաստանում կարող է լինել որևէ հիմնարկ, կազմակերպություն, կառույց, որն իրեն չենթարկվի։ Առայժմ նա ցինիկաբար իրեն է ենթարկեցնում պետական հաստատությունները՝ բուհեր, գիտահետազոտական, մշակութային հիմնարկներ և այլն։
Այդ իմաստով, որքան էլ առաջին հայացքից տարօրինակ հնչի, Երևանի ավագանու ընտրությունները կարևոր նշանակություն ունեն նաև Իլհամ Ալիևի համար, որին Նիկոլ Փաշինյանի իշխանության մանդատն անհրաժեշտ է իր թելադրած նվաստացուցիչ պայմաններով փաստաթուղթը ստորագրելու տեսանկյունից։
Այսօր «Իշխանազավթում տեղական ընտրություններով 2018-2023 թվականներին» թեմայով ասուլիս էր հրավիրել հասարակական-քաղաքական գործիչ Էդգար Ղազարյանը։ Նա ներկայացրեց ԿԸՀ գործունեությունն այս իշխանությունների տարիներին, ապա այս իշխանությունների օրոք կազմակերպված բոլոր ընտրություններում արձանագրեց «բռնաճնշումների և իշխանազավթման» ցցուն օրինակներ:
Լրագրողը չգիտի, թե ինչը հերքելու պահանջով է հայցը ներկայացվել, քանի որ հայցվոր կողմն ընդունում է փաստը, բայց վիրավորվում է գնահատողական դատողությունից:
«Տիգրան Ավինյանն ընդդեմ Դավիթ Սարգսյանի և «168 ժամի» քաղաքացիական գործով նախնական դատական նիստի https://168.am/2023/07/17/1901562.html հետաձգումից հետո 168.am-ի հետ զրույցում «168 ժամ» ՍՊԸ-ի ներկայացուցիչ, փաստաբան Արամազդ Կիվիրյանը շեշտեց՝ հայցապահանջը հստակ չէ, անհիմն է:
«Տպավորություն ունեմ, որ Տիգրան Ավինյանն ուղղակի այս պահին ջախջախվում է դատական նիստերի դահլիճում, և եթե նրա արժանապատվությունը ստորացվում է, ապա ստորացվում է պատասխանող կողմի հստակ փաստարկների արդյունքում»,- «Տիգրան Ավինյանն ընդդեմ Դավիթ Սարգսյանի և «168 ժամի» քաղաքացիական գործով նախնական դատական նիստի ընդմիջման ժամանակ 168.am-ի հետ զրույցում նշեց հանրային, քաղաքական գործիչ Էդգար Ղազարյանը:
Ումի՞ց են դրանք ստացվում և ինչի՞ համար։ Այս հարցերն են, որոնք պատասխան են պահանջում, բայց մնում են անպատասխան։
Մեծ հաշվով, Նիկոլ Փաշինյանի կողմից հիմա անցկացվող ցանկացած ընտրություն «Արցախը տանք՝ լավ ապրենք» անբարոյական թեզի ստուգատես է, հետևաբար ընդդիմությունը՝ հանրության հետ համարժեք աշխատանքի տեխնոլոգիաներով, կարող է տապալել արցախավաճառությունը Երևանում լեգիտիմացնելու ջանքերը։
«Մեզ պետք է մի սարք դնել, որը շինհրապարակին մոտ է լինելու: Շաբաթվա ընթացքում փոշու հետ կապված՝ սարքը թույլատրելի սահմանաչափից ավելի ցույց տվեց՝ վերջ, տուգանվում է: Սա պետք է լինի տրամաբանությունը: Էլ չընկնենք նայենք՝ ցանց ունի-չունի: Ոնց ուզում է՝ թող կազմակերպի»,- ասաց Տիգրան Ավինյանը:
