Ամերիկյան անօդաչու Anduril YFQ-44A կործանիչը ավարտել է առաջին փորձնական թռիչքը

Ամերիկյան Anduril Industries պաշտպանական կապալառուն (ինքնավար մարտական համակարգեր, կիբեռանվտանգություն, ռոբոտատեխնիկա, ԱԲ) ԱՄՆ ՌՕՈւ-ի հետ համատեղ մշակել եւ սկսել է փորձարկել կիսաինքնավար YFQ-44A կործանիչը, որը նախատեսված է ապագա հակամարտություններում օդում գերազանցություն նվաճելու համար, տեղեկացրել է «Տեխկուլտը»։ Հայեցակարգից մինչեւ առաջին փորձնական թռիչք պահանջվել է ընդամենը 556 օր։

YFQ-44A –ն մինչձայնային թռչող սարք է՝ 2 270 կիլոգրամ թռիչքային քաշով եւ նետաձեւ թեւով, ունի Williams FJ44-4M տուրբոպտուտակային շարժիչ։

Քանի որ ապագա պատերազմներում այն, հավանաբար, պետք է դիմակայի բնութագրերով հավասար հակառակորդին, նրան հաղթել YFQ-44A-ն կկարողանա ի հաշիվ մի քանի գործոնների՝ անօդաչու թռչող սարքի «հավատարիմ ուղղորդողի» հայեցակարգի, որն աշխատում է օդաչուավոր ավիացիայի հետ շաղկապված, բարձր ինքնավարության եւ դրոնների համեմատաբար ցածր արժեքի։

Ռազմական առաքելություններում նրա համար ուղղորդող կդառնան 5-րդ սերնդի F-22 կամ F-35 կործանիչները։ Ենթադրվում է նաեւ YFQ-44A-ի ինքնավար օգտագործում։

Ինքնավարության բարձրացումը ձեռք կբերվի մշակման փուլում գտնվող մարտական ավիացիոն համալիրի օգնությամբ՝ ծրագրային համակարգով, որը կարող է ինքնուրույն մշակել ստացված տեղեկությունը, նույնականացնել թիրախները, ինչպես նաեւ արդյունավետորեն կատարել հարվածային առաջադրանքներ ինքնավար ռեժիմում։

Ցածր գինը հնարավոր կդառնա ի հաշիվ արտադրական հզորությունների զարգացման, սարքավորումների միասնականացման, բաղադրիչների մատակարարումների շղթայի մշակման եւ անօդաչու թռչող սարքերի տարբերակների «մասնագիտացման»՝ կոնկրետ առաջադրանքների կատարման համար։