Հասարակություն

Նոտարների թեկնածուների որակավորման ստուգման թեստի առաջին փուլը անցկացվելու է 2012 թվական հոկտեմբերի 20-ին։

Վերջերս Ֆեյսբուքում է հայտնվել Վրաստանում Հայաստանի արտակարգ և լիազոր դեսպան Հովհաննես Մանուկյանի էջի գովազդը։ Շուրջ մեկ տարի գործող ֆեյսբուքյան էջն ունի 249 հավանող (Like)։

Սոնա Տռուզյանի փոխանցմամբ՝ դատախազություն ուղարկված գրությանը կից չեն ներկայացվել այն փաստաթղթերը, հիմքերը, որոնք վկայում են չարաշահումների մասին, ուստի ՀՀ գլխավոր դատախազությունն այսօր գրավոր դիմել է հանձնաժողովին խնդրելով տրամադրել դիտարկվող հարցին վերաբերող՝ հանձնաժողովում գտնվող փաստաթղթերը:

Ոչ ոք չգիտի, թե դեղերի ստեղծման վրա որքան գումար են ծախսում: Ընդհանրապես դեղի գինը որոշվում է այն հանգամանքով, թե որքան են մարդիկ պատրաստ վճարել դրա համար: Դեղերի շուկան ընդհանրապես դժվար է ճշգրիտ որոշել: Այս մասին 168.am-ի թղթակցի հետ զրույցում ասաց Մոսկվայի առաջին բժշկական համալսարանի պրոֆեսոր Վասիլի Վլասովը:

Աշտարակ քաղաքի բնակչուհի Նունե Մաղաքյանը «Մոր և մանկան առողջության պահպանման» գիտահետազոտական կենտրոնում ենթարկվել էր կիստայի հեռացման վիրահատության: Նունե Մաղաքյանի ներկայացուցիչ Տիգրան Աթանեսյանը պնդում է, որ վիրահատությունն այնուհետև ընդլայնվել է. բժիշկ Օկոևն, ըստ Տիգրան Աթանեսյանի, առանց կնոջը կամ նրա հարազատներին տեղյակ պահելու, հեռացրել է կնոջ արգանդն իր հավելումներով:

«Մենք պետք է ուշադրության կենտրոնում պահենք մեր երկու երկրների նախագահների հանձնարականների լիարժեք կատարման ընթացքը: Զուգահեռաբար, օրակարգում է պետության կողմից իրականացվող գնումների գործընթացի հանդեպ վերահսկողական մեխանիզմների ուժեղացման հարցը, քանի որ և՛ Ռուսաստանում, և՛ Հայաստանում, կան չարաշահումներ այդ բնագավառում: Որոշել ենք ավելի գործուն քայլեր իրականացնել և փորձի փոխանակմամբ նպաստել մեր վերահսկողական գործառույթների կատարելագործմանը»:

Հնարավոր չէ գերագնահատել այն հոգևոր և նյութական հարստությունը, որ ունենք Երուսաղեմում:

Տարօրինակ, բայց հաճելի բան է ուրիշի փող հաշվելը:

Երկու տարի առաջ Սպիտակ քաղաքի իմ տեսած տնակը նույն տեղում է: Իմ տեսած տնակում ապրող յոթ երեխաները նույն երեխաներն են: Իմ տեսած տնակում ապրող յոթ երեխաների մայրն իմ իմացած Նարինե Եղիազարյանն է:Ինձ արդեն ծանոթ Սպիտակ քաղաքի բազմազավակ մայր Նարինե Եղիազարյանն այսօր էլ խնդիրներից խոսելիս` աչքերը լցնում է: Երկու տարի առաջ տեսած արցունքոտ այդ աչքերը նույնն են: Երկու տարի առաջ երեխաների հայրը սարերում ուրիշների ոչխարներին էր պահում, որ յոթ երեխաների հացը հասցներ:

Տարիներ շարունակ «168 Ժամը» (168.am) լուսաբանում է սոցիալապես անապահով, աղքատության մեջ, կենսական ծանր պայմաններում ապրող մարդկանց կյանքը, ներկայացնում նրանց խնդիրները: Ցավոք, այսօր շատ-շատերն են ապրում նման պայմաններում` ոչ միայն աղքատության մեջ, այլև ապագայի նկատմամբ հավատի և հույսի բացակայությամբ:

ՀՀ գլխավոր դատախազությունում հոկտեմբերի 17-ին ստացվել է ՀՀ Տնտեսական մրցակցության պաշտպանության պետական հանձնաժողովի նախագահի ստորագրությամբ գրություն՝ պետական գնումների շրջանակներում բժշկական օգնություն և սպասարկում իրականացնող առողջապահական հաստատությունների կողմից՝ իրենց կարիքների համար դեղորայքի, բժշկական պարագաների և նյութերի ձեռքբերման գործընթացների ուսումնասիրության արդյունքների մասին:

ՀՀ վերաքննիչ քրեական դատարանում՝ դատավոր Գագիկ Ավետիսյանի նախագահությամբ, քաղաքացիներից առանձնապես խոշոր չափերի յուրացման գործով այսօրվա նիստը նորից տեղի չունեցավ ամբաստանյալ Սիմոն Աղազարյանի բացակայության պատճառով: Արդեն 4-րդ անգամ է, որ դատական նիստը հետաձգվում է ամբաստանյալի առողջության վատթարացման պատճառով:

Ռուսաստանի դաշնային վիճակագրական ծառայության «Росстат» հրապարակած տվյալներով , այս տարվա առաջին կեսին Ռուսաստանի քաղաքացիություն կամ կացության իրավունք է ստացել 159.000 մարդ:

Գնացեք գոնե գրականություն կարդացեք: Հո պաշտոնները զբաղեցնելով չի՞: Թուրն առնում են` առաջ են գնում, թե ո՞ւր պիտի գնաս, տղա՛ ջան: Այս ժողովրդին ո՞ւր ես տանում քո հետևից: Ասել եմ ու կասեմ, որ մեր երկիրը զարգացնելու են մասնագետները: Փողոցի տգետներն այստեղ տեղ չունեն:

Առանց բացառության, ցանկացած ցեղասպանություն ուղեկցվում է բնաջնջման ենթակա ժողովրդի ունեցվածքի թալանով:

Այսօր Կառավարության նիստում կառավարությունը հաստատել է վարորդական վկայական ունեցող, ինչպես նաև վարորդի թեկնածու համարվող անձանց բժշկական հավատարմագրման կարգը, այն հիվանդությունների ցանկը, որոնց դեպքում արգելվում է վարել տրանսպորտային միջոցը, Ճանապարհային ոստիկանության ծառայություն ներկայացվող բժշկական հավատարմագրման տեղեկանքի ձևը։

ՀՀ կառավարությանն առընթեր պետեկամուտների կոմիտեի նախագահի տեղակալի պաշտոնից Արտաշես Բեյբությանի ազատումը որևէ կապ չունի «ՍԱՍ գրուպի» սուպերմարկետներում իրականացված ստուգումների հետ: News.am-ի փոխանցմամբ` այս մասին այսօր լրագրողների հետ ճեպազրույցում ասել է ՊԵԿ նախագահ Գագիկ Խաչատրյանը: Իր երկու տեղակալների աշխատանքից ազատումը Գ. Խաչատրյանը մեկնաբանեց հետևյալ կերպ. «Որպեսզի ավելի թարմ, ավելի լավ աշխատող կադրերով համալրենք կառույցը»:

Հոկտեմբերի 17-ին ավտովթար է տեղի ունեցել Վայոց Ձորի մարզում: Ժամը 14:30-ի սահմաններում, Մեղրի-Երևան ավտոճանապարհի 146 կմ-ին, «Վան» խորովածանոցի մոտ, Իրան Հանրապետության քաղաքացի, 61-ամյա Ռաշիդ Ռախբինը վարելով «Վոլվո 75 A» մակնիշի բեռնատար ավտոմեքենան, դեպի Երևան ընթանալիս, աջ երթևեկելի մասից դուրս է եկել դեպի ձախ և կողաշրջվել:

«Զրուցել ենք շատ ազատ, անկաշկանդ թե’ ցմահ ազատազրկման դատապարտվածների, թե’ նախնական կալանքի վայրում և թե’ տարբեր ռեժիմների գաղութների կալանավորների հետ, լսել ենք իրենց առաջարկները: Այսինքն` հավաքագրել ենք այն ռացիոնալ առաջարկները, որոնք կարող են օրենսդրական փոփոխությունների հիմք դառնալ»,- ասել է Ն.Զոհրաբյանը: Նա նշել է նաև, որ այցելությունների ավարտից հետո փորձելու են ամփոփել և վերլուծել հավաքագրված տեղեկատվությունը, մասնավորապես, դժգոհությունները` կապված գերծանրաբեռնվածության, տեսակցությունների խնդիրների հետ:

Օգոստոսի 24-ին Գյումրու Սայաթ-Նովա և Ռուսթավելի փողոցների խաչմերուկում տեղի ունեցած վեճ-վիճաբանության և հնչած կրակոցների գործով նախաքննությունը շարունակվում է:

«Քննչական գործողությունների արդյունքում պարզվել է, որ հայտնի գործարար Մկրտիչ Խաչատրյանը վնասվածքներ է ստացել մի խումբ անձանց կողմից ծեծի ենթարկվելու հետևանքով: Քննության ընթացքում պարզվել է, որ Խաչատրյանին ծեծի են ենթարկել Ալբերտ Քարհանյանը, Վարդան և Վահրամ Գագիկի Գրիգորյանները»,- «Pastinfo.am»-ին հայտնել է ՊՆ քննչական ծառայության ավագ սպա Մերի Սարգսյանը:

Նոյեմբերի 20-ին ԱԺ-ում կազմակերպվելու են լսումներ, որտեղ քննարկվելու է Հայաստանի կալանավայրերի համապատասխանությունը ԵՄ և ԵԽ ԽՎ սահմանած չափորոշիչներին: Այս ծրագրի շրջանակներում պատգամավորները արդեն այցելել են ցմահ դատապարտյալներին, «Նուբարաշենի» խսիտ ռեժիմի գաղութ:

«Հարսնաքարի» գործով այսօր դատարանը որոշեց Տիգրան Եգորյանի միջնորդության քննարկումը հետաձգել` մինչ որոշում կայացնելու համար էական հանգամանքների պարզումը:

«Չգիտեմ, թե ում վրա է դրված եղել պատասխանատվությունը, ուստի կդժվարանամ հայտարարություն անել, թե ով է իրականում կրում պատասխանատվություն, բայց ասում եմ, որ պատասխանատվությունը կրում է նա, ում վրա դրված է եղել այդ գործառույթները իրականացնելը, կազմակերպելը»:

«Հարսնաքարի» գործով մեղադրյալների պաշտպաններն այսօր դատական նիստի ընթացքում հայտարարեցին, թե Վահե Ավետյանի իրավահաջորդի շահերի պաշտպան Տիգրան Եգորյանի ներկայացրած միջնորդությունների մեծ մասը պետք է մերժել: Արման Բաղդասարյանի պաշտպան Միհրան Պողոսյանը նշեց, որ ինքը միանում է Տիգրան Եգորյանի այն միջնորդությանը, համաձայն որի՝ անհրաժեշտ է ներկայացնել կենսաբանական, մասնիկաբանական փորձաքննություն: Այժմ դատարանը հեռացել է խորհրդակցական սենյակ` միջնորդության մասին որոշում կայացնելու համար:

«Այս ծրագրի միջոցով երեխաները բացահայտում են հին և նոր Երևանը և ստեղծում իրենց «երազած Երևանի» պատկերը»,- ասում է Գաֆէսճեան արվեստի կենտրոնի տնօրենի ժամանակավոր պաշտոնակատար Վահագն Մարաբյանը:

«Սննդամթերի գները կբարձրանան»,- այս մասին այսօր լրագրողների հետ հանդիպման ժամանակ ասաց Forex Club-ի վերլուծաբան Միքայել Վերդյանը: Նրա պնդմամբ, համաշխարհային շուկայում կա պարենային մթերքի գների զգալի աճ, ինչն, անշուշտ, անդրադառնում է Հայաստանի վրա: «Համաշխարհային շուկայում ցորենի գներն աճել են 29.85 տոկոսով, այս պահին այն կազմում է մեկ բուշելի դիմաց 8.47 դոլար»:

ՀՀ Կառավարությունը իր վաղվա նիստում քննարկելու է վարորդական իրավունք ունեցող, ինչպես նաև վարորդի թեկնածու համարվող անձանց բժշկական հավատարմագրման իրականացման կարգը, բժշկական հավատարմագրման տեղեկանքի ձևը և այն հիվանդությունների ցանկը, որոնց դեպքում արգելվում է վարել տրանսպորտային միջոց։

Այսօր դատարանում քննարկվում է Վահե Ավետյանի իրավահաջորդի շահերի պաշտպան Տիգրան Եգորյանի կողմից նախորդ դատական նիստում ներկայացված միջնորդությունները: Մեղադրյալների պաշտպանները դատարանում հայտարարել են, որ պետք է Եգորյանի միջնորդությունների կեսը մերժել, իսկ մյուս մասն էլ հետաձգել: Այս պահին մեղադրյալների փաստաբանները 30 րոպե ժամանակ են խնդրել դատարանից, որպեսզի հստակեցնեն իրենց տեսակետը:

Երևանի Կենտրոն և Նորք Մարաշ վարչական շրջանների դատարանը՝ դատավոր Գագիկ Պողոսյանի նախագահությամբ այսօր «փուչիկների» գործով միակ ամբաստանյալ Սերոբ Բոզոյանին դատապարտել է մեկ տարվա ազատազրկման: