Առողջապահության նախարարությունում «կադրային ջարդ» դեռևս չի լինի (տեսանյութ)
ՀՀ առողջապահության նորանշանակ նախարար Արմեն Մուրադյանն այսօր կառավարության նիստից հետո լրագրողների հետ ճեպազրույցում հայտարարեց, որ դեռևս «կադրային ջարդ» չի լինի:
«Որևիցե կադրային մեծ փոփոխությունների չեմ պատրաստվում, մինչև ծրագերը պատրաստ չլինեն»,- ասաց նախարարը:
Ա.Մուրադյանը հրաժարվեց պատասխանել, թե ըստ իրեն ինչ խնդիրներ են, որ շուտափույթ լուծման կարիք ունեն և խնդրեց իրեն հասանելիք լռության 100 օրից հետո միայն ծրագրային հարցեր տալ:
Հարցին՝ առողջապահության նախարարի պաշտոնը ստանձնելու առաջարկն ո՞ւմից է եղել, Ա. Մուրադյանը պատասխանեց. «Երկրի ղեկավարության՝ նախագահի և վարչապետի կողմից»:
Մանրամասները՝ տեսանյութում
