Քաղաքականություն

Պարբերաբար իրականացվող բարձրաստիճան փոխայցերը շարունակում են նպաստել կողմերի միջեւ քաղաքական կանոնավոր երկխոսության ձեւավորմանը: Առավել հաճախակի են փոխայցերը արտգործնախարարների մակարդակով, պարբերաբար անցկացվում են քաղաքական խորհրդակցություններ:

Պենտագոնի ղեկավար Էշթոն Քարտերը քննադատել է ԴԱԻՇ-ի դեմ Մերձավոր արևելքում գործող կոալիցիայի մնացած մասնակիցներին, հայտնում է BBC-ն:

Եղանակի տեսության տվյալների համաձայն, Վաշինգտոնում և մոտակա նահանգներում ընթացիկ երեք օրերի ընթացքում 30-90 սանտիմետր ձյան տեղումներ են սպասվում: Տարածաշրջանի բնակիչները նաև նախազգուշացվել են ուժեղ և գուցե կործանիչ քամիների, զգալի սառցակալման և ափամերձ տարածքների ջրհեղեղների մասին:

ՄԱԿ-ի գլխավոր քարտուղար Պան Գի Մունը տեղեկացրել է ՄԱԿ-ի գլխավոր ասամբլեային, որ կազմակերպության 15 անդամ-երկրները չեն վճարել անդամակցության վճարը ու ներկայում կարող են ՄԱԿ-ում քվեարկել միայն բացառիկ դեպքերում, հայտնում է BBC-ի ռուսական ծառայությունը:

Վրաստանի վարչապետ Գեորգի Կվիրիկաշվիլին վտանգավոր չի համարում ազգային արժույթի արժեզրկումը: Նրա խոսքով՝ իշխանությունը լավատեսորեն է տրամադրված ու երկարաժամկետ հեռանկարում ոչ մի բացասական բան չի նկատում այն բանում, որ այսօր լարին արժեզրկվում է, հայտնում է «Գրուզիա օնլայնը»:

Չինաստանի նախագահ Սի Ցզինպինը կարճատև գործնական ուղևորության շրջանակում ժամանել է Թեհրան, որն ուղղված է Մերձավոր արևելքի հետ տնտեսական կապերի ամրապնդմանը, հայտնում է BBC-ի ռուսական ծառայությունը:

Ադրբեջանի արտաքին առևտրաշրջանառությունը Եվրամիության հետ տարեկան համեմատությամբ կրճատվել է 33,9%-ով ու 2015թ. կազմել 9 695 միլիոն դոլար, հայտնում է Ադրբեջանի պետական մաքսային կոմիտեն:

Վրացական «Միացյալ ազգային շարժում» կուսակցությունը կոչ է արել Վրաստանի նախագահ Գեորգի Մարգվելաշվիլիին հրավիրել Ազգային անվտանգության խորհրդի հատուկ նիստ՝ քննարկելու «Գապրոմի» հետ բանակցությունների հարցը, հայտնում է «Գրուզիա օնլայնը»:

Նվազագույնը 9 մարդ է զոհվել ԱՄՆ-ի արևելյան հատվածում ավտովթարների հետևանքով, որոնց պատճառը եղել է ձնաբուքն ու մերկասառույցը, հայտնում է Associated Press-ը:

Կանադայի Սասկաչևան նահանգի միջնակարգ դպրոցում տեղի ունեցած հրաձգության հետևանքով, համաձայն ոստիկանության տեղեկությունների, զոհվել է 4 մարդ: Ավելի վաղ Կանադայի վարչապետ Ջասթին Տրյուդոն հայտնել էր 4 զոհի մասին, հայտնում է BBC-ն:

ԱՄՆ երկրաբանական ծառայությունը տեղեկացնում է, որ Իրանի հարավում տեղի է ունեցել 5,4 մագնիտուդ հզորությամբ երկրաշարժ:

Թուրքիայում՝ Ֆեթհիե հանգստավայրի նավահանգստում, այրվել է Princess 95 զբոսանավը, հայտնում է Daily Mail-ը:

Հաշվի առնելով այն հանգամանքը, որ Ռուսաստանից Հայաստան ներկրվող «ամենավարակված» ու բացիլակիր ապրանքը ռուսական քարոզչությունն է, կարելի է արգելել ռուսական հեռուստաընկերությունների հեռարձակումը: Ժամանակավորապես, իհարկե, ինչպես «Ռոսսելխոզնադզորը»՝ հայկական գյուղմթերքների դեպքում: Մինչև անցնի «դաբաղը»:

Նավակներից մեկը շրջվել է հունական Կալոլիմնոս կղզու ափամերձ հատվածում՝ խեղդվել է 34 մարդ, այդ թվում՝ 11 երեխա:

Ուկրաինայում հունվարի 21-ի դրությամբ գրիպից մահացել է 72 մարդ: Այս մասին հայտարարել է Ուկրաինայի առողջապահության նախարարի տեղակալ Իգոր Պերեգինեցը:

Ադրբեջանի Կենտրոնական բանկի տրամադրության տակ գտնվող արժութային պահուստների ծավալը 2016 թվականի հունվարի 1-ի դրությամբ կազմել է 5 միլիարդ 16,7 միլիոն դոլար, ինչը 8 մլրդ 741,6 մլն դոլարով կամ 2,74 անգամ պակաս է նախորդ տարվա նույն ժամանակահատվածի համեմատ, հայտնում է APA գործակալությունը:

Պենտագոնի ղեկավար Էշթոն Քարտերը հայտարարել է, որ ԴԱԻՇ-ի դեմ պայքարի միջազգային կոալիցիան պետք է զինյալներից ազատագրի Իրաքի Մոսուլ ու Ռաքքա քաղաքները, հայտնում է Reuters-ը:

Երդվյալ ատենակալների դատարանը ԱՄՆ Օկլահոմա նահանգի նախկին սպային դատապարտել է 263 տարվա ազատազրկման բռնաբարությունների մեղադրանքով, հայտնում է Associated Press-ը:

«Նոր Հայաստան» հանրային փրկության ճակատի շտաբի քաղխորհրդի անդամ, «Ժառանգություն» կուսակցության նախագահ Րաֆֆի Հովհաննիսյանը կոչ է անում Հայկ Կյուրեղյանին, Գևորգ Սաֆարյանին և Շանթ Հարությունյանին անհապաղ դուրս գալ հացադուլից, քանի որ «նրանք պետք են ազատ Հայաստանի պայքարին»: Քիչ առաջ Ազատության հրապարակում «Նոր Հայաստան» հանրային փրկության ճակատի հրավիրած ասուլիս-քննարկման ժամանակ Ր. Հովհաննիսյանը հայտարարեց, որ քաղաքացիներին մնում է ոչ թե «սահմանադրության հավատարմության պայքար, այլ հակաահաբեկչության պայքար նրանց նկատմամբ, ովքեր կեղծում են ժողովրդի ձայնը, որոնք ահաբեկում են հայ ժողովրդին»:

Կրեմլում հերքել են ԶԼՄ-ների տեղեկություններն այն մասին, թե ՌԴ նախագահ Վլադիմիր Պուտինն առաջարկել է Սիրիայի նախագահ Բաշար Ասադին հեռանալ իր պաշտոնից: Ավելի վաղ այդ մասին հայտնել էր Financial Times-ը:

Ռուսաստանի նախագահ Վլադիմիր Պուտինը խնդրել է Սիրիայի նախագահ Բաշար Ասադին հեռանալ իր իր պաշտոնից, գրում է Financial Times թերթը:

Տաջիկստանի խորհրդարանը հունվարի 22-ին հավանության է արժանացրել երկրի Սահմանադրության փոփոխությունները, որը թույլ է տալիս երկրի նախագահ Էմոմալի Ռահմոնին ընտրվել անսահմանափակ քանակությամբ, հայտնում է «Ազատություն» ռադիոկայանը:

Թուրքիայի Դիարբեքիր նահանգի վարժարաններից մեկում պայթյուն է որոտացել, հայտնում է Hurriyet թերթը:

Մենք հասկանում ենք, որ Եվրոպայի Խորհրդի Խորհրդարանական վեհաժողովը (ԵԽԽՎ) մոտ ապագայում կարող է քննարկել հակամարտության վերաբերյալ բանաձևերը, ուստի և հիշեցնում ենք ԵԽԽՎ-ին, ինչպես նաև մյուս տարածաշրջանային ու միջազգային կազմակերպություններին, որ Մինսկի խումբը շարունակում է մնալ միակ ընդունված ձևաչափը բանակցությունների համար:

ԱՄՆ պետքարտուղար Ջոն Քերին հայտարարել է, ոչ մոտակա ամիսներին, հնարավոր է, որ կյանքի կոչվեն Մինսկի համաձայնագրերն ու չեղյալ հայտարարվեն Ռուսաստանի դեմ պատժամիջոցները, հայտնում է RIA Novosti-ն:

Ռուսաստանը պատրաստվում է ավիաբազա կառուցել Սիրիայի հյուսիս-արևելքում: Այս մասին հայտնել է Fox News-ը՝ հղում կատարելով ամերիկացի պաշտոնյային, ով չի ցանկացել հրապարակել իր անունը:

«ԵՄ-ն ամբողջությամբ աջակցում է ԵԱՀԿ ՄԽ ջանքերին ԼՂ հակամարտության խաղաղ կարգավորման ուղղությամբ»,- այս մասին այսօր լրագրողների հետ զրույցում ասաց ՀՀ-ում ԵՄ պատվիրակության ղեկավար, դեսպան Պյոտր Սվիտալսկին:

Սույն թվականի հունվարի 22-ին, տեղական ժամանակով ժամը 14.42-ին (Գրինվիչի ժամանակով` 10.42-ին) ՀՀ ՏԿԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է 3.8 մագնիտուդով երկրաշարժ, որի էպիկենտրոնը գտնվում է Ադրբեջանի տարածքում:

Մեծ Բրիտանիայի փոխծովակալ Ջոն Ուիլը թույլատրելի է համարում Սիրիայում ԴԱԻՇ-ի դեմ «Թրայդենտ» համակարգի բալիստիկ հրթիռների օգտագործումը, որը ի վիճակի է կրել միջուկային լիցք ավելի քան 11 հազար կիլոմետր հեռահարությամբ:

Հարցին, թե ինչպե՞ս կմեկնաբանի ԱԺ «Ժառանգություն» խմբակցության պատգամավոր Զարուհի Փոստանջյանի այն խոսքերը, թե ՀՀԿ-ին գործիքներ են պետք, որ ավյուն ու նոր լիցքեր ստանա իր հանցավոր խմբակը պահպանելու համար, Գ. Մելիքյանը պատասխանեց, որ վաղուց չի ցանկանում մեկնաբանել ընդդիմադիր իր գործընկերուհու ասածը, «քանի որ նրա խոսքերն իրականությունից հեռու են».