Երևանում Ռուս հայրենակիցների համակարգման խորհրդին կից ստեղծվել է «Ընտրողի ակումբ»:
Սիրիայի արտաքին գործերի նախարարությունը նոր հայտարարություն է տարածել, որում Թուրքիայի կողմից սիրիական Աֆրինում քրդերի դեմ սկսված ռազմական գործողությունը որակել է, որպես օկուպացիա:
Քրդստանի աշխատավորական կուսակցության (PKK) զինյալները Թուրքիայի Հաքքարի նահանգում փետրվարի 1-ին իրականացրել են թուրքական ԶՈւ-ի վրա երկրորդ հարձակումը:
Թուրքական զինված ուժերը F-16 կործանիչներով հրթիռակոծել են սիրիական Աֆրինը, ինչի հետևանքով տուժել են նաև իրանցի լրագրողներ:
Ռուսաստանի Դաշնության իրավապահ մարմինները միջազգային հետախուզում են հայտարարել Ադրբեջանի 27-ամյա քաղաքացի Անար Մուրադլիի նկատմամբ, ով մեղադրվում է անօրինական զինված խմբերի անդամակցելու մեջ:
«Ավելի վատ բան, քան կառավարությանը կից, վարչապետին կից ակումբներ ունենալն է, չի կարող լինել։ Ես որևէ քաղաքակիրթ և ոչ քաղաքակիրթ երկրում այդպիսի բան չեմ տեսել»։
Ադրբեջանում ավելի քան 1 միլիոն մարդ համարվում է թալասեմիայի կրող: Ինչպես հաղորդում է ադրբեջանական ԱՊԱ գործակալությունը, այս մասին հայտնել է թալասեմիայի հանրապետական կենտրոնի տնօրեն Վալեհ Հուսեյնովը:
Ուկրաինայի արեւելքում շարունակվող հակամարտությունը Եվրոպայում ամենաարյունահեղներից մեկն է դարձել Երկրորդ համաշխարհային պատերազմից հետո:
Առնվազն 104 խաղաղ բնակիչներ են զոհվել, եւս 156 մարդ վերքեր ստացել Աֆրինում Թուրքիայի զինված ուժերի «Ձիթենու ճյուղ» գործողության սկսվելուց ի վեր:
«Թուրքիան մշտապես հայտարարում է, որ դեմ է մի երկրի կողմից մյուսի հանդեպ սահմանված պատժամիջոցներին, և նախկինում էլ հայտարարել է, որ չի միացել Իրանի և ՌԴ-ի դեմ սահմանված արևմտյան պատժամիջոցներին, թեպետ զիջումների էր գնացել, կրճատել էր Իրանից նավթի ներմուծումը»,- այսօր Միջազգային և անվտանգության հարցերի հայկական ինստիտուտում կազմակերպված քննարկման ժամանակ այս մասին ասաց ՄԱՀՀԻ ասոցիացված փորձագետ, թուրքագետ Հայկ Գաբրիելյանը՝ ընդգծելով, որ Թուրքիան հայտարարում է, թե իր համար ընդունելի տարբերակը միայն ՄԱԿ-ի կողմից սահմանված պատժամիջոցներն են։
«Ես մեղավորներ փնտրելու պարզունակ ցանկություն չունեմ, բայց առիթը բաց չեմ թողնելու՝ ասել, որ առայժմ ոչ թե Սահմանադրության մակարդակով, այլ պրակտիկորեն կենսագործված չէ խորհրդարանական պետություն գաղափարը»:
Եվրամիությունը փետրվարի 1-ին անօրինական միգրացիային հակազդելու եւ մարդկանց փրկելու Themis նոր գործողություն է սկսել Միջերկրական ծովում, այն փոխարինելու է 2014 թվականից գործող «Տրիտոն» գործողությանը:
Իսրայելը կտրականապես դեմ է Լեհաստանի խորհրդարանի վերին պալատի որոշմանը, որն անցած գիշեր հաստատել է այն օրինագիծը, որը քրեականացնում է Երկրորդ համաշխարհային պատերազմի ժամանակների հանցագործություններին, ներառյալ հրեաների ցեղասպանությանը լեհերի մեղսակցության վերաբերյալ տեսակետները:
Ռուսաստանի արտաքին գործերի նախարար Սերգեյ Լավրովն ակնկալում է, որ այն քայլերը, որոնց շուրջ համաձայնության են եկել Հայաստանի և Ադրբեջանի արտգործնախարարները և որին ակտիվորեն աջակցում են Մինսկի խմբի համանախագահները և ԵԱՀԿ ներկայացուցիչները, կյանքի կկոչվեն:
Սաֆարյանը նշեց, որ հետազոտության մեջ կոնկրետ դիտարկվել են հատկապես այն ընկերությունները, որոնք Հայաստանում նույնպես ունեն լայնամասշտաբ ծրագիր, կամ ունեն ներկայացվածություն և ազդում են Հայաստանի վրա:
«ԱՄՆ-ը ռազմավարական վնասներ է հասցնում ՌԴ տնտեսությանը, նաև քրեաօլիգարխիկ համակարգին, որը ժառանգված է ԽՍՀՄ-ից և որոշակի կոսմետիկ փոփոխություններից հետո գործում է մինչ օրս։ Այդ հարվածները գնում են նաև քաղաքական համակարգին»:
Սիցիլիայում ավելի քան 20 մարդ են ձերբակալել մաֆիայի դեմ պայքարի շրջանակներում. նրանց թվում է խաղադրույքների եւ մոլախաղերի ոլորտում իտալացի խոշորագույն ձեռնարկատերերից մեկը։
ԵԱՀԿ-ում նախագահող Իտալիան Լեռնային Ղարաբաղի հակամարտության կարգավորման հարցում աջակցում է Մինսկի խմբի համանախագահների գործունեությանը:
Ռուսաստանը կարծում է, որ ԵԱՀԿ-ն կարող է Լեռնային Ղարաբաղի հակամարտությունում իրագործել այն պայմանավորվածությունները, որոնց շուրջ կողմերն ավելի վաղ համաձայնության էին եկել:
«Հայաստանը փորձում է իր հարաբերությունները Միացյալ Նահանգների և Ռուսաստանի հետ երբեք չխառնել: Հայաստանը շահերի համադրման գոտի է, ոչ թե՝ հակադրման»:
Թուրքիայի Հաքքարի նահանգում Քրդստանի աշխատավորական կուսակցության (PKK) զինյալները հարձակում են գործել Չուքուրջա շրջանում տեղակայված ռազմաբազայի վրա:
Անկախ նրանից՝ Սերժ Սարգսյանը կընտրվի՞ վարչապետ, թե՞ ոչ, ապրիլի 9-ից հետո ՀՀ վարչապետի նստավայրը լինելու է՝ Բաղրամյան 26, իսկ ՀՀ նախագահինը՝ Մաշտոցի 47 հասցեներում: Այս մասին այսօր կառավարության նիստից հետո լրագրողների հետ ճեպազրույցում հայտարարեց արդարադատության նախարար Դավիթ Հարությունյանը։
Մեծ Բրիտանիայի Լորդերի պալատի անդամ, միջազգային զարգացման հարցերի փոխնախարար Մայքլ Բեյթսը վշտացել էխորհրդարանի նիստից իր ուշանալու պատճառով, անկեղծ ներողություն է խնդրել եւ հրաժարական է տվել հենց ժողովի ժամանակ:
Ֆրանսիայի հայկական կազմակերպությունների համակարգող խորհրդի կազմակերպած ամենամյա ընթրիքին նախագահ Էմանուել Մակրոնի հայտարարությունը Հայոց ցեղասպանության մասին թուրք-ֆրանսիական հարաբերություններում նոր լարվածության պատճառ է դառնում:
Թբիլիսիի 35-րդ դպրոցի դանակահարված երկու աշակերտները շարունակում են մնալ Հանրապետական հիվանդանոցի վերակենդանացման բաժնում: Այս մասին «Interpressnews.ge»-ին հայտնել է բաժնի ղեկավար Թեա Թավարթքիլաձեն:
Դեռ պարզ չէ՝ «Ծառուկյան» դաշինքը երբ է հանդիպելու ՀՀ 4-րդ նախագահի թեկնածու Արմեն Սարգսյանի հետ: Այսօր լրագրողների հետ հանդիպման ժամանակ «Ծառուկյան» խմբակցության պատգամավոր Գևորգ Պետրոսյանը հայտնեց, որ իրենք դեռ չեն հանդիպել Ա. Սարգսյանի հետ, և հանդիպումը պետք է նախաձեռնի Ա. Սարգսյանը, ոչ թե իրենք:
Դանիայում սկանդալ է բորբոքվում երկրի վարչապետ Լարս Լյոկե Ռասմուսենի շուրջը, որը նվեր է ստացել իր ծանոթ նավատիրոջից, ինչը դանիական օրենքներով կարելի է դասակարգել որպես կաշառք:
Հայաստանի նախագահի անվտանգության վարչության նախկին աշխատակից Արշակ Ղազարյանը, որը եղել է ինչպես նախագահներ Լեւոն Տեր Պետրոսյանի եւ Ռոբերտ Քոչարյանի, այնպես էլ վարչապետ Արմեն Սարգսյանի թիկնապահը, մանրամասներ է պատմում Արմեն Սարգսյանի եւ Լեւոն Տեր-Պետրոսյանի հետ իր աշխատանքային տարիների մասին։
Ջերմաչափը չափազանց կարևոր սարք է յուրաքանչյուր ընտանիքում, հատկապես հիվանդության ակտիվ տարածման սեզոնում: Վերջերս մի ընկերություն առաջ է քաշել «Քինզա» անունով մի նոր տեսակի ջերմաչափ, որը մարդու ջերմությունը չափելու հետ մեկտեղ, տեղեկացնում է, թե որ շրջանում են այդ պահին տարածված հիվանդությունները:
Թաիլանդի իշխանությունները բռնագրավել են թագավորության նախկին վարչապետ (2011-ից մինչեւ 2014 թվականը) Յինգլակ Չինավաթի միլիոնավոր դոլարներ գնահատվող հաշիվներն ու ունեցվածքը, որը հայրենիքում հեռակա կարգով հինգ տարվա բանտարկության է դատապարտված անփութության համար:
