Նեթանյահուն կառավարության նիստ կհրավիրի Գազայում հրադադարի շուրջ համաձայնությունը վավերացնելու նպատակով
Իսրայելի կառավարությունը հոկտեմբերի 9-ին նիստ կգումարի՝ վավերացնելու Գազայում հակամարտության դադարեցման մասին համաձայնությունը։ Այս մասին հայտարարել է Իսրայելի վարչապետ Բենիամին Նեթանյահուն։
«Սա մեծ օր է Իսրայելի համար։ Հինգշաբթի ես կառավարության նիստ կգումարեմ, որպեսզի վավերացնենք համաձայնությունը և Գազայից տուն վերադարձնենք մեր գերիներին»,- ասել է վարչապետը։
Կառավարության գրասենյակի տարածած հաղորդագրության համաձայն՝ Նեթանյահուն շնորհակալություն է հայտնել Իսրայելի բանակին և անվտանգության ծառայությունների աշխատակիցներին կատարած աշխատանքի համար՝ բարձր գնահատելով նրանց քաջությունը։
Շնորհակալության խոսքեր են ուղղվել նաև ԱՄՆ նախագահ Դոնալդ Թրամփին, ով Գազայում խաղաղության հաստատման ծրագրի հեղինակն է։
