Տարածաշրջան

«Ղարաբաղյան հակամարտության կարգավորման ներկայիս փուլում, կարծում եմ, քննարկվում են իրավիճակային խնդիրներ»,- այս մասին 168․am-ի հետ զրույցում ասաց ռուս քաղաքագետ Ֆյոդոր Լուկիանովը՝ անդրադառնալով Ղարաբաղյան կարգավորման գործընթացին և Ադրբեջանում ԱԳՆ-ի դեմ իրականացվող գործողություններին։

Իրանի իշխանությունները հուլիսի 5-ից հասարակական վայրերում և հիմնարկներում դիմակների կրումը դարձնում են պարտադիր, իսկ առանց դիմակի այցելուներին կմերժեն ծառայություններ մատուցել:

«Ալիևը թույլ է տալիս, որ իր հետ խոսեն կոշտ, որովհետև ինքը հենց այդպես է խոսում: Առաջին անգամը չէ, որ նա Հայաստանի առաջին դեմքի մասին նման հայտարարություններ է անում, և առաջին անգամը չէ, որ ռազմատենչ հայտարարություններով է հանդես գալիս: Պետք է պատասխանել այնպես, ինչպես նրա հայտարարություններն են: Բանակցային սեղանի շուրջ բոլորովին այլ հարց է, սակայն, եթե Ալիևը ելույթ է ունենում իր հանրության առջև և փորձում է հանդես գալ հաղթող բանակցողի դիրքերից, ապա մենք պարզապես պարտավոր ենք նմանատիպ պատասխան հնչեցնել: Այլապես կդիտարկվի, որ մենք թույլ բանակցող ենք և պարտվողի դիրքերում ենք գտնվում»,- ընդգծեց նա:

Վրաստանը դեռ չի քննարկում կորոնավիրուսի համավարակի պայմաններում ցամաքային սահմանները բացելու վերաբերյալ հարցը:

Թուրքիայի նախագահ, իշխող «Արդարություն և զարգացում» կուսակցության (AKP-ԱԶԿ) ղեկավար Ռեջեփ Թայիփ Էրդողանը կրկին անդրադարձել է Ստամբուլյան կոնվենցիայի վերանայման անհրաժեշտությանը։ Այս մասին գրում է ermenihaber.am–ը։

Թուրքիայի պաշտպանության նախարար Խուլուսի Աքարը եւ երկրի զինված ուժերի գլխավոր շտաբի պետ Յաշար Գյուլերը չհայտարարված այցով ժամանել են Լիբիա:

Առնվազն տասը մարդ է տուժել հուլիսի 3-ին Թուրքիայի հյուսիս – արեւմուտքում գտնվող հրավառելիքների ֆաբրիկայում տեղի ունեցած պայթյունների հետեւանքով:

Կ. Պոլսի հունաց տիեզերական պատրիարք Բարդուղիմեոս Առաջինը քննադատել է Ստամբուլի պատմական կենտրոնում գտնվող բյուզանդական Սբ․ Սոֆիա (Այա Սոֆիա) տաճարը թանգարանից մզկիթի վերածելու թուրքական իշխանությունների նախաձեռնությունը։ Այս մասին տեղեկացնում է ermenihaber.am-ը:

«Հայաստանի և Ադրբեջանի միջև պարբերաբար կոնտակտները պետք է պահպանվեն նաև համավարակի պայմաններում,  ԵԱՀԿ Մինսկի խմբի համանախագահներն այս իրավիճակում դա են անել»,- այս մասին 168․am-ի հետ զրույցում ասաց ռուս ռազմական վերլուծաբան Վլադիմիր Եվսեևը՝ անդրադառնալով Մնացականյան-Մամեդյարով շփումների արդյունքներին։

Թեհրանն այն կարծիքին է, որ Վաշինգտոնի պատժամիջոցները Դամասկոսի նկատմամբ ապակառուցողական են, այսպես թե այնպես դրանք դատապարտված են ձախողման:

Թուրքիայի «Գորշ գայլեր» կազմակերպության քաղաքական թևը հանդիսացող «Ազգայնական շարժում» կուսակցություն գլխավոր քարտուղար Իսմեթ Բյույուքաթամանը անդրադարձել է Կ․ Պոլսի Հունաց Տիեզերական պատրիարք Բարդուղիմեոս Առաջինի՝ Սուրբ Սոֆիայի տաճարը մզկիթի վերածելու վերաբերյալ քննադատություններին։ Այս մասին տեղեկացնում է ermenihaber.am-ը:

ԱԺ «Իմ քայլը» խմբակցության պատգամավոր Տաթևիկ Հայրապետյանի կարծիքով՝ Ադրբեջանի նախագահ Ալիևի ելույթը չէր տարբերվում Սադամ Հուսեյնի կամ Քադաֆիի ելույթներից, որոնք ժողովրդավարության մասին խոսում էին՝ որպես չարիքի:

Մեկուկես ամսվա դադարից հետո ԵԱՀԿ Մինսկի խմբի համանախագահներն անցկացրին Մնացականյան-Մամեդյարով մոտավորապես մեկ ժամ տևողությամբ հերթական տեսակոնֆերանսը։ ԵԱՀԿ Մինսկի խմբի համանախագահները հայտարարություն են տարածել՝ նշելով, որ հանդիպումներ են ունեցել քննարկելու տարածաշրջանում հանրային առողջապահական իրավիճակը, Լեռնային Ղարաբաղի հակամարտության ներկայիս դինամիկան և խաղաղության գործընթացում նախատեսվող հաջորդ քայլերը:

Ուղիղ կապի մասին վերջին երկու տարվա ընթացքում տարբեր առիթներով խոսվել է: Դա չի ենթադրում առաջին դեմքերի կամ նույնիսկ պաշտպանական գերատեսչությունների առաջին դեմքերի միջև ուղիղ կապի ապահովում, խոսքը շատ ավելի ցածր օղակների կապի մասին է, որի «աշխատելու» մասին տարբեր պաշտոնյաներ ուղիղ կամ անուղղակի ձևով մինչև այս պահը հայտարարել են: Ես չեմ կարող ասել, թե այդ կապը որքան արդյունավետ է և ինչ նշանակություն ունի հրադադարի ռեժիմի պահպանման կամ ընդհանրապես հարաբերական խաղաղության ապահովման գործում, սակայն միջնորդները փաստեցին, որ այդ կապն առ այս պահը գործում է:

Ռուսաստանի, Իրանի եւ Թուրքիայի նախագահներ Վլադիմիր Պուտինը, Հասան Ռոուհանին եւ Թայիփ Էրդողանն սկսել են Սիրիայի շուրջ տեսագագաթնաժողովը. հեռարձակումն իրականացնում է Իրանի պետական հեռուստատեսությունը:

ԵԱՀԿ ՄԽ համանախագահները, ամփոփելով հունիսի 29-30-ին Հայաստանի եւ Ադրբեջանի ԱԳ նախարարների հետ առանձնաբար եւ համատեղ անցկացված տեսակոնֆերանսային հանդիպումները հանդես են եկել ամփոփիչ հայտարարությամբ, որտեղ նշված է, որ երկու նախարարները քննարկել են ռեգիոնում հանրային-առողջապահական վիճակը եւ Լեռնային Ղարաբաղյան հակամարտության կարգավորման խաղաղության պրոցեսի ընթացիկ դրությունն ու հետագա քայլերը։

Թուրքիայում ահաբեկչոությանն աջակցելու մեղադրանքով կալանավորվել և բանտ է ուղարկվել երիտասարդ կին իր երկու երեխաների հետ միասին։ Այս մասին տեղեկացնում է ermenihaber.am-ը:

«Այդ բառամթերքով, քարոզչական թեզերով և ընդհանուր գծի մեջ Ալիևը խոսում է անդընդհատ, և իրականում անհանգստացնում է, երբ սկսում է այդպես չխոսել, որովհետև կոնստանտ իր հոգեվիճակը այդ միլիտարիստական, հայատյաց և նման բառամթերքն է, որն ինքն օգտագործում է: Այստեղ հիմնական մեխը Հայաստանի և՛ ներկայիս, և՛ նախկին իշխանություններին կուտակված առարկությունները ներկայացնելն էր, և ստեղծվեց իրավիճակ, երբ Իլհամ Ալիևի հերթական հայտարարությունների շարքին հայկական կողմից եղավ արձագանք՝ երրորդ նախագահ Սերժ Սարգսյանից և վարչապետի խոսնակից: Նման հայտարարություններով Ալիևն ունի հստակ դրված նպատակ՝ փորձել ֆիքսել մեր թույլ կետերը, թե ինչն է մեր մեջ առաջացնում այն աստիճանի վրոդվմունք, որ մենք իրենց պատասխանենք: Այս վերջին իր հայտարարությանը, որն ամենասարսափելին չէ իր բովանդակությամբ, բայց երբ մենք արձագանքում ենք և սկսում իրար մեջ վիճել, ստացվում է՝ Ալիևն ինչ-որ չափով հասնում է իր նպատակին, այսինքն՝ ինքը ստիպում է, որ մեր ներքաղաքական դիսկուրսի մեջ ինքը դառնա ֆակտոր»,- 168TV-ի «Ռեվյու» հաղորդման ընթացքում ասաց նա:

168.am-ի հետ զրույցում Կարեն Հովհաննիսյանն ասաց, որ կառուցվելիք հոսպիտալը որևէ կապ չունի կորոնավիրուսի հետ, քանի որ հոսպիտալի կառուցման մասին խոսվել է դեռևս 2016 թվականին, սակայն շինարարության մեկնարկը տրվել է 2018 թվականին։

«Հակամարտող երկրներում առավելապես նկատում ենք ներքաղաքական պայքար, պայքար կորոնավիրուսի դեմ, տնտեսական խնդիրների հաղթահարում, և այլն, և կարծես կողմերը դադար են վերցրել»,- այս մասին մեզ հետ զրույցում ասաց բրիտանացի վերլուծաբան Նեյլ Մաքֆարլեյնը՝ անդրադառնալով ԼՂ հակամարտության կարգավորման գործընթացում նկատվող միտումներին։

Մեկնարկել է Հայաստանի Հանրապետության Արտաքին գործերի նախարար Զոհրաբ Մնացականյանի, Ադրբեջանի ԱԳ նախարար Էլմար Մամեդյարովի և ԵԱՀԿ Մինսկի խմբի համանախագահների մասնակցությամբ տեսակոնֆերանսը:

Ռուսաստանի, Թուրքիայի եւ Իրանի նախագահներ Վլադիմիր Պուտինը, Ռեջեփ Թայիփ Էրդողանը եւ Հասան Ռոուհանին հուլիսի 1-ին տեսակապի ռեժիմով կանցկացնեն Աստանայի ձեւաչափով գագաթնաժողով սիրիական խնդրի կարգավորման շուրջը:

Amad News նորությունների պորտալի ղեկավար Ռուհոլլա Զամը, որին կասկածում են օտարերկրյա հետախուզությունների հետ համագործակցության եւ հակակառավարական գործունեության մեջ, դատապարտվել է մահապատժի:

Գիտնական Սեդաթ Ուլուգանան պոլսահայ «Ակոս» թերթում ահազանգում է, որ հին Արճեշի հայկական այդ եկեղեցին հայտնվել է գանձագողերի թիրախում։ Նա պաշտպանության կոչ է անում և հավելում, որ եթե միջոցներ չձեռնարկվեն, ապա պատմական ևս մեկ ժառանգություն կոչնչանա։

Ադրբեջանի նախագահն օրերս հերթական հակահայ հայտարարությունն արեց՝ անդրադառնալով Հայաստանի նախորդ և ներկայիս իշխանություններին, որին հաջորդեց ՀՀ երրորդ նախագահ Սերժ Սարգսյանի պատասխանը, որ Ալիևի լեզուն երկարել է՝ ներսում մեր ապաշնորհ ու ապազգային վայ-կառավարիչների պատճառով: Նիկոլ Փաշինյանն էլ իր մամուլի խոսնակի միջոցով պատասխանեց ոչ թե Ալիևին, այլ, ըստ էության, Սերժ Սարգսյանին:

Եթե Ալիևին որոշ մարդիկ կիրթ են համարում, դա չի նշանակում, որ ինքն իրականում կիրթ է ու դա չի նշանակում եթե որոշները հիացած են իրենով ողջ հայ ազգն է հիացած։

Թուրքիայում ստեղծվել է Հայոց ցեղասպանության ժխտմամբ զբաղվող կառույց։ Չնայած նշվում է, որ այն գործելու է Կառավարությունից անկախ, սակայն Թուրքիայի նախագահ Ռեջեփ Էրդողանը կառույցին աշխատանքի անցնելու ցուցումներ է տվել և կոչ արել աշխատանքներն արագացնել և այն հասցնել ավարտուն տեսքի։

Օրերս Թուրքիայի նախագահ Ռեջեփ Թայիբ Էրդողանի նախագահությամբ կայացած խորհրդատվական բարձրագույն կոմիտեի նիստում որոշում է կայացվել ստեղծել հատուկ մարմին, որը պիտի զբաղվի Հայոց ցեղասպանության հերքմամբ։ Էրդողանի հրահանգավորմամբ՝ նոր կառույցը պետք է զբաղվի Հայոց ցեղասպանության թեմայով նոր մարտավարության մշակմամբ, ինչպես նաև միջազգային հարթակներում այդ թեմայի շուրջ տեղի ունեցող զարգացումներին պատասխան քայլեր կազմելու գործառույթով:

«TikTok» սոցիալական վիդեոցանցի թուրքական տիրույթում տարածվում է մի սկանդալային տեսանյութ, որում տղամարդը Վանա լճի Աղթամար կղզու հայկական Սուրբ Խաչ եկեղեցում ազան (մուսուլմանական աղոթքի` նամազի կանչ) է կանչում։ Այս մասին տեղեկացնում է ermenihaber.am-ը:

Թուրքիան պատրաստվում է վերակառուցել ավերված Անիի պատմական կամուրջը (Մետաքսի ճանապարհի կամուրջ), որը գտնվում է հայ-թուրքական սահմանին՝ Ախուրյան գետի վրա։ Այս մասին հայտնել է Թուրքիայի տրանսպորտի, ծովագնացության ու կապի  նախկին նախարար, այժմ Կարսից ընտրված խորհրդարանի պատգամավոր Ահմեթ Արսլանը։ Այս մասին գրում է ermenihaber.am–ը։