Նախօրեին Արցախի Հանրապետության Ազգային Ժողովում ընդգրկված խմբակցությունները համատեղ հայտարարություն են տարածել, որը վերաբերում է Եվրախորհրդարանում Հայաստանի և Ադրբեջանի հարցերով մշտական զեկուցողների և պատվիրակության ղեկավարի համաժամանակյա հայտարարությանը՝ Արցախը մայր Հայաստանին կապող նոր մայրուղու կառուցման վերաբերյալ։
Անկարայի հանրապետական գլխավոր դատախազության կողմից իրականացվող «քաղաքական և ռազմական լրտեսություն» գործով հետաքննության շրջանակներում հունիսի 8-ին բերման ենթարկված լրագրող Մյույեսեր Յըլդըզը կալանավորվել է, իսկ Իսմայիլ Դյուքելը ստորագրությամբ ազատ է արձակվել։ Այս մասին տեղեկացնում է ermenihaber.am-ը:
«Դա մեսիջ է Մինսկի խմբի համանախագահների և բանակցողների համար, նաև հոգեբանական ճնշման մեխանիզմ է կողմերի վրա: Եվ բացարձակ անտեսել ու ձևացնել, թե գոյություն չունեն նման հայտարարություններ, ուղղակի չի կարելի, որովհետև հայտարարություններից հետո գալու են զեկույցներ, զեկույցներից հետո՝ ռեզոլյուցիաները»,-168.am-ի հետ զրույցում նշեց Անժելա Էլիբեգովան:
Վրաստանը կօգնի Հայաստանին և վրացի բժիշկներ կգործուղի՝ կորոնավիրուսով պայմանավորված ճգնաժամը հաղթահարելու համար։ Այս մասին Վրաստանի վարչապետ Գիորգի Գախարիան հայտարարել է կառավարության նիստին։
Առողջապահության նախարար Արսեն Թորոսյանը հեռախոսազրույց է ունեցել Վրաստանի առողջապահության նախարար Եկատերինե Տիկարաձեի հետ:
2020 թ․ հունվարի 15-ին Թուրքիայի կառավարությունը նորոգեց խոշոր պայմանագիր Վաշինգտոնում գործող ամերիկյան «Գրինբերգ Թրաուրիգ» լոբբիստական ընկերության հետ, որի ընդհանուր արժեքը մեկ տարվա համար կազմում է 1 միլիոն 538 հազար դոլար և ավարտվում է 2020 թ․ դեկտեմբերի 31-ին։ «Գրինբերգ Թրաուրիգը» մի քանի տարի շարունակ լոբբինգ է իրականացնում Թուրքիայի կառավարության համար։ Պայմանագիրը ստորագրել են Միացյալ Նահանգներում Թուրքիայի դեսպան Սերդար Քիլիչը և Ռոբերտ Մանգասը՝ «Գրինբերգ Թրաուրիգի» անունից։
Նախօրեին անհանգստացնող փաստ է գրանցվել հայ-իրանական հարաբերություններում։ Ըստ իրանական մի շարք լրատվամիջոցների և որոշ աղբյուրների՝ մի խումբ ուսանողներ Թեհրանում համախմբվելով ՀՀ դեսպանատան դիմաց, արձագանքել են Իսրայելում դեսպանատուն բացելու՝ Հայաստանի կառավարության որոշմանը։ Ակցիայի մասնակիցներն այրել են Իսրայելի դրոշը՝ Հայաստանի իշխանություններին կոչ անելով վերանայել Իսրայելում դեսպանատուն բացելու որոշումը, որը պաշտոնապես շրջանառության մեջ դրվեց 2019 թվականի սեպտեմբեր ամսին։
Երեկ իրանական լրատվամիջոցները տեղեկացրին, որ մի խումբ իրանցի ուսանողներ բողոքի ցույց են իրականացրել Թեհրանում ՀՀ դեսպանության դիմաց՝ պահանջելով վերանայել Իսրայելում դեսպանություն բացելու Հայաստանի որոշումը:
Շուկաներում և թաղամասերում պարեկային հսկողություն իրականացնելու մասին օրենքի նախագծի քննարկման ժամանակ Թուրքիայի խորհրդարանում (մեջլիս) պատգամավորների մասնակցությամբ միջադեպ է տեղի ունեցել։ Այս մասին տեղեկացնում է ermenihaber.am-ը:
Միանգամից գամ վերջից: Եթե մեզ պարտադրվի ընտրություն Իրանի կամ ԱՄՆ/Իսրայելի միջև, մենք պետք է ընտրենք Իրանը: Սա կլինի ամենապրագմատիկ և միակ ճիշտ որոշումը:
Էգեյան ծովում ու Միջերկրական ծովի արևելքում Անկարայի ապօրինի գործողությունների պատճառով շարունակվում են լարված մնալ հարաբերությունները Թուրքիայի ու Հունաստանի միջև։ Այս մասին տեղեկացնում է ermenihaber.am-ը:
Թուրքիայի ներքին գործերի նախարար Սուլեյման Սոյլուն Twitter միկրոբլոգի իր պաշտոնական էջում տվյալներ է հրապարակել երկրում գրոհայինների թվի վերաբերյալ, որոնք պետք է սպանվեն թուրք ուժայինների կողմից։ Այս մասին տեղեկացնում է ermenihaber.am-ը:
Լիբանանում ակնկալելի էր, որ արտակարգ դրությունից դեպի կյանքի բնականոն հուն վերադարձին համընթաց վերստին աշխուժանային բողոքի գործողությունները: Համակողմանիորեն կա գիտակցություն, որ Լիբանանի դեպքում, ի տարբերություն աշխարհը հարվածած թագավարակի ստեղծած համատարած իրավիճակներին, խնդիրը ըստ էության այլ բնույթ ունի եւ կորոնավիրուսի ստեղծած տագնապից շատ ավելի առաջ արդեն ձեւ ու մարմին էր ստացել:
Թուրքական իշխանական «Yeni Akit» լրատվական կայքը, հղում անելով պետական Անադոլու գործակալության Բաքվի ներկայացուցչությանը, ներկայացրել է Բաթումի պայմանագրի 102 ամյակին նվիրված հոդված։
Կարծում եմ՝ Վրաստանի դեպքում քաղաքական սահմանափակումներ Հայաստանը չունի, և վարանել չի կարելի։ Վրացական խողովակով Հայաստանին կարող է աջակցություն հասնել նաև Արևմուտքից։ Սա չափազանց կարևոր եմ համարում ներկայումս մեր ողջ տարածաշրջանի, հատկապես՝ Հայաստանի համար, որն ունի փակ սահմաններ, կենսական նշանակություն ունի բոլոր երկրների համար տրանսպորտի, հաղորդակցության վերականգնումը, կարևոր է տնտեսության զարգացումը, տուրիզմը և այլն։
Իրանում կորոնավիրուսի հունիսի 5-ի վիճակագրական տվյալների համաձայն, նախորդ օրվա համեմատ, վարակակիրների թիվն ավելացել է 2 հազար 886-ով՝ դառնալով 167 հազար 156:
ԱԺ «Իմ քայլը» խմբակցության պատգամավոր Տաթևիկ Հայրապետյանի խոսքով՝ վերջին շրջանում ակտիվացել են Ադրբեջանից հնչեցվող պատերազմի կոչերը՝ երկրի նախագահի և պաշտպանության նախարարի կողմից:
Ռուսաստանի Դաշնությունից Ադրբեջան երկակի նշանակության ռազմական արտադրանք մատակարարելու համար կաշառքի գործով ՌԴ-ում պաշտոնյաներ են կալանավորվել:
2020 թ․ փետրվարի 13-ին «Հրեական մամուլ» շաբաթաթերթի (The Jewish Press) հոդվածը բացահայտել է Թուրքիայի կառավարության գործունեությունը՝ Երուսաղեմի հայկական և քրիստոնեական թաղամասերին տիրանալու մասին։ Լրագրող Բարուխ Յեդիդի հոդվածը կրում է՝ «Թուրքիան աշխատում է Երուսաղեմի Հին քաղաքի հայկական թաղամասին տիրանալու համար» խորագիրը:
Թուրքիայի մայրաքաղաք Անկարայում գտնվող Ռուսաստանի դեսպանատունը ռուս-թուրքական դիվանագիտական հարաբերությունների հաստատման 100-րդ հոբելյանի կապակցությամբ ներկայացրել է 1933թ. ԽՍՀՄ Ռազմածովային գործերի ժողկոմ, Պաշտպանության ժողովրդական կոմիսար Կլիմենտ Վորոշիլովի գլխավորած պատվիրակության Թուրքիա կատարած այցի վերաբերյալ այն ժամանակվա մամուլում տեղ գտած հրապարակումները։
Թուրքիայի գլխավոր ընդդիմադիր քեմալիստական «Ժողովրդահանրապետական» կուսակցության (CHP-ԺՀԿ) նախագահ Քեմալ Քըլըչդարօղլուն կրկին կոշտ քննադել է Էրդողանի իշխանությանը։
Վրաստանում կորոնավիրուսով վարակման դեպքերը վերջին 24 ժամում աճել են 2-ով: Այս ընթացքում ապաքինվել է ևս 10 պացիենտ. գրում է aliq.ge-ն: Փետրվարի 26-ից մինչև այսօր վարակման 796 դեպք է արձանագրվել, ապաքինման` 634:
Վատիկանում Հայաստանի նախկին դեսպան Միքայել Մինասյանի հրապարակած հերթական տեսանյութը նոր բացահայտման խնդրի առաջ դրեց իշխանությանն ու իրավապահներին։ Միքայել Մինասյանը խոսեց այնպիսի լուրջ խնդրի՝ զենքի ապօրինի վաճառքի մասին, որը արտաքին քաղաքականության մեջ Հայաստանի համար կարող է ստեղծել լուրջ գլխացավանք, ու տարօրինակ է, որ ՀՀ վարչապետը որևէ գործողություն չի ձեռնարկում՝ պարզաբանելու համար այն ամբողջ սխեման, որը նկարագրվում է։ Այսօր 168 TV-ի «Ռեվյու» հաղորդաշարի եթերում ասաց Պաշտպանության նախկին փոխնախարար Արտակ Զաքարյանը՝ նշելով, որ որպես փոխնախարար իր պաշտոնավարման ժամանակաշրջանում երբևէ չի լսել նմանատիպ սխեմայի մասին։
«Ռազմատենչ հռետորաբանությունը ոչ միշտ է ենթադրում պատերազմ վերսկսելու ցանկություն»,- այս մասին մեզ հետ զրույցում ասաց ռուս քաղաքական վերլուծաբան Ալեքսանդր Սկակովը՝ անդրադառնալով ԼՂ հակամարտության շուրջ ռազմական հռետորաբանության սաստկացմանը։
ԱԺ «Իմ քայլը» խմբակցության ղեկավար Լիլիթ Մակունցն այսօր ԱԺ ամբիոնից անդրադարձավ Ադրբեջանի ղեկավարության կողմից հնչեցված վերջին օրերի հայտարարություններին:
Վրացի քաղաքական վերլուծաբան Սոսո Ցինցաձեն մեզ հետ զրույցում նշեց, որ նախ՝ սա խորհրդանշական քայլ է այն անախորժությունից հետո, որը տեղի ունեցավ Հայաստանի և Վրաստանի համապատասխան գերատեսչությունների միջև, ինչը ցույց է տալիս Վրաստանի բացառիկ վերաբերմունքը հարևան Հայաստանի նկատմամբ։ Սա, վերլուծաբանի խոսքով, նշանակում է, որ «ներողությունն ընդունվել է», և Վրաստանը փորձում է վերջնականապես հարթել իրավիճակը։
ՀՀ ՊՆ խոսնակ Շուծան Ստեփանյանը ֆեյսբուքյան իր էջում գրում է. «#ԿԱՐԵՎՈՐ Ադրբեջանի պաշտպանության նախարար Զաքիր Հասանովն այսօր խորհրդակցություն է անցկացրել և հոխորտացել՝ փաստացի և վերջնականապես ընդունելով, որ 2016-ի ապրիլյան գործողոթյունների նախաձեռնողը ադրբեջանական կողմն է՝ ի դեմս իր և իր գերագույն հրամանատարի: Ավելին՝ նա խոստովանեց, որ իրենք այնքան էլ գոհ չեն ապրիլյանի արդյունքներից, իրենց առջև դրված խնդիրը չեն կարողացել լուծել:
«Խոսքը դիրքորոշումների լիովին սինխրոնիզացիայի մասին է: Նախկինում գոյություն ունեցած այդ մոտեցումների տարբերությունը, որն ինչ-որ տեղ դիվանագիտական անվտանգության գոտի էր հայկական կողմերի համար միջազգային հարթակներում, այսօր ոչնչացվում է: Եվ եթե Արայիկ Հարությունյանը շարունակի ընթանալ այդ ուղղությամբ, ապա կարելի կլինի ասել, որ Արցախը նաև միջազգային քաղաքական հարթակներում իր խոսքն ասելու տեսակետից կորցնում է սուբյեկտայնությունը:
Թուրքիայի քրդամետ «Ժողովուրդների դեմոկրատական» կուսակցությունից (HDP-ԺԴԿ) ընտրված հայ պատգամավոր Կարո Փայլանը Ստամբուլի Սկյուտար շրջանի Սբ․ Գրիգոր Լուսավորիչ հայկական եկեղեցու վրա կատարված հարձակման հարցը բարձրացրել է մեջլիսում (խորհրդարան)։ Փայլանը թեմայի վերաբերյալ Թուրքիայի փոխնախագահ Ֆուաթ Օքթային հասցեագրված հարցադիմում է հանձնել խորհրդարանի ղեկավարությանը։
Լավրովը հեղինակավոր, լուրջ ֆիգուր է, նա համանախագահ երկրի ներկայացուցիչ է։ Լավրովը շատ կոնֆլիկտային հարաբերություններում է եղել, նա բլեֆներ չէր անի։ Ըստ երևույթին, եղել է կոնֆլիկտ հայկական և ռուսական դիվանագիտությունների միջև, ինչո՞ւ, որովհետև հայկական դիվանագիտությունը պնդել է, որ Ռուսաստանը՝ որպես ՀԱՊԿ-ի գործընկեր, ընդհանրապես ռազմավարական դաշնակից, աջակցի բլեֆի դիվանագիտությանը, այսինքն՝ ժամերով խոսել, բայց ոչնչի շուրջ, եթե Մնացականյանը ցանկանում է, կարող է նման կերպ մտածել, սակայն Մամեդյարովն այդպես չի կարծում, և ոչ ոք այդպես չի կարծում։
