Միջազգային

Հայաստանի Հանրապետության պաշտպանության նախարարության մամուլի խոսնակ Արծրուն Հովհաննիսյանն արձագանքել է Ադրբեջանի ՊՆ խոսնակ Վագիֆ Դարգյախլիի հայտարարությանը, թե ադրբեջանական բանակի կորուստների մասին ՀՀ ՊՆ-ի հրապարակած տեսանյութերն ու նկարները իրականությանը չեն համապատասխանում:

Ստեղծված իրավիճակում տեսնում եմ նման անհրաժեշտություն, որ ԼՂ ժողովրդի անվտանգությունը երաշխավորելու համար մենք ոչ միայն պետք է մտածենք, այլ նաև շատ ակտիվ նախաձեռնողական գործողություններ իրականացնենք անվտանգությունն ընդհանուր առմամբ ամրապնդելու և, մասնավորապես, անվտանգության նոր գոտի ստեղծելու համար, որովհետև, երբ օգտագործվում են հեռահար զինատեսակներ, նաև իրականացվում են բազմաբնույթ ռազմական գործողություններ, այդ պարագայում մենք պետք է մտածենք մեր ժողովրդի անվտանգության նոր երաշխիքների մասին, և, իմ պատկերացմամբ, դա կարող է լինել մեկ հաստատուն քայլ առաջ, որպեսզի ռազմական այն նվազագույն խնդիրը, որ դրված է մեր զինված ուժերի և պաշտպանական բանակի առաջապահ ստորաբաժանումների առջև, իրականություն դառնա:

ՀՀ պաշտպանության նախարարի առաջին տեղակալ Դավիթ Տոնոյանն ապրիլի 4-ին ընդունել է Հայաստանում Կարմիր խաչի միջազգային կոմիտեի պատվիրակության ղեկավար Կարոլին Դույեզին: Հանդիպման ընթացքում Դավիթ Տոնոյանը ԿԽՄԿ-ի հայաստանյան գրասենյակի ղեկավարին մանրամասներ է ներկայացրել ղարաբաղա-ադրբեջանական հակամարտ զորքերի շփման գծում Ադրբեջանի կողմից լայնամասշտաբ ռազմական ագրեսիայի արդյունքում ստե ղծված իրավիճակի վերաբերյալ:

Ֆրանկոֆոնիայի միջազգային կազմակերպության գլխավոր քարտուղար Միկայել Ժանը խոր մտահոգություն է հայտնել Լեռնային Ղարաբաղում թշնամական գործողությունների վերսկսման առնչությամբ: Կազմակերպության տարածած հաղորդագրության մեջ շեշվում է, որ գլխավոր քարտուղար Ժանը կոչ է արել կողմերին վերսկսել խաղաղության բանակցությունները ԵԱՀԿ Մինսկի խմբի շրջ անակներում՝ հակամարտության երկարատև լուծում գտնելու նպատակով:

Ադրբեջանի կողմից վերջին օրերին Լեռնային Ղարաբաղի դեմ լայնածավալ հարձակողական գործողությունների սանձազերծումը ոչ միայն ոտնահարեց իր կողմից 1994 թ. ստորագրված հրադադարի հաստատման, 1995թ. հրադադարի ամրապնդման մասին եռակողմ համաձայնագրերը, այլև ուղեկցվում են միջազգային մարդու իրավունքների և մարդասիրական իրավունքի զանգվածային խախտումներով:

Ռուսաստանի Դաշնության արտաքին գործերի նախարար Սերգեյ Լավրովը և ԱՄՆ պետքարտուղար Ջոն Քերին հեռախոսազրույցի ընթացքում կոչ են արել Հայաստանին և Ադրբեջանին անհապաղ դադարեցնել ռազմական գործողությունները: Ինչպես հաղորդում է ՏԱՍՍ-ը, երկու երկրների արտաքին քաղաքական գերատեսչությունների ղեկավարները խորը մտահոգություն են հայտնել Լեռնային Ղարաբաղում լարվածության աճի կապակցությամբ:

«Ադրբեջանի ՊՆ այն հայտարարության մասին, որ կհարվածեն Ստեփանակերտին: Այս կապակցությամբ ՀՀ ՊՆ առաջին տեղակալ Դավիթ Տոնոյանը զգուշացրել է Ա.Կասպրշիկին»:

Հակառակորդի գնդակից բացի 12-ամյա Վաղինակից եւս մեկ երեխա է մահացել: Այս մասին գրում է «Երկիրը»՝ հղում անելով Հանրային հեռուստաընկերության: Ըստ կայքի՝ այս մասին եթերում հայտարարել է հեռուստաընկերության Արցախում գտնվող թղթակիցը:

Գերմանահայկական ֆորումի նախագահ, Գերմանիայի Բունդեսթագի քրիստոնեադեմոկրատական միության պատգամավոր Ալբերտ Վայլերը խորը մտահոգություն է հայտնել Լեռնային Ղարաբաղում ռազմական իրավիճակի սրման կապակցությամբ:

Արցախի Հանրապետության կառավարությունը հայտարարություն է տարածել, որով հայտնել է թիկունքային և ինժեներական աշխատանքները Պաշտպանության բանակի հետ համադրելու համար ստեղծված օպերատիվ շտաբի կազմը և այն բանկային հաշվեհամարները, որոնց վրա կատարված փոխանցված գումարները կօգտագործվեն այդ աշխատանքնի համար:

Ադրբեջանը դիմումներ է ուղարկել ՄԱԿ-ին և ՆԱՏՕ-ին՝ կապված Լեռնային Ղարաբաղի շփման գծում ստեղծված իրավիճակի հետ: Այս մասին RIA Novosti-ին հայտնել է Ադրբեջանի ԱԳՆ մամուլի ծառայության ղեկավար Հիքմեթ Գաջիևը:

Ապրիլի 4-ին մերձդնեստրյան կողմի նախաձեռնությամբ հեռախոսազրույց է տեղի ունեցել Լեռնային Ղարաբաղի Հանրապետության արտաքին գործերի նախարար Կարեն Միրզոյանի և Մերձդենստրի Մոլդովական Հանրապետության արտաքին գործերի նախարարի պաշտոնակատար Վիտալի Իգնատևի միջև։

Գերմանիայի արտգործնախարար, ԵԱՀԿ գործող նախագահ Ֆրանկ-Վալտեր Շտայնմայերը հաստատել է, որ ԵԱՀԿ Մինսկի խումբը Լեռնային Ղարաբաղի հակամարտության հարցով բանակցություններ կանցկացնի վաղը՝ Վիեննայում, հայտնում է RIA Novosti-ն:

ԵԱՀԿ շրջանակներում շարունակվում են Լեռնային Ղարաբաղի հակամարտության գոտում լարվածության թուլացմանն ուղղված դիվանագիտական ջանքերը: ԵԱՀԿ մամուլի ծառայության աշխատակից Շիվ Շարման տեղեկացրել է, որ ապրիլի 5-ի երեկոյան Լեռնային Ղարաբաղի հակամարտության գոտում իրավիճակի սրման առնչությամբ տեղի կունենա ԵԱՀԿ Մշտական խորհրդի նիստ: Մինչ այդ, ապրիլի 4-ին Վիեննայում տեղի կունենա ԵԱՀԿ Մինսկի խմբի համանախագահների հանդիպումը, որին կհաջորդի Մինսկի խմբի ընդլայնված կազմով հանդիպումը:

ԵԱՀԿ մասնակից երկրներից մեկը՝ Թուրքիան, որը հաճախ հիշեցնում է իր` Մինսկի խմբի անդամակցության մասին, հանդես է գալիս տարածաշրջանում մեծ պատերազմ հրահրելու դիրքերից և բացահայտ քաջալերում է ադրբեջանական ղեկավարության արկածախնդիր քաղաքականությունը: Ադրբեջանը պարծենում է իր իբրև թե արձանագրված հաղթանակով, իսկ Թուրքիան՝ շնորհավորում է նրան դրանում:

ՀՀ Նախագահի հատուկ հանձնարարություններով դեսպան Արկադի Ղուկասյանը ուշադիր հետևում է արցախյան ճակատում տեղի ունեցող ռազմական գործողությունների ընթացքին և դրանց շուրջ ծավալվող քաղաքական զարգացումներին: Նա մշտական կապի մեջ է ԼՂՀ նախագահ Բակո Սահակյանի հետ: Այս մասինտեղեկացրին Արկադի Ղուկասյանի գրասենյակից:

«Այսօր այս ամենի նախաձեռնողը Բաքուն է, ուրեմն պետք է բանակցել Բաքվի հետ, այսինքն` առաջին շփումը պետք է Բաքվի հետ լինի, եթե այն լինի հաջողակ, ապա կարելի է Երևանի հետ ևս խոսել»:

Վրաստանի խորհրդարանի խոսնակ Դավիդ Ուսուպաշվիլին անհանգստություն է հայտնել Լեռնային Ղարաբաղում հակամարտության սրման առնչությամբ ու հույս է հայտնել, որ Հայաստանի և Ադրբեջանի նախագահները խելամիտ կգտնվեն, տեղեկացնում է RIA Novosti-ն:

ՄԱԿ-ի գլխավոր քարտուղար Պան Գի Մունը Բաքվում Ադրբեջանի նախագահ Իլհամ Ալիևի հետ հանդիպմանը կքննարկի Լեռնային Ղարաբաղի հակամարտության հարցը:

«Զվարճալի է: Հենց գրեցի, որ վաղվա եթերի համար տեղեկություն եմ հավաքում Ղարաբաղում տեղի ունեցող իրադարձությունների մասին, ադրբեջանական կայքերում հիստերիկա սկսվեց»,- գրել է Սոլովյովը:

Հայաստանի և Ադրբեջանի ղեկավարները պետք է հասկանան իրենց պատասխանատվությունը Լեռնային Ղարաբաղում էսկալացիա թույլ չտալու գործում: Այդ մասին, ինչպես հայտնում է TASS-ը, լրագրողների հետ զրույցում հայտարարել է ՌԴ Դաշնության խորհրդի նախագահ Վալենտինա Մատվիենկոն:

Նվազագույնը 33 մարդ է զոհվել և ավելի քան 200-ն ստացել են վնասվածքներ անցած հանգստյան օրերին Լեռնային Ղարաբաղում տեղի ունեցած բախումների հետևանքով:

Տեղեկատվական անվտանգության փորձագետ Սամվել Մարտիրոսյանը Facebook-ի իր էջում հերթական գրառումն է կատարել Լեռնային Ղարաբաղում տեղի ունեցող ռազմական իրադարձությունների մասին ու հայտնել, թե Գլխավոր շտաբում ունեցած իր տեղեկությունների համաձայն՝ ադրբեջանական բանակը մի քանի ուղղություններով կիրառում է արգելափակող ստորաբաժանումներ, որպեսզի իր զորքերի նահանջը թույլ չտա:

Ներկա պատերազմական գործողությունների, ինչպես նաև դրա հետևանքների պատասխանատվությունը Ռուսաստանինն է, եթե անգամ հրահրողը Թուրքիան լինի: Ռուսաստանը տարածաշրջանը հայտարարարել է իր հետաքրքրությունների և ազդեցության գոտի. և եթե ինքն իրեն այնպիսի տերություն է երևակայում, որին արտոնվում է ադեցության գոտիներ ունենալ, ուրեմն իր ազդեցության չափով էլ կրում է այդ գոտիներում պատասխանատվությունը:

Ապրիլի 2-ի երեկոյան Ադրբեջանի նախագահի ղեկավարությամբ անցկացված անվտանգության նիստի ընթացքում երկրի պաշտպանության նախարար, գեներալ-գնդապետ Զաքիր Հասանովը խոստովանում է, որ իրենք են սկսել ռազմական գործողությունները` բերելով մեղմ ասած անիմաստ «հիմնավորումներ»:

Գերմանիայի արտգործնախարար Ֆրանկ-Վալտեր Շտայնմայերը պլանավորում է այսօր հեռախոսազրույց ունենալ իր ռուս գործընկերոջ՝ Սերգեյ Լավրովի հետ՝ կապված Լեռնային Ղարաբաղում ստեղծված իրավիճակի հետ:

Լեռնային Ղարաբաղի հակամարտությունն ավելորդ հիշեցում է դարձել Եվրոպայում անկայունության մասին, գրում է The Guardian-ը:

Մասնավորապես, բոլոր միջազգային և տարածաշրջանային կազմակերպությունները և առանձին պետությունները հակամարտության կողմերին տարբեր ձևակերպումներով կոչ են անում դրսևորել զսպվածություն, դադարեցնել ռազմական գործողությունները, զերծ մնալ իրադրությունը լարելու քայլերից և այլն:

ՀՀ պաշտպանության նախարարությունը մեծապես կարևորում է միջազգային հանրության արձագանքը և հակամարտության կողմերին ուղղված կոչերը: ՀՀ պաշտպանության նախարարությունն ընդգծում է, որ Հայաստանի Հանրապետությունը հանդիսանում է Լեռնային Ղարաբաղի ժողովրդի անվտանգության երաշխավորը:

Ապրիլի 5-ին Վիեննայում Մինսկի խմբի կոնսուլտացիաներ կանցկացվեն Լեռնային Ղարաբաղի իրադրության սրվելու կապակցությամբ: Այդ մասին ապրիլի 4-ին հայտնել Է Ֆրանսիայի ԱԳ նախարարության պաշտոնական ներկայացուցիչ Ռոմեն Նադալը:

ԼՂՀ պաշտպանության նախարարությունը հերքում է պաշտոնական Բաքվի հրապարակած տեղեկատվությունն այն մասին, թե, իբր, շփման գծում հրամանատարաշտաբային խումբ է ոչնչացել, որի մեջ եղել են գեներալներ, գնդապետն