Թուրքիան չի ընդունում Հայոց ցեղասպանության մեղադրանքները. Էրդողան
Թուրքիայի նախագահ Ռեջեփ Թայիփ Էրդողանը մեկնաբանել է Իսրայելի կողմից Հայոց ցեղասպանության ճանաչման հանգամանքը։
Նա Հայոց ցեղասպանության մասին հայտարարությունները անվանել է «զրպարտություն»՝ նշելով, որ Թուրքիան չի ընդունում նման մեղադրանքներ այն կողմերից, որոնց «ձեռքերը ներկված են Գազայում տեղի ունեցող իրադարձությունների արյամբ»։
Էրդողանը նաև պնդել է, որ Թուրքիայի պատմությունը «չի ճանաչում ցեղասպանություն, զանգվածային սպանություններ, ճնշումներ կամ գաղութատիրություն»։
