Բելգիայի արտաքին գործերի նախարար Դիդիե Ռեյնդերսը խստորեն դատապարտում է Լեռնային Ղարաբաղի հակամարտության գոտում բռնությունների աճը:
Վրաց քաղաքական և հասարական գործիչները լրջորեն անհանգստացած են ղարաբաղա-ադրբեջանական շփման գծում իրավիճակի կտրուկ սրմամբ: Վրաստանի Խորհրդարանի փոխնախագահ Մանանա Կոբախիձեն շեշտել է, որ Հայաստանն ու Ադրբեջանը Վրաստանի համար շատ կարևոր երկրներ են:
Եվրոպական խորհրդարանի նախագահ Մարտին Շուլցն իր մտահոգությունն է հայտնել Լեռնային Ղարաբաղի հակամարտության գոտում լարվածության աճի առնչությամբ և հակամարտության կողմերին կոչ արել վերադառնալ խաղաղ բանակցությունների:
Ապրիլի 3-ին Ադրբեջանի Թարթառի շրջանում թաղվելուց և նկարները տարածվելուց հետո միայն հայտնի դարձել ապրիլի 2-ին արցախյան ճակատում սպանված Ադրբեջանի ԶՈւ ևս մեկ զինծառայողի`Նիջաթ Էսգենդերովի (İsgəndərov Nicat Bəhruz oğlu) ինքնությունը: Սպանվածը Ադրբեջանի ԶՈւ պայմանագրային զինծառայող էր` զորակոչված Թարթառի զինկոմիսարիատից:
Ռուսաստանի ԱԻՆ Կենտրոնական կառավարման մամուլի ծառայությունից հաղորդագրություն է ստացվել, որ Մոսկվայի կենտրոնում ՌԴ պաշտպանության նախարարության շենքում հրդեհ է բռնկվել: Այդ մասին գրել է «Ինտերֆաքս»-ը:
Բացահայտ է, որ դուք, Թուրքիայում նախագահական համակարգին ի նպաստ սահմանադրական փոփոխությունների հասնելու ցինիկ հաշիվներով, դավաճանելով մահմեդականներին եւ իսլամական արժեքները, ծառայում եք թուրք ազգայնամոլական, կայսերապաշտական, երիտթուրքական ծրագրերին:
Ինչպես հաղորդում է ԱՊԱ-ն, ապրիլի 2-ին, ժամը 23.07-ին Ադրբեջանի Ուջարի շրջանում ստորերկրյա ցնցումներ են տղի ունեցել։ Այն արձանագրվել է Զարդաբի կայարանից 22 կմ դեպի հյուսիս-արեւմուտք։
ԵԱՀԿ գործող նախագահ, Գերմանիայի արտաքին գործերի նախարար Ֆրանկ-Վալտեր Շտայնմայերը շարունակել է ջանքեր գործադրել Լեռնային Ղարաբաղի հակամարտության գոտում լարվածության թուլացման ուղղությամբ:
Գերմանիայի կանցլեր Անգելա Մերկելի և ՀՀ Նախագահ Սերժ Սարգսյանի հանդիպումը նախատեսված է ապրիլի 5-ին Բեռլինում:
ԵԱՀԿ խորհրդարանական վեհաժողովի նախագահ Իլկա Կաներվան և խորհրդարանական վեհաժողովի հատուկ ներկայացուցիչը Հարավային Կովկասի հարցերով Քրիստիան Վիգենին անհանգստացած են Լեռնային Ղարաբաղում բախումների մասին հաղորդագրություններից և պահանջում են դադարեցնել կրակը:
Ադրբեջանի ՊՆ-ն հայտարարել է, որ Ադրբեջանի զինված ուժերը որոշել են դադարեցնել կրակը: Այս մասին տեղեկացնում է Haqqin.az-ը: Ուշագրավ է, որ, ըստ կայքի՝ այս որոշումը Ադրբեջանի ՊՆ-ն կայացրել է՝ հետևելով միջազգային կառույցների կոչերին:
Եվրոպայի խորհրդարանական վեհաժողովի նախագահ Պեդրո Ագրամունտը գրառում է կատարել Twitter-ի իր միկրոբլոգում՝ Լեռնային Ղարաբաղի հակամարտության կողմերին կոչ անելով պահպանել զինադադարն ու վերսկսել բանակցությունները:
ՀԱՊԿ գլխավոր քարտուղար Նիկոլայ Բորդյուժան հեռախոսազրույց է ունեցել Հայաստանի արտգործնախարար Էդվարդ Նալբանդյանի և ՀՀ պաշտպանության նախարար Սեյրան Օհանյանի հետ, որի ընթացքում քննարկել է Լեռնային Ղարաբաղի զինված հակամարտության իրավիճակի զարգացման դինամիկան, հայտնում է Gazeta.ru-ն:
Աշխարհահռչակ ռոք երաժիշտ, հայազգի Սերժ Թանկյանն անդրադարձել է ղարաբաղա-ադրբեջանական հակամարտ ուժերի շփման գծում ծավալված մարտական գործողություններին, որոնք սանձազերծել է Ադրբեջանը: Ֆեյսբուքյան իր էջում նա գրել է. «Կարծես Լեռնային Ղարաբաղի հակամարտության կարգավորման ջանքերի վերաբերյալ երեք զարգացում կար այս շաբաթվա ընթացքում, որոնք հնարավոր է բացատրում են Լեռնային Ղարաբաղի և Ադրբեջանի շփման գծում մարտական գործողությունների ծավալումը»:
Նա, սակայն, չի բացառում անհայտ ծագման զինյալների հայտնվելու իրողությունը առաջնագծում, բայց դա, ըստ նրա՝ ոչ թե ԻՊ զինյալները կարող են լինել, այլ Թուրքիայի կողմից հովանավորվող այլ ծայրահեղականներ. «Որոնք ժամանակին գործում էին Իրաքում, այսօր՝ Սիրիայում, և հնարավոր է, որ այս ճակատ տեղափոխեն: Նաև չեմ բացառում, որ անշուշտ կարող է լինել նման հավանականություն, որովհետև վերջին երկու օրվա ընթացքում նաև ակտիվացել են Թուրքիայի կողմից հովանավորվող զինյալները, տարբեր հակակառավարական կառույցներ՝ նաև Սիրիայի տարածքում, այսինքն՝ Թուրքիան ակտիվացնում է իր հովանավորած ծայրահեղական կառույցներին՝ բոլոր հնարավոր ճակատներում»:
«Այդ հարձակումը Ադրբեջանի նախագահ Իլհամ Ալիևի` Վաշինգտոնում ԱՄՆ փոխնախագահ Ջո Բայդենի և պետքարտուղար Ջոն Քերրի հետ հանդիպումներից անմիջապես ժամեր հետո է տեղի ունեցել, ինչը ցույց է տալիս, որ ԱՄՆ քաղաքականությունն ու Մինսկի խմբի ձևաչափը չեն գործում»,- ասված է Ադամ Շիֆի հայտարարությունում:
Լիտվայի արտգործնախարար Լինաս Լինկյավիչուսը Twitter-ի իր միկրոբլոգում, անդրադառնալով Լեռնային Ղարաբաղի շուրջ ծավալվող վերջին իրադարձություններին, հետևյալ բովանդակությամբ գրառում է կատարել:
«Սիրելիներս, մեր բոլորի մտքերը Ադրբեջանի կողմից հարձակման ենթարկված Լեռնային Ղարաբաղի մեր հայ ընկերների հետ են: Եվս մեկ անգամ քրիստոնյաները ենթարկվում են հարձակման: Լիակատար աջակցություն ենք հայտնում Լեռնային Ղարաբաղի ժողովրդին»,-
Բելառուսի նախագահ Ալեքսանդր Լուկաշենկոյի հանձնարարությամբ այդ երկրի պաշտպանության և արտաքին գործերի նախարարներն իրենց հայ և ադրբեջանցի գործընկերների հետ քննարկում են Լեռնային Ղարաբաղում ստեղծված իրավիճակը: Այս մասին հաղորդում է Բելառուսի նախագահի մամուլի ծառայությունը:
Այս պահին Արցախ են մեկնում Արտաշատի ՍԴՀԿ «Ժիրայր-Մուրադ» մասնաճյուղի ազատամարտիկները՝ հրամանատար Խաչիկ Սարգսյանի գլխավորությամբ: Երկրապահ Կամավորական Միության տարբեր մասնաճյուղերի հետ Արցախ են մեկնել ազատամարտի մասնակից Մեծն Մուրադ ջոկատի մարտիկները՝ հրամանատար Ռազմիկ Մատարյանի գլխավորությամբ:
«Մենք Թարթառից կարողացանք դուրս գալ ժամը 10-ին: Փոխադարձ գնդակոծությունները շարունակվել են մեր դուրս գալուց հետո եւս: Տներին դիպչած գնդակներից վիրավորներ չեն եղել, բայց տներին վնաս է հասցվել», -ասել է նա:
Մեծ Բրիտանիայի Եվրոպայի հարցերով նախարար Դևիդ Լիդինգտոնը հորդորել է կողմերին դադարեցնել մարտերը Լեռնային Ղարաբաղում: Այս մասին հայտարարություն է տեղադրվել Մեծ Բրիտանիայի կառավարության կայքում:
ԱՄՆ Ներկայացուցիչների պալատի անդամ, դեմոկրատ Ֆրենկ Փալոունը կոչ է արել Ադրբեջանին պատասխանատվության ենթարկել սանձազերծած հարձակումների համար:
Էստոնիան մտահոգ է Լեռնային Ղարաբաղի հակամարտության գոտում վերջին իրադարձությունների էսկալացիայից: Այս մասին Twitter-ի իր միկրոբլոգում գրել է Էստոնիայի արտաքին գործերի նախարար Մարինա Կալյուրանդը:
Բաքվի ավանտյուրայի մեկնարկը տրվել է Ալիևի կողմից Վաշիգտոնում: «ԱրմԻնֆո» գործակալության հետ զրույցում նման կարծիք է հայտնել Թել Ավիվում ԱՊՀ և Արևելյան Եվրոպայի երկրների ինստիտուտի տնօրեն Ալեքսանդր Ցինկերը:
Ռուսաստանի Դաշնությունում Ադրբեջանի դեսպան Փոլադ Բյուբյուլ-օղլին ռուսական Дождь հեռուստաընկերությանը տված հարցազրույցում պաշտոնապես խոստովանել է, որ Բաքուն է նախահարձակ եղել և ռազմական գործողություններ սկսել Լեռնային Ղարաբաղի դեմ «չկարգավորված տարածքային հակամարտության» պատճառով, հայտնում է novostink.ru-ն:
Հայաստանն ու Ադրբեջանը պետք է անհապաղ խաղաղություն հաստատեն Ղարաբաղյան հակամարտության գոտում:
Ֆրանսիայի նախագահ Ֆրանսուա Օլանդը, անդրադառնալով Լեռնային Ղարաբաղի սահմանի ողջ երկայնքով ծավալված գործողություններին, իր խորը մտահոգությունն է հայտնել Արցախում տեղի ունեցող միջադեպերի կապակցությամբ:
Իրանն անհանգստացած է Լեռնային Ղարաբաղի հակամարտության գոտում ստեղծված իրավիճակից և զսպվածության կոչ է անում Հայաստանին և Ադրբեջանին, հայտնում է իրանական IRNA գործակալությունը:
«Այս բախումը պետք է դադարեցվի: Լեռնային Ղարաբաղի խնդիրը երկար տարիներ, մինչ այժմ, խլել է շատ մարդկային կյանքեր: Մենք կոչ ենք անում բոլոր կողմերին անմիջապես դադարեցնել կրակը եւ ցուցաբերել առավելագույն զսպվածություն՝ խուսափելով հետագա լարվածությունից»:
